شينجياڭ گازەتىنىڭ جالپىلىق اقپارات قۇرالدارى ءتىلشىسى گى يوۋجۇن، ەرىكتى ءتىلشى سۇڭ حۋامين
4 - ايدىڭ 28 - كۇنى تاڭەرتەڭ، سانجى قالاسى يۇيشۋگوۋ قالاشىعى مال شارۋاشىلىق قىستاعىنىڭ تۇرعىنى ءبيجاننىڭ ۇيىنەن ەسىك قاققان داۋىس ەستىلدى، كەلگەندەر تالايدان بەرى ونىڭ ۇيىنەن زات ساتىپ الاتىن سانجى قالاسىنداعى الارماندار ەكەن.
ءبيجان مەن ايەلى ءشاري الارماندارعا كومەكتەسىپ، ءاپ - ساتتە 100 كيلوگرام قۇرت پەن سارى مايدى اۆتوكولىكتەرىنە تيەپ بەردى. وسى كەزدە ءبيجاننىڭ ۇيىنە جاڭا ءسۇت اكەلگەن قىستاق تۇرعىنى قالىس: ”كوكتەمنەن بەرى ءبيجان اعايدىڭ ۇيىنەن الارمانداردىڭ اياعى ۇزىلمەدى“ دەدى.
ايتسە دە 2 جىلدىڭ الدىندا ءبيجان وتباسىنىڭ تۇرمىسى مۇنداي ەمەس ەدى. ول كەزدە ونىڭ ءۇيى بىرنەشە ساۋىن سيىر باعاتىن، ەرلى - زايىپتى ەكەۋىنىڭ ازىن - اۋلاق ءسۇت ساتۋىمەن ءبىر ۇيدەگى 3 جاندى اسىرايتىن، ءۇپى - ءتاپى كۇن كورەتىن.
2018 - جىلدىڭ باس شەنىندە بيجانمەن جۇپ قۇراعان تۋىسى، سانجى مەملەكەتتىك جوعارى، جاڭا تەحنيكا كاسىبىن اشۋ رايونىنىڭ كادرى چىن ياڭ ونىڭ ۇيىنە امانداسا كەلىپ، ءبيجان مەن ايەلىنىڭ تەك ازىن - اۋلاق ءسۇت ساتىپ كۇنەلتەتىنىنەن حابار تاپقاننان كەيىن، ول ءبيجان وتباسىنىڭ ءسۇت ونىمدەرىن مانەرلەۋدى دامىتۋىنا كومەكتەسۋگە بەل بايلادى.
وسىدان كەيىن چىن ياڭ قىزمەتتەن سىرتقى ۋاقىتىندا ءبيجاننىڭ ۇيىنە كەلىپ، ولارعا ساپانى كۋالاندىرۋ، ازىق - تۇلىك تازالىعى، ماركانى تىركەۋگە الدىرۋ سياقتى ساياسات، زاڭ ەرەجەلەردى ءتۇسىندىرىپ، ولاردى وزدەرىنىڭ تازا ءسۇت ونىمدەرىن مانەرلەۋ دۇكەنىن اشۋعا شابىتتاندىردى. سونىمەن بىرگە، چىن ياڭ سانجى مەملەكەتتىك جوعارى، جاڭا تەحنيكا كاسىبىن اشۋ رايونىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتىمەن ۇشتاسىپ، ەلەكتر قۋاتى تاراۋلارىمەن حابارلاسىپ، ءبيجان وتباسىنىڭ ءسۇت ونىمدەرىن مانەرلەۋ ۇيىنە ءۇش فازالى ەلەكتر كوزىن ورناتىپ بەردى.
”بۇل جەردەگى مالشىلاردىڭ بارلىعى ءسۇت ونىمدەرىن جاساي الادى، ايتسە دە جاقسى ساتۋ جولىن تابۋ ءۇشىن، ءسوزسىز، ەرەكشە، سۇرىپتى بولۋعا كۇش سالۋ كەرەك“. چىن ياڭ ءبيجان مەن ونىڭ ايەلىنە اقىل ايتىپ قانا قالماستان، ولاردىڭ ۇيىنە كەلگەن سايىن جۇمىس كيىمىن كيىپ، مانەرلەۋ ۇيىنە كىرىپ، كومەكتەسىپ بىرگە جۇمىس ىستەيدى. مەتال پىشاقتارمەن كەسكەندە بوگدە ءيىس پايدا بولۋىنان ساقتانۋ ءۇشىن، چىن ياڭ ارناۋلى فارفور پىشاق اكەلدى. ءاربىر مانەرلەۋ باسقىشىن جىنتىكتەي جۇرگىزۋ ارقىلى ءبيجان وتباسىنىڭ قۇرتىنىڭ ءدامى ءتىل ءۇيىرىپ، الارماندار ايرىقشا ۇناتتى.
چىن ياڭنىڭ جەتەكتەۋىندە، ءبيجان مەن ونىڭ ايەلىنىڭ سەنىمى ىستەگەن سايىن كۇشەيدى. 2019 - جىلى چىن ياڭ تەمىردى قىزۋىندا سوعىپ، ءبيجاندى ءناسيحاتتاپ سيىرىن ساتقىزىپ، بۇكىلدەي اۆتوماتتى قۋىرۋ ماشيناسى، قايناتۋ، ارالاستىرۋ قازانى جانە توك دوحوپكا سياقتى جابدىقتاردى ساتىپ الدى، قىستاقتان جاڭا ءسۇت ساتىپ الا باستادى ءارى ءسۇت قۇرامىنا تالداۋ جاساۋ اسپابىنان پايدالانىپ، ءسۇتتىڭ باستى ساپا كورسەتكىشىن تەكسەرىپ، ولشەپ، الارماندار الاڭسىز تۇتىناتىن ءسۇت ونىمدەرىن ءوندىردى. وسىدان باستاپ ءبيجان مەن ونىڭ ايەلى ءسۇت ونىمدەرىن ارناۋلى مانەرلەۋ جولىنا بىرتىندەپ ءتۇستى ءارى قىستاقتاعى سۇتتەردىڭ تۇراقتى ساتىلۋ جولىن اشتى.
چىن ياڭ ىرىقتىلىقپەن ەرىكتى ساتۋشى بولىپ، كاسىپورىندارعا، ورگان اسحانالارىنا، شاعىن اۋماقتارعا بارىپ، ساتىلۋ جولىن قاراستىردى ءارى ۋيچات دوستار شەڭبەرىندە كومەكتەسىپ ساتتى. ءبيجان وتباسى وندىرگەن ءسۇت ونىمدەرى ءۇرىمجى، سانجى، تارباعاتاي، قارامايلى سياقتى جەرلەرگە ساتىلادى.
بۇرىن ساۋىن سيىر باققاندا ءبيجان وتباسىنىڭ جىلدىق كىرىسى 20 مىڭ يۋانعا جەتپەيتىن، ءبىر ءۇيلى جان توتەنشە جۇپىنى تۇرمىس كەشىرەتىن. قازىر ءبيجاننىڭ ۇيىنە بارساڭىز، 4 بولمەلى كەرپىش ءۇيى كەڭ دە جارىق، تەلەۆيزور، مۇزداتقىش، كىرجۋعىش سياقتىلاردىڭ ءبارى تولىق، اۋلادا ءبيجان بىلتىر ساتىپ العان شاعىن اۆتوكولىك تە تۇر.
ءوندىرىس كولەمىنىڭ بىرتىندەپ كەڭەيۋىنە بايلانىستى، ءبيجان مەن ونىڭ ايەلى قاربالاستىقتان جەتىسە الماي، قىستاقتاعى كورشى - قولاڭدارىن جۇمىستاندىرىپ، بىرگە بايىدى. ءبيجان وتباسىنىڭ ءسۇت ونىمدەرىن مانەرلەۋ ۇيىندە جۇمىس ىستەپ جۇرگەن ەرعالي قاينوللا: بۇل ارادا مەن ايىنا 3000 نەشە يۋان ەڭبەكاقى الىپ قالماستان، ونىڭ ۇستىنە ءسۇت ونىمدەرىن مانەرلەۋ تەحنيكاسىن ۇيرەنۋدەمىن“، - دەدى.
ەڭبەكتەنىپ تۇرمىسىن جاقسارتتى، بالداي ءتاتتى تۇرمىسقا كەنەلدى. ءبيجان تەبىرەنە تىلشىگە: ”وتباسىمىز جاقسى ساياساتتان يگىلىكتەنىپ، جاقسى تۋىسقا كەزىكتى، بيىل مەن قۇلشىنا ىستەپ، تۇرمىسىمدى كۇننەن - كۇنگە جاقسارتامىن“، - دەدى.
