شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇڭفي 5 - ايدىڭ 2 - كۇنى ۇرىمجىدەن حابارلايدى. جۇڭگو اۋىل شارۋاشىلىعىن وركەندەتۋ بانكەسى شينجياڭ بولىمشە بانكەسىنەن ۇعىسۋىمىزشا، 4 - ايدىڭ 26 - كۇنىنە دەيىن، اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى قالپاعى الىنباعان 10 كەدەي اۋدانعا ءبىر ميلليارد 48 ميلليون يۋان كەدەيلەردى سۇيەمەلدەۋ قارىز اقشاسىن تاراتقان، بۇل سايكەس مەزگىلدەگىدەن ％306.2 ارتىپ، قالپاعى الىنباعان 10 كەدەي اۋداندى قارىز اقشا تاراتۋمەن جاپپاي قامتۋ جۇزەگە اسىرىلعان.
بيىل جىل باسىنان بەرى، اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى قالپاعى الىنباعان 10 كەدەي اۋدانداعى اۋداندىق تارماق بانكەلەردىڭ جاۋاپكەرشىلىكتى تياناقتاندىرۋ جاعدايىن، ساياساتتى تياناقتاندىرۋ جاعدايىن جانە قىزمەتتى تياناقتاندىرۋ جاعدايىن قاتاڭ قاداعالاپ، نىسانا، مىندەت بويىنشا شايقاستى باسى - قاسىندا قاداعالاۋدى جاپپاي جۇرگىزدى، سونداي - اق اۆتونوميالى رايوندىق بولىمشە بانكە باس جاۋاپكەرشىلىك ارقالاۋ، 2 - دارەجەلى بولىمشە بانكەلەر مەن اۋدان دارەجەلى تارماق بانكەلەر تياناقتاندىرۋدى يگەرۋدەي شايقاستى قاداعالاۋ، باسقارۋ مەحانيزمىن ورناتىپ، كەدەيلىكتەن ارىلتۋدان قامال الۋدىڭ بىرىككەن كۇشىن قالىپتاستىردى. 4 - ايدىڭ 23 - كۇنىنە دەيىن، قالپاعى الىنباعان 10 كەدەي اۋدان كەدەيلەردى سۇيەمەلدەۋگە قاتىستى جوسپارلاۋ - ساتۋ، قور جيناۋ بويىنشا كەدەيلەردى سۇيەمەلدەۋ نىسانىنان 123ىن ورىندادى. ۇعىسۋعا قاراعاندا، بيىل اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى قالپاعى الىنباعان 10 كەدەي اۋدانعا 5 ميلليارد يۋان كەدەيلەردى سۇيەمەلدەۋ قارىز اقشاسىن تاراتۋعا كۇش سالادى.
اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى كاسىپ سالاسى ارقىلى كەدەيلەردى سۇيەمەلدەۋدى اناعۇرلىم كورنەكتى ورىنعا قويىپ، 10 كەدەي اۋداندى كاسىپ سالاسى ارقىلى سۇيەمەلدەۋ جوباسىنا ساي، ءارقايسى اۋدانداردىڭ بايلىق قۋاتى مەن بازار سۇرانىسىن تياناق ەتىپ، اۋلا شارۋاشىلىعى سياقتى كاسىپ سالاسى ارقىلى كەدەيلەردى سۇيەمەلدەۋدە وتباسىلارىنا دەيىن دالمە - ءدال قىزمەت وتەۋ ۇلگىسى جونىندە ىزدەنىس جاساپ، ”ۇكىمەت جەتەكتەۋ + باستاماشى كاسىپورىن + سەلبەستىك كووپەراتيۆى + قىستاقتا تۇرعان قىزمەت اترەتى + كەدەي وتباسى“ سياقتى قارجى قۇراۋ ۇلگىسىن جاسامپازدىقپەن العا قويىپ، كەدەيلەردى سۇيەمەلدەۋ قارىز اقشا قاتەرى تولەم قاراجاتى سياقتى جەرگىلىكتى ۇكىمەتتىڭ سەنىمىن ارتتىرۋ مەحانيزمىن ورناتۋدى جەبەدى. بيىل جىل باسىنان بەرى، اۋىل شارۋاشىلىعىن وركەندەتۋ بانكەسىنىڭ شينجياڭ بولىمشە بانكەسى امانات - قارىز قارجىسىن سويىس قوي كاسىپ سالاسى باقشاسى قۇرىلىسى، ۇلتتىق ەرەكشە ازىق - تۇلىكتەردى ءوندىرۋ، جەم - ءشوپ شيكىزاتى سياقتى كوپ ءتۇرلى سالاعا ءتۇيىندى تۇردە قوسىپ، ەرەكشە ەگىمشىلىك - باعىمشىلىقتى، ەرەكشە مانەرلەۋدى جانە اۋىل - قىستاق ساياحاتىن جەدەل دامىتىپ، جەرگىلىكتى ورىنداعى كەدەيلەردى سۇيەمەلدەۋ كاسىپ سالاسىنىڭ باياندى دامۋىن ءونىمدى جەبەدى.
بيىل جۇڭگو اۋىل شارۋاشىلىعىن وركەندەتۋ بانكەسى ”ءۇش رايون، ءۇش وبلىسقا“ قاراتىلعان 38 ءتۇرلى ەرەكشە ءتيىمدى ساياسات نەگىزىندە، كەدەيلەردى سۇيەمەلدەۋ وتكەلىنەن ءوتۋ قارىز اقشا ونىمدەرىنەن ويداعىداي پايدالانۋ، كەدەيلەردى سۇيەمەلدەۋگە جاتپايتىن قارىز اقشا جونىندە ءتيىمدى ءوسىم اتقارۋ، كەدەيلەردى سۇيەمەلدەۋ قارىز اقشاسى كەپىلدىك قورى جانە حاۋىپ - قاتەر تولەم قورى، قارىز اقشا الۋ بارىسىن قاراپايىمداستىرۋ، قارىز اقشا الۋ قارقىنىن جەدەلدەتۋ سياقتى 10 ءتۇرلى ءتيىمدى ساياسات شىعارىپ، ادام كۇشى، قازىنا، زات سياقتى بايلىقتىڭ اۋىر كەدەي وڭىرلەرگە قاراي بەيىمدەلۋىن كۇش سالا جەبەدى، سونداي - اق قالپاعى الىنباعان 10 كەدەي اۋدانعا قارىز اقشانى تەز ءبىتىرۋ ارناسىن اشىپ، ”ەرەكشە جۇمىستى ەرەكشە ءبىتىردى، شۇعىل جۇمىستى شۇعىل ءبىتىردى“.
