تيانشان تورى   ›   جاڭالىقتار   ›   شينجياڭ حابارلارى

زەردەلىلەندىرۋ جەدەل ىلگەرىلەپ، جاڭا ەكونوميكا جاڭا قوزعاۋشى قۋاتتى قاۋلاتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ 5 - ايدىڭ 2 - كۇنى ۇرىمجىدەن حابارلايدى. ”سالەمەتسىز بە، باتىس سولتۇستىك مۇناي قوناق ۇيىنە كەلگەنىڭىزدى قارسى الامىز...“، 4 - ايدىڭ 30 - كۇنى باتىس سولتۇستىك مۇناي قوناق ءۇيىنىڭ زالىندا، قوناق قارسى الۋشى قۇلتەمىر قوناق ۇيگە كەلگەن قوناقتارعا ىقىلاسپەن ءجون سىلتەپ، جول كورسەتتى. كاسىپكە قانىق وسى ”قىزمەت كورسەتۋشىلەر“ ۇرىمجىدەگى جۇلدىز دارەجەلى قوناق ۇيگە ەنگىزىلگەن العاشقى توپتاعى قۇلتەمىرلەر.

  باتىس سولتۇستىك مۇناي قوناق ءۇيى قوناقتارعا قىزمەت وتەۋ ءبولىمىنىڭ ديرەكتورى جاۋ حۇي بىلاي دەدى: قوناق ۇيدە قازىر قوناق بولمەسىنە قىزمەت ەتەتىن جانە تاماق جەتكىزەتىن ەكى ءتۇرلى قۇلتەمىر بار، عيماراتتى دەزينفەكسيالاۋ، تىكە بارماي تۇرىپ - اق زات ساتىپ الۋ، قوناق ۇيدە تاماق جەتكىزۋ قىزمەت وتەۋى سياقتى يقۋاتتارى بار.

  جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالى الدىندا، رايونىمىزدىڭ جەر - جەرى، ءارقايسى كاسىپورىندار قيىندىقتان تايسالماي العا ۇمتىلىپ، وزگەرىس ارقىلى دامۋعا ۇمتىلىپ، جاڭالىق اشۋ بارىسىندا ونىمدىلىككە قول جەتكىزىپ، جاڭا تەحنيكا، جاڭا جوسپارلاۋ - ساتۋ تاسىلدەرىن جۇرەكتىلىكپەن قولدانىپ، زەردەلى زات اينالىمى، زەردەلى قۇلتەمىر، زەردەلى ەمدەۋ بۇرىن بولماعان قارقىنمەن پايدالانىلىپ، جاڭا قوزعاۋشى قۋاتتى قاۋلاتتى.

  4 - ايدىڭ 22 - كۇنى سانجى حۇيزۋ اۆتونوميالى وبلىستىق حالىق ۇكىمەتى مەن جۇڭگو جىلجىمالى حابارلاسۋ شينجياڭ سەرىكتەستىگى ”5G + زەردەلى سانجى“ جالپى بەتتىك ستراتەگيالىق سەلبەستىك كەلىسىمىنە قول قويىستى، ەكى جاق ”5G + زەردەلى سانجى“ قۇرىلىسىن قول ۇستاسا ىلگەرىلەتىپ، 5G تەحنيكاسىن سان - سالالى كاسىپپەن توعىستىرىپ، جۇرتشىلىققا قىزمەت وتەپ، ونى قوعامدىق ينفورماتسيا اينالىمىنىڭ نەگىزگى كۇرە تامىرىنا، كاسىپ سالاسىنىڭ تۇرلەنىپ، دارەجەسى ءوسۋىنىڭ ۇدەتكىشىنە اينالدىراتىن بولادى.

  بۇكىل ەل بويىنشا العاشقى توپتا ونەركاسىپ ينتەرنەت نىسانى قۇرىلىسىن ورىستەتكەن كاسىپورىن رەتىندە، تاياۋدا شينتى ەنەرگيا جارنا شەكتى سەرىكتەستىگى مەن جۇڭگو بىرلەسپە حابارلاسۋ شينجياڭ بولىمشە سەرىكتەستىگى ”5G + ونەركاسىپ ينتەرنەتى“ ستراتەگيالىق سەلبەستىك بۇلتتىق توقتامعا قول قويۋ سالتىن وتكىزدى، ەكى جاق، باستىسى، اپپاراتتىڭ كورۋ سەزىمىن ينتەرنەت جەلىسىندە ولشەۋ، ونەركاسىپتىك قاشىقتان قىزمەت وتەۋ، زەردەلى شارلاپ تەكسەرۋ، AR، VR قولدانۋ سياقتى جاعدايلاردا تەرەڭ سەلبەستىك جاساپ، 5G + ونەركاسىپ ينتەرنەتى مەن كرەمني نەگىزدى جاڭا ماتەريالدار كاسىبىنىڭ توعىسا دامۋىن كۇش سالا ىلگەرىلەتەدى.

  قازىر جولاڭ شينجياڭ زەردەلى ماشينالار شەكتى سەرىكتەستىگى زەردەلىلەنگەن ونەركاسىپ زات ينتەرنەتى تۇعىرىن بەلسەنە اشىپ، جاساۋ كاسىبىنىڭ سيفرلانىپ تۇرلەنۋىنە كۇش ۇستەۋدە، سونداي - اق تەحنيكادا جاڭالىق اشۋدى ۇزدىكسىز تەرەڭدەتىپ، زات ينتەرنەتى تەحنيكاسىنىڭ ونەركاسىپتىك جاساۋ كاسىبى جاعدايىنداعى قولدانىلۋىن، تياناقتانۋىن قاراستىرۋدا. سەرىكتەستىكتىڭ باس ديرەكتورى ۋ جىڭچۇن بىلاي دەدى: زاۆود قۇرعان زەردەلى ونەركاسىپ زات ينتەرنەتى تۇعىرى زاۆودتىڭ ”زەردەلى ۇلكەن ميى“ ىسپەتتى. وسى تۇعىر ءاربىر جۇيەنى جۇرگىزۋ ارقىلى ينفورماتسيانىڭ وقشاۋلىعىن تالقانداپ، زات اينالىمىنىڭ، تەحنولوگيا اينالىمىنىڭ، ينفورماتسيا اينالىمىنىڭ جان - جاقتى شوعىرلانۋىن جانە ءوزارا ۇلاسىپ، تۇتاسۋ جاعدايىن قالىپتاستىردى.

  ءبىرىنشى توقساندا شينجياڭ كاسىپورىندارىنىڭ ەل ىشىندەگى ءۇشىنشى جاق ەلەكتروندىق ساۋدا ايىرباس تۇعىرى ارقىلى ينتەرنەتتەگى بولشەك ساتۋ سوماسى 4 ميلليارد 440 ميلليون يۋانعا جەتىپ، بىلتىرعى سايكەس مەزگىلدەگىدەن %4.1 ارتتى. مۇندا ناقتى تاۋارلاردىڭ بولشەك ساتىلۋ سوماسى 3 ميلليارد 800 ميلليون يۋانعا جەتىپ، %18.9 ارتتى.

  اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسىنىڭ قاتىستى جاۋاپتىسى مىنانى ءبىلدىردى: بيىل شينجياڭ جاساۋ كاسىپورىندارى مەن ينفورماتسيا تەحنيكا كاسىپورىندارىنىڭ سەلبەستىگىن ۇزدىكسىز ىلگەرىلەتىپ، ونەركاسىپ ينتەرنەتى، ونەركاسىپ جۇمساق بولشەگى، جاساندى زەردە، كۇشەيتىلگەن ناقتى بولمىس/ ۆيرتۋالدى بولمىس سياقتى جاڭا تەحنيكالاردان پايدالانۋدى كۇشەيتىپ، سايكەسىپ زەرتتەۋ - اشۋ، ادامسىز ءوندىرىس جۇرگىزۋ، قاشىقتان جۇمىس جۇرگىزۋ، ينتەرنەت جەلىسىندە قىزمەت وتەۋ سياقتى جاڭا ۇلگى، جاڭا كاسىپ كۇيلەرىن جالپىلاستىرىپ، جاساۋ كاسىبىنىڭ ءوندىرىس قۋاتىن جەدەل قالپىنا كەلتىرەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.