شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 5 - ايدىڭ 3 - كۇنى ۇرىمجىدەن حابارلايدى. ”بۇل تۇردەگى اۆتوكولىكتىڭ ارتىقشىلىعى ءىشى كەڭ، بۇدان تىس، 360 گرادۋستىق تولىق كورىنىستى كولىك شەگىندىرۋ جول نۇسقاۋ ءبىر تۇلعالى اپپاراتى ورناتىلعان، اۆتوكولىكتى شەگىندىرۋگە قولايلى...“ 5 - ايدىڭ 2 - كۇنى ساعات 14تە ءۇرىمجى بۇلتتىق اۆتوكولىك كورمەسى تۇعىرىنىڭ تىكە تاراتۋ بولمەسىندە ساتۋشى قىزمەتكەرلەر ىقىلاسپەن تۇسىنىك جاساۋدا.
5 - ايدىڭ 1 - كۇنىنەن 3 - كۇنىنە دەيىن، ۇرىمجىدە وتكىزىلگەن بۇلتتىق اۆتوكولىك كورمەسى تىكە تاراتۋ ارقىلى اۆتوكولىك ساتۋ ۇلگىسىن ىسكە قوسىپ، 17 اۆتوكولىك ساتۋشى ءبىر ۋاقىتتا دوۋيىن، ۋيچات سىندى ەكى تۇعىردا تىكەلەي تاراتۋ جۇرگىزدى.
تىكە تاراتۋ تۇعىرى ارقىلى كورەرمەندەردىڭ 10 مىڭ يۋاندىق اۆتوكولىك ساتىپ الۋ تۇتىنۋ بەلەتىن الۋىنا بولادى، موتورلى اۆتوكولىك قاتىناس شىرعالاڭى جاۋاپكەرشىلىگىن ەرىكسىز قامسىزداندىرۋ تولەمى، زاۆودتىڭ تيىمدىلىگى سياقتىلار قوسا سيعا بەرىلەدى، ەڭ جوعارى تيىمدىلىك 50 مىڭ يۋاننان اسادى. وتكىزۋشى كاسىپورىن شينجياڭ حۋاشيا رۇي - ي مادەنيەت تاراتۋ مەدياسى شەكتى سەرىكتەستىگىنىڭ باس ديرەكتورى شى چينچين بىلاي دەپ تانىستىردى: ءار كۇنى 20 اۆتوكولىك ％70تىك ەرەكشە باعامەن ساتىلادى، بۇدان تىس، 3 توپقا ءبولىپ اۆتوكولىك ساتىپ الۋ تۇتىنۋ بەلەتى تاراتىلادى، تۇتىنۋشىلار كوپ ساتىلى تولىقتاما قاراجاتتان يگىلىكتەنە الادى.
ساندى مالىمەتتە كورسەتىلۋىنشە، ۇرىمجىدە 4 - ايدىڭ 18 - كۇنى بۇلتتىق اۆتوكولىك كورمەسى وتكىزىلگەننەن بەرى، 5 - ايدىڭ 3 - كۇنىنە دەيىن، جيىنى 3159 اۆتوكولىك ساتىلىپ، ساتىلىم سوماسى 488 ميلليون يۋان بولعان.
تۇتىنۋدى قايتا تولىقتىرۋ مەن كومەسكى كۇشىن اشۋدى جاپپاي جەبەۋ ءۇشىن، اۆتونوميالى رايوندىق ساۋدا مەڭگەرمەسى «ىندەتكە اناعۇرلىم توتەپ بەرىپ، سەنىمدى سەرپىلتىپ، ساۋدالىق تۇتىنۋدى جەبەۋ جەتەكشى پىكىرى» سياقتى ساياساتتاردى، شارالاردى العا قويىپ، كەدەيلەردى سۇيەمەلدەۋ ساياساتىن تياناقتاندىرۋ، بانكە مەن كاسىپورىن سەلبەستىگىن قولداۋ، ساۋدا سارايلارى مەن ەرەن بازارلاردا ساتۋدى جەبەۋ، مەرەكەلىك تۇتىنۋدى جەبەۋ، تۇنگى ەكونوميكانى ىلگەرىلەتۋ، اۆتوكولىك تۇتىنۋعا جەتەلەۋ، اس - سۋ تۇتىنۋىن جەبەۋ، ينتەرنەت جەلىسىندە قيمىل ورىستەتۋ سياقتى جاقتاردى ارقاۋ ەتىپ، 8 شارا شىعاردى ءارى باستاماشىلدىقپەن تۇتىنۋ باستاماسىن جاريالاپ، بۇكىل رايونداعى ساۋدا جۇيەسىنىڭ باستاماشىلدىقپەن تۇتىنۋىن دارىپتەپ، كاسىپورىنداردىڭ قيىن وتكەلدەن وتۋىنە ءىس جۇزىندىك ارەكەتتەر ارقىلى كومەكتەستى.
ىشكى سۇرانىستى كەڭەيتىپ، تۇتىنۋدى جەبەۋ جاعىندا، ءۇرىمجى قالاسى تۇتىنۋ بەلەتىن تاراتقاننان كەيىن، رايونىمىزدىڭ جەر - جەرى ىركەس - تىركەس اس - سۋ، ءتۇرلى بۇيىمدار، اۆتوكولىك سياقتى سالالاردى شارپىعان ەلەكتروندى تۇتىنۋ بەلەتىن تاراتتى.
5 - ايدىڭ 2 - كۇنى سانجى قالاسىنىڭ تۇرعىنى حى ليڭشۋە وتباسىنداعىلارمەن بىرگە حۇيجيا شىداي سانجى زات ساتىپ الۋ ورتالىعىنا كەلىپ، زات ساتىپ الۋ ارباسىن جازدىق كيىمدەر، اياق كيىم، نارەستەلەر بۇيىمى سياقتىلارمەن تولتىردى. ”تۇتىنۋ بەلەتى پايدالانۋعا وتە قولايلى، وعان ساۋدا سارايىنىڭ جەڭىلدىك بەرۋ، ساتۋدى جەبەۋ قيمىلدارىن قوسقاندا، نەشە ءجۇز يۋان ۇنەمدەپ قالۋعا بولادى“، - دەدى حى ليڭشۋە. بۇل 5 - ايدىڭ 1 - كۇنىنەن 7 - كۇنىنە دەيىن سانجى قالالىق ۇكىمەتتىڭ جىفۋباۋمەن بىرلەسىپ وتكىزگەن ”ومىرشەڭ سانجى. سيفرلى تۇتىنۋ ماۋسىمى“ قيمىلىنىڭ ارقاسى. قيمىلدا 50 ميلليون يۋاندىق تۇتىنۋ بەلەتى تاراتىلىپ، قالا تۇرعىندارىنا ”جابال ساتىپ الۋ“ ۇلگىسىن ازىرلەدى.
”تۇتىنۋ بەلەتىن تاراتۋدىڭ تۇتىنۋدى جانداندىرۋداعى رولى ايرىقشا كورنەكتى بولدى، ساۋدا سارايلارىندا الارماندار كورنەكتى كوبەيدى، 5 - ايدىڭ 1 - كۇنى، 2 - كۇنى حۇيجيا شىدايدىڭ سانجى اۋماعى ساتىلىم سوماسىن 22 ميلليون يۋانعا جەتكىزدى“، - دەدى شينجياڭ حۇيجيا شىداي ءتۇرلى بۇيىمدار شەكتى جارنا سەرىكتەستىگى سانجى اۋماعىن باسقارۋ ورتالىعىنىڭ ورىنباسار باس ديرەكتورى سەرجىما.
ۇعىسۋعا قاراعاندا، اۆتونوميالى رايوندىق ساۋدا مەڭگەرمەسى جۇڭگو بانكە بىرلەستىگى شينجياڭ بولىمشە سەرىكتەستىگى، جۇڭگو مۇناي شينجياڭ ساتۋ شەكتى سەرىكتەستىگى سۋنيڭ يگوۋ سياقتى سەرىكتەستىكتەرمەن بىرلەسىپ، تۇتىنۋ تولىقتاما قاراجاتىن تاراتقان، سونىمەن بىرگە ينتەرنەت جەلىسىندەگى ”ماركالى، ساپالى ونىمدەردى ينتەرنەت جەلىسىندە ساتىپ الۋ فەستيۆالى“، ءتۇرلى تىكە تاراتۋدا زات ساتۋ قيمىلدارى دابىرالى جۇرىلگەن، ينتەرنەت جەلىسىندە جانە ينتەرنەت جەلىسىنەن تىس تۇتىنۋ توعىستىرىلىپ، تۇتىنۋ كومەسكى كۇشى بىرتىندەپ جارىققا شىققان...
اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى مىنانى ءبىلدىردى: ءار دارەجەلى ساۋدا باسقارۋ تاراۋلارى كاسىپورىنداردىڭ قيىنشىلىقتان قۇتىلىپ، قيىن وتكەلدەن وتۋىنە كومەكتەسۋى، سونىمەن بىرگە ىشكى سۇرانىستى ارتتىراتىن ءتۇرلى ساياساتتاردى، شارالاردى اناعۇرلىم ناقتى، ەگجەي - تەگجەيلى، تياناقتى يگەرىپ، تۇتىنۋ كومەسكى كۇشىن جارىققا شىعارىپ، تۇرعىنداردىڭ تۇتىنۋىن ارتتىرۋ كەرەك.
