شينحۋا اگەنتتىگىنىڭ ءتىلشىسى جاڭ مەيمەي
شۇي جيانپيڭنىڭ سۋرەتى (2010 - جىلى 10 - ايدىڭ 29 - كۇنى تۇسىرىلگەن). شينحۋا اگەنتتىگى تاراتقان
”مەن ۇشاق ىستەرى قىزمەتىن سۇيەمىن، ەش وكىنىشسىز وسى جەردە ءبىر ءومىر جۇمىس ىستەيمىن“. وسىلايشا سەرت بەرگەننەن باستاپ، شۇي جيانپيڭ وسى سەنىمىنە ءومىرىنىڭ ەڭ سوڭعى مينۋتىنا دەيىن تاباندى بولدى.
ۇشاق ىستەرى اسكەرلەرى حالىق اۋە ارمياسى اۆياتسيا شەبىندەگى ءبىر توپ ەرەكشە ادامدار − ولار ءار كۇنى سوعىس ۇشاقتارىمەن جولداس بولعانىمەن، ۇشاقتاردى ايداپ كوك اسپاندا سامعايتىن ورايى جوق؛ ولار جىل بويى اۋەجايدىڭ ءبىر بۇرىشىندا جۇرەدى، سۋىققا توڭىپ، ىستىققا كۇيگەنى ماۋسىم الماسقاننىڭ بەلگىسى، كيىمىنە جۇققان جانار ماي مەن كيىمىنە سىڭگەن تەرى جىل بويى ولارعا سەرىك بولاتىن رەڭى.شۇي جيانپيڭ ۇشاق ىستەرى شەبىنىڭ ءبىر مۇشەسى.
قاراپايىم وقۋشىدان جەر بەتى مەحانيگى، ونان ۇشاق ىستەرى ورتا اترەتىنىڭ باستىعى، ۇشاق ىستەرى باسقارماسىنىڭ مەڭگەرۋشىسى، اۋە اسكەرلەرى شىسى جابدىقتاۋ ءبولىمىنىڭ ورىنباسار باستىعى بولعانعا دەيىن، ۇستىنە سۇرعىلت كوك ءتۇستى قىزمەت كيىمىن كيگەن شۇي جيانپيڭ مىنە وسىنداي قىزمەت ورنىندا تۇپ - تۋرا 28 جىل قىزمەت ىستەدى.
ءار كۇنى بۇراندا بۇراۋ، سىم جولىن تەكسەرۋ، اۆتول قۇيۋ... قاراعاندا قايتالامالى جۇمىستاي كورىنگەنىمەن، پاراساتتى باعامدايدى، شىدامدىلىقتى سىننان وتكىزەدى، وتە - موتە، ۇشاق ىستەرى قىزمەتكەرلەرىنىڭ جاۋپكەرشىلىك سەزىمىن، بورىشتىلىق سەزىمىن سىننان وتكىزەدى.
تۇتاس ورتا اترەتتەگى مەحانيكشى كوماندير - جاۋىنگەرلەردى باستاعان شۇي جيانپيڭ ۇشاقتاردىڭ 26 مىڭ 618 ساعات حاۋىپسىز ۇشۋىن قامتاماسىز ەتۋدەي رەكورد جاراتتى. نەشە ون جىلدا ول نەشە داپتەر ۇشۋ ەستەلىگىن تولتىرادى، بارلىق قولجازباسى مارجانداي رەتتى، مازمۇندى دا مانەرلى ەدى.
ۇزاق جىلدىق جوعارى كۇشەمەلى قىزمەت بارىسىندا ول ۇشاق ىستەرى اسكەرلەرىنىڭ كاسىپتىك اۋرۋى − مويىن ومىرتقا اۋرۋى، بۋىن قابىنۋ اۋرۋى، جوعارى قان باسىم، اسقازان - ىشەك قابىنۋى... سياقتى اۋرۋلارعا شالدىقتى. ءار رەت قىزمەت ساپارىنا شىققاندا ساندىعىنىڭ جارتىسى دارىلەرمەن تولۋشى ەدى، مىندەت شىعا قالدى بولدى، ول باياعىسىنداي ءتۇن اسىرىپ قىزمەت ىستەي بەرەتىن.
2010 - جىلى 4 - ايدا شۇي جيانپيڭ اترەت باستاپ، بەلگىلى اسكەري ونەركاسىپ زاۆودىنا بارىپ كۇردەلى رەمونتتاۋ قاجەت بولعان ۇشاقتى وتكىزىپ الادى. بۇل ونىڭ وسىنداي تۇرپاتتى ۇشاقتى تۇڭعىش رەت ەل ىشىندە كۇردەلى جوندەۋگە جاۋاپتى بولۋى ەدى. كۇردەلى جوندەۋدەن وتكەن ۇشاقتىڭ كوك اسپاندا قايتادان سامعاي الۋ - الماۋى وتە ماڭىزدى، شۇي جيانپيڭ قابىلداپ الۋ گرۋپپاسىن باستاپ ءار كۇنى ءتۇن ورتاسىنا دەيىن قىزمەت ىستەيدى. قۇراستىرۋ بارىسى 45 كۇنگە سوزىلىپ، ونىڭ دەنە سالماعى تۋپ - تۋرا 10 جىڭ تومەندەپ كەتەدى.
قۇراستىرۋ گرۋپپاسى تابىسپەن قايتا ورالىپ، دەمالىپ ۇلگىرمەي - اق ول تاعى جاڭا مىندەت تاپسىرىپ الادى: اترەت باستاپ شەتەلگە شىعىپ، جاڭا ۇشاق تۇلعاسىن وزگەرتىپ قۇراستىرۋدى ۇيرەنەدى.
جوعارى كۇشەمەلى ۇيرەنۋ ونىڭ دەنەسىنە جاسىرىنعان ”مينانى“ جارىپ جىبەرەدى − قۇرساعى قاتتى اۋىرىپ، ءتۇن بويى كىرپىك ىلە المايدى. كۇندىزى ول قينالا ءجۇرىپ ساباقحاناعا كىرىپ، جاتتىعۋ الاڭىنا بارادى؛ كەشتە ول شىراق تۇبىندە كىتابىن جازىپ تاستاپ، ءتۇن سايىن تاڭ اتقانشا پىسىقتاۋ جاسايدى. قاتتى اۋىرىپ كەتكەندە ول جۇدىرىعىمەن قۇرساعىن باسىپ، بۇرشاقتاي تەر سۋداي اعادى، ەندى ءبىر قولىمەن قالامىن مىقتاپ ۇستايدى.
جاڭا ۇشاقتى وزگەرتىپ قۇراستىرۋ سىناق ەمتيحانىندا شۇي جيانپيڭ جالپى 93.5 جوعارى نومىرمەن 2 - بولادى. ونىڭ جىگەرلەندىرۋىندە وزگەرتىپ قۇراستىرۋ بولىمشە اترەتىندەگى بارلىق مۇشەلەر ۇزدىك ناتيجەمەن جاڭا ۇشاقتى وزگەرتىپ قۇراستىرۋ باۋلۋىندا تولىمدىلىق كىناشقاسىن الادى.
وقۋدى ناتيجەلى تامامداپ قايتىپ كەلگەن 2 - كۇنى شۇي جيانپيڭ شيپاحاناعا جەتكىزىلەدى. دياگنوز ناتيجەسى باۋىر راگىنىڭ سوڭعى مەزگىلى بولىپ، ادامداردىڭ قابىرعاسىن قايىستىرىپ جىبەرەدى. دياگنوز قويعان شيپاگەر كۇرسىنىپ: ”وسپەسى جۇدىرىقتىڭ ۇلكەندىگىندەي بولىپتى، ول قايتىپ شىداپ كەلدى ەكەن ءا“ دەيدى.
قايتىس بولار الدىندا شۇي جيانپيڭ كەسەك - كەسەك قان قۇسا باستايدى. مۇنان حابار تاپقان قىزمەتتەسى اۋەجايداعى جۇمىسىن بىتىرە سالىسىمەن تىزگىن ۇشىمەن شيپاحاناعا جەتەدى. اسپا ۋكول استىرىپ جاتقان ول ءالسىز ۇنمەن: ”سەن قالايشا قىزمەت كيىمىن كيىپ العانسىڭ؟ ۇشاقتان بىرەر جاعداي شىقتى ما؟“ دەيدى.
2011 - جىلى 2 - ايدىڭ 26 - كۇنى شۇي جيانپيڭ تىپ - تىنىش ۇزاق ساپارعا اتتاندى.
9 جىل ءوتتى، شۇي جيانپيڭنىڭ سۋرەتى ول تۇرعان اۋە اسكەرلەرى شىسىنىڭ تاريح سارايىندا ءىلۋلى تۇر. ءار جىلعى جاڭا اسكەرلەردىڭ، جاڭا كادرلاردىڭ، ۇشاق ىستەرى وقۋشى اسكەرلەرىنىڭ تىزىمدەلەتىن تۇڭعىش بەكەتى تاريح سارايىن ەكسكۋرسيالاپ، ”لاۋشۇيدىڭ“ سۋرەتىن بەتكە الىپ، كورمە ىشكابىنىڭ ىشىندەگى ول العان اناۋ ءبىر توپ كۋالىكتەردى، سيلىق توستاعاندارىن، مەدالداردى بەتكە الىپ ۇزاق ءۇنسىز تۇرىپ، ساعىنىشپەن ەسكە الۋ بولىپ كەلەدى.
(شينحۋا اگەنتتىگىنىڭ بەيجيڭنەن بەرگەن حابارى)
