شينجياڭ گازەتىنىڭ جالپىلىق اقپارات قۇرالدارى ءتىلشىسى جيا چۇنشيا
”1 - مامىر“ قىسقا دەمالىسى كەزىندە، باقشادان، الەۋمەتتىك اۋماقتان، بارلىق جەردەن دەنە شىنىقتىرۋ اۋەسكەرلەرىنىڭ قاراسىن كورەسىز. سپورتپەن شۇعىلدانىپ، دەنە شىنىقتىرىپ دەمالىستى وتكىزۋ بىرتە - بىرتە مەرەكە وتكىزۋدەگى جاڭا مودىعا اينالۋدا.
”وسى دەمالىستى مەن دەنە شىنىقتىرۋ ۇيىندە وتكىزدىم“. 5 - ايدىڭ 4 - كۇنى تۇستەن بۇرىن دەنە شىنىقتىرىپ جاتقان ءۇرىمجى قالاسىنىڭ تۇرعىنى جاڭ شينشىڭ تەرىن سۇرتە تۇرىپ، تىلشىگە: 57 جاستاعى ءوزىنىڭ دەنە شىنىقتىرۋدى ۇزبەي جالعاستىرعانىنا 20 جىل بولعاندىعىن، دەنە شىنىقتىرۋدىڭ الدەقاشان ونىڭ تۇرمىس ادەتىنە اينالىپ، ءبىر اپتادا كەمىندە 3 − 4 رەت دەنە شىنىقتىرىپ تۇراتىندىعىن ايتتى كۇلىمسىرەي.
5 - ايدىڭ 4 - كۇنى تۇستەن بۇرىن 26 جاستاعى چى جياۋياڭ قۇلاعىنا تىڭداۋىر سالىپ الىپ جاي جۇگىرىسكە باستى. ”جايشىلىقتا قىزمەتىم قاربالاس، قىسىم اۋىر، دەنە شىنىقتىرۋ فيزيولوگيالىق جاقتاعى شىنىعۋ عانا ەمەس، كوپ مەزگىلدەردە پسيحولوگيالىق رەتتەۋ رولىن دا اتقارادى، دەنە مەن كوڭىل كۇيدى سەرگىتەدى“، - دەدى چى جياۋياڭ.
45 جاستاعى ۋاڭ حايتاۋ ءۇرىمجى قالاسىنداعى ءبىر سەرىكتەستىكتىڭ قىزمەتكەرى، ءتىلشى وعان جولىققان شاقتا ول دوپ اۋەسكەر دوستارىمەن بىرگە قاۋىرىسىن دوپ ويناپ جاتىپتى. ”مامىر ايى مەزگىلى سپورتپەن شۇعىلدانۋدىڭ تاپتىرماس ۋاقىتى. شاعىن دەمالىس ۋاقىتىنان پايدالانىپ، سپورتپەن شۇعىلدانىپ دەنە قۋاتتى كۇشەيتىپ، دەنە مەن كوڭىل كۇيدى رەتكە سالعاندا، قىزمەت ىستەگەندە دە رۋحتى جۇرەمىز“، - دەدى ول.
دەمالىس كەزىندە ۇرىمجىدەگى ءارقايسى باۋ - باقشالاردا گۇل - شوپتەردىڭ اڭقىعان جۇپار يىسىمەن جاي جۇگىرىسكە باسقان، ۇستەل دوپ ويناعان، تايجي جۇدىرىقكەرلىگىن ويناعان، دەنە شىنىقتىرۋ اسپاپتارىمەن دەنە شىنىقتىرعان قالا تۇرعىندارىنىڭ اياعى تولاستامادى، ادامدار سپورتپەن شۇعىلدانۋدى، دەنە شىنىقتىرۋدى، سەيىل - سەرۋەن قۇرۋدى، دەمالۋدى قاپى قالدىرماي، دەمالىستاعى تۇرمىستان ءلاززاتتاندى.
شياۋلۇيگۋ باقشاسىنىڭ ىشىندە 16 كيلومەترلىك جاياۋ ءجۇرىس جولى بار، شاعىن دەمالىس كەزىندە بۇل ارا كوپتەگەن ادامداردى سەيىل - سەرۋەن قۇرىپ دەنە شىنىقىتىرۋعا باۋرادى. 68 جاستاعى قالا تۇرعىنى جوۋ يفۋ جاياۋ ءجۇرىس اۋەسكەرى، 5 - ايدىڭ 4 - كۇنى تۇستەن بۇرىن، ول وتباسىنداعىلارمەن بىرگە وسى اراعا جاياۋ ءجۇرىس جۇرۋگە كەلدى. ”شياۋلۇيگوۋ باقشاسى ىشىندە الۋان گۇلدەر اشىلعان، سىلدىراپ سۋ اعىپ جاتىر، كورىنىسى كوز تارتادى. بۇل جەردە جاياۋ ءجۇرىس جۇرسەڭىز جول بويىنداعى كوركەم كورىنىستەن ءلاززات الاسىز، تۇنىق اۋامەن تىنىستايسىز، كوڭىل كۇيىڭىز كوتەرىلەدى“. جوۋ يفۋ بىلاي دەدى: ادەتتە بالالاردىڭ قىزمەتى قاربالاس، شاعىن دەمالىستا وتباسىنداعىلار بىرگە ءجۇرىپ سپورتپەن شۇعىلدانۋمەن بىرگە ۇلى تابيعاتتىڭ كوركەم كورىنىسىنەن ءلاززات الامىز.
الپىستان اسقان قالا تۇرعىنى لي شياڭحى ءار كۇنى دەرلىكتەي حالىق باقشاسىنداعى كولدىڭ جاعاسىنا كەلىپ تايجي قىلىشپازدىعىنا جاتتىعادى. ”بۇل ارادا قىلشىپازدىققا جاتتىققانىمدا كوركەم ورتادان ءلاززاتتانىپ قالماستان دەنە قۋاتىمدى دا ارتتىرۋىما دا بولادى، كوپتەگەن ۇقساس مۇراتتاس قىلىشپازدارمەن تانىسۋىما دا بولادى، ارەكەت ارقىلى قىرۋار يگىلىككە كەنەلەمىن“، - دەدى ول.
