شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شييا 5 - ايدىڭ 4 - كۇنى ۇرىمجىدەن حابارلايدى. اۆتونوميالى رايوندىق وقۋ - اعارتۋ مەڭگەرمەسىنەن ۇعىسۋعا قاراعاندا، مامانداردىڭ تەكسەرىپ باعالاۋى جانە جالپىلىق بەكىتۋى ارقىلى رايونىمىزداعى 26 ورىنعا اۆتونوميالى رايوننىڭ ورتا، باستاۋىش مەكتەپ وقۋشىلارىنىڭ زەرتتەۋ - ۇيرەنۋ ساياحاتى امالياتتىق تاربيە بازاسى، لاگەرى دەگەن ات بەرىلگەن.
مۇنىڭ ىشىندە، ءۇرىمجى قالاسى قۇرباندار قابىرستانى، قارامايلى حي يوۋشان تاۋى مۇناي گەولوگيالىق كورىنىس ءوڭىرى، كوكتوعاي دۇنيە جۇزىلىك گەولوگيالىق باقشاسى، كوكيار جاسىلداندىرۋ ينجەنەرياسى ەسكەرتكىش سارايى، قۇربان تۇلىم ەسكەرتكىش سارايى سياقتى 23 ورىنعا اۆتونوميالى رايوننىڭ ورتا، باستاۋىش مەكتەپ وقۋشىلارىنىڭ زەرتتەۋ - ۇيرەنۋ ساياحاتى امالياتتىق تاربيە بازاسى دەگەن ات بەرىلگەن؛ سانجى حۇيزۋ اۆتونوميالى وبلىستىق جاس - وسپىرىمدەردىڭ ۇلگى كورسەتۋ سيپاتتى ۋنيۆەرسال امالياتتىق بازاسىنا، كورلا قالالىق جاس - وسپىرىمدەردىڭ ۇلگى كورسەتۋ سيپاتتى ۋنيۆەرسال امالياتتىق بازاسىنا، قۇلجا قالالىق جاس - وسپىرىمدەردىڭ ۇلگى كورسەتۋ سيپاتتى ۋنيۆەرسال امالياتتىق بازاسىنا اۆتونوميالى رايوندىق ورتا، باستاۋىش مەكتەپ وقۋشىلارىنىڭ زەرتتەۋ - ۇيرەنۋ ساياحاتى امالياتتىق تاربيە لاگەرى دەگەن ات بەرىلگەن.
ۇعىسۋعا قاراعاندا، 2018 - جىلى اۆتونوميالى رايوندىق وقۋ - اعارتۋ مەڭگەرمەسى سياقتى 11 تاراۋ بىرلەسىپ باسىپ تاراتقان «ورتا، باستاۋىش مەكتەپ وقۋشىلارىنىڭ زەرتتەۋ - ۇيرەنۋ ساياحاتىن ورىستەتۋ جونىندەگى اتقارۋ پىكىرىندە» ءارقايسى ورتا، باستاۋىش مەكتەپتەر ءوز جەرىنىڭ ءىس جۇزىندىك جاعدايىمەن ۇشتاستىرىپ، زەرتتەۋ - ۇيرەنۋ ساياحاتىن مەكتەپتىڭ ءتالىم - تاربيە، وقىتۋ جوسپارىنا ەنگىزىپ، ۋنيۆەرسال امالياتتىق قيمىل ساباعىمەن ءبىر تۇتاس جوسپارلاپ ويلاستىرىپ، زەرتتەۋ - ۇيرەنۋ ساياحاتى مەن مەكتەپ ساباعىنىڭ جاندى توعىسۋىن جەبەپ، ورتا، باستاۋىش مەكتەپ وقۋشىلارىنىڭ قوعامدىق جاۋاپكەرشىلىك سەزىمىن، جاڭالىق اشۋ مەن امالياتتىق قابىلەتىن كۇش سالا جوعارىلاتۋ كەرەك دەپ العا قويىلعان.
اۆتونوميالى رايوندىق وقۋ - اعارتۋ مەڭگەرمەسىنىڭ قاتىستى جاۋاپتىسى مىنالاردى ءبىلدىردى: زەرتتەۋ - ۇيرەنۋ ساياحاتى امالياتتىق بازاسى (لاگەر) الەۋمەتتىك يگىلىك سيپاتتى پرينسيپكە تاباندى بولىپ، تاربيەلىك سيپات پەن امالياتتىق سيپاتتى كورنەكتىلەندىرەدى، جەر - جەردەگى، ءارقايسى كاسىپ سالالارىنداعى نەگىزگى جاۋاپتى تاراۋلار زەرتتەۋ - ۇيرەنۋ ساياحاتى امالياتتىق تاربيە بازاسىن (لاگەر) كۇندەلىكتى باقىلاۋ - باسقارۋدى كۇشەيتىپ، وقۋشىلاردىڭ وقىتۋ، اماليات، تۇرمىس، ساپارلاۋ، تاماق، جاتىن ورىن سياقتى جاقتارداعى حاۋىپسىزدىك شارالارىن تياناقتاندىرىپ، وقىتۋشى - وقۋشىلاردىڭ ءومىرىنىڭ حاۋىپسىزدىگى مەن دەنساۋلىعىنا شىنايى كەپىلدىك ەتۋ كەرەك. اۆتونوميالى رايوندىق وقۋ - اعارتۋ مەڭگەرمەسى مادەنيەت جانە ساياحات مەڭگەرمەسىمەن بىرگە زەرتتەۋ - ۇيرەنۋ ساياحاتى امالياتتىق تاربيە بازالارىن (لاگەر) يكەمدى باسقارىپ، قاتىستى تالاپتارعا جەتپەگەندەرىنىڭ ماڭدايشالىعىن الىپ تاستايدى.
