ناقتى شارا تۇتىنۋدى جەبەدى، ساياحاتشىلار يگىلىككە كەنەلدى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ گاڭ، رىن جياڭ 5 - ايدىڭ 4 - كۇنى ۇرىمجىدەن حابارلايدى. ”بۋىرشىن اۋدانىندا ساياحاتتاۋعا، قوناق ۇيدە جاتۋعا تۇتىنۋ بەلەتىن پايدالانساڭ اسا ءتيىمدى ەكەن“. 5 - ايدىڭ 3 - كۇنى ۇرىمجىلىك ساياحاتشى لي حۋا بۋىرشىن اۋدانىنا ساياحاتتاي كەلىپ، قوناق ۇيدە جاتۋ اقىسىن ازايتۋ، كەشىرىم ەتۋ ساياساتىنان يگىلىكتەندى.
”1 - مامىر“ دەمالىسىندا بۋىرشىن اۋدانى ەلەكتروندىق تۇتىنۋ بەلەتىن تاراتۋدان سىرت، قوناق ۇيلەردە ارزان باعالى ۇيلەر ورنالاستىرۋ، ەڭ ارزان باعامەن ساتىلۋدى جەبەۋ سياقتى ءتيىمدى قيمىلداردى ورتاعا قويدى، قوسىمشا قاراجاتتىڭ جالپى سوماسى 2 ميلليون يۋانعا جەتتى.
بۇكىل شينجياڭنىڭ جەر - جەرى ىندەتتەن ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرۋ العى شارتىندا، ”شينجياڭدى ءسۇيۋ. اۋىلعا ساياحات“ شينجياڭدىقتار شينجياڭدى ساياحاتتاۋ ارەكەتىن ورىستەتۋدى ارقاۋ ەتىپ، ساياحاتتىق تۇتىنۋ بەلەتىن تاراتۋ، ساياحاتتىق جەڭىلدىكتەر جاساۋ، ساياحاتتىق سيلاۋ ساياساتىن جاريالاۋ قاتارلى شارالار ارقىلى ساياحاتشىلاردىڭ دەمالىستى كوڭىلدى وتكىزۋلەرىنە، شينجياڭداعى ساياحات تۇتىنۋىنىڭ كومەسكى كۇشىن جانداندىرۋعا مۇمكىندىك جاسادى.
”1 - مامىر“ دەمالىسى كەزىندە قاناس كورىنىس وڭىرىنە كەلگەن ساياحاتشىلار ورنىقتى ارتتى. اتالعان كورىنىس ءوڭىرى ارالىق اۆتوبۋز، بالىق تاماشالاۋ تۇعىرى، ساياحات كەمەسى سياقتى نىساندارعا ارناپ ساياحات ەلەكتروندىق تۇتىنۋ بەلەتتەرىن جەلىدە تاراتتى. التاي ايماعى ءوز كولىكتەرىمەن التايعا كەلگەن ساياحاتشىلارعا 10 ميلليون يۋاندىق جانار ماي قۇيۋ بەلەتىن، كورىنىس وڭىرلەرىندە 2500 تەگىن جاتاق بەلەتىن تاراتىپ، سىرت جەرلەردىڭ ساياحاتشىلارىن التايعا كەلىپ ساياحاتتاۋعا ۇيىمداستىرعان ساياحات سەرىكتەستىكتەرىنە جانە ءوز كولىكتەرىمەن ساياحاتتاپ كەلگەن اۆتوكولىك توپتارىنا قوسىمشا قاراجات سياقىسىن بەردى. سونىمەن بىرگە، كورىنىس وڭىرلەرىنىڭ ەسىك بەلەتتەرىن كوپتەپ ۇسىنۋ، ءوز كولىگىمەن 5A كورىنىس وڭىرلەرىن ساياحاتتاۋ، 99 يۋانمەن اۋىلدى ساياحاتتاۋ سياقتى قيمىلداردى جۇرگىزدى، بۇعان ورنالاستىرىلعان قوسىمشا قاراجات سوماسى 200 ميلليون يۋانعا جەتەدى دەپ مەجەلەنۋدە.
ساياحاتشىلاردى باۋراۋ ءۇشىن، 5 - ايدىڭ 1 - كۇنىنەن 5 - كۇنىنە دەيىن، ساياحاتشىلار تيانشان بوعدا كولى كورىنىس ءوڭىرىنىڭ بەلەت ساتۋ تەرەزەسىنەن 500 يۋاندىق ”بوعدا كولى جىلدىق كارتچكاسىن“ ساتىپ العان جانە ونى ىسكە قوسقان ساياحاتشىلار 200 يۋاندىق تۇتىنۋ قوسىمشا قاراجاتىنا يە بولا الادى. اتالعان كورىنىس ءوڭىرى تاعى ەمدەۋ قىزمەتكەرلەرىنە، فۋكاڭ قالا تۇرعىندارىنا ارناپ تيىمدىلىك جاساۋ قيمىلىن ورنالاستىردى.
سانجى حۇيزۋ اۆتونوميالى وبلىسى ”شينجياڭدىقتار شينجياڭدا ساياحاتتاۋدى“ ارقاۋ ەتىپ، 4 - ايدىڭ 30 - كۇنى، 5 - ايدىڭ 28 - كۇنى 2 مەرزىمگە ءبولىپ بۇكىل شينجياڭعا 220 ميلليون يۋاندىق مادەنيەت، ساياحات تۇتىنۋ بەلەتىن تاراتۋدى ورنالاستىردى، ساياحاتشىلارعا وسى بەلەتتەرمەن تيانشان بوعدا كولى كورىنىس ءوڭىرى، جانبۇلاق كورىنىس ءوڭىرى سياقتى بەلگىلەنگەن 13 كورىنىس ءوڭىرى، جۇلدىز دارەجەلى 39 قوناق ءۇي، 3 جۇلدىز دارەجەسىنەن جوعارى 36 شارۋالار شاتتىعى ساياجايى ورىندارىندا ەسىك بەلەتى، اس - سۋ، ساياحات - ويىن قۇرىلعىلارى سياقتى تۇتىنۋلاردان تيىمدىلىك جاسالادى.
سونىمەن بىرگە، بۇكىل شينجياڭنىڭ جەر - جەرى الۋان ءتۇرلى، باي مازمۇندى مادەنيەت، ساياحات قيمىلدارىن ورتاعا قويىپ، قيمىل ارقىلى اسەر - ىقپالدى ارتتىرۋدى جەبەدى.
تاياۋ مەزگىلدەن بەرى سانجى وبلىسى 6 ۇلكەن ءتۇر بويىنشا 32 ءتۇرلى مادەنيەت، ساياحات قيمىلىن ورنالاستىردى، ايتالىق، ”گۇل - بايشەشەك جۇپار شاشقان مانتيڭجوۋ“ جەلىلەس قيمىلى، ”باتپىراۋىق ۇشقان كوك اسپان ارمانى“ باتپىراۋىق مەرەكەسى جەلىلەس قيمىلدارى، ”شينجياڭدى ءسۇيۋ. اۋىلعا ساياحات“ ءوز كولىگىمەن تيانشاندى ساياحاتتاۋ جەلىلەس قيمىلى سياقتىلار؛ تۇرپان قالاسى تۇت جەمىسىن ءۇزۋ سياقتىلاردى ارقاۋ ەتىپ جەلىلەس قيمىلداردى جۇرگىزدى؛ اقسۋ ايماعى اڭعار - ساي، سازداۋىت جەر كورىنىسى، دالادا تۇنەۋ، جاياۋ ءجۇرۋ، بۇلدىرگەن تەرۋ، دەنساۋلىق كۇتىمدەپ اراسانعا شومىلۋ سياقتى نىسانداردى جۇرگىزدى؛ حوتان ايماعى كوپ ءتۇرلى ”حوتاندىقتار حوتاندا ساياحاتتاۋ“ ساياحات قيمىلدارىن ورنالاستىردى.
جەر - جەردەگى ساياحات كاسىپورىندارى دا شينجياڭدا ساياحاتتاۋعا تيىمدىلىك جاساۋ قيمىلدارىن جۇرگىزدى. شينجياڭ قارعالداق حالىقارالىق ساياحات شەكتى سەرىكتەستىگى شينجياڭداعى ساياحات بازارىنا باعىتتاي وتىرىپ، قالا ماڭىنا، قىسقا ارالىققا ساياحاتتاۋ تۇرلەرىن اشتى. ”1 - مامىر دەمالىسىندا ءبىز جانبۇلاق كورىنىس وڭىرىنە ءبىر كۇندىك ساياحات ۇيىمداستىردىق، قازىر 600دەن استام ساياحاتشى قابىلدادىق“، - دەيدى اتالعان ساياحات سەرىكتەستىگىنىڭ باس ديرەكتورى ۋاڭ ايشيا.
اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى، ورىنباسار مەڭگەرمە باستىعى حوۋ حانمين مىنالاردى ءبىلدىردى: شينجياڭنىڭ ساياحات كاسىبى ىندەتتەن ساقتانۋ - تىزگىندەۋدى بوساڭسىتپاۋدى، ەكونوميكانىڭ جوعارى ساپالى دامۋىن ىلگەرىلەتۋدە بوساڭسىماۋدى، ساياحات ارقىلى شينجياڭدى كوركەيتۋ ستراتەگياسىن اتقارۋدان اۋىتقىماۋدى ورىنداپ، قاتەردى ورايعا اينالدىرىپ، قاتەر ىشىنەن وراي قاراستىرىپ، سىن - سايىستى قوزعاۋشى كۇشكە، ءتيىمسىز فاكتورلاردى ءتيىمدى فاكتورلارعا اينالدىرىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جالپى بەتتىك جەڭىسىنە قول جەتكىزۋمەن بىرگە، ساياحات ارقىلى شينجياڭدى كوركەيتۋدىڭ تاماشا شايقاسىن شىنايى، ويداعىداي جۇرگىزۋگە كۇش سالادى.
