تيانشان تورى   ›   جاڭالىقتار   ›   انار گۇلى قىپ - قىزىل بولىپ اشىلدى

شىن پەيىلىمەن كومەكتەسىپ - سۇيەمەلدەپ، كوڭىلىندەگى تۇيىنشەگىن شەشتى

شينجياڭ گازەتىنىڭ جالپىلىق اقپارات قۇرالدارى ءتىلشىسى سۇڭ يا - ۋىن

  ”باعىمشىلىق جونىندە ءىنىم كومەكتەسەردەن بۇرىن كوڭىلىمدە بۇرىننان ءبىر ’تۇيىنشەك‘ جۇرگەن ەدى“، - دەدى 4 - ايدىڭ 20 - كۇنى جىڭ اۋدانى تولى قالاشىعى شاعانمورگىن قىستاعىنىڭ تۇرعىنى نۇر سوپاحۇن تىلشىگە.

  نۇردىڭ ايتىپ وتىرعان ءىنىسى جىڭ اۋداندىق قوعام حاۋىپسىزدىگى مەكەمەسى جۇمىسشى ۇيىمىنىڭ ءتوراعاسى حى جيانشين ەدى. 2018 - جىلى 2 - ايدا 53 جاستاعى حى جيانشين مەن نۇر جۇپ قۇراپ تۋىس بولدى، ”تۋىس بولعان ەكەنبىز، ءبىر ءۇيدىڭ ادامىمىز، مەن امالىن تاۋىپ اعامنىڭ تۇرمىسىنىڭ كۇننەن - كۇنگە جاقسارۋىنا مۇمكىندىك جاسايمىن“.

  سول كەزدە، نۇر ۇيىندە ناۋقاستانىپ جاتقان ايەلىنە قارايتىن، وزىندە دە اۋىر دارەجەدە جەل - قۇز سيپاتتى رەۆماتيزم اۋرۋى بار ەدى، ءجۇرىس - تۇرىسى قولايسىز بولاتىن. ەرلى - زايىپتى ەكەۋى كوتەرمەگە بەرگەن 12 مۋ جەردىڭ اقىسىنا جانە ۇكىمەتتىڭ قوسىمشا قاراجات ەسەبىندە كەدەيلەردى سۇيەمەلدەۋ بويىنشا تاراتقان 2 سيىرعا سۇيەنىپ كۇن كەشىرەتىن.

  حى جيانشين نۇردىڭ ۇيىندە ءبىر مۋدان استام اۋلانىڭ قاراۋسىز جاتقانىن كورىپ، اۋلا شارۋاشىلىعىن دامىتىپ، جەمىس - كوكونىس ەگۋ جانە تاۋىق باعۋ ارقىلى كىرىستەرىن ارتتىرۋىنا بولاتىندىعىن ويلايدى. تاۋىق باعۋ جونىندەگى ءسوزدى ەستىگەن زامان نۇر توقتاماي باسىن شايقادى، ”بۇرىن بىرەۋدىڭ ورنىنا باعىپ بەرگەنمىن، سيىر قورانىڭ قاسىنداعى بوس جەردەن پايدالانىپ 800 نەشە تاۋىق باققان بولاتىنمىن، ءبىراق تاۋىقتار ىندەتكە شالدىعىپ، ءبارى ءولىپ قالدى، ءوز قۇنىن دا كوتەرمەدى، ەندى باققىم كەلمەيدى“.

  سودان باستاپ، حى جيانشين نۇردىڭ ۇيىنە ۇنەمى كەلىپ، وعان تاۋىق باعۋدىڭ ءساتسىز بولۋىنداعى سەبەپتەر جونىندە سابىرلىلىقپەن تالداۋ جاساپ بەردى، سونداي - اق قازىر وتباسىندا جەرگىلىكتى تاۋىق باعۋدىڭ بازار جاعدايىن تانىستىردى. 2 ايدان استام ۋاقىتتان كەيىن، نۇر اقىرى تاعى ءبىر رەت سىناپ كورۋگە قوسىلادى.

  حى جيانشين تەمىردى قىزۋىندا سوعىپ، قاسىنا كومەكشىلەردى ەرتىپ، نۇردىڭ اۋلاسىن تەگىستەپ، جەمىس - كوكونىس ەگىپ، ءتۇستى بولات قالتقىسىن سالۋىنا جاردەمدەستى، سونداي - اق تاعى 4000 يۋاننان استام اقشا جۇمساپ، ونىڭ اۋلاسىنا 50 شارشى مەتر كەلەتىن تاۋىق قورا سالىپ بەرەدى. نۇردىڭ سەنىمىن بەكەمدەۋ ءۇشىن، حى جيانشين اعاسىن باسقا دا تاۋىق باعىمشىلىعى الاڭدارىن ەكسكۋرسيالاۋعا، ۇيرەنۋگە ەرتىپ باردى، تاۋىق بالاپانىن جانە جەم ساتىپ الىپ، ونىڭ اعاش ەگۋىنە، كوكونىس ەگۋىنە، تاۋىق باعۋىنا، سيىر باعۋىنا كومەكتەستى... حى جيانشيننىڭ قاربالاس بەينەسىن كورگەن نۇر ەرەكشە اسەرلەندى. ۇزدىكسىز ۇيرەنۋ، ىزدەنۋ جانە اماليات ارقىلى نۇر كەزىندە تاۋىق باعۋدا ساتسىزدىككە ۇشىراۋىنىڭ سەبەبى تاۋىق باعۋدىڭ قيىن بولۋىندا ەمەس، قايتا باعىمشىلىق تاجىريبەسىنىڭ كەمشىلدىگىندە ەكەندىگىن ۇعىنادى.

  حى جيانشيننىڭ كومەگىندە نۇردىڭ باققان تاۋىقتارى تەز ارادا ساتىلىپ كەتەدى، بۇعان قوسا ەككەن كوكونىسى دە مول ءونىم بەرىپ، 2018 - جىلى اۋلا شارۋاشىلىعىنا ارقا سۇيەي وتىرىپ، كىرىسىن 6000 نەشە يۋان ارتتىردى.

  ”قازىر كوڭىلىمدەگى تۇيىنشەك تۇبەگەيلى شەشىلدى“. نۇر قۋانا سويلەپ بىلاي دەدى: ”بيىل 1 - ايدا مەن 6000 يۋانعا ءبىر بۇزاۋ ساتتىم، قازىر ءبىر سيىر ءىشتى، 5 - ايدا بۇزاۋلايدى. تاعى بىرنەشە كۇننەن سوڭ، مەن تاعى دا 100 تاۋىق باقپاقشىمىن. ءىنىمنىڭ پىكىرىمەن تاعى 10 قوزى ساتىپ الدىم، 10 - ايعا جەتكەندە قويلاردى دا ساتۋعا بولادى“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى