شينجياڭ گازەتىنىڭ جالپىلىق اقپارات قۇرالدارى ءتىلشىسى ياڭ شۋحان، ەرىكتى ءتىلشى تان حۇيجۇن
”بىلتىر قىزمەت اترەتى ماعان سەلبەستىك كووپەراتيۆىمەن بىرلەسىپ كارتوپ ەگۋ جونىندە كەڭەس بەردى، مەن سىناق رەتىندە ءبىر مۋ جەرگە ەگىپ، 1000 يۋاننان ارتىق كىرىس كىرگىزدىم، بيىل، ءسوز جوق، كوپ ەگەمىن“، - دەدى 4 - ايدىڭ 25 - كۇنى باي اۋدانى سايرام قالاشىعى سور ءمالى قىستاعىنىڭ تۇرعىنى ايگۇل ابلا قىزمەت اترەتى جايلى ءسوز بولعاندا باس بارماعىن كورسەتىپ.
اۆتونوميالى رايوندىق حالىق پروكۋراتۋراسىنىڭ سورءمالى قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى قىستاق تۇرعىندارىنا كومەكتەسىپ كاسىپتىك سەلبەستىك كووپەراتيۆىن قۇرۋ، كەدەيلەردى سۇيەمەلدەۋ زاۆودىن سالۋ، شارۋاشىلىق قۇرۋعا شابىتتاندىرۋ سياقتى شارالار ارقىلى قىستاق تۇرعىندارىنىڭ كىرىسىن ارتتىرۋىنىڭ ارناسىن كەڭەيتتى. 2019 - جىلى 9 - ايدا بۇكىل قىستاقتاعى بارلىق كەدەي حالىق كەدەيلىكتەن ارىلدى.
ابزالدىلىعىن ساۋلەلەندىرىپ كىرىس كوزىن اشتى
ايگۇل ايتىپ وتىرعان سەلبەستىك كووپەراتيۆى 2018 - جىلى قىستاقتا تۇراتىن قىزمەت اترەتى مەن قىستاق ”ەكى كوميتەتى“ بىرگە قۇرعان فۋلي اۋىل شارۋاشىلىق قوسىمشا ونىمدەرىن ەگۋ سەلبەستىك كووپەراتيۆى.
”جەرگىلىكتى ورىننىڭ توپىراعى، سۋ قاينارى، كليمات ورتاسىنا نەگىزدەلە وتىرىپ، ءبىز جوسپار بويىنشا قىستاقتىڭ كارتوپ ەگىمشىلىگى كولەمىن لايىقتى كەڭەيتۋگە بەكىدىك“. قىستاقتا تۇراتىن قىزمەت اترەتىنىڭ باستىعى، ءبىرىنشى شۋجي ليۋ گاڭ بىلاي دەدى: ”تاپسىرىس + سەلبەستىك كووپەراتيۆى +شارۋا وتباسى“ ۇلگىسىن قولدانۋ ارقىلى تاپسىرىستى ەگىمشىلىكتى دامىتتىق. ەگىمشىلىك شەبەرلەرىنىڭ باس بولۋىندا تومەن كىرىستى 26 وتباسىنداعى قىستاق تۇرعىندارى ىلگەرىندى - كەيىندى 200 مۋدان ارتىق جەرگە كراحمالدى كارتوپ ەگىپ، كىرىستەرىن ارتتىردى.
سورءمالى قىستاعىندا بارلىق وتباسى ساۋىن سيىر باعادى، الايدا بولەك - بولەك باققاندىقتان، كولەم قالىپتاستىرماعان.
قىزمەت اترەتى نىسان قارجىسىن ءوتىنىش ەتىپ، قىستاقتاعى 5 ءىرى باعىمشىلىق ءىرى وتباسىن ۇيىمداستىرىپ باعىمشىلىق سەلبەستىك كووپەراتيۆىن قۇرىپ، 1200 شارشى مەترلىك ولشەمدى سيىر باعىمشىلىعى بازاسىن سالىپ، ءىرى باعىمشىلىق وتباسىلارى ارقىلى ءناسىل ەنگىزۋ، باعۋ، ىندەتتەن ساقتانۋ، ساتۋ سياقتى جاقتاردا ءبىر تۇتاس باسقارىپ، باعىمشىلىقتىڭ وزىندىك قۇنىن جانە بازار حاۋىپ - قاتەرىن تومەندەتىپ، قىستاق تۇرعىندارىن سوڭعى ۋايىمىنان ارىلتتى.
قازىر تومەن كىرىستى 31 وتباسى 56 ساۋىن سيىرىن باعىمشىلىق بازاسىنا باعۋعا اماناتتاپ بەردى. كەدەي شارۋا احىمەت مامەت ۇيىندەگى 3 ساۋىن سيىرىن بازاعا اپارعان سوڭ، جىلىنا 4200 يۋان پايدا بولىسەدى. ”بىلتىر ايەلىم ەكەۋىمىز سىرتقا شىعىپ جۇمىس ىستەدىك، ’سيىردى اماناتتاپ باعاتىن ورىن‘ شىنىمەن وتباسىمىزدىڭ ۇلكەن ماسەلەسىن شەشتى“، - دەدى احىمەت.
كاسىپتى دامىتىپ كىرىستى ارتتىردى
”بۇرىن ۇيدەن شىقپاي ەگىنشىلىكپەن شۇعىلدانساق دا، ءبىر جىلدىڭ وزىندە دە كوپ اقشا تابا المايتىنبىز. قازىر ءۇيدىڭ قاسىندا وتىرىپ تۇمشالامالى شام جاساپ، كۇنىنە 100 يۋانعا جۋىق اقشا تابامىز“، - دەدى 4 - ايدىڭ 23 - كۇنى قىستاق تۇرعىنى جيميلام نياز قۋانىشپەن قولىنداعى تۇمشالامالى شامىن كوتەرىپ تۇرىپ.
”قىستاقتىڭ ەكونوميكاسىن دامىتۋ ءۇشىن، ءسوز جوق، جەتەكشى كاسىپ بولۋ كەرەك“. ليۋ گاڭ بىلاي دەدى: 2018 - جىلى قىزمەت اترەتى قارجى قۇراپ، تۇمشالامالى شام جاسايتىن ءبىر كاسىپورىن ەنگىزىپ، قىستاق تۇرعىندار كوميتەتىنىڭ كەڭ اۋلاسىنان 300 شارشى مەترلىك تۇمشالامالى شام جاساۋ زاۆودىن قۇرىپ، ماتەريالداردى وڭدەپ، قىستاق تۇرعىندارى جاساعان سانىنا قاراي وڭدەۋ اقىسىن الدى، قازىر تۇمشالامالى شام جاساۋ زاۆودى 19 قىستاق تۇرعىنىن جۇمىستاندىرىپ وتىر.
”تەك وڭدەۋ اقىسىنا عانا سۇيەنسە، قىستاق تۇرعىندارىنىڭ كىرىسىن تەز ارتتىرۋعا بولمايدى“، - دەدى ليۋ گاڭ ويلانىپ. كەيىن ول قىزمەت اترەتىنىڭ مۇشەلەرىمەن بىرگە تۇمشالامالى شامدى ساتۋ ارناسىن كەڭەيتتى، بۇل تۇمشالامالى شام زاۆودتىڭ كىرىسىن ارتتىرىپ قانا قالماستان، قىستاق تۇرعىندارىنىڭ جۇمىس ىستەۋ قىزعىندىلىعىن دا ارتتىردى. قازىر تۇمشالامالى شامنىڭ ساۋدا كىرىسى ۇزدىكسىز ارتىپ، كەدەي قىستاق تۇرعىندارى ءۇشىن كىرىستى ورنىقتى ارتتىرۋدىڭ جولىن اشتى.
جۇمىستانۋ، شارۋاشىلىق قۇرۋ ارقىلى كىرىستى ارتتىردى
”قىستاق تۇرعىندارىن دەربەس شارۋاشىلىق قۇرۋعا جانە سىرتقا شىعىپ جۇمىس ىستەۋگە شابىتتاندىرۋ دا كىرىستى ارتتىرۋدىڭ ماڭىزدى ءتاسىلى“. ليۋ گاڭ تىلشىگە بىلاي دەدى: قولىندا شەبەرلىگى بار قىستاق تۇرعىندارىن دەربەس شارۋاشىلىق قۇرۋعا جەتەكتەپ، كومەكتەسۋ ءۇشىن، قىزمەت اترەتى نىسان قارجىسىنان 300 مىڭ يۋان ءوتىنىش ەتىپ، قىستاق تۇرعىندار كوميتەتىنىڭ الدىنان شارۋاشىلىق قۇرۋشىلار كوشەسىن سالدى.
قىستاقتاعى تومەن كىرىستى وتباسى زۇلپيام ىدىرىس كەزىندە ۇرىمجىدە اسحانادا اسپاز كومەكشىسى بولىپ ىستەگەن. قىزمەت اترەتىنىڭ مۇشەلەرى جاعدايدى بىلگەن سوڭ، ونى شارۋاشىلىق قۇرۋشىلار كوشەسىنە بارىپ اسحانا اشۋعا شابىتتاندىردى. 2019 - جىلى زۇلپيام اسحاناسىن اشقان سوڭ، ساۋداسى كۇسەت بولدى. قازىر ول تاعى ءبىر ۇلكەن دۇكەندى كوتەرمەگە الدى.
قىستاق تۇرعىنى پارحات دولەت سامسا جابۋدىڭ شەبەرى، ول بەلسەندىلىكپەن ءوتىنىش بەرىپ شارۋاشىلىق قۇرۋشىلار كوشەسىنەن سامسا دۇكەنىن اشتى، ساۋدا باستاعان كۇنى 400دەن ارتىق سامسا ساتتى.
سونىمەن بىرگە، قىزمەت اترەتى جۇمىسشى ىستەتەتىن كاسىپورىنمەن، اۋداندىق ادام كۇشى بايلىعى جانە قوعامدىق قامتاماسىزداندىرۋ مەكەمەسىمەن ىرىقتىلىقپەن بايلانىس جاساپ، كاسىپورىنداردىڭ جۇمىسشى ىستەتۋ ينفورماتسياسىن دەر كەزىندە يگەرىپ، قىستاق تۇرعىندارىنىڭ جۇمىس ىستەۋى ءۇشىن لايىقتى جۇمىس ورنىن تانىستىردى. قازىرگە دەيىن، قىستاقتا 86 ادام وتباسىنان شىعىپ جۇمىستاندى ءارى ورنىقتى كىرىس كىرگىزدى.
