تيانشان تورى   ›   جاڭالىقتار   ›   شينجياڭ حابارلارى

جۇڭگو - ەۆروپا كەزەكشى پويەزىنىڭ قاتىناۋىندا ءۇرتىس ورلەۋ جارىققا شىقتى

جۇمىس ءتارتىبىن ساپالىلاندىرىپ، كەدەننەن ءوتۋدى جەبەدى، جاڭا كاسىپ كۇيىنىڭ دامۋىن جەتەكتەدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 5 - ايدىڭ 4 - كۇنى ۇرىمجىدەن حابارلايدى. 5 - ايدىڭ 3 - كۇنى ”جىڭجوۋ - شينجياڭ - ەۆروپا“ جۇڭگو - ەۆروپا كەزەكشى پويەزى 10 توننادان استام اۋىرلىقتاعى پوچتا جولدامالارىن تيەپ الاتاۋ ساعاسى شەكارا وتكەلى ارقىلى شەكارادان شىقتى، بۇل پوچتا جولدامالارى پولشاعا جەتكىزىلەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو - ەۆروپا كەزەكشى پويەزى جۇڭگو - ەۆروپانى، جۇڭگو - ورتا ازيانى تۇتاستىراتىن قامداۋ تىزبەگىندەگى ماڭىزدى تاسىمال تاسىلىنە اينالىپ، جۇڭگو - ەۆروپا، جۇڭگو - ورتا ازيا ءۇشىن ماڭىزدى زاتتىق ماتەريالداردى توقتاۋسىز تاسىمالدادى.

  ءۇرىمجى كەدەنىنىڭ ساناعىنا قاراعاندا، بيىل 1 - توقساندا ءۇرىمجى كەدەنى جيىنى 1482 جۇڭگو - ەۆروپا كەزەكشى پويەزىنىڭ شەكارادان كىرىپ - شىعۋىن باقىلاپ - باسقارعان، بۇل سايكەس مەزگىلدەگىدەن %7.39 ارتقان؛ ءبىر ميلليون 24 مىڭ 200 توننا جۇڭگو - ەۆروپا كەزەكشى پويەزى تاۋارلارىن باقىلاپ - باسقارعان، بۇل سايكەس مەزگىلدەگىدەن %45.09 ارتقان.

  ”1 - توقساندا تەڭىز تاسىمالىنىڭ، اۋە تاسىمالىنىڭ جانە تاس جول تاسىمالىنىڭ ىندەتتىڭ ىقپالىنا ۇشىراۋى ءبىرشاما زور بولعاندىقتان، جۇڭگو - ەۆروپا كەزەكشى پويەزىنىڭ ورىن باسۋ اسەرى ءبىرشاما كورنەكتى بولدى. قازىر شينجياڭدا شەكارا وتكەلى ارقىلى شەكارادان كىرىپ - شىعاتىن جۇڭگو - ەۆروپا كەزەكشى پويەزدارى بۇكىل ەلدە جۇرگىزىلگەن جۇڭگو - ەۆروپا كەزەكشى پويەزدارى جالپى مولشەرىنىڭ %70ىن يەلەدى“، - دەدى ءۇرىمجى كەدەنى پارتكومىنىڭ مۇشەسى، ساياسي ءبولىمىنىڭ مەڭگەرۋشىسى سۇن چىنميڭ.

  ىندەت تۋىلعاننان بەرى، شينجياڭدا شەكارا وتكەلى ارقىلى شەكارادان كىرىپ - شىعاتىن جۇڭگو - ەۆروپا كەزەكشى پويەزدارىنىڭ سانى كورنەكتى ارتتى ءارى كوپتەگەن سىرتقى ساۋدا جاڭا كاسىپ كۇيلەرىنىڭ دامۋىن جەتەكتەدى.

  5 - ايدىڭ 1 - كۇنى بەلگىلى حالىقارالىق زات اينالىمى قىزمەت وتەۋ ساۋداگەرى ءۇنحات دوستىق شەڭبەرىنە ءبىر قۋانىشتى حاباردى شىعاردى: ”جۇڭگو - ەۆروپا كەزەكشى پويەزدارى ەرەكشە قاربالاس بولعان كەزدە، ءبىز جۇڭگونىڭ دۇڭگۋانىنان بەلگيانىڭ لەجىسىنا ’قامبادان قامباعا دەيىنگى‘ 1 + 16 كۇندە جەتەتىن بۇكىل ەل بويىنشا ەڭ تەز بولۋداي ناتيجەگە قول جەتكىزدىك“. بۇل جۇڭگو - ەۆروپا كەزەكشى پويەزى ءدال الاتاۋ ساعاسى شەكارا وتكەلى ارقىلى شەكارادان شىققان ەدى.

  ”ەل ىشىندەگى بىرنەشە ايگىلى شەكارا اتتاعان ەلەكتروندىق ساۋدا كاسىپورىندارىنىڭ حالىقارالىق زات اينالىمىنداعى سەلبەسۋشى جاق رەتىندە، قازىر ءبىزدىڭ بارلىق شەكارا اتتاعان ەلەكتروندىق ساۋدا جولدامالارىمىز نەگىزىنەن تۇگەلدەي الاتاۋ شەكارا وتكەلى ارقىلى جۇڭگو - ەۆروپا كەزەكشى پويەزىمەن شەكارادان شىعارىلادى“، - دەدى وسى كاسىپورىننىڭ جاۋاپتىسى. بۇل كاسىپورىن الدىمەن اۆتوكولىك ارقىلى شەكارا اتتايتىن جولدامالاردى ىشكى وڭىرلەردەن الاتاۋ ساعاسى شەكارا وتكەلىنە جەتكىزەدى، شەكارا وتكەلىندە كەدەن مەكەمەسىنە مالىمدەگەننەن كەيىن، جۇڭگو - ەۆروپا كەزەكشى پويەزى ارقىلى ەۆروپاعا تاسىمالدانادى. شەكارا اتتاعان جولدامالاردى وسىنداي تاس جول مەن تەمىر جولدى بىرلەستىرۋ تاسىلىمەن تاسىمالداعاندا جۇمسالاتىن ۋاقىت تەڭىز ارقىلى تاسىمالداۋعا قاراعاندا ءبىر ەسە تەز، ونىڭ ۇستىنە ىندەتتەن ساقتانۋ - تىزگىندەۋ كەزىندەگى وزىندىك قۇنى اۆياتسيالىق تاسىمالداۋعا قاراعاندا %70كە جۋىق تومەن.

  الاتاۋ ساعاسى شەكارا وتكەلىندە 1 - ايدىڭ 21 - كۇنى تۇڭعىش رەت شەكارا اتتاعان ەلەكتروندىق ساۋدا بولشەك ساتۋ ەكسپورت كاسىبى ورىستەتىلگەننەن بەرى، قازىرگە دەيىن، جيىنى 50 مىڭنان استام، جالپى سالماعى 12. 780 توننا كەلەتىن پوچتا جولداماسى جۇڭگو - ەۆروپا كەزەكشى پويەزى ارقىلى الاتاۋ ساعاسى شەكارا وتكەلى ارقىلى شەكارادان شىعارىلدى.

  ”قازىر شەكارادان كىرىپ - شىعاتىن جۇڭگو - ەۆروپا كەزەكشى پويەزدارىندا ەكى ءتۇرلى ەرەكشەلىك جارىققا شىقتى، ءبىرىنشى، الەمدىك ىندەتتىڭ ىقپالىنا ۇشىراعاندىقتان، اسىلىندە اۋە تاسىمالى ارقىلى شەكارادان شىعارىلاتىن ءىشىنارا پوچتا جولدامالارى كەزەكشى پويەزعا اۋىستىرىلىپ تيەلىپ شەكارادان شىعارىلاتىن بولدى؛ ەكىنشى، جۇڭگو - ەۆروپا كەزەكشى پويەزى تاسىمالىنىڭ ورنىقتىلىعى مەن ونىمدىلىگى، ونىڭ حالىقارالىق كاسىپ تىزبەگىن، قامداۋ تىزبەگىن قامتاماسىزداندىرۋداعى ورنىقتىرۋ رولىن بارعان سايىن كورنەكتىلەندىرە ءتۇستى. بۇل دا جۇڭگو - ەۆروپا كەزەكشى پويەزدارى سانىنىڭ، تاسىمال مولشەرىنىڭ ارتۋىنداعى نەگىزگى سەبەپتەردىڭ ءبىرى“، - دەدى ءۇرىمجى كەدەنى شەكارا وتكەلىن باقىلاپ - باسقارۋ باسقارماسىنىڭ باستىعى گۋان يۇڭ.

  جۇڭگو - ەۆروپا كەزەكشى پويەزىنىڭ اناعۇرلىم تەز ءوتۋىن قامتاماسىز ەتۋ ءۇشىن، ءۇرىمجى كەدەنى جۇڭگو - ەۆروپا كەزەكشى پويەزىن دامىتۋدى قولداۋدىڭ 12 ءتۇرلى شاراسىن ورتاعا قويىپ، باقىلاۋ - باسقارۋ جۇمىس ءتارتىبىن ۇزدىكسىز ساپالىلاندىرىپ، كەدەندىك باقىلاۋ - باسقارۋ مەن تەمىر جول جۇمىسىنىڭ جىكسىز ءتۇيىلىسۋىن جۇزەگە اسىرىپ، جۇڭگو - ەۆروپا كەزەكشى پويەزىنىڭ كەدەننەن ءوتۋ راسمياتتارىن اناعۇرلىم ىقشامداپ، كەدەننەن ءوتۋ ۋاقىتى مەن وزىندىك قۇنىن تومەندەتتى.

  كەلەسى قادامدا ءۇرىمجى كەدەنى جۇڭگو - ەۆروپا كەزەكشى پويەزىنىڭ كاسىپ كولەمىن كەڭەيتىپ، ءتۇرلى فورماداعى بىرلەسىپ تاسىمالداۋ كاسىبىن دامىتىپ، جۇڭگو - قازاقستان ”كەدەن - تەمىر جول وتكەلى“ (كەدەن - تەمىر جول شارۋاشىلىق جۇرگىزۋشىلەرىنىڭ جۇڭگو - ەۆروپا كەزەكشى پويەزىنىڭ حاۋىپسىزدىگى مەن جىلدام كەدەننەن ءوتۋى بويىنشا سەرىكتەس سەلبەستىگىن ىلگەرىلەتۋ جوسپارى) نىسانىن ىسكە قوسىپ، ەكى جاقتى، كوپ جاقتى باقىلاپ - باسقارۋ حالىقارالىق سەلبەستىگىن ورىستەتىپ، تۇزىمدىك ايىرباس وزىندىك قۇنىن ۇزدىكسىز تومەندەتىپ، جۇڭگو - ەۆروپا كەزەكشى پويەزىنىڭ باتىسقا بەت الاتىن ارناسىنداعى ساۋدا قولايىلىعى ورەسىن جوعارىلاتادى.

  قازىر الاتاۋ ساعاسى شەكارا وتكەلى ارقىلى شەكارادان شىعاتىن جۇڭگو - ەۆروپا كەزەكشى پويەزى جەلىسىنەن 12سى، قورعاس تەمىر جول شەكارا وتكەلى ارقىلى شەكارادان شىعاتىن كەزەكشى پويەز جەلىسىنەن 16سى بار.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى