شينجياڭ گازەتىنىڭ جالپىلىق اقپارات قۇرالدارى تىلشىلەرى رىن جياڭ، ياۋ گاڭ
”1 - مامىر“ دەمالىسىندا رايونىمىزدىڭ جەر - جەرى ىندەتتەن ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرۋ العى شارتىندا، شينجياڭ ىشىندەگى ساياحات بازارلارىن جەدەل جانداندىرىپ، شينجياڭ ىشىندەگى ساياحات بازارىنىڭ گۇلدەنۋىن، ساياحات ءتارتىبىنىڭ جۇيەلى، قىزمەت وتەۋ - باسقارۋىنىڭ كەمەلدى، ساياحاتتىڭ حاۋىپسىز، ورنىقتى بولۋىن جۇزەگە اسىردى. 5 - ايدىڭ 1 - كۇنىنەن 5 - كۇنىنە دەيىن، تۇتاس شينجياڭ بويىنشا 4 ميلليون 402 مىڭ ادام - رەت ساياحاتشى قابىلدانىپ، سايكەس مەزگىلدەگىدەن ％30.31 ارتتى؛ ساياحات كىرىسى ءبىر ميلليارد 778 ميلليون يۋانعا جەتىپ، قالپىنا كەلۋ مولشەرى ％74.56 بولدى.
ىندەتتەن ساقتانۋ قاتاڭ، ساياحات جۇيەلى دە ءتارتىپتى بولدى
اۆتوموبيلدەردى زارارسىزداندىرۋ، ساياحاتشىلاردى حاۋىپسىزدىك تەكسەرۋىنەن وتكىزۋ، سالاماتتىق كودىن تەكسەرۋ، دەنە تەمپەراتۋراسىن ولشەۋ، ءبىر - بىردەن تىزىمدەۋ، ارالىق ساقتاپ قاتارعا تۇرۋ، ارالاپ ءجۇرىپ ءناسيحاتتاۋ، سونىمەن قوسا، الدىن الا كەلىسىپ شىن اتى - جونىمەن بەلەت ساتىپ الۋ، ادام اعىنىن عىلمي تىزگىندەۋ... ”1 - مامىر“ دەمالىسىندا قاناس كورىنىس وڭىرىنە قىرۋار ساياحاتشى كەلدى، ءتارتىپتى دە جۇيەلى بولدى.
رايونىمىزدىڭ جەر - جەرى ساياحات بازارىنىڭ جاندانۋىن تەزدەتۋدە ىندەتتەن ساقتانۋ - تىزگىندەۋدى بوساڭسىتپاي مىقتى ۇستاۋ پرينسيبىنە باستان - اياق قاتاڭ بويسۇندى.
التاي ايماعى كورىنىس وڭىرلەرىندە ”شەكتى مولشەردە اشۋ، الدىن الا كەلىسىپ اشۋ، تارتىپپەن اشۋ، ارالىق ۋاقىت ساقتاپ باقشاعا كىرۋ، قاۋىرت كەزدەن اۋاشا ساياحاتتاۋ“ سياقتى شارالاردى قاتاڭ اتقارىپ، كورىنىس وڭىرلەرىندە ساياحاتشىلاردىڭ سانىن قاتاڭ تىزگىندەپ، بارلىق كورىنىس وڭىرلەرىنىڭ قابىلداۋ مولشەرىن كورىنىس ءوڭىرىنىڭ ەڭ زور كوتەرىلىمدىگىنىڭ ％30ىنەن اسىرمادى؛ ءتۇيىندى وڭىرلەر مەن ءتۇيىندى بۋىنداردى باسقارۋدى مىقتى ۇستاپ، الدىن الا كەلىسۋ ءتۇزىمىن اتقارۋدى ىلگەرىلەتىپ، كورىنىس وڭىرلەرىندەگى ادام اعىنىن لايىقتى مەڭگەردى.
بايىنعولين موڭعۇل اۆتونوميالى وبلىسى بارلىق كورىنىس وڭىرلەرىنەن ىندەتتەن ساقتانۋ - تىزگىندەۋ شارالارىن تياناقتاندىرۋدى تالاپ ەتتى، سونداي - اق تۇتاس وبلىستاعى 29 كورىنىس ءوڭىرىنىڭ شىعۋ - كىرۋ ەسىگىنە، بەلەت ساتۋ ورىندارىنا دىبىستى ەسكەرتۋ بەرۋ قىزمەت وتەۋىن ۇستەمەلەپ ورنالاستىرىپ، ىندەتتەن ساقتانۋ - تىزگىندەۋ جانە ادام اعىنىن شەكتەۋ شارالارىن ءتۇرلى تاسىلدەر ارقىلى ۇگىتتەپ، ساياحاتشىلاردى ارالىق ۋاقىت ساقتاپ باقشاعا كىرۋگە، قاۋىرت كەزدەن اۋاشا ساياحاتتاۋعا جەتەكتەدى.
حوتان ايماعى بارلىق كورىنىس وڭىرلەرىندەگى كورىنىس تۇيىندەرىنىڭ، شارۋالار شاتتىعى ساياجايلارىنىڭ، ساياحات كاسىپورىندارىنىڭ جاۋاپتىلارى مەن باسقارۋشىلارىنا ىندەتتەن ساقتانۋ - تىزگىندەۋ بويىنشا تولىق باۋلۋ جۇرگىزىپ، كورىنىس وڭىرلەرىندەگى كورىنىس تۇيىندەرى، شارۋالار شاتتىعى ساياجايلارى، قوناقجايلار، مەيمانحانالار سياقتى ءتۇيىندى ورىندارداعى دارەتحانا، اس ءۇيى، ايىرىمحانا، سەرۋەن اۆتوموبيلى، ساياحات كەمەسى سياقتىلاردى ءار كۇنى زارارسىزداندىرۋدى ءارى تىزىمگە الۋدى ويداعىداي ورىنداپ، شارا قولدانىپ، ساياحاتشىلاردىڭ توپتاسۋىنان ساقتاندى.
اۆتونوميالى رايوندىق مادەنيەت جانە ساياحات مەڭگەرمەسى، سونداي - اق ءارقايسى ايماق، وبلىس، قالالاردىڭ مادەنيەت، ساياحات تاراۋلارى دەمالىس كەزىندە باقىلاۋ - تەكسەرۋ گرۋپپالارىن ۇيىمداستىرىپ، جەر - جەرگە، ءارقايسى ساياحات وڭىرلەرىنە تەكسەرۋگە، جەتەكشىلىك ەتۋگە جىبەرىپ، ىندەتتەن ساقتانۋ - تىزگىندەۋدى ويداعىداي ىستەۋگە شىنايى كەپىلدىك ەتۋ العى شارتىندا، ساياحات كاسىبىن ءتارتىپتى قالپىنا كەلتىردى.
فورماسى الۋان ءتۇرلى بولدى، ساياحاتشىلار تاماشا سەزىمگە كەنەلدى
”1 - مامىر“ دەمالىسىندا بۇراتالا موڭعۇل اۆتونوميالى وبلىسىنداعى ءارقايسى اۋدان - قالا ”اتتانىسقا كەلدى“، ”جۇمىلدى“: بۇراتالا قالاسىنداعى كايپيڭ كولىندە سامالاداي سامسىعان شىراقتار ءتۇن اسپانىنا كورىك بەرىپ، قالا تۇرعىندارى مەن ساياحاتشىلار بىرىنەن سوڭ ءبىرى سۋرەتكە ءتۇسىپ ەستەلىك قالدىردى. سايرام كولى كورىنىس وڭىرىندە ساياحاتشىلار ءۇستىرت تاۋ كولى كورىنىسىن تاماشالاپ، كارتين دالالىق اۆتوموبيلىن ايداۋ، كەمپىرقوساق سىرعىما جولىنان سىرعاناۋ سياقتى ءتۇرلى قيمىلداردان ءلاززات الدى؛ جىڭ اۋدانى توتو قالاشىعى مۇتتار قۇمىندا شەكسىز قۇم تەڭىزى، اسقاق بوي سوزىپ تۇرعان مىڭ جىلدىق توراڭعى ورمانى ءوز كولىگىمەن ساياحاتتاۋ اۋەسكەرلەرىن باۋرادى.
شينجياڭنىڭ جەر - جەرى اۋىل - قىستاق ساياحاتىن، بالا - شاعاسىمەن ساياحاتتاۋدى، گۇل تاماشالاۋ ساياحاتىن، ءوز كولىگىمەن ساياحاتتاۋدى جابال ىسكە قوستى. ءۇرىمجى قالاسىندا ساياحاتشىلار شينجياڭ بايىرعى ەكولوگيالىق باقشاسىنا بارىپ ات ونەرى ويىندارىن تاماشالاۋ، شىنمۋيۋان كورىنىس وڭىرىندە ات ونەرى ويىندارىن جانە شىراق سالتاناتىن تاماشالاۋ، قار - مۇز قالاشىعىنداعى ساياحات سياقتى قيمىلدارعا قاتىناسۋدى تاڭدادى؛ سانجى حۇيزۋ اۆتونوميالى وبلىسىندا ”كوكتەمدە سانجىعا كەلىپ سەيىل قۇرۋ“، ”گۇل ءيىسى شار تاراپقا اڭقىعان تيڭجوۋ“، ”باتپىراۋىق قالىقتاعان كوك اسپان“ باتپىراۋىق مەرەكەسى، ”شينجياڭدى ءسۇيۋ. اۋىلدى ساياحاتتاۋ“ ءوز كولىگىمەن تيانشاندى ساياحاتتاۋ، مادەنيەت ويىن - ساۋىعىن كورىنىس وڭىرلەرىنە كىرگىزۋ سياقتى ءبىرسىپىرا قيمىلدار ساياحاتشىلاردىڭ ءتىپتى دە كوپ تالعام جاساۋىنا مۇمكىندىك بەردى؛ التاي ايماعىنىڭ ءارقايسى اۋدان، قالاسى ەرەكشەلىگى كورنەكتى قيمىلداردى جۇرگىزدى، ەرەكشە ۇناتۋعا يە بولعان ”99 يۋانمەن اۋىلدى ساياحاتتاۋ“ قيمىلى،“ قوم - قاناسقا 2 كۇندىك ساياحات“، ”كوكتوعايعا 2 كۇندىك ساياحات“، ”جەمەنەيدە قويتاسقا ءبىر كۇندىك ساياحات“، ”بۋىرشىنعا ءبىر كۇندىك ساياحات“، ”قابا اققايىڭ ورمانىنا ءبىر كۇندىك ساياحات“ سياقتى جەلىلەر ساياحاتشىلاردىڭ العاشقى تاڭداۋىنا اينالدى...
شارالار ناقتى اتقارىلدى، ساياحات ورنىقتى قاداممەن قالپىنا كەلدى
”1 - مامىر“ دەمالىسىندا التاي ايماعى قابىلداعان ساياحاتشىلار سانى، ساياحات جالپى تۇتىنۋى سايكەس مەزگىلدەگىدەن ارتتى، مۇنىڭ ىشىندە قاناس كورىنىس ءوڭىرى، كوكتوعاي كورىنىس ءوڭىرىنىڭ ساياحات مولشەرى زور دارەجەدە ارتتى. 5 - ايدىڭ 1 - كۇنىنەن باستاپ، 200 ميلليون يۋان قارجىعا ساياتىن 10 ۇلكەن تيىمدىلىك جاساۋ شارالارى ىركەس - تىركەس اتقارىلىپ، قالىڭ ساياحاتشىلاردى باۋراپ، جەرگىلىكتى ورىننىڭ ”200 ميلليون يۋان ساياساتتىق قارجى قوسىمشا قاراجاتىنان پايدالانىپ 30 ميلليارد يۋان ساياحات تۇتىنۋ قارجىسىنا قول جەتكىزۋىنە“ جاقسى باستاما ازىرلەدى.
شينجياڭنىڭ جەر - جەرى ناق قارجى سالىپ، شينجياڭ ىشىندەگى ساياحات بازارىن جانداندىردى. سانجى حۇيزۋ اۆتونوميالى وبلىسى ەكى مەرزىمگە ءبولىپ 220 ميلليون يۋاندىق مادەنيەت - ساياحات تۇتىنۋ بەلەتىن تاراتتى؛ 5 - ايدىڭ 1 - كۇنى ءۇرىمجى 3 - كەزەكتى ساياحات تۇتىنۋ بەلەتىن باستاپ تاراتتى، جارتى ساعاتتىڭ ىشىندە بەلەت تۇگەل تاراتىلىپ بولدى.
شينجياڭنىڭ جەر - جەرىنىڭ ساياحات كاسىبى ورنىقتى قالپىنا كەلە باستادى. بايىنعولين وبلىسىندا اۋىل - قىستاق ساياحاتى تەز قالپىنا كەلدى، كورلا قالاسى اۋات اۋىلى ۇلتتىق سالت - سانا ءدامدى تاعامداردان اۋىز ءتيۋ كوشەسى، باعىراش اۋدانى تابانجوكىن اۋىلى گۇل تەڭىزى، يانجي حۇيزۋ اۆتونوميالى اۋدانى بورقاي اۋىلى ۇلتتىق سالت - سانانى كورۋ جانە چيگىشيڭ قالاشىعى قوراتاۋ قىستاعى شىراق مەرەكەسى، لوپنۇر اۋدانى شيپيڭ قالاشىعى داشي قىستاعى لوپنۇر ءدامى كوشەسى اۋماعى سياقتىلار اۋىل - قىستاق ساياحاتىنىڭ قىزۋ تۇيىنىنە اينالۋدا، ال كورلا دەنە تاربيە باقشاسىندا، اققۋ وزەنى كورىنىس وڭىرىندە ساياحاتشىلار ءار كۇنى 10 مىڭنان استام ادام - رەتتەن اسىپ، لوپنۇر اۋدانى لوپنۇرلىقتار قورجاسى كورىنىس ءوڭىرى، دۇڭقۇتان اۋىلى قورجا قىستاعى ساياحات بازارى، گۇلباع اۋىلى الاۋ كەشكى بازارى سياقتىلار قىرۋار ساياحاتشىلاردى باۋرادى.
