تيانشان تورى   ›   جاڭالىقتار   ›   ساياحات

شينجياڭ تەمىر جولى 429 مىڭ 200 ادام ـ رەت جولاۋشى جونەلتتى

  5-ايدىڭ 6-كۇنى، ءتىلشىنىڭ جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىنشا، ”1-مامىر“ دەمالىسىندا، شينجياڭ تەمىر جولى جالپى 429 مىڭ 200 ادام رەت جولاۋشى جونەلتىپ، كۇندىك جونەلتۋ مولشەرى 71 مىڭ 300 ادام رەت بولعان.

  شينجياڭ تەمىر جولىنىڭ ”1-مامىر“ دەمالىس تاسىمال مەزگىلى 4-ايدىڭ 30-كۇنىنەن 5-ايدىڭ 5-كۇنىنە دەيىن جالپى 6 كۇن. جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىنا ۇشىراپ، دەمالىس مەزگىلىندە شينجياڭ ىشىندەگى تۋىسشىلاۋ، وقۋشى جانە جولاۋشىلاردىڭ اعىس مولشەرى وتكەن جىلداعىدان زور مولشەردە تومەندەدى. جولاۋشىلاردىڭ قاۋىرت مەزگىلى 5-ايدىڭ 1-كۇنى بولدى، شينجياڭ بويىنشا تەمىر جول ارقىلى جونەلتىلگەن جولاۋشى 86 مىڭ 700 ادام ـ رەتكە جەتىپ، جۇقپالى اۋرۋدان بەرگى ٴبىر كۇندىك جولاۋشى جونەلتۋ مولشەرىنىڭ ەڭ جوعارى شەگىنە جەتتى.

  ۇعىسۋعا قاراعاندا، دەمالىس كەزىندە جولاۋشى تاسىمالىن ويداعىداي ىستەۋ ءۇشىن، شينجياڭ تەمىر جولى 4-ايدىڭ 30-كۇنىنەن 5-ايدىڭ 5-كۇنىنە دەيىن 21 كەزەك اينالىم جوسپار دياگراممالى جولاۋشىلار پويەزىن قالپىنا كەلتىردى، بۇنىڭ ىشىندە شىعىس شينجياڭعا 3 جۇپ، سولتۇستىك شينجياڭعا 5 جۇپ، وڭتۇستىك شينجياڭعا 2 جۇپ قاتىنايدى. سونىمەن قاتار، ۇرىمجىدەن قاشقار، حوتان، شاۋەشەك، التاي قاتارلى باعىتقا قاتىنايتىن 5 جۇپ جولاۋشىلار پويەزىنە تىركەۋ ورنالاستىرىپ، جولاۋشىلاردىڭ ءجۇرىس-تۇرىسىن قاناعاتتاندىردى.

  ”1-مامىر“ دەمالىسى لانجوۋ-شينجياڭ جوعارى قارقىندى تەمىر جولىنىڭ ەلەكتروندىق بەلەت قولدانۋىنداعى العاشقى دەمالىس، لانجوۋ ـ شينجياڭ جوعارى قارقىندى تەمىر جولىنىڭ شينجياڭ بولەگىندەگى 7 جوعارى قارقىندى تەمىر جول ۆوكزالى بەلەت ساتۋ زالىنا، قىزمەت وتەۋ تەكشەسىنە ارناۋلى ادام ورنالاستىرىپ، ەلەكتروندىق بەلەت ىستەتۋ جونىندە جەتەكشىلىك ەتىپ تۇسىنىك جاسادى، ”1-مامىر“ دەمالىستىڭ جۇيەسى حاۋىپسىز، ورنىقتى جۇمىس جۇرگىزىپ، جولاۋشىلاردىڭ اسەرى جاقسى بولدى.

  ”1-مامىر“ دەمالىسى شينجياڭ ىشىندە قىسقا ارالىقتى ساياحاتتىڭ التىن مەزگىلى، شينجياڭ ىشىندە ساياحات، سەيىل ـ سەرۋەن ساياحاتشىلارى از مولشەردە ارتتى. شينجياڭ تەمىر جولى بيىل تۇڭعىش كەزەك ”پويەزبەن شينجياڭدى ساياحاتتاۋ . ماي بوياۋلى سۋرەتتەي تارباعاتاي“ ساياحات ارناۋلى پويەزىن اشىپ، ساياحاتشىلاردى ەرتىپ تارباعاتاي شاعانتوعاي ”تاۋ گۇلى مەرەكەسى“نە اپارادى. قۇلجا، التاي، كورلا قاتارلى باعىتتار، سونداي-اق، لانجوۋ-شينجياڭ جوعارى قارقىندى تەمىرجولى بويىنداعى تۇرپان، ءپىشان، قۇمىل قاتارلى ساياحات كورىنىس رايوندارىنىڭ جولاۋشى مولشەرى دە الدىڭعى مەزگىلدەگىندەن ارتتى، تەمىر جول تاراۋلارى قامداعان جەتكىلىكتى تاسىمال قۋاتى ٴتۇيىندى كورىنىس وڭىرلەرىنىڭ جولاۋشىلار شوعىرلى ٴجۇرىس ـ تۇرىسى ماسەلەسىن ٴونىمدى شەشىپ، ساياحات ەكونوميكاسىنىڭ ۇزدىكسىز جوعارىلاۋىنا دەم بەردى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • ”تاريحى ۇزاق“ كاسىپورىن سارا جولعا ءتۇسىپ، ورايدى مىقتاپ يگەردى
  • انار گۇلى قىپ - قىزىل بولىپ اشىلدى
  • سۋ دا وسىنداي ءتاتتى بولادى ەكەن
  • شينجياڭداعى كەدەي حالىقتىڭ اۋىز سۋ حاۋىپسىزدىگى جالپى بەتتىك جۇزەگە اسىرىلدى
  • رايونىمىز دالمە - ءدال شارا قولدانىپ جۇمىستانۋدى ورنىقتىرىپ، حالىق تۇرمىسىن قامتاماسىز ەتتى