5 - ايدىڭ 2 - كۇنى ۋي شيڭلۇڭ (وڭدا) قىستاق كادرلارىمەن ينتەرنەت تىكە تاراتىلىمىنان پايدالانىپ، قىستاق تۇرعىندارىنىڭ جۇمىرتقا ساتۋىنا كومەكتەسۋدە.
5 - ايدىڭ 2 - كۇنى ۋي شيڭلۇڭ (وڭدا) قىستاق تۇرعىنى لي چىڭجۋمەن بىرگە حيميالىق تىڭايتقىش تاسۋدا.
5 - ايدىڭ 2 - كۇنى ۋي شيڭلۇڭ )سولدا( جۇپ قۇراعان تۋىسى ساۋداجاننىڭ سيىر قورا سالۋىنا كومەكتەسۋدە. سۋرەتىن ءتۇسىرىپ، حابارىن جازعان شينجياڭ گازەتىنىڭ جالپىلىق اقپارات قۇرالدارى ءتىلشىسى حان لياڭ
”ليۋ اپاي، بۇل جۇمىرتقانىڭ اقشاسى“. 5 - ايدىڭ 2 - كۇنى ۋي شيڭلۇڭ قىستاق تۇرعىنى ليۋ گۇيليڭعا كومەكتەسىپ ساتقان جۇمىرتقانىڭ اقشاسىن قولىنا بەردى.
ۋي شيڭلۇڭ بۇراتالا جۇڭگو بانكەسى قامسىزداندىرۋدى باقىلاۋ - باسقارۋ بولىمشە مەكەمەسىنىڭ بۇراتالا قالاسى شويىڭپان قالاشىعى ۇمكەبۇلاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ مۇشەسى. ءبىر رەتكى جاعداي ۇعىسۋ بارىسىندا قىستاق تۇرعىنى ليۋ گۇيليڭنىڭ ناۋقاس سەبەبىنەن وتباسىنىڭ كەدەيلىك قىسپاعىندا قالعاندىعىن ۇعىسادى. ۋي شيڭلۇڭ قىزمەت اترەتىندەگى باسقا مۇشەلەرمەن اقىلداسقاننان كەيىن، ونىڭ وتباسىنىڭ باعىمشىلىق نىسانىن دامىتۋىنا كومەك كورسەتۋدى ۇيعارادى.
شوجە جەتكىزىپ بەردى، جىلىجاي، قورا - قوپسى سالىپ بەردى، باعىمشىلىق تەحنيكتەرىن ۇسىنىس ەتتى، ۋي شيڭلۇڭنىڭ كومەگىندە، ليۋ گۇيليڭنىڭ باققان تاۋىقتارى جۇمىرتقالاي باستايدى، الايدا جۇمىرتقانى ساتۋ دا ماسەلەگە اينالادى.
”كوپشىلىك كورىڭىزدەر، بۇل ءبىزدىڭ قىستاقتىڭ جەرگىلىكتى تاۋىق جۇمىرتقاسى، بىرەۋى 1.5 يۋان“. وسىنداي مازمۇنداردى ۋي شيڭلۇڭنىڭ دوستار توبىنان، تۋىس - تۋعاندار توبىنان ءار كۇنى دەرلىكتەي كورۋگە بولادى. جەلىدە جۇمىرتقا ساتۋ ينفورماتسياسىن تاراتسا، جەلىدەن تىسقارى ۋي شيڭلۇڭ تاعى بۇراتالا قالاسىنداعى ءاربىر شاعىن اسحاناعا، قوناق ۇيلەرگە بارىپ تانىستىرىپ ساتادى. بىرتە - بىرتە جۇمىرتقانىڭ ساتىلىمى جاقسارا تۇسەدى، ءىشىنارا قىستاق تۇرعىندارى دا ۋي شيڭلۇڭدى ىزدەپ كەلىپ جۇمىرتقالارىن كورسەتەدى، ول قىستاقتاعى ”جۇمىرتقا ساتۋشىعا“ اينالادى.
جۇمىرتقا ساتۋدان قامىقپايتىن بولعان ليۋ گۇيليڭنىڭ جۇزىنەن قۋانىش كۇلكىسى قايتا ەسەدى. بيىل ول تاعى جۇمىرتقالىق تاۋىق باعىمشىلىعى كولەمىن كەڭەيتتى. ”قازىر مەنىڭ تۇرمىسىم كۇن سايىن جاقسارىپ كەلەدى“، - دەدى ليۋ گۇيليڭ.
”شياۋۋي ماعان، شىنىمەن، ۇلكەن كومەك كورسەتتى!“ كەدەي وتباسى لي چىڭجۋ استىق ەگۋ شەبەرى، ءوندىرىستى كەڭەيتۋدى ويلاپ كەلگەنىمەن، قارجى تاپشى بولاتىن. ۋي شيڭلۇڭ ونىڭ كەدەيلەردى سۇيەمەلدەۋ شاعىن سومالى قارىز اقشاسىن الۋىنا كومەكتەسەدى. ”شياۋۋيدىڭ كومەگىندە مەن 600 مىڭ يۋان قارىز اقشاعا يە بولدىم، بيىل 410 مۋ جەردى كوتەرمەگە الدىم“، - دەدى لي چىڭجۋ.
قىستاقتا تۇرعان 2 جىلدان استام ۋاقىتتان بەرى، قىستاقتا ۋي شيڭلۇڭ ”بەيتانىس ادامنان“ كوپشىلىك مويىنداعان ”شياۋۋيعا“ اينالدى. ”قىستاق تۇرعىندارىنىڭ جاقسى تۇرمىس كەشىرۋىنە كومەكتەسە العانىما ءوزىمدى زور تابىسقا كەنەلگەندەي سەزىنىپ ءجۇرمىن“، - دەدى ۋي شيڭلۇڭ.
