تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

قاشقار ايماعى: قارقىنعا كۇش سالىپ، اياق الىستى جەدەلدەتىپ، كەدەيلىكتىڭ تامىرىنا بالتا شابۋعا قۇلشىندى

  شينجياڭ گازەتىنىڭ جالپىلىق اقپارات قۇرالدارى ءتىلشىسى حان چينيان 5 - ايدىڭ 6 - كۇنى قاشقاردان حابارلايدى. ”جىلىجايداعى مايلى شاپتول بازارعا شىعارىلا باستادى، 5 -، 6 - ايلاردا ساتىلىپ بولادى، مىنا 12 جىلىجايداعى مايلى شاپتول ماعان 70 − 80 مىڭ يۋان كىرىس كىرگىزەدى“، - دەدى 4 - ايدىڭ 25 - كۇنى ياركەن اۋدانى جاڭا وستەڭ اۋىلى جاڭا وستەڭ قىستاعىنىڭ تۇرعىنى امينا تۇرسىن جىلىجايداعى مايلى شاپتولداردى نۇسقاپ تۇرىپ قۋانىشپەن، - ”اعاشتاعى مايلى شاپتولدىڭ جەمىس بەرۋى جىلدان - جىلعا مولايىپ كەلەدى، بيىل وتباسىمىز، ءسوزسىز، كەدەيلىكتەن ارىلادى“.

  ”3 رايون، 3 وبلىستاعى“ اۋىر كەدەي وڭىرلەردىڭ ءبىرى بولعان قاشقار ايماعىندا بيىل ءالى دە 4 كەدەي اۋداننىڭ قالپاعى الىنۋ، 293 كەدەي قىستاق كەدەيلىك تىزىمىنەن شەگىنۋ، 77 مىڭ 200 كەدەي كەدەيلىكتەن ارىلۋ الدىندا تۇر.

  بيىل جىل باسىندا توسىنىنان تۋىلعان جاڭا تيپتى ايدارشا ۆيرۋس وكپە قابىنۋ ىندەتى ادامداردىڭ قالىپتى تۇرمىسىن بۇزىپ، وسى 293 كەدەي قىستاقتىڭ كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋىنە ءتيىمسىز ىقپال جاسادى. قاشقار ايماعىنداعى ءار دارەجەلى پارتكومدار مەن ۇكىمەتتەر ءىس جۇزىندىكتى تياناق ەتىپ، جەر جاعدايىنا قاراي ىستەپ، دالمە - ءدال كۇش سالىپ، دالمە - ءدال شارا قولدانىپ، كەدەيلىكتىڭ تامىرىنا بالتا شابۋعا قۇلشىنىپ، كەدەيلىك قالپاعىن الىپ، قارقىنعا كۇش سالىپ، اياق الىستى جەدەلدەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە دەر كەزىندە، جوعارى ساپامەن جەتۋگە شىنايى كەپىلدىك ەتتى.

  شايقاستى قاداعالاۋ باستالعاننان بەرى، قاشقار ايماعىنداعى ءار دارەجەلى باسشى كادرلار وزدەرى بايلانىس جاساۋدى كوتەرەگە العان كەدەي قىستاقتارعا بارىپ، ”تورعاي بورشالاۋ“ ادىسىمەن قىستاقتاردىڭ كەدەيلىكتەن ارىلتۋ قىزمەت جوباسىنا، ”ءبىر وتباسىندا ءبىر شارا“، ”ءبىر ادامدا ءبىر قىزمەت ورنى بولۋ“ جوباسىنا ءبىر - بىرلەپ تالداۋ جاساپ، وي جەلىسىن ايقىنداۋىنا، اشالاۋعا، كەمەلدەندىرۋگە كومەكتەستى.

  ”بۇكىل ايماقتا 40تان استام مەڭگەرمە دارەجەلى باسشى كادر، 250دەن استام اۋدان - باسقارما دارەجەلى باسشى كادر تىزىمدىكتەن شەگىندىرىلمەگەن كەدەي قىستاقتاردا شايقاستى قاداعالادى، ايماققا توتە قاراستى تاراۋلار مەن اۋدان، اۋىلداردىڭ 1500دەن استامعا جۋىق باسشى كادرى تىزىمدىكتەن شەگىندىرىلگەن قىستاقتاردا، كەدەيلەردى سۇيەمەلدەۋ مىندەتى بار كەدەي ەمەس قىستاقتاردا بايلانىس جاساۋدى كوتەرەگە الىپ قۋزاپ - جەتەكشىلىك ەتىپ، بايلانىس جاساپ كومەكتەسۋ - سۇيەمەلدەۋمەن جاپپاي قامتىدى“، - دەدى قاشقار ايماقتىق پارتكومنىڭ مۇشەسى، ۇيىمداستىرۋ ءبولىمىنىڭ باستىعى ۋاڭ شينگى، - ”ءبىز، ءسوز جوق، بورىشتى ادا ەتىپ، زور شەشۋشى شايقاس جاساۋ كۇيىمەن كەدەيلىكتەن ارىلتۋدان قامال الۋ مىندەتىن جوعارى ساپامەن ورىندايمىز“.

  ياركەن اۋدانى پاكشى اۋىلى پاكشى قىستاعى يچىڭ مايسا جەتىلدىرۋ شارۋالار سەلبەستىك كووپەراتيۆىنىڭ مايسا جەتىلدىرۋ بازاسىندا قىستاق تۇرعىنى يمىن توحتى كوكونىس مايساسىن زەر سالا باپتاۋدا. ”مۇندا كەلىپ قىزمەت ىستەگەننەن بەرى، مەن ءبىر جاعىنان اقشا تاۋىپ، ءبىر جاعىنان تەحنيكا ۇيرەندىم، قازىر كوپتەگەن تەحنيكالاردى يگەرىپ الدىم، ايلىق ەڭبەكاقىم 4000 يۋان“، - دەدى يمىن قۋانىشپەن.

  يمىن پاكشى قىستاعىنداعى ارحيۆ تۇرعىزىلىپ، كارتچكالاندىرىلعان كەدەي، بۇرىن تەحنيكا كەمشىل بولعاندىقتان ۇيىندە ەگىس جۇمىسىمەن شۇعىلدانىپ، كىرىسى تومەن بولىپ كەلگەن ەدى. سەلبەستىك كووپەراتيۆى قۇرىلعاننان كەيىن، ول سەلبەستىك كووپەراتيۆىندە قىزمەت ىستەۋمەن بىرگە، تەحنيكا ۇيرەنىپ، ەڭبەكاقىسى بارعان سايىن جوعارىلادى. قازىر ونىڭ ايەلى دە سەلبەستىك كووپەراتيۆىندە قىزمەت ىستەيدى، ءبىر ءۇيلى جاننىڭ تۇرمىسى بارعان سايىن جاقسارىپ كەلەدى.

  يمىن ەرلى - زايىپتىلاردىڭ وزگەرىسى اۋدان جاعدايىنا، اۋىل جاعدايىنا، قىستاق جاعدايىنا، وتباسى جاعدايىنا جانە ءاربىر ادامنىڭ جاعدايىنا ۇيلەستىرىپ شايقاستى باسى - قاسىندا قاداعالاۋدىڭ، بايلانىس جاساۋدى كوتەرەگە الىپ كومەكتەسۋ - سۇيەمەلدەۋ جوباسىنىڭ اتقارىلۋىنىڭ جەمىسى بولاتۇعىن.

  قاعىلىق اۋدانى تەتىر اۋىلى تومەنشاقا قىستاعىندا ارحيۆ تۇرعىزىلىپ، كارتچكالاندىرىلعان 137 وتباسى، 567 ادام بار، شارۋالاردىڭ ەگىنشىلىكتەگى كىرىسىنىڭ تومەن، جۇمىستانىپ كىرىسىن ارتتىرۋ ارناسى تار بولۋداي جاعدايعا قاراتا، ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى، قىستاق ”ەكى كوميتەتى“ كاسىپ سالاسىن دامىتۋ جولىندا بەلسەندىلىكپەن ىزدەنىس جاساپ، قىستاق تۇرعىندارىن جاقىن ماڭداعى اۋىلداردىڭ باسىمدىعىنان پايدالانىپ كوكونىس جىلىجايىن دامىتىپ، كىرىستەرىن ارتتىرۋعا جۇمىلدىردى.

  تەكسەرۋ ارقىلى قىزمەت اترەتى، قىستاق ”ەكى كوميتەتى“ جۇپار ساڭىراۋقۇلاقتى ەگۋگە قوسىلاتىن قارجى از، بازارداعى سۇرانىس مولشەرى جوعارى، ”تەز ءونىم بەرەتىن“ كىرىستى ارتتىرۋ نىسانى ەكەنىن بايقايدى. سونىمەن، قىستاقتا تۇرعان قىزمەت اترەتى جىلىجايدا ءوسىرۋ تاجىريبەسى بار قىستاق تۇرعىنى مامەتازەز ءوماردى باستاماشىلىقپەن سەلبەستىك كووپەراتيۆىن قۇرىپ، ەگىنشىلىك ىستەۋگە اتتانىسقا كەلتىردى ءارى مامانداردى ۇسىنىس ەتىپ ساڭىراۋقۇلاق تاياقشاسىن جاساۋ، تەرۋ، ساتۋ سياقتى بۋىندارعا جەتەكشىلىك ەتتى.

  ”سەلبەستىك كووپەراتيۆىندە قازىر 10 مىڭ ساڭىراۋقۇلاق تاياقشاسى بار، ءبىر ساڭىراۋقۇلاق تاياقشاسىنان ءبىر كيلوگرام جۇپار ساڭىراۋقۇلاق وندىرىلەدى، ءبىر كيلوگرامىنىڭ تولايىم ساتۋ باعاسى 15 يۋان، ءبىر جىلىجايدان ءبىر جىلدا، ەڭ تومەن بولعاندا، 20 − 30 مىڭ يۋانعا دەيىن كىرىس كىرەدى“، - دەدى مامەتازەز.

  قازىر سەلبەستىك كووپەراتيۆى 3 ەرەن بازارمەن ساتۋ كەلىسىمىنە كەلىستى.

  كەزەكتە قاشقار ايماعىنداعى 293 كەدەي قىستاق ۋاقىتپەن جارىسىپ، اياق الىستى جەدەلدەتىپ، ءالسىز تۇستاردى كۇشەيتىپ، ولقىلىقتاردى تولىقتاپ، نەگىزدى بەكەمدەپ، ۇزاق بولاشاقتى كوزدەۋدە، ءار دارەجەلى ”ۇعىسۋ، تيىمدىلىك جاساۋ، توعىستىرۋ“ قىزمەت اترەتتەرى مەن قىستاق ”ەكى كوميتەتتەرى“ امالىن تاۋىپ كاسىپ سالاسى نەگىزىن بەكەمدەپ، كەدەيلىكتەن ارىلتۋ ساپاسىن جوعارىلاتىپ، شارۋالاردىڭ كىرىسىن ارتتىرۋىنا كومەكتەسۋدە.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • نىسان قۇرىلىسى تارتىپپەن ىلگەرىلەتىلدى
  • جىلىجاي سالدى
  • مايسا ورتالىعىنىڭ قۇرىلىسى قاۋىرت جۇرىلۋدە
  • شينجياڭنىڭ ەلەكترىن سىرتقا جەتكىزۋدى قامتاماسىز ەتتى
  • تاپجىلماۋ