شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ گاڭ
ەندى عانا وتكەن ”1 - مامىر“ دەمالىسىندا بۇلتتىق تەرمينال ارقىلى ساياحاتتاۋ جاڭالىققا اينالدى. 5 - ايدىڭ 4 - كۇنى كوكتوعاي كورىنىس ءوڭىرى العاش رەت تىكە تاراتۋ اشىپ، 2 ساعاتتان استام ۋاقىت تىكە تاراتۋ ارقىلى 21 مىڭ ادام - رەت جەلىدە كورۋگە باۋرادى. ”تۇنگى ساعات 10 بولسا دا ءالى قاراڭعى تۇسپەپتى عوي“، ”ءسوز جوق كوكتوعايعا ءبىر بارىپ كورۋ كەرەك!“... وسى كورىنىس ءوڭىرىنىڭ تىكە تاراتۋ قىزمەتكەرلەرى ينتەرنەت پايدالانۋشىلاردى كوكتوعاي 3 - ءنومىرلى كەن شۇڭقىرىنىڭ تاريحىن بىلۋگە، كوكتوعاي گەولوگيالىق باقشاسىنداعى وراسان زور وزگەرىستەردى سەزىنۋگە جەتەكتەدى، ”تىكە تاراتۋ كورىنىس ءوڭىرىن ۇگىتتەۋدىڭ جاڭا ءتاسىلى، ءونىمى كەرەمەت بولدى!“، - دەدى وسى كورىنىس ءوڭىرىنىڭ قىزمەتكەرى تىلشىگە.
كەزەكتە، بۇكىل شينجياڭنىڭ جەر - جەرىندەگى ساياحات كورىنىس وڭىرلەرى مەن مۇراجايلار ىندەتتەن ساقتانۋ - تىزگىندەۋدى ۇدايىلاندىرۋ شارالارىن قاتاڭ تياناقتاندىرۋمەن بىرگە، ينتەرنەتتىك تۇعىرعا سۇيەنىپ، سيفرلى مۇراجاي، ينتەرنەتتەگى بەيزاتتىق مادەني مۇرالار سياقتى جەلىدەگى مادەنيەت - ساياحات كورۋ - ەستۋ مازمۇندارى مەن قىرۋار ”بۇلتتىق ساياحات“ قيمىلدارىن ۇسىنىپ، ساياحاتشىلاردىڭ ۇيلەرىنەن شىقپاي - اق شينجياڭنىڭ كوركەم كورىنىستەرىن تاماشالاۋىنا مۇمكىندىك جاساپ، تىكە تاراتۋ ارقىلى ىقپالدى كەڭەيتىپ، كومەسكى جاتقان ساياحاتشى قاينارى بازارىن اشىپ، رايونىمىزدىڭ مادەنيەت - ساياحات بازارىنىڭ شىت جاڭا دامۋىنا دەم بەردى.
”ءبىز تىكە تاراتۋ ارقىلى كورىنىس ءوڭىرىنىڭ كورىنىسىن، جاراتىلىسىن، گۋمانيتارلىق قيمىلدارىن اناعۇرلىم كوپ ينتەرنەت پايدالانۋشىلارعا تانىستىرىپ، شينجياڭنىڭ جاقسى جەر ەكەندىگىن ۇگىتتەدىك، تانىستىردىق“، - دەدى تيانشان بوعدا كولى كورىنىس ءوڭىرىن باسقارۋ كوميتەتى ۇگىت - تاربيە، زاڭ ەرەجە باسقارماسىنىڭ باستىعى ليۋ ۋىن - ي. 4 - ايدىڭ 25 - كۇنى وسى كورىنىس ءوڭىرى دەنە شىنىقتىرا جاياۋ ءجۇرىپ ساياحاتتاۋ تىكە تاراتۋىن وتكىزىپ، 46 مىڭ ادام - رەت جەلىدە كورۋگە باۋرادى.
حان پاتشالىعىنىڭ بايىرعى كوزە ونەرىنەن جىبەك جولىنىڭ دۋمانىنا دەيىن، مەملەكەت دارەجەلى مادەنيەت ەسكەرتكىشى ”بەس جۇلدىز شىعىستان شىعىپ، جۇڭگوعا پايداسىن جەتكىزدى“ دەگەن جازۋ بار ءدۇريا جەڭسەدەن كروران بايىرعى قالاسىنىڭ ەسكى جۇرتىن ىزدەۋگە دەيىن... 4 - ايدىڭ 23 - كۇنى تيانشان سايتى شينجياڭ ساياحاتتى ۇگىتتەۋ، جالپىلاستىرۋ ورتالىعىمەن، شينجياڭ مۇراجايمەن بىرلەسىپ، تيانشان سايتى كليەنتى، ورتالىق تەلەۆيزياسى اقپاراتتىق جىلجىمالى ينتەرنەت سايتى، حالىق سايتى، دوۋين، كۋايشوۋ سياقتى 20دان استام مەديا تۇعىرلارى ارقىلى كوپشىلىكتى مۇراجايدى ”بۇلتتىق ارالاۋعا“ باستادى. ءبىر ساعاتتان استام ۋاقىت تىكە تاراتۋدى 5 ميلليون 400 مىڭ ادام - رەت جەلىدە تاماشالادى.
ۆيرتۋالدى ساپار، VR كورىنىس تاماشالاۋ، ينتەرنەتتە كورمە تاماشالاۋ، كەزەكتە بۇكىل شينجياڭنىڭ جەر - جەرى ينتەرنەت سياقتى تەحنيكالىق تاسىلدەردەن تولىق پايدالانىپ، مادەنيەت - ساياحات ونىمدەرىن، قيمىلداردى جانە قىزمەت وتەۋدى ”بۇلتتىق تەرمينالعا“ شىعاردى، جەر - جەردىڭ مادەنيەت - ساياحات تاراۋلارى دا ىرىقتىلىقپەن ”ينتەرنەتپەن جاناسىپ“، ساياحات ونىمدەرىن تانىستىردى. مادەنيەت - ساياحات بازارىنىڭ ونىمدەرمەن قامداۋىن بايىتىپ قالماستان، ونان دا ماڭىزدىسى، تۇرلىشە ساتىداعى ساياحاتشىلاردىڭ قاجەتىن قاناعاتتاندىردى.
4 - ايدىڭ 25 - كۇنى ساعات 10دا التاي ايماعى ”كورىكتى كوكتەم، جايلى مەكەن“ اتتى تىكە تاراتۋ جينالىسىندا كوزگە ءتۇستى. التاي ايماعىنىڭ ساياحات كاسىبى، قاتىناس، ساياحات جەلىسى، قۇتتىقتاۋ قيمىلى سياقتىلار تانىستىرىلىپ، التايدىڭ كورىكتى كوكتەمدە گۇل تاماشالاۋ ساپارى، ءوز كولىگىمەن جايلى ساياحاتتاۋ ساپارى، تابيعاتپەن جاناسۋ ساپارى سياقتى 3 سارا جەلىنى ۇسىنىپ، بۇكىل ەلدەگى ساياحاتشىلاردىڭ التاي ايماعىنىڭ ساياحات بايلىعىن، كورىنىس وڭىرلەرىن، كورىنىس تۇيىندەرىن جاپپاي تۇسىنۋىنە مۇمكىندىك جاسادى. ساياحاتشىلارمەن ىقپالداستىقتى ارتتىرۋ ءۇشىن، تاعى ينتەرنەت ارقىلى ساياحاتشىلاردىڭ ساۋالدارىنا جاۋاپ بەردى.
4 - ايدىڭ 30 - كۇنى ساعات 17دە، بۋىرشىن اۋدانى شيەچىڭ سايتىمەن بىرگە العاشقى ”تىكە تاراتۋ شوۋىن“ وتكىزدى. ساياحاتشىلار ”ەرتەگىدەگىدەي شەكارا قالاشىعى“ − بۋىرشىننىڭ كوركەم كورىنىسىن، كوشەسىندەگى ءدامدى تاعامدارىن، قالا حيكايالارىن بۇلتتىق فورمادا سەزىندى. ”تىكە تاراتۋ شوۋى نەگىزىنەن بۋىرشىننىڭ جۇلدىز دارەجەلى مەيمانحانالارىنىڭ قوناق بولمەلەرى، ەرەكشە حالىقتىق تۇسەلحانالارىنىڭ قوناق بولمەلەرى، ساياحات جەلىسى سياقتىلاردى تانىستىرىپ، تىكە تاراتۋ ارقىلى ساياحاتتىق تۇتىنۋدى جەبەپ، شينجياڭنىڭ مادەنيەت - ساياحات كاسىبىنىڭ جاندانۋىن ىلگەرىلەتتى“، - دەدى بۋىرشىن مادەنيەت، دەنە تاربيە، راديو، تەلەۆيزيا جانە ساياحات مەكەمەسىنىڭ باستىعى ۋ لەي.
