تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

بۇزاق اۋىلىنىڭ كەشكى بازارى اشىلدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ياڭ شۋحان، ەرىكتى ءتىلشى لي جينيۋان

  ”مەن كۇندىز جەمىس - جيدەك ساتامىن، كەشتە كاۋاپ جايماسىن اشامىن، ءار كۇنگى ناق كىرىسىم 500 يۋاننان اسادى“. 5 - ايدىڭ 4 - كۇنى كەشكى ساعات 10دا، حوتان اۋدانى بۇزاق اۋىلىنىڭ كەشكى بازارىندا 40 جاستاعى جايما يەسى روزىمامەت ءماتتۇرسىن تاماقتانۋشىلارمەن وسىلاي شۇيىركەلەسۋدە.

  بۇل بۇزاق اۋىلىندا كەشكى بازاردىڭ اشىلعاندىعىنىڭ ءۇشىنشى كۇنى، كەشكى بازار ساۋداسىنىڭ ءتارتىپتى قالپىنا كەلۋىنە كەپىلدىك ەتۋ ءۇشىن، بۇزاق اۋىلدىق ۇكىمەتتىڭ قىزمەتكەرلەرى قىستاق تۇرعىندارىنىڭ ماسكى تاعۋىنا، ارالىق ساقتاۋىنا، ساقتانۋ - قورعانۋدى ويداعىداي ىستەۋىنە جەتەكشىلىك ەتتى، كەشكى بازاردىڭ كىرەر اۋزىندا تاعى ارناۋلى ادامدار دەنە تەمپەراتۋرانى ولشەدى.

  كەشكى بازارعا كىرە قالعانىڭىزدا، ءتۇرلى ءدامدى - قۇجىردىڭ حوش ءيىسى مۇرىندى جارادى. ايران قوسىلعان زۇڭزى، اشتى قاقتاما، ءوز دامىندەگى قويدىڭ وكپە - باۋىرى، باس - سيراعى، اعاش كومىردە قاقتالعان كەپتەر ەتى... ءتۇرلى ءتۇستى ەرەكشەلىكتەگى تاعامدار تابەتتى اشىپ، كوزدىڭ جاۋىن الادى.

  بۇزاق اۋىلى كەشكى بازارىندا 116 جايما ورنى بار، بۇل بۇزاق اۋىلىنىڭ كۇش سالا قۇرعان جۇمىسقا ورنالاستىرۋدان، شارۋاشىلىق قۇرۋدان ۇلگى كورسەتۋ كوشەسى، اۋىلدىق ۇكىمەتتىڭ جەتەكشىلىگىندە، ىلگەرىندى - كەيىندى 50 نەشە قيىنشىلىعى بار وتباسى وسى ارادا تيجارات جۇرگىزەدى، بۇل جەر كۇندىز اۋىل شارۋاشىلىق ساۋدا بازارى بولسا، قاس قارايىسىمەن - اق بۇل ارا دىر - دۋمانعا بولەنىپ، اسەرلى كەشكى اڭگىمەلەرگە ارقاۋ بولادى.

  بۇزاق اۋىلى − حوتان اۋدانىنىڭ جاڭعاق مەكەنى، سوڭعى جىلدارى بۇزاق اۋىلىنىڭ قورشاعان ورتاسى بارعان سايىن كورىكتەنىپ، قىستاق تۇرعىندارىنىڭ باقىت سەزىمى ۇزدىكسىز كۇشەيىپ، ءتورت توڭىرەكتەن كەلگەن ساياحاتشىلار اۋىز جاپپاي ماقتاسىپ، اۋىل - قىستاقتىڭ دامۋ ارىنى مەن مۇندالادى.

  كەشكى بازاردىڭ اشىلعاندىعىنا 2 ساعاتقا تاياعانىمەن، 46 جاستاعى ءراشيدىن ءساليدىڭ وكپە - باۋىر، باس - سيراق جايماسىندا كوپ ادام قاراسى كورىنبەدى. ”مۇندا ادام جوق قوي؟“، - دەدى كەشكى بازاردى باسقارۋعا جاۋاپتى قىزمەتكەر باكىر ءدولات جاعداي ۇعىسا.

  ”بارلىعىن ساتىپ بولدىم، تاڭەرتەڭ مولىراق جاساماعانىما قاتتى وكىنىپ وتىرمىن!“، - دەدى ءراشيدىن باسىن شايقاپ.

  ءراشيدىن بۇرىن كەدەي بولاتىن، كۇندىك ىستەپ جان باعاتىن، بىلتىر ول اكەسىنىڭ قويدىڭ وكپە - باۋىر، باس - سيراعىن مانەرلەۋ ونەرىن قايتادان جالعادى. ءدامى ءتىل ءۇيىرىپ، مول بەرىلەتىندىكتەن، ونىڭ جايماسى كوپشىلىكتىڭ قىزۋ قارسى الۋىنا يە بولدى.

  ءراشيدىن تىلشىگە بىلتىر جىل اياعىندا ونىڭ وتباسىنىڭ كەدەيلىكتەن ارىلعاندىعىن ايتىپ، ”كەشكى بازاردا جايما اشۋدا ۇكىمەت مەنىڭ جايما ورنىمنىڭ اقىسىن كەشىرىم ەتتى، شەكسىز العىس ايتامىن!“، - دەدى.

  كەشكى بازاردى ارالاپ جۇرگەن بۇزاق اۋىلى سىيۋان كەدەيلەردى سۇيەمەلدەۋ كاسىپ سالاسى باقشاسىنىڭ قىزمەتكەرى مايرا ازەز تىلشىگە ىندەتتەن ساقتانۋ - تىزگىندەۋ كەزىندە ءوزىنىڭ دە ۇيدە بولعاندىعىن، جۇمىستى، ءوندىرىستى قالپىنا كەلتىرگەننەن كەيىن، ءوزىنىڭ جانە قىزمەتتەستەرىنىڭ قىزمەت ىستەۋ ورايىن قاتتى قاستەرلەگەندىكتەرىن ايتتى. ”بۇگىن كەشتە تۇنگى قىزمەتكە شىعامىن، قايدا بارىپ تاماق جەيمىن دەپ ۋايىمداپ وتىر ەدىم، ءساتى تۇسكەندە، كەشكى بازار اشىلا قالىپتى، تۇرمىس جانە قىزمەتىمدە تۇگەلدەي ومىرشەڭدىك كۇش قايتا قاۋلاعانداي سەزىندىم، باقىت سەزىمىم تاسقىنداۋدا“.

  بۇزاق اۋىلدىق ۇكىمەتتەگى ءبىر جاۋاپتى قىزمەتكەردىڭ تانىستىرۋىنشا، ءار كۇنى تيجارات اياقتاعاننان كەيىن، باسقارۋشىلار جايماشىلاردىڭ اس ارباسى سياقتىلاردى دەزينفەكسيالاۋىن قاداعالايدى، سونداي - اق بازاردى جۋىپ - شايىپ، ءدارى بۇرىككىشپەن زارارسىزداندىرادى ەكەن، ”وسىلاي ىستەگەندە، تيجاراتشىلار الاڭسىز تيجارات جۇرگىزەدى، كەشكى بازارعا كەلگەن ادامداردىڭ كوڭىلى دە ورنىعادى“، - دەدى وسى جاۋاپتى ادام.

  تۇنگى ساعات 12دەن اسسا دا تاعى دا كەيبىر تاماقتانۋشىلار كەشكى بازارعا كەلىپ جاتىر، ويناقى مۋزيكا داۋىسىنىڭ كوتەرىلۋىمەن اۋىل - قىستاق كەشكى بازارى شەكسىز تىرشىلىك تىنىسىنا جانە ومىرشەڭدىك كۇشكە تولدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى