ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 5 - ايدىڭ 6 - كۇنى ۇرىمجىدەن حابارلايدى. 5 - ايدىڭ 6 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ جونىندەگى ماڭىزدى ءسوزىنىڭ، ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، ىندەتتەن ساقتانۋ - تىزگىندەۋدى ۇدايىلاندىرۋ جاعدايىندا ەكونوميكالىق، قوعامدىق دامۋ، كەدەيلىكتەن ارىلتۋدان قامال الۋ، قوعام ورنىقتىلىعى سياقتى ءتۇرلى قىزمەتتەردى ىلگەرىلەتۋدى ورنالاستىردى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.
ءماجىلىس مىنالاردى اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاساپ، ءبىر قىدىرۋ ماڭىزدى ءسوز سويلەپ، ءبىر قىدىرۋ ماڭىزدى نۇسقاۋ بەرىپ، ءبىزدىڭ ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋىمىزگە ايقىن العا باسۋ بەتالىسىن كورسەتتى، قۋاتتى قوزعاۋشى كۇش ۇستەدى، ءتۇبىرلى بويسۇنۋ ولشەمىن ازىرلەدى. تۇتاس رايونىمىزداعى جەر - جەر، تاراۋلار ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىن مىقتاپ يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەكونوميكالىق دامۋ مەن قوعام ورنىقتىلىعىنىڭ كەلەلى جاعدايىن بۇلجىماي قورعاپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ نىسانالارىن، مىندەتتەرىن ورىنداۋعا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.
ءبىرىنشى، تومەنگى شەكتە ويلاۋعا تاباندى بولىپ، ءسوزسىز، جەڭىسكە جەتۋ سەنىمىن بەكەمدەپ، ىرىقتىلىقپەن جاۋاپكەرشىلىك ارقالاۋ، ىسكەرلىك كورسەتۋ كەرەك. ەلىمىز ەكونوميكاسىنىڭ ورنىقتىلىق بارىسىندا جاقسارۋ، ۇزاق ۋاقىت جاقسارۋ نەگىزگى اۋقىمى وزگەرگەن جوق، الايدا ەكونوميكالىق دامۋ بۇرىن بولماعان سىن - سايىستارعا ءدوپ كەلدى دەگەن عىلمي تۇجىرىمدى ءدال يگەرۋ كەرەك. قيىنشىلىقتى، حاۋىپ - قاتەردى جانە تۇراقسىزدىقتى تولىق مەجەلەپ، تومەنگى شەكتە ويلاۋدى كۇشەيتىپ، تاۋقىمەت تانىمىن نىعايتىپ، حاۋىپ - قاتەرگە، سىن - سايىسقا ءبىرشاما ۇزاق ۋاقىت توتەپ بەرۋدىڭ يدەيالىق دايىندىعىن جانە قىزمەت دايىندىعىن ويداعىداي ىستەپ، ستراتەگيالىق تاباندىلىقتى ساقتاپ، وزگەرىستى ءدال تانىپ، وزگەرىسكە عىلمي توتەپ بەرىپ، وزگەرىسكە ىرىقتىلىقپەن ۇمتىلىپ، حاۋىپ - قاتەردى ورايعا اينالدىرۋعا شەبەر بولىپ، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، ءتۇرلى قىزمەتتەردىڭ ىرىقتىلىق ۇقىعىن مىقتاپ يگەرۋ كەرەك.
ەكىنشى، باستان - اياق بايسالدى بولۋعا تاباندى بولىپ، ىندەتتەن ساقتانۋ - تىزگىندەۋدى ۇدايىلاندىرۋدى بوساڭسىتپاۋ كەرەك. ىندەتتەن ساقتانۋ - تىزگىندەۋ سىندى وسى ارقاۋدى ۇنەمى مىقتاپ شيراتىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتى، ناقتى، ەگجەي - تەگجەيلى يگەرىپ، سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋ شارالارىن مەزگىلگە، جاعدايعا قاراي كەمەلدەندىرىپ، شەكارا وتكەلدەرى مەن ءتۇيىندى ورىنداردىڭ، ءتۇيىندى ادامدار شوعىرىنىڭ دالمە - ءدال ساقتانۋ - تىزگىندەۋىن كۇشەيتىپ، ءار ۇلت بۇقاراسىن قاجەتتى قورعانۋدى ويداعىداي ىستەۋگە بەلسەنە جەتەكتەپ، ساقتانۋ - تىزگىندەۋ شايقاسىنىڭ جەتىستىگىن ءۇرتىس بەكەمدەۋ كەرەك.
ءۇشىنشى، ورنىقتىلىق بارىسىندا ىلگەرىلەۋگە تاباندى بولىپ، ەكونوميكانىڭ جوعارى ساپالى دامۋىن ىلگەرىلەتۋ كەرەك. جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ەكونوميكالىق دامۋ تاسىلىنە جەدەل بۇرىلىس جاساپ، ءۇش ءىرى قامال الۋ شايقاسىن باتىل ويداعىداي جۇرگىزۋ؛ تاپتىرماس ورايدى مىقتاپ ۇستاپ، كەلەلى نەگىزدىك قۇرىلعىلار، جاڭاشا نەگىزگى قۇرىلىس، الەۋمەتتىك دەنساۋلىق ساقتاۋ سياقتى نىسان قۇرىلىستارىن جەدەل ىلگەرىلەتىپ، كونە شاعىن اۋماقتاردى جاڭالاپ، ءونىمدى قارجى قوسۋدى بەلسەنە كەڭەيتۋ؛ كاسىپورىندارعا تيىمدىلىك جاساۋ ساياساتتارىن جالپى بەتتىك تياناقتاندىرىپ، شارۋاشىلىق - ساۋدا ورتاسىن جاقسارتىپ، بازاردىڭ نەگىزگى تۇلعالىق ومىرشەڭدىك كۇشىن اناعۇرلىم قاۋلاتۋ؛ تۇتىنۋدىڭ كومەسكى كۇشىن تولىق جارىققا شىعارىپ، تۇرعىنداردىڭ تۇتىنۋىن كەڭەيتىپ، الەۋمەتتىك تۇتىنۋدى ۇيلەسىمدى ارتتىرىپ، تۇتىنۋدىڭ كومەسكى كۇشتەرىن اشۋدى، تۇتىنۋدى تولىقتاۋدى ءۇرتىس ىلگەرىلەتۋ؛ جىبەك جولى ەكونوميكالىق بەلدەۋى وزەكتى رايونىن قۇرۋدى جەدەلدەتىپ، كوپ شارالاردى قاتار قولدانىپ، سىرتقى ساۋدانى ورنىقتىرۋ، شەتەل قارجىسىن ورنىقتىرۋ؛ ءداستۇرلى كاسىپ سالاسىن جاڭالاپ، دارەجەسىن جوعارىلاتىپ، ستراتەگيالىق سيپاتتى جاڭادان گۇلدەنگەن كاسىپ سالاسىن جەتىلدىرىپ، زورايتىپ، كاسىپ قۇرىلىمىن رەتتەۋدى جانە جاڭا، كونە قوزعاۋشى قۋاتتاردى اۋىستىرۋدى جىلدام ىلگەرىلەتىپ، ەكونوميكانىڭ جوعارى ساپالى دامۋىنا پارمەندى تىرەك ازىرلەۋ كەرەك.
ءتورتىنشى، نىسانالارعا، ولشەمدەرگە تاباندى بولىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك. ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، نازاردى وڭتۇستىك شينجياڭنىڭ 4 ايماق، وبلىسىنداعى اۋىر كەدەي وڭىرلەرگە جانە ەرەكشە كەدەي قاۋىمعا شوعىرلاندىرىپ، ”التى دالمە - ءدال بولۋدى“ تياناقتاندىرىپ، ”جەتى ءبىر توپتى“، ”ۇشتە سەرپىندى ارتتىرۋدى“ ىلگەرىلەتىپ، شايقاستى باسى - قاسىندا قاداعالاۋدى تەرەڭدەتىپ، ماسەلەلەردى رەتتەۋ - تۇزەتۋدى مىقتى يگەرىپ، قايتالاي كەدەيلەسۋدى باقىلاۋ - ولشەۋدى كۇشەيتىپ، كەدەيلىكتەن ارىلۋ جەتىستىگىن بەكەمدەپ، جالپى بەتتىك كەدەيلىكتەن ارىلتۋ مەن اۋىل - قىستاقتى گۇلدەندىرۋدىڭ ءونىمدى ۇشتاسۋىن ۇزدىكسىز ىلگەرىلەتىپ، كەدەيلىكتەن ارىلتۋدان قامال الۋدىڭ نىسانالارىن، مىندەتتەرىن دەر كەزىندە، جوعارى ساپامەن ورىنداۋعا شىنايى كەپىلدىك ەتۋ كەرەك.
بەسىنشى، ادامدى نەگىز ەتۋگە تاباندى بولىپ، حالىق تۇرمىسىن ۇزدىكسىز قامتاماسىز ەتۋ جانە جاقسارتۋ كەرەك. وقۋ - اعارتۋ، ەمدەۋ، قوعامدىق قامسىزداندىرۋ سياقتى حالىققا تيىمدىلىك جەتكىزەتىن ءتۇرلى ينجەنەريالاردى تىڭعىلىقتى ىلگەرىلەتىپ، ءتۇيىندى كاسىپتەردى مىقتى ۇستاپ، ءتۇيىندى ادامدار شوعىرىن جۇمىستاندىرۋ قىزمەتىن ويداعىداي يگەرىپ، ءار ۇلت بۇقاراسىنىڭ ءىس جۇزىندىك قيىنشىلىعىن بار زەيىن - زەردەمەن، ىقىلاسپەن، كۇش - قۋاتپەن ويداعىداي شەشىپ، ەرەكشە قيىنشىلىعى بار قاۋىمدى قامتاماسىز ەتۋمەن تولىق قامتۋدى كۇشەيتىپ، ءار ۇلت بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتىپ، حالىق باقىتىنىڭ نەگىزىن، قوعام جاراسىمدىلىعىنىڭ ارقاۋىن بەكەمدەۋ كەرەك.
التىنشى، ساقتىق دابىلىن ۇزاق ۋاقىت قاعۋعا تاباندى بولىپ، قوعامدىق كەلەلى جاعدايدىڭ ورنىقتىلىعىن باتىل قورعاۋ كەرەك. نازاردى باس نىساناعا شوعىرلاندىرىپ، كەشەندى شارالاردى ويداعىداي اتقارىپ، ورنىقتىلىقتى قورعاۋدىڭ ۇتىمدى شارالارىن بۇلجىماي اتقارۋعا تاباندى بولىپ، ورنىقتىلىقتىڭ پايداسىن ۇزدىكسىز جارىققا شىعارىپ، ىندەتتەن ساقتانۋ - تىزگىندەۋ جانە كەدەيلىكتەن ارىلتۋدان قامال الۋ، ەكونوميكالىق، قوعامدىق دامۋ سياقتى قىزمەتتەردى ءبىر تۇتاس جوسپارلاپ ىلگەرىلەتۋگە تاماشا ورتا قالىپتاستىرۋ كەرەك.
جەتىنشى، ستيلگە بۇرىلىس جاساۋعا تاباندى بولىپ، قىزمەت قابىلەتىن، دەڭگەيىن ۇزدىكسىز جوعارىلاتۋ كەرەك. اۋەلگى ماقساتتى ارەكەتتە تياناقتاندىرىپ، بورىشتى ارقالاپ، شىندىقتى ءىس جۇزىنەن ىزدەۋگە، بارلىعىندا ءىس جۇزىندىكتى تياناق ەتۋگە تاباندى بولىپ، فورماشىلدىقتان، تورەشىلدىكتەن باتىل ساقتانىپ، نەگىزگى ساتىنىڭ اۋىرتپالىعىن شىن مانىندە جەڭىلدەتىپ، تۇجىرىمداۋ قابىلەتىن، مەڭگەرۋ قابىلەتىن جانە توتەپ بەرۋ قابىلەتىن كۇش سالا جوعارىلاتىپ، باتىلدىقپەن اتويشى بولىپ، جۇرەكتىلىكپەن الدا ءجۇرىپ، ءبىرىنشى شەپتى ارالاپ ماسەلەنى بايقاپ، قيىن ماسەلەلەردى شەشىپ، ورنىقتىلىقتى، دامۋدى ىلگەرىلەتۋ كەرەك.
سەگىزىنشى، جاۋاپكەرشىلىكتى قاتايتۋعا تاباندى بولىپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ ناقتى، تىڭعىلىقتى تياناقتانۋىن ىلگەرىلەتۋ كەرەك. پارتيا، ۇكىمەت، ارميا، ساقشى، بيڭتۋان، حالىق سايكەسە بىرلەسىپ قيمىلداۋعا تاباندى بولىپ، ساتىلار بويىنشا قىسىم جەتكىزىپ، ساتىلار بويىنشا جاۋاپكەرشىلىكتى قاتايتىپ، نەگىزگى ساتى پارتيا ۇيىمدارىنىڭ جاۋىنگەر قورعاندىق رولى مەن قالىڭ پارتيالى كادرلاردىڭ اۆانگارد ۇلگىلىك رولىن تولىق ساۋلەلەندىرىپ، جاۋاپكەرشىلىك ارقالاۋ باتىلدىعى، عىلمي ساقتانۋ - تىزگىندەۋ پاراساتى، ءبىر تۇتاس جوسپارلاپ تەڭ ءمان بەرۋ امالى، ۇيىمداستىرىپ اتقارۋ قابىلەتى ارقىلى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ تيانشاننىڭ تۇستىگى مەن تەرىستىگىندە تياناقتانىپ، ونىمدىلىك كورسەتۋىنە شىنايى كەپىلدىك ەتۋ كەرەك.
ءماجىلىس باسقا دا ىستەردى اقىلداستى.
شوكىرات زاكىر، شاۋكەت يمىن، نۇرلان ءابىلماجىن، ۋاڭ جۇنجىڭ، لي پىڭشين، لي ۋي، شۇي حايرۇڭ، ەركىن تۇنياز، تيان ۋىن، سارقىت اقان قاتارلىلار ماجىلىسكە قاتىناستى.
