ىندەتتەن ساقتانۋ - تىزگىندەۋ قىزمەتى ورتالىق جەتەكشىلىك گرۋپپاسىنىڭ قىزمەت مالىمەتىن تىڭدادى
ىندەتتەن ساقتانۋ - تىزگىندەۋدى ۇدايىلاندىرۋ ءتۇزىلىس - مەحانيزمىن كەمەلدەندىرۋدى اقىلداستى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 5 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 5 - ايدىڭ 6 - كۇنى ءماجىلىس اشىپ، ىندەتتەن ساقتانۋ - تىزگىندەۋ قىزمەتى ورتالىق جەتەكشىلىك گرۋپپاسىنىڭ قىزمەت مالىمەتىن تىڭداپ، ىندەتتەن ساقتانۋ - تىزگىندەۋدى ۇدايىلاندىرۋ ءتۇزىلىس - مەحانيزمىن كەمەلدەندىرۋدى اقىلداستى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: پارتيا ورتالىق كوميتەتى حۋبەي قاتارلى ىندەت اۋىر بولعان وڭىرلەرگە جەتەكشىلىك گرۋپپاسىن جىبەرىپ، پارتيا ورتالىق كوميتەتىنىڭ ىندەتتەن ساقتانۋ - تىزگىندەۋ قىزمەتى جونىندەگى شەشىمدەرىنىڭ، ورنالاستىرۋلارىنىڭ دايەكتىلەندىرىلۋىن، تياناقتاندىرىلۋىن قۋزاپ، ىندەتتەن ساقتانۋ - تىزگىندەۋدىڭ ءبىرىنشى شەبىندەگى قىزمەتكە جەتەكشىلىك ەتۋدى جالپى بەتتىك كۇشەيتۋدى ۇيعاردى. پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەلدەگى ءار ۇلت حالقىنىڭ زور كۇشپەن قولداۋىندا، ورتالىق جەتەكشىلىك گرۋپپاسى حۋبەي حالقىمەن جانە ۋحان حالقىمەن بىرگە تىزە قوسا شايقاس جۇرگىزىپ، قاينارىنان ساقتانۋ - تىزگىندەۋ، ناۋقاستاردى قۇتقارۋ - ەمدەۋ، زاتتىق ماتەريالمەن قامتاماسىز ەتۋ سىندى 3 ءتۇيىندى كورنەكتىلەندىرە ويداعىداي يگەرىپ، ىندەتتىڭ تارالۋىن بار كۇشتى سالا تىزگىندەپ، بۇكىل ەلدەگى ىندەتتەن ساقتانۋ - تىزگىندەۋدىڭ ءبىرىنشى قورعانىس شەبىن قۇلشىنا ساقتاپ، جۇڭگو كۇش - قۋاتىن، جۇڭگو رۋحىن، جۇڭگو ونىمدىلىگىن ايگىلەپ، ىندەتتەن ساقتانۋ - تىزگىندەۋدىڭ حالىقتىق شايقاسىنىڭ، جالپى تۇلعالىق شايقاسىنىڭ، توسقاۋىل شايقاسىنىڭ جەڭىسىنە جەتۋگە ماڭىزدى ۇلەس قوستى.
شي جينپيڭ بىلاي دەپ باسا دارىپتەدى: قازىر شەكارا سىرتىنداعى ىندەتتىڭ كەڭەيۋ، ءورشۋ اۋقىمى ءونىمدى تەجەلە قويعان جوق، ەل ىشىندەگى ءىشىنارا وڭىرلەردە ادامداردىڭ توپتالۋى سالدارىنان ىندەت تارالۋ جاعدايى جارىققا شىقتى، جاڭا تيپتى ايدارشا ۆيرۋس وكپە قابىنۋ ىندەتىندە ءالى دە وتە زور بەيمالىم تۇستار ءومىر سۇرۋدە. حۋبەي ولكەسى ىندەتتەن ساقتانۋ - تىزگىندەۋ شۇعىل توتەپ بەرۋ سيپاتىنداعى توتەنشە ساقتانۋ - تىزگىندەۋدەن ۇدايىلانعان ساقتانۋ - تىزگىندەۋگە بۇرىلىس جاسادى، دەسەدە بۇل ىندەتتەن ساقتانۋ - تىزگىندەۋ شارالارىندا بوساڭسۋعا، تىنىستاپ الۋعا بولادى دەگەندى بىلدىرمەيدى. پارتيا ورتالىق كوميتەتى بايلانىس گرۋپپاسىن ۇزدىكسىز جىبەرىپ، حۋبەي ولكەسىندەگى جانە ۋحان قالاسىنداعى ىندەتتەن ساقتانۋ - تىزگىندەۋدىڭ سوڭعى قىزمەتىنە جەتەكشىلىك ەتۋدى، قولداۋ كورسەتۋدى كۇشەيتۋدى ۇيعاردى. ەمدەلگەن ناۋقاستاردى ساۋىقتىرۋ جانە پسيحولوگيالىق جەتەكتەۋ قىزمەتىن جاقسى ىستەۋگە ۇزدىكسىز جەتەكشىلىك ەتىپ، ىندەتتەن ساقتانۋ - تىزگىندەۋدى ۇدايىلاندىرۋ شارالارىن تياناقتاندىرۋعا قۋزاۋشىلىق ەتىپ، سىرتتان كىرۋدەن ساقتانىپ، ىشتە قايتا بەلەڭ بەرۋدەن ساقتانىپ، قىزمەتتەردى ەش بوساڭسىماستان ويداعىداي يگەرىپ، ىندەتتەن ساقتانۋ - تىزگىندەۋدىڭ جەتىستىكتەرىن بەكەمدەپ، الدىڭعى كەزەڭدىك تابىستاردى استە سەلگە كەتىرمەۋ كەرەك. حۋبەي ولكەسىنىڭ جانە ۋحان قالاسىنىڭ ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن جاقسى ىستەۋىن سايكەستىرىپ ىلگەرىلەتۋمەن بىرگە، حۋبەي ولكەسىنىڭ ەكونوميكالىق، قوعامدىق دامۋدىڭ جالپىلىق ساياساتتارىن تىڭعىلىقتى تياناقتاندىرۋىن جەبەپ، قولداۋ كورسەتىپ، ءوندىرىس پەن تۇرمىستىڭ قالىپتى ءتارتىبىن جەدەل قالپىنا كەلتىرۋ كەرەك.
ءماجىلىس مىنالاردى تالاپ ەتتى: حۋبەي ولكەسىندەگى جانە ۋحان قالاسىنداعى ىندەتتەن ساقتانۋ - تىزگىندەۋ امالياتى بارىسىندا قالىپتاسقان ۇتىمدى ءادىس - امالداردى دەر كەزىندە قورىتىندىلاپ جانە ويداعىداي قولدانىپ، اشىققا شىققان ماسەلەلەردى توڭىرەكتەي وتىرىپ ولقىلىقتاردى تولىقتاپ، ساڭلاۋلاردى بىتەپ، ءالسىز تۇستاردى كۇشەيتىپ، ەمدەۋ، ءدارى - دارمەك، دەنساۋلىق ساقتاۋ ءتۇزىلىسىن رەتتەپ، اۋرۋدان ساقتانۋ - تىزگىندەۋ جۇيەسىنە رەفورما جاساپ، ىندەتتى باقىلاۋ - ولشەۋ، ساقتاندىرۋ قابىلەتىن جوعارىلاتىپ، الەۋمەتتىك دەنساۋلىق ساقتاۋداعى شۇعىل جاعدايعا توتەپ بەرۋ زاڭ - ەرەجەلەرىن كەمەلدەندىرىپ، ەلەۋلى ىندەت، الەۋمەتتىك دەنساۋلىق ساقتاۋداعى شۇعىل جاعدايعا توتەپ بەرۋ - باسقارۋ جانە قۇتقارۋ - ەمدەۋ جۇيەسىن اقاۋسىزداندىرۋ كەرەك. ساقتانۋدى نەگىز ەتۋگە تاباندى بولىپ، وتانشىلدىق تازالىق قيمىلىنىڭ ءتاسىلىن، ءادىسىن جاڭالاپ، قالا مەن اۋىلدىڭ قورشاعان ورتاسىن رەتتەۋ - وڭاۋدى ىلگەرىلەتىپ، الەۋمەتتىك دەنسالىق ساقتاۋ قۇرىلعىلارىن كەمەلدەندىرىپ، سالاماتتىق بىلىمدەرىن جالپىلاستىرۋدى زور كۇشپەن ورىستەتىپ، وركەنيەتتى، اقاۋسىز، جاسىل، قورشاعان ورتانى قورعايتىن تۇرمىس ءتاسىلىن دارىپتەۋ كەرەك.
ءماجىلىس باسقا دا ىستەردى اقىلداستى.
