تۇرعىنداردىڭ قالاۋى بويىنشا ”تاپسىرىس ۇلگىسىندەگى“ وزگەرتىپ سالۋدى جولعا قويادى
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ يۇيجاۋ 5 - ايدىڭ 6 - كۇنى ۇرىمجىدەن حابارلايدى. اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، بيىل رايونىمىز 788 شاعىن اۋماق، 116 مىڭ 300 وتباسى بويىنشا كونە شاعىن اۋماقتاردى وزگەرتىپ سالۋ، جالعاستى سالۋ نىسانىن جۇرگىزەدى؛ 1090 شاعىن اۋماق، 193 مىڭ 400 ءۇيدى جاڭادان سالۋ نىسانى جۇرگىزىلەدى. وزگەرتىپ سالۋ نىساندارىنىڭ قۇرىلىسىن 6 - ايدان بۇرىن تۇگەلدەي باستاۋ جوسپارلاندى. 4 - ايدىڭ 26 - كۇنىنە دەيىن، 96 مىڭ 400 ءۇيدى جالعاستى سالۋ نىسانى، 29 مىڭ 200 ءۇيدى جاڭادان سالۋ نىسانى قۇرىلىس باستادى.
5 - ايدىڭ 6 - كۇنى ءتىلشى ءۇرىمجى قالاسى ميدۇڭ رايونى گۋمۋدي باتىس جولى اۋماعىن باسقارۋ كوميتەتى شينحۋا الەۋمەتتىك اۋماعى حۇيساي شاعىن اۋماعىنان قۇرىلىس جۇمىسشىلارىنىڭ جول بەتىن قازىپ، قۇبىر توعانىن تارتىپ، عيماراتتىڭ ءۇستى مەن استىنداعى، ءۇي ءىشى مەن ءۇي سىرتىنداعى سۋمەن قامداۋ، سۋ ىعىستىرۋ جۇيەلەرىن ىركىلىسسىزدەندىرىپ جاتقاندىعىن كوردى. ”بۇل كونە شاعىن اۋماقتاردى وزگەرتىپ سالۋداعى ءبىرىنشى جۇمىس ءارى ەڭ كۇردەلى مازمۇن، مەجەمەن ەندى 4 − 5 كۇننەن كەيىن سۋمەن قامداۋ، سۋ ىعىستىرۋدى وزگەرتىپ سالۋ قىزمەتى اياقتايدى“، - دەدى وزگەرتىپ سالۋ قىزمەتىنە جاۋاپتى قۇرىلىس ورنى − شينجياڭ شياڭيۇي قۇرىلىس - ينجەنەريا شەكتى سەرىكتەستىگى ءبىرىنشى بولىك نىسانىنىڭ ديرەكتورى ليۋ ييۇڭ.
كونە شاعىن اۋماقتار دەگەنىمىز 2000 - جىلدان بۇرىن سالىنعان، الەۋمەتتىك قۇرىلعىلارى مەشەۋ، تۇرعىنداردىڭ نەگىزگى تۇرمىسىنا ىقپال جاساعان، تۇرعىنداردىڭ وزگەرتىپ سالۋ قالاۋى كۇشتى تۇرعىن ءۇي شاعىن اۋماقتارى. ورتالىقتىڭ جاردەماقى قارجىسىنىڭ قولداۋ كولەمىنە قاراي، وزگەرتىپ سالۋ مازمۇنى شاعىن اۋماقتىڭ قالا اكىمشىلىك ىستەرى سايكەستى نەگىزدىك قۇرىلعىلارىن وزگەرتىپ سالىپ دەڭگەيىن جوعارىلاتۋدى، قۇرىلىستاردى جانە قوسىمشا قۇرىلعىلاردى جوندەۋ، وزگەرتىپ سالۋدى، ورتاسىن جانە سايكەستى قۇرىلعىلاردى وزگەرتىپ سالۋدى، الەۋمەتتىك قىزمەت وتەۋ قۇرىلعىلارىن سايكەستىرىپ سالۋدى قامتيدى. تۇرعىنداردىڭ تۇرلىشە ساتىداعى تۇرمىستىق قاجەتىنە ۇيلەسۋ ءۇشىن، نەگىزدىك قۇرىلعىلاردى وزگەرتىپ سالۋ تۇرىندەگىلەر، قوسىمشا قۇرىلعىلاردى كەمەلدەندىرۋ تۇرىندەگىلەر، الەۋمەتتىك قۇرىلعىلاردىڭ دەڭگەيىن جوعارىلاتۋ تۇرىندەگىلەر سىندى 3 ءتۇرلى وزگەرتىپ سالۋ مازمۇنىنا بولىنگەن.
رايونىمىز «اۆتونوميالى رايوننىڭ قالا، قالاشىقتارداعى كونە شاعىن اۋماقتاردى وزگەرتىپ سالۋ سىناق ءتۇيىنى قىزمەتى جوباسىن» ارنايى جاساپ باسىپ تاراتىپ، ءۇرىمجى قالاسى، قۇلجا قالاسى، اقسۋ قالاسى، كورلا قالاسى، حوتان قالاسى سىندى 5 قالانى سىناق ءتۇيىنى كولەمىنە كىرگىزىپ، ءبىر تۇتاس جوسپارلاپ سايكەستىرۋ، ۇكىمەت پەن تۇرعىندار وزگەرتىپ سالۋ قاراجاتىن بىرگە كوتەرۋ، قوعامدىق كۇشتەر ات سالىسۋ، بايلىقتى بىرىكتىرىپ پايدالانۋ، باياندى باسقارۋدى كەمەلدەندىرۋ سياقتى مەحانيزمدەر بويىنشا سىناق تۇيىندەرىندە ىزدەنىس جاسادى.
اۆتونوميالى رايوندىق تۇرعىن ءۇي جانە قالا، اۋىل قۇرىلىسى مەڭگەرمەسى قالا قۇرىلىسى باسقارماسىنىڭ باستىعى ءمۇتالىپ ءالي تانىستىرىپ بىلاي دەدى: بيىل رايونىمىز كونە شاعىن اۋماقتاردى وزگەرتىپ سالۋدا ”تۇرعىنداردىڭ اسىققانىنا اسىعۋ، تۇرعىنداردىڭ قاجەتى بويىنشا وزگەرتۋدەي“ ”تاپسىرىس ۇلگىسىندەگى“ وزگەرتىپ سالۋدى ىلگەرىلەتەدى، جەر - جەردەگى وزگەرتىپ سالۋدىڭ ءتۇيىندى مازمۇنى تۇرعىنداردىڭ قالاۋىنا قاراي شاعىن اۋماقتىڭ قالا اكىمشىلىك ىستەرى سايكەستى نەگىزدىك قۇرىلعىلارىن وزگەرتىپ سالىپ دەڭگەيىن جوعارىلاتۋ، قۇرىلىستاردى جانە قوسىمشا قۇرىلعىلاردى جوندەۋ، وزگەرتىپ سالۋ، ورتاسىن جانە سايكەستى قۇرىلعىلارىن وزگەرتىپ سالۋ، الەۋمەتتىك قىزمەت وتەۋ قۇرىلعىلارىن سايكەستىرىپ سالۋ سياقتى مازمۇندار بويىنشا اتقارىلىپ، تۇرعىنداردىڭ ەڭ كوڭىل ءبولىپ وتىرعان، ەڭ كوكەي تەستى ءىس جۇزىندىك قاجەتى قاناعاتتاندىرىلادى.
كەلەسى قادامدا رايونىمىز كونە شاعىن اۋماقتاردى وزگەرتىپ سالۋ قىزمەتىن جەدەل ىلگەرىلەتىپ، ساياساتتاردى كەمەلدەندىرىپ، سايكەستىرىپ «اۆتونوميالى رايوننىڭ قالا، قالاشىقتارداعى كونە شاعىن اۋماقتاردى وزگەرتىپ سالۋ ينجەنەريا قۇرىلىسىنىڭ تەحنيكالىق جەتەكشى ەرەجەسىن» جاساپ، تەحنيكالىق جەتەكشىلىكتى كۇشەيتەدى. وزگەرتىپ سالۋ نىساندارىن اتقارۋدى جاقسى يگەرىپ، جەر - جەردى نىسانداردى ىلگەرىلەتۋ مەحانيزمىن ورناتۋعا، اقاۋسىزداندىرۋعا قۋزاپ، جاۋاپكەرشىلىكتى نىسانعا، ادامعا دەيىن تۇراقتاندىرۋدى تياناقتاندىرادى. سىناق تۇيىندەرىندە ۇلگى كورسەتۋ قىزمەتىن جاقسى ۇستاپ، وزگەرتىپ سالۋ نىسانىن تۇلعالاۋ، وزگەرتىپ سالۋ قاراجاتى، ۇكىمەت پەن تۇرعىندار سەلبەسىپ بىرگە كوتەرۋ، بازارلاندىرىلعان ءتاسىلدى ەنگىزۋ سياقتى جاقتاردا ىزدەنىس جاساۋ تەبىنىن ارتتىرىپ، وزىق قىزمەت تاجىريبەلەرىن قورىتىندىلاپ، بۇكىل رايوندا جالپىلاستىرىپ اتقارادى.
