تيانشان تورى
تيانشان تورى   ›   ۇيرەنۋ   ›   ماڭىزدى حۇجاتتار

اۆتونوميالى رايوندىق پارتكوم كەڭسەسى «2019 - جىلدان 2023 - جىلعا دەيىنگى اۆتونوميالى رايوننىڭ پارتيا مۇشەلەرىن تاربيەلەۋ، باۋلۋ قىزمەت جوباسىن» باسىپ تاراتتى

  شينجياڭ گازەتىنىڭ حابارى. تاياۋدا اۆتونوميالى رايوندىق پارتكوم كەڭسەسى «2019 - جىلدان 2023 - جىلعا دەيىنگى اۆتونوميالى رايوننىڭ پارتيا مۇشەلەرىن تاربيەلەۋ، باۋلۋ قىزمەت جوباسىن» (تومەندە قىسقاشا «جوبا» دەلىنەدى) باسىپ تاراتتى، سونداي - اق حابارلاندىرۋ شىعارىپ، جەر - جەردەن، تاراۋلاردان ءىس جۇزىندىكپەن ۇشتاستىرا دايەكتىلەندىرۋدى، تياناقتاندىرۋدى تالاپ ەتتى.

  اعاشىم بيىك ءوسسىن دەگەن تامىرىن تەرەڭگە تارتتىرار. پارتيا مۇشەلەرىن تاربيەلەۋ، باسقارۋ − پارتيا قۇرىلىسىنداعى نەگىزدىك، ۇنەمىلىك سيپات الاتىن قىزمەت، پارتيا مۇشەلەرىن تاربيەلەۋ، باۋلۋ قىزمەتىن كۇشەيتۋ پارتيا مۇشەلەرى قوسىنى قۇرىلىسىن جالپى بەتتىك نىعايتۋ، پارتيا مۇشەلەرىنىڭ ساپاسىن ونان ارى جوعارىلاتۋ، پارتيالىق تانىمدى ونان ارى كۇشەيتۋ، تاماشا ستيل جەتىلدىرۋ جونىنەن توتەنشە ماڭىزدى رول اتقارادى. «جوبا» شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، جاڭا داۋىردە پارتيانىڭ شينجياڭدى جونگە سالۋ جالپى جوباسىن ارقاۋ ەتىپ، تۇتاس رايوننىڭ جاڭا داۋىردە پارتيا مۇشەلەرىن تاربيەلەۋ، باسقارۋ قىزمەتىنە نەگىزگى بويسۇنۋ ولشەمىن ازىرلەدى. «جوبانىڭ» جاسالىپ اتقارىلۋى شي جينپيڭنىڭ جاڭا ءداۋىر جۇڭگوشا سوتسياليزم يدەياسى مەن پارتيا 19 - قۇرىلتاي رۋحىن دايەكتىلەندىرىپ، تياناقتاندىرىپ، ۇيرەنۋگە قۇلىقتى ماركستىك ساياسي پارتيا قۇرىلىسىن ىلگەرىلەتىپ، ءار دارەجەلى پارتيا ۇيىمدارىنىڭ پارتيانى جاپپاي قاتاڭ جونگە سالۋ تالابىن پارتيا مۇشەلەرىن تاربيەلەۋ، باسقارۋ قىزمەتىنىڭ جالپى بارىسىندا جانە ءارقايسى جاعىندا تياناقتاندىرۋىن ىلگەرىلەتىپ، ساياسيدا تولىمدى، ءتارتىپتى اتقارۋدا تولىمدى، ءمورالدا تولىمدى، رولىن ساۋلەلەندىرۋدە تولىمدى پارتيا مۇشەلەرى قوسىنىن باۋلىپ جەتىلدىرۋ، شينجياڭدى جونگە سالىپ، شينجياڭدى ورنىقتىراتىن پارتيا مۇشەلەرى قوسىنى قۇرىلىسىنىڭ نەگىزىن بەكەمدەۋ جونىنەن ماڭىزدى ءمان الادى.

  «جوبا» «جۇڭگو كوممۋنيستىك پارتياسىنىڭ پارتيا مۇشەلەرىن تاربيەلەۋ، باسقارۋ قىزمەتى ەرەجەسىنىڭ» جانە «2019 - جىلدان 2023 - جىلعا دەيىنگى مەملەكەت بويىنشا پارتيا مۇشەلەرىن تاربيەلەۋ، باۋلۋ قىزمەت جوباسىنىڭ» رۋحىن جالپى بەتتىك دايەكتىلەندىرىپ، جالپى تۇلعالىق تالاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن تاربيەلەۋ، باۋلۋ، سونداي - اق پارتيا مۇشەلەرىن تاربيەلەۋدىڭ، باۋلۋدىڭ مازمۇن جۇيەسى، ءتۇيىندى مىندەتى، ءادىس - تاسىلدەرى، ۇيىمدىق باسشىلىعى جانە نەگىزىن قامتاماسىز ەتۋ سياقتى 6 جاقتان باۋلۋدىڭ جەتەكشى يدەياسى، نەگىزگى نىساناسى، ماڭىزدى كورسەتكىشى، تەكسەرىپ باعالاۋ سياقتىلارعا ايقىن تالاپ قويىپ، قايتكەندە باۋلۋدى ويداعىداي ورىستەتۋ جونىندە ناقتىلى شارالاردى ورتاعا قويدى.

  «جوبادا» مىنالار ورتاعا قويىلدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن ۇيرەنۋدى، دايەكتىلەندىرۋدى ماڭداي الدى ساياسي مىندەت ەتۋگە تاباندى بولىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى ەتىپ، ۇيرەنۋدىڭ، تاربيەلەۋدىڭ باياندى مەحانيزمىن ورناتىپ، كەمەلدەندىرىپ، ۇيرەنۋدى، وي جۇگىرتۋدى، قولدانۋدى ساباقتاستىرۋدى، ءبىلۋدى، سەنۋدى، ارەكەتتى بىرلىككە كەلتىرۋدى ىلگەرىلەتۋگە كۇش سالۋ؛ ساياسي نازاريالىق تاربيە، ساياسي تاربيە مەن ساياسي شىڭدالۋ، پارتيا ۋستاۆى، پارتيا ەرەجەسى، پارتيا ءتارتىبى تاربيەسى، پارتيانىڭ باستى ماقسات تاربيەسى، توڭكەرىستىك ءداستۇر تاربيەسى، اۋقىمدىق ساياسات تاربيەسى، ءبىلىم، شەبەرلىك تاربيەسى سياقتى جاقتاردان كىرىسىپ، باۋلۋ مازمۇنى جۇيەسىن ۇزدىكسىز كەمەلدەندىرۋ؛ نەگىزگى ساتى پارتيا ۇيىمدارىنىڭ شۋجيلەرى، اۋىل - قىستاق پارتيا مۇشەلەرى، ورگان پارتيا مۇشەلەرى، جالپىلىق مەنشىككە جاتپايتىن شارۋاشىلىق ۇيىمدار مەن قوعامدىق ۇيىمدارداعى پارتيا مۇشەلەرى، جاس پارتيا مۇشەلەرى سياقتى تۇرلىشە توپتارعا باعىتتالعان تاربيەلەۋ، باۋلۋ قىزمەتىنە ناقتى تالاپتار جانە باعىتتامالى شارالاردى العا قويۋ؛ ۇيىمدىق ءتاسىلدى كەمەلدەندىرۋ، وقىتۋ ءادىسىن بايىتۋ، ينفورماتسيالانعان تاسىلدەردە جاڭالىق جاساۋ جانە ودان پايدالانۋ، باۋلۋ ءتۇزىمىن اقاۋسىزداندىرۋ، ت. ب ارقىلى پارتيا مۇشەلەرىن تاربيەلەۋ، باۋلۋ قىزمەتىندە ناقتىلى ونىمدىلىككە قول جەتكىزۋگە شىنايى كەپىلدىك ەتۋ كەرەك.

  ۇعىسۋعا قاراعاندا، اۆتونوميالى رايون «جوبانىڭ» اتقارىلۋ جاعدايىنا مەڭزەس، ورتا مەرزىمدىك جانە 5 جىلدىق قورىتىندىلاۋ، باعالاۋ ورىستەتىپ، پارتيا مۇشەلەرىن تاربيەلەۋدىڭ، باۋلۋدىڭ ناقتى ونىمدىلىككە قول جەتكىزۋىنە شىنايى كەپىلدىك ەتەدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.