جاڭالانعاننان كەيىنگى ءۇرىمجى قالاسى ميدۇڭ رايونى گۋمۋدي باتىس جولى اۋماعىن باسقارۋ كوميتەتى بافاڭ شاعىن اۋماعى (4 - ايدىڭ 29 - كۇنى تۇسىرىلگەن). سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى تاڭ يۇڭ تۇسىرگەن
【رەداكتوردان】
باس شۋجي شي جينپيڭ ”حالىق بۇقاراسىنىڭ قالاداعى تۇرمىسىن اناعۇرلىم قولايلى، اناعۇرلىم جايلى، اناعۇرلىم تاماشا ەتۋ كەرەك“ دەپ اتاپ كورسەتتى. كونە شاعىن اۋماقتاردىڭ حالىق تۇرمىسىنداعى ولقىلىقتاردى تولىقتاۋ قالانىڭ كەلبەتىن جاقسارتىپ، تۇرعىنداردىڭ باقىت سەزىمىن جوعارىلاتۋمەن بىرگە، ىشكى سۇرانىستى كەڭەيتىپ، قارجى قوسۋدى دا جەبەيدى. حالىقتىڭ ءۇمىت - تىلەگى ۇكىمەت ىستەرىنىڭ بەتالىسى. رايونىمىز كونە شاعىن اۋماقتاردى جاڭالاۋ نىساندارىن تىڭعىلىقتى ىلگەرىلەتىپ، ”تۇرعىنداردىڭ اسىققانىنا اسىعىپ، تۇرعىنداردىڭ قاجەتى بويىنشا وزگەرتىپ“، ”تاپسىرىس ۇلگىسىندە“ جاڭالاۋ ارقىلى تۇرعىندار ەڭ كوڭىل ءبولىپ وتىرعان، ەڭ كوكەي تەستى ءىس جۇزىندىك قاجەتىن قاناعاتتاندىردى؛ سونىمەن بىرگە نىساندار ىشكى سۇرانىستى قاۋلاتۋ، جۇمىستاندىرۋدى جەبەۋ سياقتى جاقتاردا ماڭىزدى رول اتقاردى. جۋىردا گازەتىمىزدىڭ جالپىلىق اقپارات قۇرالدارى تىلشىلەرى ءۇرىمجى قالاسىنىڭ كوشەلەرىن ارالاپ، كونە شاعىن اۋماقتاردى جاڭالاۋدىڭ ونىمدىلىگىن ۇعىستى. بۇگىننەن باستاپ، گازەتىمىز ”ءۇرىمجى قالاسىنىڭ كونە شاعىن اۋماقتاردى جاڭالاۋىنا نازار“ جەلىلەس حابارلارىن بەرەدى، نازار سالىڭىزدار.
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋي حۇڭپيڭ
”جەر استىنان جەر بەتىنە دەيىن، ءۇي سىرتىنان ءۇي ىشىنە دەيىن تۇگەلدەي جاڭالاندى“، - دەدى 4 - ايدىڭ 28 - كۇنى ءۇرىمجى قالاسى ميدۇڭ رايونى گۋمۋدي باتىس جولى اۋماعىن باسقارۋ كوميتەتى شينحۋا الەۋمەتتىك اۋماعى حۇيساي شاعىن اۋماعىنىڭ تۇرعىنى جاڭ يۇيكۇن ، - تەرەزەدەن ءۇي سىرتىنداعى قۇرىلىس ورنىن كورۋگە بولادى، ۋ - شۋ سەزىنبەدىك، كەرىسىنشە ىستىق سەزىندىك. بۇل ارادا كونە شاعىن اۋماقتى جاڭالاۋ قۇرىلىسى جۇرگىزىلىپ جاتىر، ول الداعى جەردە اۋلانىڭ كەڭەيۋىن، عيمارات تۇلعاسىنىڭ جاڭارۋىن، قۇبىر تورلارىنىڭ ىركىلىسسىزدەنۋىن، ءۇيدىڭ جىلىنۋىن... ارمانداپ وتىر.بيىل حۇيساي شاعىن اۋماعى سياقتى جاڭالانۋ جۇرگىزىلىپ جاتقان جانە جۇرگىزىلۋ الدىندا تۇرعان كونە شاعىن اۋماقتان بۇكىل ءۇرىمجى قالاسىندا 133ى بار، جالپى قۇرىلىس اۋدانى ءبىر ميلليون 414 مىڭ شارشى مەتر، 21 مىڭ 311 وتباسىنا تيىمدىلىك جەتكىزەدى.
قاراساڭ جايلى، تۇرساڭ ىڭعايلى
جاڭ يۇيكۇن كۇتىپ وتىرعان تاماشا كورىنىس ءۇرىمجى قالاسىنىڭ تۇرعىنى ۋاڭ حۇڭبين تۇرعان شاعىن اۋماقتا رەالدىققا اينالدى. ۋاڭ حۇڭبيننىڭ ءۇيى ءۇرىمجى قالاسى مۇراجاي وڭتۇستىك كوشەسىندەگى مۇراجاي شاعىن اۋماعىندا تۇرادى، شاعىن اۋماقتا 17 تۇرعىندار عيماراتى بار، بارلىعى 1980 - جىلى سالىنعان 5 قاباتتى كونە ۇيلەر. ”جاڭالاۋدان بۇرىن شاعىن اۋماقتىڭ قۇبىر تورلارى توزىپ، ۇيدەگى ىعىستىرعان سۋ وڭاي بوگەلەتىندىكتەن تۇرعىنداردىڭ پىكىرى كوپ ەدى“، - دەدى ۋاڭ حۇڭبين.
2019 - جىلى ءۇرىمجى قالاسى كونە شاعىن اۋماقتاردى جاڭالاۋدى ءتۇيىندى حالىق تۇرمىسى ينجەنەرياسى ەتىپ ىشكەرىلەي ىلگەرىلەتتى. 4 ايدان استام ۋاقىت شوعىرلى قۇرىلىس جۇرگىزۋ ارقىلى مۇراجاي شاعىن اۋماعىنىڭ سۋ، ەلەكتر، پار سياقتى نەگىزدىك قۇرىلعىلارى ءتۇيىندى تۇردە جاڭالانىپ، جولى قايتادان قاتايتىلدى، قازىر شاعىن اۋماق رەتتى دە تازا، كەڭ، ادەمى بولىپ كەتتى.
ۋاڭ حۇڭبين جاڭالاۋ ينجەنەرياسىندا ءۇيدىڭ ءىشى دە قامتىلاتىنىن ويلاماعان ەدى. بۇل شاعىن اۋماقتاعى تۇرعىن ۇيلەردىڭ اۋدانى ەڭ ۇلكەنى 65 شارشى مەتر، ەڭ كىشكەنەسى 44 شارشى مەتر بولاتىن. جاڭالاۋدان بۇرىن ۋاڭ حۇڭبيننىڭ ءۇيىنىڭ تازالىق ءۇيىنىڭ اۋدانى 2 شارشى مەترگە تولمايتىن، جاڭالاپ سالعان كەزدە ءۇي ءىشىنىڭ قۇرىلىمى جاقسارتىلىپ، سامالدىق پەن اسحانانىڭ اراسىنداعى داۋال الىنىپ تاستالىپ، تازالىق ءۇيىنىڭ اۋدانى ءبىر ەسە كەڭەيدى. ”40 كۇنگە جەتپەيتىن ۋاقىتتا جاڭالاپ بولدى، اسحاناعا مرامور سورە، تاتتانبايتىن بولات استاۋ ورناتىلدى، دارەتحانانىڭ شەلەگى دە وتىرعى شەلەككە وزگەرتىلىپ، جاڭا ۇيگە كىرگەندەي بولدىق“، - دەدى ۋاڭ حۇڭبين.
حالىقتىڭ تىلەگىنە قۇلاق اسىپ، ناقتى ىستەردى جاقسى تىندىردى
كونە شاعىن اۋماقتاردى جاڭالاۋ كوپتەگەن ماسەلەگە سايادى، تۇرعىنداردى قالاي رازى ەتىپ، ناقتى ىستەردى قالاي جاقسى تىندىرۋ كەرەك؟ ءۇرىمجى قالاسى بۇقارانىڭ ارىز - تالابىن تولىق تىڭداپ، بۇقارا نەنى شۇعىل قاجەت ەتىپ وتىرسا سونى وزگەرتىپ سالۋ كەرەك دەگەن ءبىر پرينسيپكە تاباندى بولدى.
”كونە شاعىن اۋماقتاردى جاڭالاۋدان بۇرىن، تۇرعىنداردىڭ ۇسىنىسىن جيناۋ ارقىلى شاعىن اۋماق تۇرعىندارى ەڭ كوڭىل ءبولىپ وتىرعان، ەڭ كوكەي تەستى ءىس جۇزىندىك قاجەتىن تياناق ەتىپ، تۇرعىنداردىڭ اڭىسى ەڭ شوعىرلى ماسەلەلەردى الدىمەن تاڭداپ نىسان تۇرعىزدىق“، - دەدى ءۇرىمجى قالاسى ميدۇڭ رايوندىق قۇرىلىس مەكەمەسى (قاتىناس مەكەمەسى، حالىقتىق اۋە قورعانىس كەڭسەسى) قوجالىق قىزمەت وتەۋدى باسقارۋ ورتالىعىنىڭ ورىنباسار مەڭگەرۋشىسى سارسەنبەك تىلشىگە، - ”ءاربىر نىسان قۇرىلىستى باستاۋدان بۇرىن حالىق تىلەگىنە تەكسەرۋ جۇرگىزىپ، وتباسى سايىن تىلەكناماعا قول قويدىرىپ، مويىنداۋ العاننان كەيىن بارىپ وزگەرتىپ سالۋدى باستادىق“.
بۇل جاعىندا ءۇرىمجى قالاسى ميدۇڭ رايونى گۋمۋدي باتىس جولى اۋماعىن باسقارۋ كوميتەتى بافاڭ شاعىن اۋماعىنىڭ تۇرعىنى جاڭ يۇيلۇڭ تەرەڭ اسەر الدى. بىلتىر شاعىن اۋماقتى جاڭالاعان كەزدە، ول پاردى اۋىستىرۋ جونىندەگى ”قاراعاندا وتە جۇقا سياقتى، جىلى بولار ما؟“ دەگەن كۇمانىن ايتقان بولاتىن. قىزمەتكەرلەر ەرىنبەي - جالىقپاي ونىڭ ۇيىنە كەلىپ، مۇنىڭ جاڭا ماتەريالدان جاسالعاندىعىن، ورناتىلىپ پايدالانىلاتىن پاردىڭ تۇرپاتىن، ولشەمىن وعان ءتۇسىندىردى. ”مەن ارنايى قۇرىلىس ماتەريالدارى بازارىنا بارىپ، اۋىستىرىلاتىن پاردىڭ ساپاسى جاقسى ەكەندىگىن بىلگەننەن كەيىن الاڭسىز بولدىم“، - دەدى جاڭ يۇيلۇڭ.
قونىس جايلى بولدى، باقىت سەزىمى كۇشەيدى
ءۇي ”كونەدەن“ ”جاڭاردى“، جول ”بوگەلۋدەن“ ”ىركىلىسىزدەندى“، كوريدور ”بىلىعۋدان“ ”رەتتەلدى“، تۇرعىنداردىڭ سۇرانىسىن تىعىز نەگىز ەتىپ اتقارىلعان كونە شاعىن اۋماقتاردى جاڭالاۋ تۇرعىنداردىڭ ”باسپاناسى بولۋدان“ ”قونىسى جايلى“ بولۋ دەڭگەيىن جوعارىلاتتى.
81 جاستاعى ادىل سۇلەيدىك اۆتونوميالى رايوندىق ورمان شارۋاشىلىعى جانە جايلىم مەكەمەسىنىڭ سەميالىقتار اۋلاسىندا 20 جىلدان استام وتىرعان، بىلتىر ول وتىرعان شاعىن اۋماق جاڭالاۋدان كەيىن شىت جاڭا تۇسكە ەندى. قازىر ول قولى بوساعاندا شاعىن اۋماقتا بوي جازىپ ءجۇرۋدى ۇناتادى، ”بۇرىن شاعىن اۋماق ءارى لاس، ءارى بىلىققان، جول ويلى - شۇڭقىر بولاتىن دا، قايدا قاراساڭ دا كوڭىلىڭ كونشىمەيتىن. قازىر قاراشى، قانداي جاقسى، ءۇيدىڭ ءىشى مەن سىرتى تۇگەلدەي وزگەرىپ، توسىلۋ مەن بىلىعۋ جوعالدى، بارلىق جەردەن كوركەمدىك كوزگە كورىنەدى“.
بيىل ءۇرىمجى قالاسى ”ءبىر توبىن اتقارۋ، ءبىر توبىن جوسپارلاۋ، ءبىر توبىن زاپاسقا الۋ“ پرينسيبى بويىنشا، شارتقا تولاتىن كونە شاعىن اۋماقتاردى جاڭالاۋدىڭ ۋاقىت ءتارتىبىن ءبىر تۇتاس جوسپارلاپ ورنالاستىردى. قازىر كونە شاعىن اۋماقتاردى جاڭالاۋ نىسانى بويىنشا 12 مىڭ 558 ءۇيدىڭ قۇرىلىسى باستالدى.
”ءبىز بۇرىنعى جىلدارداعىداي، پىكىر جيناۋ كەستەسىن تاراتۋ ارقىلى تۇرعىنداردىڭ اڭىسى ەڭ كۇشتى بولعان ماسەلەلەردى الدىمەن تاڭداپ وزگەرتىپ سالۋ نىسانىن تۇرعىزىپ، تۇرعىنداردىڭ قونىس شارت - جاعدايىن بارعان سايىن جاقسارتامىز“، - دەدى ءۇرىمجى قالاسى سايباق رايوندىق قۇرىلىس مەكەمەسى قۇرىلىس ينجەنەريا ساپاسى حاۋىپسىزدىگىن باقىلاۋ پۋنكتىنىڭ باستىعى جۋ زوچىڭ.