شينحۋا اگەنتتىگىنىڭ 5 - ايدىڭ 7 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 7 - كۇنى كەشتە وزبەكستاننىڭ زۇڭتۇڭى ميرزيويەۆپەن تەلەفوندا سويلەستى.
شي جينپيڭ جۇڭگو ۇكىمەتى مەن جۇڭگو حالقى اتىنان وزبەكستان ۇكىمەتى مەن وزبەكستان حالقىنان جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ جونىندە شىنايى حال سۇرايتىندىعىن ءارى تاباندىلىقپەن قولدايتىندىعىن ءبىلدىردى. شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تەك ادامزاتتىڭ تاعدىرلاس ورتاق تۇلعاسىن قۇرۋ عانا دۇرىس جول ەكەندىگىن تاعى ءبىر رەت دالەلدەدى. وسى رەتكى بۇكىل ادامزاتتىڭ سالاماتتىعى مەن باقىتىنا، دۇنيە ءجۇزىنىڭ دامۋى مەن گۇلدەنۋىنە ساياتىن كۇرەستە ىنتىماقتاسىپ سەلبەسۋ ەڭ پارمەندى قارۋ. دۇنيە جۇزىندەگى ەلدەر الاۋىزدىقتىڭ ورنىنا ىنتىماقتى قويىپ، پاراساتتىلىقپەن سىڭار جاقتىلىقتى جويىپ، ىندەتكە قارسى اتتانۋدىڭ قۋاتتى بىرىككەن كۇشىن ۇيىستىرىپ، سەلبەستىكتى كۇشەيتىپ، ۋاقىتتىق قيىنشىلىقتى بىرگە ەڭسەرىپ، ادامزاتتىڭ ورتاق مەكەنىن قورعاۋ كەرەك.
شي جينپيڭ بىلاي دەپ باسا دارىپتەدى: قيىن - قىستاۋدى بىرگە وتكەرىپ، ءوزارا قارايلاسۋ − جۇڭگو - وزبەكستان قارىم - قاتىناسىنىڭ تاڭداۋلى ءداستۇرى. جۇڭگو ىندەتكە قارسى اتتانۋدا ەڭ قيىن كەزدە تۇرعاندا، ەلدەرىڭىز ۇكىمەتى مەن قوعامىنىڭ ءار سالاسى جۇڭگوعا جابال كومەك قولىن سوزدى. وزبەكستانداعى ىندەت جاعدايى دا جۇڭگو حالقىنىڭ جۇرەك قىلىن تەربەۋدە. جۇڭگو ۇكىمەتىنىڭ، قاتىستى جەرگىلىكتى ورىندار مەن كاسىپورىنداردىڭ كومەككە بەرگەن زاتتىق ماتەريالدارى ىركەس - تىركەس ەلدەرىڭىزگە جەتىپ، ەكى ەلدىڭ ماماندارى بەينەەكران ارقىلى بايلانىس جاساپ، ىندەتكە قارسى اتتانۋ تاجىريبەلەرىن اۋىستىردى. جۇڭگو جاق وزبەكستان جاققا ىندەتكە قارسى اتتانۋ جاعىندا ۇزدىكسىز قولداۋ جانە كومەك كورسەتەدى. وزبەكستان جاقتىڭ جۇڭگونىڭ وزبەكستانداعى ازاماتتارىنىڭ قالىپتى قىزمەتىن، تۇرمىسىن ۇزدىكسىز قامتاماسىز ەتۋىن ءۇمىت ەتەمىن. ءسىزدىڭ پارمەندى باسشىلىعىڭىزدا وزبەكستان حالقىنىڭ ىندەتتى، ءسوز جوق، جەڭەتىندىگىنە سەنەمىن. جۇڭگو مەن وزبەكستان قارىم - قاتىناسىنىڭ نەگىزى بەكەم، كومەسكى كۇشى وراسان زور. ەكى جاق ءبىرىن - ءبىرى ۇزدىكسىز باتىل قولداپ، سىن - سايىستى ورايعا اينالدىرىپ، ىندەتكە قول ۇستاسا قارسى اتتانۋمەن بىرگە، ەكى ەلدىڭ جالپى بەتتىك سەلبەستىگىن يكەمدى تۇردە ىلگەرىلەتىپ، ەكى جاقتىڭ اقىلداسىپ تۇراقتاندىرعان ”ءبىر بەلدەۋ، ءبىر جول“ نىساندارىنىڭ ءساتتى اتقارىلۋىنا شىنايى كەپىلدىك ەتىپ، دۇنيە جۇزىلىك دەنساۋلىق ساقتاۋ ۇيىمى سياقتى كوپ جاقتى جۇلگەدە ىستەستىكتى ۇزدىكسىز تەرەڭدەتىپ، دۇنيە ءجۇزىنىڭ بەيبىتشىلىگى مەن دامۋىن قورعاۋعا تىزە قوسا كۇش سالۋ كەرەك.
ميرزيويەۆ مىنالاردى ءبىلدىردى: ءسىزدىڭ دانىشپان باسشىلىعىڭىزدا جۇڭگو ۇكىمەتى باتىل، كەسكىن، جوعارى ءونىمدى شارا قولدانىپ، قىسقا ۋاقىت ىشىندە ىندەتتى تىزگىندەپ، جۇڭگو حالقىنىڭ كەرەمەت ىنتىماعىن، سەلبەستىگىن جانە ەرلىگىن ايگىلەپ، ءار ەلگە ۇلگى ورناتتى. جۇڭگو ۇكىمەتى مەن حالقىنىڭ وزبەكستان جاق ەڭ قيىن ساتتە تۇرعاندا بەرگەن قالتقىسىز ادامگەرشىلىك كومەگىنە العىس ايتامىن. جۇڭگو جاقتىڭ قىمباتتى تاجىريبەسى مەن كومەگىنىڭ ارقاسىندا وزبەكستان جاقتىڭ ىندەتتەن ساقتانۋ - تىزگىندەۋى كورنەكتى ونىمدىلىككە قول جەتكىزدى. شىندىق جۇڭگونىڭ وزبەكستاننىڭ سەنىمدى دوسى ەكەندىگىن دالەلدەدى. الاڭسىز بولىڭىز، وزبەكستان جاق جۇڭگو جاقتىڭ وزبەكستانداعى ادامدارىنا ءوز ەلىنىڭ ازاماتتارىنداي جاقسى مامىلە جاسايدى. مەن ءسىزدىڭ كوزقاراسىڭىزدى بۇكىلدەي قۇپتايمىن، كەزەكتەگى جاعدايدا، حالىقارالىق قوعام ىنتىماقتى كۇشەيتىپ، دۇنيە جۇزىلىك دەنساۋلىق ساقتاۋ ۇيىمى، شاڭحاي سەلبەستىك ۇيىمى سياقتى كوپ جاقتى جۇلگەدە سەلبەستىكتى جيىلەتۋ كەرەك. ىندەت وتكەننەن كەيىن سىزبەن تەزىرەك جۇزدەسىپ، ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، جۇڭگو - وزبەكستان ەكى ەلدىڭ ءار سالاسىنداعى سەلبەستىكتىڭ ۇزدىكسىز دامۋىن جەبەۋدى كۇتەمىن. وزبەكستان جاق جۇڭگو جاقپەن بىرگە قۇلشىنىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
شينحۋا اگەنتتىگىنىڭ 5 - ايدىڭ 7 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 7 - كۇنى كەشتە پورتۋگاليانىڭ زۇڭتۇڭى دە سوسامەن تەلەفوندا سويلەستى.
شي جينپيڭ بىلاي دەپ باسا دارىپتەدى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، ءسىز حات جولداپ جۇڭگو حالقىنان حال سۇرادىڭىز، مەن بۇعان العىس ايتامىن. جۇڭگو مەن پورتۋگاليا قيىن - قىستاۋلاردان بىرگە وتەدى، جۇڭگو جاق پورتۋگاليا جاقتىڭ ىندەتكە قارسى اتتانۋداعى قۇلشىنىسىن تاباندىلىقپەن قولدايدى، قولىنان كەلگەنىنشە ۇزدىكسىز كومەكتەسۋدى، پورتۋگاليا جاقتىڭ جۇڭگودان ەمدەۋ زاتتىق ماتەريالدارىن ساتىپ الۋىنا، تاسۋىنا بەلسەنە سايكەسۋدى قالايدى. ىندەت وتكەننەن كەيىن، ەكى جاقتىڭ ءار سالاداعى سەلبەستىكتى تەرەڭدەتىپ، ”ءبىر بەلدەۋ، ءبىر جولدى“ بىرگە قۇرۋدى ىلگەرىلەتىپ، الەۋمەتتىك دەنساۋلىق ساقتاۋ سياقتى سالالارداعى 3 جاقتى سەلبەستىكتە ىزدەنىس جاساپ، جۇڭگو مەن پورتۋگاليانىڭ جان - جاقتى ستراتەگيالىق سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى ءۇمىت ەتەمىن. مەن سىزبەن بولعان دوستىقتى قاستەرلەيمىن، سىزبەن بارىس - كەلىستى ساقتاۋدى قالايمىن.
شي جينپيڭ بىلاي دەپ اتاپ كورسەتتى: ادامزاتتىڭ وركەنيەت تاريحى ادامزاتتىڭ ءتۇرلى اپاتتارعا قارسى اتتانۋ جانە جەڭۋ تاريحى. ءار ەل حالىقتارىنىڭ سالاماتتىعى مەن باقىتىن اناعۇرلىم جاقسى قورعاۋ، ەكونوميكالىق، قوعامدىق دامۋدى جەبەۋ ءبىز ارقالاعان تاريحي جاۋاپكەرشىلىك. ءار ەل تەك تاعدىرلاس بولاتىن ىنتا - ىقىلاستى نەگىز ەتە ىنتىماقتاسىپ سەلبەسكەندە عانا، ءتۇرلى عاسىرلىق قيىن ماسەلەلەر مەن سىن - سايىستاردى جەڭىپ، ادامزاتتىڭ تاعدىرلاس ورتاق تۇلعاسىن قۇرۋ نىساناسىن بەتكە الىپ العا ىلگەرىلەيدى. بىرلەسكەن مەملەكەتتەر ۇيىمى مەن دۇنيە جۇزىلىك دەنساۋلىق ساقتاۋ ۇيىمىنىڭ ىندەتكە قارسى اتتانۋدىڭ حالىقارالىق سەلبەستىگىن سايكەستىرۋ جاعىندا ءتيىستى رولىن ساۋلەلەندىرۋىن باتىل قولداۋ، سونداي - اق ماكرولىق ەكونوميكا ساياساتىن سايكەستىرۋدى كۇشەيتىپ، الەمدىك كاسىپ سالاسى تىزبەگىنىڭ، قامداۋ تىزبەگىنىڭ ورنىقتىلىعىن قورعاۋ كەرەك. جۇڭگو مەن ەۆروپا، جۇڭگو مەن پورتۋگاليا قول ۇستاسا بەلسەندى قۇلشىنىس جاساۋ ءتيىس.
دە سوسا مىنالاردى ءبىلدىردى: پورتۋگاليا جاق جۇڭگو حالقىنىڭ ىندەتكە قارسى اتتانۋ بارىسىندا كورسەتكەن بەرىك سەنىمىنە سۇيىنەدى. جاڭا تيپتى ايدارشا ۆيرۋس وكپە قابىنۋ ىندەتى بۇكىل ادامزاتتىڭ ورتاق جاۋى، حالىقارالىق قوعام كوپ جاقتىلىققا تاباندى بولىپ، قول ۇستاسا توتەپ بەرۋ ءتيىس. جۇڭگو جاقتىڭ بەرگەن قىمباتتى قولداۋى مەن كومەگىنە العىس ايتامىن، بۇل پورتۋگاليا جاقتىڭ ىندەتكە قارسى اتتانۋىنا ماڭىزدى ۇلەس قوستى. پورتۋگاليا مەن جۇڭگونىڭ دوستىعى كەلەشەكتى بەتكە العان، ىندەتكە بىرگە قارسى اتتانۋ ارقىلى ەكى ەل حالىقتارىنىڭ دوستىعى، ءسوز جوق، ونان ارى تەرەڭدەيدى، پورتۋگاليا مەن جۇڭگونىڭ سەرىكتەستىك قارىم - قاتىناسى دا اناعۇرلىم بەكەمدەلەدى. مەن ىندەت وتكەننەن كەيىن سىزبەن تەز ارادا كەزدەسىپ، پورتۋگاليا مەن جۇڭگونىڭ دوستىق سەلبەستىگىن بىرگە ىلگەرىلەتۋدى كۇتەمىن.
