شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 5 - ايدىڭ 9 - كۇنى ۇرىمجىدەن حابارلايدى. ”ۇلۇقشات اۋدانىنا كەلىپ مىڭ بوياۋلى تابيعاتتى تاماشالاپ، ءتاتتى سۋىنان، ءتىل ۇيىرەتىن سيىر، قوي ەتتەرىنەن ءدام تاتۋعا كەلگەندەرىڭىزدى قارسى الامىز“. 4 - ايدىڭ 28 - كۇنى ۇلۇقشات اۋدانىنىڭ ورىنباسار اكىمى ۋاڭ شيميڭ تاۋباۋداعى تانىمال اسابالاردىڭ ”داجيڭ گانشى جيە“ تىكە تاراتۋ بولمەسىنە كەلىپ، تانىستىرىپ ساتۋشى بولدى.
تىكە تاراتۋ قيمىلىندا ۋاڭ شيميڭ توراپتاستارعا ۇلۇقشاتتىڭ تاريحىنان اڭگىمەلەر ايتىپ، ونىمدەردىڭ ەرەكشەلىكتەرىن بايانداپ، جەرگىلىكتى سالت - داستۇرلەردى تىلگە تيەك ەتىپ، كوپتەگەن تور دوستاردى كورۋگە، تاپسىرىس بەرۋگە باۋرادى. 3 ساعاتقا جۋىق جۇرگىزىلگەن ۇستىنەن تاراتۋدى جالپى كورگەن ادام 400 مىڭ ادامنان (رەت)، ينتەرنەتتەگى ءتۇرتىلىم سانى ميلليون ادامنان (رەت) اسىپ، جالپى ساتىلىم سوماسى 110 مىڭ يۋانعا جەتتى.
”ۇستىنەن تاراتىپ زات ساتۋ جاڭا وركەندەگەن كاسىپ كۇيى، ونى جەر - جەردىڭ بارلىعى سىناپ كورىپ جاتىر. ءار دارەجەلى كادرلاردىڭ ۇستىنەن تاراتىپ زات ساتۋدى سىناپ كورۋى باسىلىپ قالعان اۋىل شارۋاشىلىعى ەرەكشە ونىمدەرىنىڭ ساتىلۋىنا دەم بەرىپ قالماستان، ونان دا ماڭىزدىسى، ۇلگى كورسەتۋ، جەتەكتەۋ بولىپ، نەگىزگى ساتىداعى ۇستىنەن تاراتۋ ەلەكتروندى ساۋداسىنىڭ دامۋى ءۇشىن جەدەلدەتۋ پەرنەسىن باستى“، - دەيدى اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، ينتەرنەتتە تاپسىرىس بەرىپ زات ساتىپ الۋدى تاڭداۋشىلار اناعۇرلىم كوبەيىپ، ۇستىنەن تاراتىپ زات ساتۋ تىڭنان تۇرەن سالدى، كادرلار باستاماشى بولىپ قالماستان، كوپتەگەن شارۋالار جانە ەلەكتروندى ساۋدامەن اينالىساتىندار دا كامەرا الدىنا شىعىپ ءتۇرلى ونىمدەرىن وتكىزىپ، ۇستىنەن تاراتىپ زات ساتۋدى ۇزدىكسىز قىزدىرا ءتۇستى.
شينجياڭ شييۇي چۋانچي ينتەرنەت عىلىم - تەحنيكا شەكتى سەرىكتەستىگى يوپۇرعا اۋدانى، اقشي اۋدانى سياقتى جەرلەردە الەۋمەتتىك ەلەكتروندى ساۋدادا ۇستىنەن تاراتۋ بولمەلەرىن اشتى، سونداي - اق ”ەلەكتروندى ساۋدادان حابارى بار، ۇستىنەن تاراتۋ جۇرگىزە الاتىن“ كۋرس تاربيەشىلەرىن جەر - جەرگە بارۋعا ۇيىمداستىرىپ، ەلەكتروندى ساۋدادا ۇستىنەن تاراتىپ زات ساتۋ كۋرستارىن وتكىزىپ، ەلەكتروندى ساۋدادا ۇستىنەن تاراتىپ زات ساتۋعا قاتىستى ەڭ جاڭا تۇعىرلار، ۇستىنەن تاراتۋ شەبەرلىكتەرى سياقتى مازمۇنداردى شارۋالارعا جانە ەلەكتروندى ساۋدامەن اينالىساتىندارعا تانىستىردى.
اۆتونوميالى رايوندىق ساۋدا مەڭگەرمەسى وسى اۋقىمنان پايدالانا وتىرىپ، ۇستىنەن تاراتۋ ەلەكتروندى ساۋداسىنىڭ تۇتىنۋدى جەتەكتەۋ رولىن ساۋلەلەندىرىپ، ۇستىنەن تاراتۋ ەلەكتروندى ساۋداسى ارقىلى اۋىل شارۋاشىلىعى ونىمدەرىن ساتۋ سەرپىنىن ارتتىرىپ، اۋىل شارۋاشىلىعى ونىمدەرىنىڭ ساتىلىم ارناسىن كەڭەيتتى؛ ينتەرنەت جۇلدىزدارىنىڭ ۇستىنەن تاراتۋى سياقتى ەلەكتروندى ساۋدانىڭ جاڭا كاسىپ كۇيلەرى ارقىلى ”شاعىن دا ادەمى“ وڭىرلىك ينتەرنەتتىك جاڭا ماركالار قالىپتاستىرىپ، اۋىل شارۋاشىلىعى ونىمدەرىنىڭ ينتەرنەتتەگى تۇتىنىلۋىن كەڭەيتتى؛ ”ءبىر، 10، 100، 1000“ قۇرىلىسىن (ءبىر ۇستىنەن تاراتۋ بازاسىن قۇرۋ، 10 ءتۇيىندى ۇستىنەن تاراتۋ تۇلعاسىن سۇيەمەلدەۋ، 100 ءتۇيىندى تاۋاردى شوعىرلى ۇگىتتەۋ، 1000 ۇستىنەن تاراتۋ بەلسەندىسىن جەتىلدىرۋ) ىلگەرىلەتتى؛ ۇستىنەن تاراتۋ ەلەكتروندى ساۋداسى بويىنشا اۋىس - كۇيىس جاساۋ، باسەكەلەسۋ قيمىلدارىن ۇيىمداستىرىپ وتكىزىپ، بۇكىل رايونداعى ۇستىنەن تاراتۋ ەلەكتروندى ساۋداسىنىڭ جالپى تۇلعالىق كاسىپ دەڭگەيىن ءوسىردى.
اۆتونوميالى رايوندىق ساۋدا مەڭگەرمەسىنىڭ قاتىستى جاۋاپتىسى بىلاي دەدى: بيىل رايونىمىز ەلەكتروندى ساۋدا تۇعىرلارىنىڭ الەۋمەتتىك جەلىلەر ەلەكتروندى ساۋداسىمەن، ينتەرنەت ساۋداگەرلەرىمەن سەلبەستىك جاساسۋىن زور كۇشپەن ىلگەرىلەتىپ، ينتەرنەت جەلىسىندەگى جانە ينتەرنەت جەلىسىنەن تىس ءتۇرلى ونىمدەر ساتۋ قيمىلدارىن بىرلەسىپ ورىستەتىپ، ونىمدەردىڭ ساتىلىم ارنالارىن كەڭەيتىپ، قوعامدىق تۇتىنۋ سۇرانىسىن جانداندىرىپ، ەلەكتروندى ساۋدانىڭ ينتەرنەت جەلىسىندە ساتۋ قابىلەتىن وسىرەدى.
