تيانشان تورى   ›   جاڭالىقتار   ›   ماڭىزدى حابارلار

شي جينپيڭ مەن چاۋشيان ەڭبەك پارتياسىنىڭ كوميتەت باستىعى جين جىڭىن ءوزارا اۋىزشا سالەم جولدادى

  شينحۋا اگەنتتىگىنىڭ 5 - ايدىڭ 9 - كۇنى بەيجيڭنەن بەرگەن حابارى. 5 - ايدىڭ 9 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى شي جينپيڭ چاۋشيان ەڭبەك پارتياسىنىڭ كوميتەت باستىعى، چاۋشيان مەملەكەت ىستەرى كوميتەتىنىڭ باستىعى جين جىڭىنعا العىس ايتىپ اۋىزشا سالەم جولدادى. شي جينپيڭ مىنالاردى ءبىلدىردى: كوميتەت باستىعى جولداستىڭ ىقىلاستى، دوستىق اۋىزشا سالەمىن تاپسىرىپ العانىما وتە قۋانىشتىمىن. بيىل 2 - ايدا، كوميتەت باستىعى جولداس جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ جونىندە ماعان حال سۇراۋ حاتىن جولدادى ءارى جۇڭگو جاققا قولداۋ كورسەتتى، بۇل كوميتەت باستىعى جولداس پەن چاۋشيان پارتياسىنىڭ، ۇكىمەتىنىڭ، حالقىنىڭ ماعان سونداي - اق جۇڭگو پارتياسىنا، ۇكىمەتىنە، حالقىنا دەگەن تەرەڭ دوستىعىن تولىق ايگىلەدى، جۇڭگو - چاۋشيان ءداستۇرلى دوستىعىنىڭ بەرىك نەگىزىن جانە قۋاتتى ومىرشەڭدىك كۇشىن جاندى بەينەلەدى. مەن بۇعان شىنايى العىس ايتامىن ءارى مۇنى وسكەلەڭ باعالايمىن.

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىندا جانە ءار جاقتىڭ بار كۇشپەن قولداۋىندا، اسا جاپالى قۇلشىنىس ارقىلى جۇڭگو ىندەتتەن ساقتانۋ - تىزگىندەۋ قىزمەتىندە كەلەلى ستراتەگيالىق جەتىستىككە قول جەتكىزدى. مەن چاۋشياننىڭ ىندەتتەن ساقتانۋ - تىزگىندەۋ جاعدايىنا جانە چاۋشيان حالقىنىڭ دەنساۋلىعىنا بارىنشا قاداعالاي كوڭىل بولۋدەمىن. كوميتەت باستىعى جولداس چاۋشيان پارتياسى مەن حالقىن باستاپ ءبىر قىدىرۋ ساقتانۋ - تىزگىندەۋ شاراسىن قولداندى ءارى بەلسەندى ناتيجەگە قول جەتكىزدى، مەن بۇعان سۇيىنەمىن جانە قۋانامىن. جۇڭگو جاق چاۋشيان جاقپەن بىرگە ىندەتكە قارسى اتتانۋ سەلبەستىگىن كۇشەيتۋدى ءارى چاۋشيان جاقتىڭ قاجەتىنە قاراي شاماسىنىڭ جەتىسىنشە قولداۋ كورسەتۋدى قالايدى. جۇڭگو - چاۋشيان ەكى جاقتىڭ جانە حالىقارالىق قوعامنىڭ ورتاق قۇلشىنۋىندا، وسى رەتكى ىندەتكە قارسى اتتانۋ كۇرەسىنىڭ ەڭ سوڭعى جەڭىسىنە، ءسوز جوق، قول جەتكىزە الاتىندىعىمىزعا سەنەمىن.

  شي جينپيڭ مىنالاردى ءبىلدىردى: مەن جۇڭگو - چاۋشيان قارىم - قاتىناسىن دامىتۋعا ايرىقشا ءمان بەرەمىن، كوميتەت باستىعى جولداسپەن بىرگە، ەكى پارتيانىڭ، ەكى ەلدىڭ قاتىستى تاراۋلارىنىڭ ەكى جاقتىڭ ماڭىزدى ورتاق تانىمدارىن ويداعىداي تياناقتاندىرۋىنا جەتەكشىلىك ەتىپ، ستراتەگيالىق تىلدەسۋدى كۇشەيتىپ، اۋىس - كۇيىستى، سەلبەستىكتى تەرەڭدەتىپ، جاڭا داۋىردەگى جۇڭگو - چاۋشيان قارىم - قاتىناسىنىڭ ۇزدىكسىز العا قاراي دامۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلدىرىپ، ءوڭىردىڭ بەيبىتشىلىگىنە، ورنىقتىلىعىنا جانە دامۋىنا، گۇلدەنۋىنە بەلسەندى ۇلەس قوسۋدى قالايمىن.

  5 - ايدىڭ 7 - كۇنى جين جىڭىن شي جينپيڭگە اۋىزشا سالەم جولداپ، باس شۋجي شي جينپيڭنىڭ جۇڭگو پارتياسى مەن حالقىنا باسشىلىق ەتىپ ، بۇرىن بولماعان جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ توسقاۋىل شايقاسىندا قول جەتكىزگەن شۇعىلالى تابىسىن جانە وراسان زور جەڭىسىن جوعارى باعالادى ءارى قۇتتىقتادى، باس شۋجي شي جينپيڭنىڭ باسشىلىعىندا، جۇڭگو كوممۋنيستىك پارتياسى مەن جۇڭگو حالقىنىڭ، جەتىستىكتى، ءسوز جوق، ۇزدىكسىز بەكەمدەپ، كەڭەيتىپ، ەڭ سوڭعى جەڭىسكە قول جەتكىزەتىندىگىنە كامىل سەنەتىندىگىن ءبىلدىردى. باس شۋجي شي جينپيڭ جولداستىڭ دەنساۋلىعىن كۇتۋىن ءۇمىت ەتتى ءارى جۇڭگو كوممۋنيستىك پارتياسىنىڭ بارلىق مۇشەلەرىنە جاۋىنگەرلىك سالەم جولدادى، چاۋشيان مەن جۇڭگو ەكى پارتيا قارىم - قاتىناسىنىڭ كۇن سايىن ەتەنە بولۋىن، اقاۋسىز دامۋىن تىلەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.