تيانشان تورى   ›   جاڭالىقتار   ›   شينجياڭ حابارلارى

اۆتوتۇراقتارىن كوبەيتىپ، كولىك توقتاتۋ قيىنشىلىعىن شەشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋي حۇڭپيڭ 5 - ايدىڭ 8 - كۇنى ۇرىمجىدەن حابارلايدى. ”بۇرىندارى ءار جولى وسى اراعا شەشەمە امانداسا كەلگەنىمدە، كولىك توقتاتۋ ماسەلەسىنە باسىم قاتاتىن“. 5 - ايدىڭ 7 - كۇنى ءۇرىمجى قالاسى چيداۋۋان وڭتۇستىك جولى باتىس ءبىرىنشى شاعىن كوشەسىندەگى كۋاڭيۇن شاعىن اۋماعىنىڭ سولتۇستىك اۋلاسىندا، جەكە كولىك يەسى ۋاڭ نان اۆتوكولىگىن توقتاتقاننان كەيىن تىلشىگە بىلاي دەدى: ”شاعىن اۋماق جاڭالانعاننان كەيىن، اۆتوتۇراقتار كوبەيىپ، جول كەڭەيىپ، كولىك توقتاتۋ دا قولايلى بولدى“.

  ءۇرىمجى قالاسى كونە شاعىن اۋماقتاردى جاڭالاۋ بارىسىندا، اۆتوتۇراقتى جاڭالاۋدى ماڭىزدى نىسانداردىڭ ءبىرى ەتتى، قايتادان جوبالاپ بىرىكتىرۋ ارقىلى اۆتوتۇراقتى كوبەيتىپ، بۇقارا كوڭىل بولگەن كولىك توقتاتۋ قيىنشىلىعىن شەشتى.

  كۋاڭيۇن شاعىن اۋماعىنىڭ سولتۇستىك اۋلاسىندا 3 تۇرعىندار عيماراتى بار، اۋلاسى تار بولاتىن. شاعىن اۋماق تۇرعىنى ليۋ ليڭ تىلشىگە مىنانى ايتتى: جاڭالاۋدان بۇرىن اۋلاداعى جولدىڭ ەكى شەتى ويلى - شۇڭقىر بولاتىن، ءبىر ءبولىم تۇرعىندار جەردى قورشاپ الىپ كوكونىس ەگىپ، ءوز الدىنا سامالدىق تۇرعىزىپ العان، كولىكتى ايتەۋ بوس ورىن تابىلسا بولعانى توقتاتا سالىپ، تۇرعىندار ۇنەمى كولىك توقتاتۋعا بولا شارماياقتاسىپ جاتۋشى ەدى. ”2019 - جىلى جاڭالانعاننان كەيىن، جول قاتتىلاندىرىلىپ، بوس جەرلەر تازالانىپ تارتىپكە سالىندى، بەلگىلەمەگە قايشى سالىنعان قۇرىلىستار شاعىلىپ، گۇلدى كەرپىش توسەلدى، اۋلا رەتتى، تازا ءارى كەڭەيىپ قالدى، كولىك توقتاتۋعا بولا ءجۇز شايىساتىن ىستەر دە ازايدى“، - دەدى ليۋ ليڭ.

  ءۇرىمجى حىڭشين ميڭشىڭ قۇرىلىس قۇراستىرۋ شەكتى سەرىكتەستىگىنىڭ قۇرىلىسقا جاۋاپتىسى ۋ ساينيڭ ءبىر ءبولىم كونە شاعىن اۋماقتاردى جاڭالاۋ ينجەنەرياسىنا قاتىسقان بولاتىن. ول بىلاي دەدى: جاڭالاۋدان ىلگەرى كولىك يەسى جونىنەن كولىكتىڭ باسىن بۇرۋىنىڭ ءوزى مۇڭ ەدى، كولىكتەر بەتالدى توقتاتىلاتىن؛ جاڭالانعاننان كەيىن، شاعىن اۋماقتاعى الەۋمەتتىك بوس جەرلەر بىرىكتىرىلىپ، ”رەتتى جوبالانىپ، كولىك يەلەرى دە كولىكتەرىن توقتاتۋ ورىندارىنا سانالى تۇردە توقتاتاتىن بولدى“.

  كۋاڭيۇن شاعىن اۋماعىنىڭ جاڭالاۋ تاسىلىنە ۇقسامايتىنى، ءۇرىمجى ميدۇڭ رايونى گۋمۋدي باتىس جولى اۋماعىن باسقارۋ كوميتەتى بافاڭ شاعىن اۋماعى اۋلالاردى بىرىكتىرۋ ءادىسى ارقىلى اۆتوتۇراقتارىن كوبەيتتى. جاڭالاۋدان ىلگەرى، شاعىن اۋماقتاعى 66 عيمارات 23 مەكەمە - ورىنعا قارايتىن، 43 دەربەس اۋلا بار، ەڭ كىشكەنە اۋلادا ءبىر عانا عيمارات بار. 2019 - جىلى وسى شاعىن اۋماق كەڭ كولەمدە تۇتاستىرىپ شوعىرلى تۇردە جاڭالانعاننان كەيىن، 43 اۋلانىڭ اراسىنداعى داۋالدار قۇلاتىلىپ، ءبىر اۋلا ەتىپ بىرىكتىرىلدى، ءوز الدىنا سالىنعان قۇرىلىستار شاعىلىپ، پايدالانۋعا بولاتىن الەۋمەتتىك بوس جەرلەر تەگىستەلىپ، 500دەن استام اۆتوتۇراق ورنى بوساتىلىپ، جاڭالاۋدان بۇرىنعىنىڭ ءبىر ەسەسىنە تاياۋ ارتتى. ”جاڭالانعاننان كەيىن، اۆتوتۇراق كوبەيۋمەن قوسا، ءبىز تاعى 500 شارشى مەتردەن اساتىن شاعىن الاڭعا دا يە بولدىق“. تۇرعىن ليۋ جيان جاڭالانعاننان كەيىنگى شاعىن اۋماقتىڭ ورتاسىنا ايرىقشا ريزا بولدى.

  ”بافاڭ شاعىن اۋماعى سياقتى اۋلالاردى بىرىكتىرىپ اۆتوتۇراقتى كوبەيتىپ جاڭالاۋ ءتاسىلىن ۇقساس ۇلگىدەگى كونە شاعىن اۋماقتاردا جالپىلاستىرۋعا تاتيدى“، - دەدى ءۇرىمجى قالاسى ميدۇڭ رايونى قۇرىلىس مەكەمەسى (قاتىناس مەكەمەسى، حالىقتىق اۋە قورعانىسى كەڭسەسى) قوجالىق قىزمەت وتەۋدى باسقارۋ ورتالىعىنىڭ ورىنباسار مەڭگەرۋشىسى سارسەنبەك.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى