شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 5 - ايدىڭ 10 - كۇنى ۇرىمجىدەن حابارلايدى. ”بىلتىرعى ۇسىنىس جوبا جونىندە قاتىستى تاراۋلاردان تەز ارادا جاۋاپ الدىم. مەن بۇعان ءبىرشاما رازىمىن، قاتىستى شارالاردىڭ جەدەل تياناقتانىپ، قايتا تۋىندايتىن ەنەرگيا ەلەكترىن بازارلاندىرىپ ساۋدالاۋدى اشىق ۇستاۋ دارەجەسىن اناعۇرلىم جوعارىلاتىپ، جاسىل ەلەكتر تۇتىنۋدى جەبەۋىن ءۇمىت ەتەمىن“، - دەدى 5 - ايدىڭ 10 - كۇنى مەملەكەتتىك ساياسي كەڭەستىڭ شينجياڭدا تۇراتىن مۇشەسى، شينجياڭ جينفىڭ عىلىم - تەحنيكا شەكتى جارنا سەرىكتەستىگىنىڭ القا باستىعى ۋ گاڭ.
مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىندە مۇشە ۋ گاڭ «ەلەكتردى بازارلاندىرىپ ساۋدالاۋدى ىلگەرىلەتىپ، جاسىل ەلەكتر تۇتىنۋدى جەبەۋ جونىندە ۇسىنىس جوبا» العا قويىپ، ۇلەستىرۋ ءتۇزىمىنىڭ ەگجەي - تەگجەيلى ەرەجەسىن شىعارىپ، جاسىل ەلەكتردى الدىمەن ساۋدالاۋ تۇعىرىن ورناتىپ، قايتا تۋىندايتىن ەنەرگيانى الدىمەن ساۋدالاۋدى ارتتىرىپ، ولكە، اۆتونوميالى رايون اراسىنداعى شەكتەۋدى تالقانداپ، قابىلداۋ ارناسىن كەڭەيتىپ، قايتا تۋىندايتىن ەنەرگيانى ولكە، اۆتونوميالى رايون اتتاپ ساۋدالاۋ سالىستىرماسىن جوعارىلاتىپ، جاسىل كۋالىك بويىنشا ساتىپ الۋ ۇگىتىن كۇشەيتىپ، جاسىل ەلەكتر تۇتىنۋدىڭ ۇزدىكسىز اقاۋسىز دامۋىن ونان ارى جەبەۋدى ۇسىنىس ەتكەن.
ۋ گاڭ مىنالاردى ءبىلدىردى: قازىر قايتا تۋىندايتىن ەنەرگيانى ساۋدالاۋ ارناسى جەتكىلىكتى ەمەس، ولكە، اۆتونوميالى رايون اتتاپ ساۋدالاۋدا شەكتەۋ ساقتالۋدا، تازا ەنەرگيانى رايون اتتاپ قابىلداۋ سالىستىرماسى تومەندەۋ، وسى فاكتورلاردىڭ بارلىعى جاسىل ەلەكتر تۇتىنۋدى دامىتۋعا توسالعى بولىپ وتىر. وسى سەبەپتى، جاسىل ەلەكتردى ساۋدالاۋعا قىزمەت وتەۋ تۇعىرىن ورناتىپ، قايتا تۋىندايتىن ەنەرگيا ەلەكترىن بازارلاندىرىپ ساۋدالاۋ ءتۇرىن كوبەيتىپ، جاسىل ەلەكتر تۇتىنۋ دەڭگەيى جونىندەگى باعالاۋ جانە بەلگى جۇيەسىن كەمەلدەندىرىپ، جاسىل ەلەكتر تۇتىنۋدى ىلگەرىلەتۋدە ينفورماتسيادان ورتاق يگىلىكتەنۋ، ۇگىتتەۋ، جالپىلاستىرۋ سياقتىلاردى كۇشەيتىپ، جاسىل ەلەكتر تۇتىنۋدى ءونىمدى جەبەۋگە بولادى، بۇل ەكولوگيالىق وركەنيەت قۇرىلىسىنا ءتيىمدى.
مۇشە ۋ گاڭنىڭ ۇسىنىس جوباسىن قابىلداعاننان كەيىن، مەملەكەتتىك ەنەرگيا مەكەمەسى 2019 - جىلى 8 - ايدا جاۋاپ قايتارىپ، بۇل ۇسىنىستى القادى. مەملەكەتتىك ەنەرگيا مەكەمەسى مىنالاردى ءبىلدىردى: تاياۋ جىلداردان بەرى، ەلىمىز قايتا تۋىندايتىن ەنەرگيانى اشۋ، پايدالانۋ جاعىندا بەلسەندى ونىمدىلىكتەرگە قول جەتكىزدى، دەسەدە قازىر ءىشىنارا وڭىرلەر، شىنىمەن، ءتۇرلى سايىستارعا ءدوپ كەلۋدە، ونان ارى اقىلداسىپ، باعىتتامالى شەشۋ شاراسىن قولدانۋدى قاجەت ەتەدى.
سوڭعى جىلدارى مەملەكەتتىك ەنەرگيا مەكەمەسى قايتا تۋىندايتىن ەنەرگيا ەلەكترىن ۇلەستىرۋ ءتۇزىمى ساياساتى، بازارلاندىرۋ ءتاسىلى ارقىلى قايتا تۋىندايتىن ەنەرگيانى ولكە، اۆتونوميالى رايون اتتاپ قابىلداۋدى جەبەۋدى قولداۋ، قايتا تۋىندايتىن ەنەرگيانىڭ ناقتى ۋاقىتتى ەلەكتر ساۋدا بازارىن اشىق ۇستاۋ، جاسىل كۋالىك بويىنشا ساتىپ الۋدى كۇشەيتۋ سياقتى شارالاردى العا قويدى.
كەلەسى قادامدا مەملەكەتتىك ەنەرگيا مەكەمەسى قايتا تۋىندايتىن ەنەرگيا ەلەكترىن ۇلەستىرۋ ءتۇزىمى ساياساتىنىڭ سايكەستى اتقارۋ ءادىسى مەن ەگجەي - تەگجەيلى ەرەجەسىن ونان ارى كەمەلدەندىرىپ، جەرگىلىكتى ۇكىمەت پەن ءتۇرلى بازار تۇلعالارىنىڭ جاۋاپكەرشىلىكتى تياناقتاندىرۋىن ىلگەرىلەتىپ، قايتا تۋىندايتىن ەنەرگيا بايلىعىن بۇكىل ەل كولەمىندە ساپالىلاندىرىپ ورنالاستىرۋدى جەبەيدى؛ ەلەكتر بازارى قۇرىلىسى قادامىن تەزدەتىپ، تازا ەنەرگيانى قابىلداۋدى جەبەۋ ساۋدا مەحانيزمىن كەمەلدەندىرىپ، ولكە، اۆتونوميالى رايون اتتاپ ەلەكتر تاراتۋ ۇقىعىن ساۋدالاۋ سياقتى تاسىلدەر ارقىلى تازا ەنەرگيانى قابىلداۋ سەرپىنىن ارتتىرادى؛ ەلەكتر ناق زات ساۋداسى سىناق ءتۇيىنى قۇرىلىسىن جەدەل ىلگەرىلەتەدى؛ تۇتاس قوعامدى جاسىل ەلەكتر تۇتىنۋعا بەلسەنە جەتەكشىلىك ەتىپ جانە جەبەپ، قايتا تۋىندايتىن ەنەرگيا كاسىپ سالاسىنىڭ ۇزدىكسىز اقاۋسىز دامۋىن جۇزەگە اسىرادى.
