شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين
”ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ ءارى ىندەتتىڭ ەكونوميكالىق، قوعامدىق دامۋعا جاساعان ىقپالىن ەڭ تومەن شەككە ءتۇسىرۋ كەرەك، بۇل بۇكىل پارتيا، بۇكىل ەل حالقىنىڭ الدىندا تۇرعان كەلەلى مىندەت. مەملەكەتتىك حالىق قۇرىلتايىنىڭ ۋاكىلى رەتىندە، ەرلىكپەن الدا ءجۇرىپ، بورىش ارقالاۋىم كەرەك“، - دەدى 5 - ايدىڭ 7 - كۇنى رايونىمىزداعى مەملەكەتتىك حالىق قۇرىلتايىنىڭ ۋاكىلى، ەرەكشە ترانسفورماتور شەكتى جارنا سەرىكتەستىگى پارتكومىنىڭ شۋجيى، القا باستىعى جاڭ شين.
جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جاڭ شين ەرەكشە ترانسفورماتور شەكتى جارنا سەرىكتەستىگىنىڭ شەكارا ءىشى - سىرتىنداعى 20 مىڭنان استام قىزمەتكەرىن باستاپ تەز قيمىلداپ، شەكارا ءىشى - سىرتىنداعى ىندەتتەن ساقتانۋ - تىزگىندەۋ قىزمەتىن قاتاڭ، ناقتى، ەگجەي - تەگجەيلى يگەردى. سونىمەن قاتار 2000عا جۋىق پارتيا مۇشەسىنەن ۇيىمداسقان ”ىندەتكە“ قارسى شايقاس اۆانگارد قوسىنىن قۇرىپ، ءار جاقتىڭ كۇشىن بىرىكتىرىپ، ءار جاقتاعى بايلىقتى توپتاپ، ءتۇرلى ءادىس - امالدارمەن بۇكىل ەلدەن، ءتىپتى، دۇنيە ءجۇزىنىڭ جەر - جەرىنەن ىندەتتەن ساقتانۋ - تىزگىندەۋ زاتتىق ماتەريالدارىن شۇعىل جونەلتىپ، وتانعا كومەكتەسىپ، ۋحانعا كومەكتەسىپ، باۋىرلاستاردى قورعاپ، ”ىندەتكە“ قارسى شايقاس جۇرگىزۋدىڭ مىندەت وتەۋ جاۋاپناماسىن تاپسىردى.
”ءبىرىنشى شەپتە ەرلىكپەن شايقاس جاساپ جاتقان ەمدەۋ قىزمەتكەرلەرىنىڭ ءبىز جىلۋعا اتاعان مەديتسينالىق قورعانۋ بۇيىمدارىن پايدالانعانىن بىلگەندە، مەن جانە ەرەكشە ترانسفورماتور شەكتى جارنا سەرىكتەستىگىنىڭ ءاربىر قىزمەتكەرى ەرەكشە تەبىرەندىك، بۇرىنعى وتكەرگەن جاپا - ماشاقاتتىڭ بارلىعى ءدال سول ساتتە باقىتقا اينالدى. حالىق قۇرىلتايى ۋاكىلى رەتىندە، ءبىز ءوزىمىزدىڭ اۋەلگى ماقساتىمىز بەن بورىشىمىزدى ماڭگى ۇمىتپايمىز، وسى جولعى ءتۇتىنسىز سوعىستا ءبىز جۇدىرىقتاي جۇمىلىپ، بىرگە قۇلشىنساق بولعانى، ىندەتتى، ءسوز جوق، جەڭە الامىز!“، - دەدى جاڭ شين.
مەملەكەتتىك ەكى ءماجىلىس تاياۋدا اشىلادى، وتكەن ءبىر جىلداعى مىندەت وتەۋ ساتتەرىنە نازار اۋدارار بولساق، جاڭ شيننىڭ تابىسى مول ەكەن. مەملەكەتتىك كەڭەستىڭ كاسىپورىنداردىڭ سالىقتى ازايتىپ، اقىنى تومەندەتۋ جونىندەگى ارناۋلى اڭگىمە ماجىلىسىنە قاتىناستى ءارى ۇسىنىستار قويدى؛ مەملەكەتتىك ساۋدا - ونەركاسىپشىلەر بىرلەستىگى ۋاكىلدەر ۇيىرمەسىنە قاتىناسىپ ۆيەتنامدا، لاوستا، كامبودجادا ساپاردا، تەكسەرۋدە بولدى؛ شىعىس، باتىس بولىكتەگى كاسىپورىنشىلاردىڭ اڭگىمە ماجىلىسىنە قاتىناستى ءارى شىعىس، باتىس بولىكتەردىڭ سەلبەسىپ تەڭ يگىلىككە كەنەلۋ دامۋ مەحانيزمىن ىلگەرىلەتۋ، وڭتۇستىك شينجياڭداعى 4 ايماق - وبلىستا كەدەيلەردى سۇيەمەلدەۋ بويىنشا قارجى قوسۋ قورىن اشۋ، باتىس بولىكتە ەڭبەككۇشتەردى باسقا سالاعا ويىستىرۋدى جەبەۋ جونىندە قاتىستى ۇسىنىس - پىكىرلەردى العا قويدى؛ كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋ ءۇشىن 10 ميلليون يۋاننىڭ ۇستىندە قارجى سالىپ، حوتان قالاسى يۇرۇڭقاش قالاشىعىنىڭ التىلا قىستاعىنا، قىرقارىق قىستاعىنا ”كورىكتەندىرۋ“ ۇلگىسىن اشىپ، ءار وتباسىندا توسەكتىڭ، تاماق ۇستەلىنىڭ بولۋىنا، ۇيرەنۋ ورنىنىڭ بولۋىنا، كيىم ىشكابىنىڭ بولۋىنا، جۋىناتىن ىستىق سۋ بولۋىنا مۇمكىندىك جاسادى، حوتان كاسىپ سالاسى ارقىلى كەدەيلەردى سۇيەمەلدەۋ قورىن قۇرىپ، جەرگىلىكتى ورىنداعى كوشباسشى كاسىپورىندارعا سۇيەنە وتىرىپ، شارۋالاردىڭ كەدەيلىكتەن ارىلۋىنا دەم بەردى...
بىلتىر جاڭ شين ماجىلىسكە «شينجياڭنىڭ ءوز كاسىپورىندارىنىڭ ”ءبىر بەلدەۋ، ءبىر جول“ قۇرىلىسىنا ىشكەرىلەي ات سالىسۋىن قولداۋعا قاتىستى ساياساتتى بەلگىلەۋ جونىندەگى ۇسىنىس»، «”شينجياڭنىڭ ەلەكترىن سىرتقا جەتكىزۋدىڭ“ ءۇشىنشى، ءتورتىنشى جولىن قۇرۋ جونىندەگى ۇسىنىس»، «”ءۇرىمجى - سانجى - شىحىزى مەملەكەتتىك دەربەس جاڭالىق اشۋدان ۇلگى كورسەتۋ رايونى“ قۇرىلىسىن اتقارۋ ءادىسى مەن ساياسات كەپىلدىگىن جەدەل بەلگىلەۋ جونىندەگى ۇسىنىس»، «شينجياڭنىڭ ”1000 كاسىپورىن 1000 قىستاققا كومەكتەسۋ“ بويىنشا كەدەيلەردى دالمە - ءدال سۇيەمەلدەۋ قىزمەتىن اناعۇرلىم تەرەڭدەتۋ جونىندەگى ۇسىنىس» سياقتى 8 ۇسىنىستى تاپسىردى.
بيىل جاڭ شين سالىقتى ازايتىپ، اقىنى تومەندەتۋگە، جاساۋ كاسىپورىندارىنىڭ شارۋاشىلىق - ساۋدا ورتاسىن جاقسارتۋ، ”شينجياڭنىڭ ەلەكترىن سىرتقا جەتكىزۋ“ بويىنشا ەلەكتر شىعاراتىن كاسىپورىنداردىڭ دامۋىن قولداۋ سياقتى جاقتاردا تاعى دا ۇسىنىستار دايىندادى.
”ۇستىمدە اۋىر جاۋاپكەرشىلىك بار، حالىق قۇرىلتايى ۋاكىلىنىڭ جاۋاپكەرشىلىگى مەن بورىشىن، ءسوز جوق، اناعۇرلىم جاقسى وتەپ، ءار دارەجەلى حالىق قۇرىلتايى، ۇكىمەت، ساۋدا - ونەركاسىپشىلەر بىرلەستىگى سياقتىلار ۇيىمداستىرعان قيمىلعا بەلسەنە ات سالىسىپ، نەگىزگى ساتىمەن تىعىز بايلانىستا بولىپ، كاسىپ سالاسىنىڭ دامۋىنا نازار اۋدارىپ، بۇقارانىڭ مۇڭ - مۇقتاجىن ويلاۋىم كەرەك“، - دەدى جاڭ شين.
