تيانشان تورى   ›   ۇيرەنۋ   ›   شولۋ

جۇڭگونىڭ كومەگى ”ەل مەن ەل ءبىر اسپاننىڭ اياسىندا“ەكەندىگىن ايعاقتادى

− دۇنيە جۇزىلىك ىندەتكە قول ۇستاسا قارسى اتتانىپ، جۇڭگو جاۋاپكەرشىلىگىن ايگىلەدى ⑤

حالىق گازەتىنىڭ شولۋشىسى

  حانزۋ ءتىلىنىڭ دىبىس تاڭباسىمەن ”راحىمەت، جۇڭگو سەنى سۇيەمىن“ دەپ جازدى؛ كوزىنە جاس الىپ ”جۇڭگولىقتار، ناعىز دوس“ دەپ تەبىرەندى؛ بالكوندا «ەرىكتىلەر مارىشىن» شىرقادى، وعان كوپتەگەن الەۋمەتتىك اۋماق تۇرعىنى قوسىلىپ، ايبىندى دا اسقاق حورعا اينالدى... جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگونىڭ قىسىلتاياڭ ساتتە كورسەتكەن شىن ىقىلاستى كومەگى شەتەل تۇرعىندارىن شىنايى اسەرلەندىردى. دۇنيە ءجۇزىنىڭ جەر - جەرىندە جارىققا شىققان اسەرلى كورىنىستەر جۇڭگو ۇكىمەتى مەن حالقىنىڭ تەرەڭ سۇيىسپەنشىلىگىنە ۇندەسىپ، بۇكىل الەمنىڭ ىندەتكە قول ۇستاسا قارسى اتتانعان مىزعىماس سەنىمىنە دەم بەردى.

  ىندەتتە مەملەكەت شەكاراسى بولماعانىمەن، ادامدار اراسىندا شىنايى سۇيىسپەنشىلىك بولادى. ”جۇڭگو جاق ادامزات تاعدىرلاس ورتاق تۇلعا ۇستانىمىنان جازباي، ءار ەلمەن ساقتانۋ - تىزگىندەۋدىڭ ءونىمدى ادىستەرىنەن ورتاق پايدالانىپ، ءدارى جانە ۆاكسينانى بىرلەسىپ زەرتتەۋ - اشۋدى ءارى ىندەت تاراعان مەملەكەتتەرگە قولىنان كەلگەنىنشە كومەك بەرۋدى قالايدى“. ءتوراعا شي جينپيڭنىڭ 20 ەل توبى باسشىلارىنىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ جونىندەگى ەل باسىلارى ەرەكشە كەڭەسىندە سويلەگەن ماڭىزدى ءسوزى شىنايى ۇندەۋ، ونان دا ماڭىزدىسى، پارمەندى ارەكەت ەسەپتەلەدى. دۇنيە ءجۇزى ىندەتكە قارسى اتتانعان شەشۋشى كەزدە ”جۇڭگو پوچتا جولداماسى “ جەدەل تاراتىلدى، ”جۇڭگو ماماندارى“ ىركەس - تىركەس جورىققا اتتاندى، ”جۇڭگو تاجىريبەسى“ بارىنە شۋاعىن شاشتى... شەتەلدىڭ ىندەتكە قارسى اتتانۋىنا كومەك كورسەتۋ جاڭا جۇڭگو قۇرىلعاننان بەرگى كومەك كورسەتۋ ۋاقىتى ەڭ شوعىرلى، قامتۋ اياسى ەڭ كەڭ ءبىر جولعى شۇعىل ادامگەرشىلىك ارەكەت بولدى.

  جاتقانمەن سان قيلى ءوڭىر ساياسىندا، ەل مەن ەل ءبىر اسپاننىڭ اياسىندا. جۇڭگو حالقى جۇڭگونىڭ ىندەتكە قارسى اتتانۋى ەڭ ميحىناتتى كەزدە حالىقارالىق قوعامنىڭ كورسەتكەن قولداۋى مەن كومەگىن ماڭگى ەسىنەن شىعارمايدى. جياڭسۋ ۋشي شينۋ رايونى سول كەزدە دوس قالا − جاپونيانىڭ تويوكاۋا قالاسى جىلۋعا اتاعان 4500 ماسكىنى تاپسىرىپ الدى، ال دوس قالاعا شۇعىل زاتتىق ماتەريالدار قاجەت ەكەندىگىنەن حابار تاپقاننان كەيىن، دەرەۋ ۇيىمداستىرىپ، 50 مىڭ ماسكىنى قايتارا جىلۋعا اتادى؛ يتاليا سول كەزدە جۇڭگوعا 40 مىڭ ماسكى تارتۋ ەتتى، ال جۇڭگونىڭ قايتارا تارتۋعا بەرگەن ماسكىسى نەشە ميلليونعا جەتتى؛ رەسەي 2 ميلليون ماسكى بەرگەن ەدى، كەيىن ءتۇرلى جولدارمەن جۇڭگو جولداعان 150 ميلليون ماسكىنى تاپسىرىپ الدى؛ امەريكا قوعامىنداعى ءار سالا قايراتكەرلەر كەزىندە جۇڭگونىڭ ىندەتكە قارسى اتتانۋىنا ىركەس - تىركەس كومەك قولدارىن سوزدى، قازىر جۇڭگونىڭ امەريكاعا بەرگەن جالپى ماسكىسى 6 ميلليارد 600 ميلليوننان استى... ساناقتا كورسەتىلۋىنشە، جۇڭگو 150دەن استام ەل مەن حالىقارالىق ۇيىمعا شۇعىل قاجەتتى ەمدەۋ زاتتىق ماتەريالدارى كومەگىن كورسەتكەن نەمەسە كورسەتۋدە ەكەن، سونداي - اق ءار ەلدىڭ جۇڭگودا ساۋدالىق ساتىپ الۋىنا بەلسەنە قولايلىلىق جاساعان. تامشىداي مەيىرگە تەڭىزدەي تەلەگەي قارىمجى قايتاردى، بۇل جۇڭحۋا ۇلتىنىڭ مىڭ جىلعا ۇلاسقان تاڭداۋلى ءداستۇرى ءارى جۇڭحۋا ۇلتىنىڭ قانىنا سىڭگەن ءمورالدىق گەن.

  جاڭا تيپتى ايدارشا ۆيرۋس وكپە قابىنۋ ىندەتى بۇكىل الەمدە ءورشىپ، حالىقتىڭ ءومىرىنىڭ حاۋىپسىزدىگى مەن دەنساۋلىعىنا زور حاۋىپ اكەلدى. ءاربىر جان يەسىنە شىنايى قۇرمەت ەتىپ، ءاربىر ناۋقاستى كۇش سالا قۇتقارىپ، ءوز ەلى حالقىنىڭ ءومىرىنىڭ حاۋىپسىزدىگى مەن دەنساۋلىعىن ويداعىداي قورعاۋ ادامگەرشىلىك رۋحتان قول ۇزە المايدى، ىندەتتەن ساقتانۋ - تىزگىندەۋدىڭ بۇكىل الەمدىك توسقاۋىل شايقاسىنىڭ جەڭىسىنە قول جەتكىزۋ دە ادامگەرشىلىك رۋحتان قول ۇزە المايدى. ىندەت تۋىلعاننان بەرى، كوپتەگەن ەلگە ىندەتكە قارسى اتتانۋ ەمدەۋ اترەتىن جىبەردى، ىندەتتەن ساقتانۋ - تىزگىندەۋ بويىنشا ينتەرنەتتىك ءبىلىم ورتالىعىن قۇردى، نەشە ون رەت مامانداردىڭ بەينەەكران ءماجىلىسىن وتكىزدى، قىرۋار ىندەتكە قارسى اتتانۋ زاتتىق ماتەريالدارىن كومەككە بەردى... جۇڭگو ەل ءىشىنىڭ ىندەتتەن ساقتانۋ - تىزگىندەۋىن ۇزدىكسىز ويداعىداي ىستەۋمەن بىرگە، قولىنان كەلگەنشە قاجەتى تۇسكەن ەلدەرگە كومەك كورسەتتى، بۇل ءبىر - بىرىنە قارايلاساتىن، قيىندىقتى بىلەك بىرىكتىرە جەڭەتىن قۇن ۇستانىمىنان كەلگەن، سونداي - اق جۇڭگو حالقىنىڭ ىزگى نيەتى مەن مەيىرىن ايگىلەدى. ءدال وسىنداي بولعاندىقتان جۇڭگو دوسى قيىنشىلىققا جولىققاندا ەشقاشان قول قۋسىرىپ قاراپ تۇرمادى، بويىن اۋلاققا سالمادى، ونان دا ماڭىزدىسى، قول ۇشىن بەرگەندە جەكە مۇددەنى كوزدەمەدى، ۇستەمە شارت قويمادى، مۇنداي قۇلشىنىس قۇرمەتتەۋگە تاتيدى، مۇنداي بوداۋدى تاريح جادىندا ساقتايدى.

  ”ءبىز ءبىر تەڭىزدىڭ تولقىنىمىز، ءبىر اعاشتىڭ جاپىراعىمىز، ءبىر باقشانىڭ گۇلىمىز“. جۇڭگونىڭ شەتەلگە كومەككە بەرگەن زاتتىق ماتەريالدارىنا جازىلعان يتاليانىڭ وسى اقىليا سوزىندەي، ادامزات مەكەندەيتىن تەك ءبىر جەر شارى عانا بار، ءار ەل ”جەر شارى قىستاعىندا“ بىرگە جاساۋدا. توسىننان تۋىلعان وسى ىندەت ادامدارعا ادامزاتتىڭ ورتاق جاۋى الدىندا ءارقانداي ءبىر ەلدىڭ قارا باسىنىڭ قامىن عانا كۇيتتەۋىنە بولمايتىندىعىن ەسكەرتتى. كەزەكتە ىندەتكە قارسى اتتانۋ ءبىر ەلدىڭ، ءبىر قالانىڭ ءىسى عانا ەمەس، قايتا دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋ شايقاسىنا، ادامزاتتىڭ سالاماتتىعىن، باقىتىن قورعاۋ شايقاسىنا، دۇنيە ءجۇزىنىڭ دامۋىن، گۇلدەنۋىن قورعاۋ شايقاسىنا اينالدى. جۇڭگونىڭ شەتەلگە كورسەتكەن ىندەتكە قارسى اتتانۋ كومەگى جۇرت كوڭىلىن وزىنە بۇرۋ ەمەس، قايتا اۋەلگى ماقساتتى ۇستانۋ، جەكە مۇددەنى كوزدەۋ ەمەس، قايتا الەمنىڭ مۇددەسىمەن ەسەپتەسۋ بولىپ تابىلادى، بۇل جۇڭگونىڭ حالىقارالىق بارىس - كەلىستە دۇرىس بورىش - مۇددە كوزقاراسىنا تاباندى بولۋداعى سانالى ارەكەتى، ادامزاتتىڭ تاعدىرلاس ورتاق تۇلعاسى ۇستانىمىن امالياتتا ايگىلەۋدەگى ارقالاعان جاۋاپكەرشىلىگى بولىپ تابىلادى.

  بۇكىل الەمگە تاراعان ىندەتتىڭ ۇلكەن سىناعى الدىندا ءارقانداي ءبىر ەل جەكە - دارا شايقاس جۇرگىزە المايدى، اۋاشا قالاتىن ءارقانداي ءبىر جەر دە بولماق ەمەس. ادامزات قۋانىشى - جۇبانىشى ءبىر تاعدىرلاس ورتاق تۇلعا، بۇل ساياسي ۇران ەمەس، قايتا ءار كۇنى ماڭىمىزدا بولىپ جاتقان بولمىس. ءاربىر ەل ىندەتتى ءونىمدى تىزگىندەگەندە عانا، الەمدىك الەۋمەتتىك حاۋىپسىزدىكتەن اۋىز اشۋعا بولادى. وسىنداي بولعاندىقتان جۇڭگونىڭ باسقالارعا قولىنان كەلگەنىنشە كومەكتەسۋ تىلەگى شىنايى، ارەكەتى سانالى بولدى. وسىنداي بولعاندىقتان جۇڭگو ءار ەلمەن حاۋىپ - قاتەردى، تار جول، تايعاق كەشۋدى بىرگە وتكەرىپ، حالىقارالىق قوعامنىڭ ىندەتكە قارسى اتتانۋىنا جۇڭگو اقىل - پاراساتىن، جۇڭگو تاجىريبەسىن، جۇڭگو كۇشىن بەلسەنە ارنادى. ويتكەنى ءبىز ءار جاق ءبىر نيەتپەن قول ۇستاسقاندا عانا، ىندەتپەن شايقاستا جەڭىسكە جەتەتىندىگىمىزدى ابدەن بىلەمىز.

(شينحۋا اگەنتتىگىنىڭ 5 - ايدىڭ 11 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى