تيانشان تورى   ›   جاڭالىقتار   ›   ماڭىزدى حابارلار

حالىقارالىق سەسترالار مەرەكەسى قارساڭىندا شي جينپيڭ بۇكىل ەلدەگى قالىڭ سەسترالاردىڭ مەرەكەسىن قۇتتىقتادى ءارى شىنايى حال سۇرادى

  شينحۋا اگەنتتىگىنىڭ 5 - ايدىڭ 11 - كۇنى بەيجيڭنەن بەرگەن حابارى. حالىقارالىق سەسترالار مەرەكەسى قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ پارتيا ورتالىق كوميتەتى اتىنان بۇكىل ەلدەگى قالىڭ سەسترالاردىڭ مەرەكەسىن قۇتتىقتادى ءارى شىنايى حال سۇرادى.

  شي جينپيڭ بىلاي دەپ اتاپ كورسەتتى: جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، قالىڭ سەسترالار ەشتەڭەدەن تايسالماي، قاسقايا قارسى اتتانىپ، اق حالاتتان ساۋىت كيىپ، كەلەلى تاپسىرمانىڭ ۇددەسىنەن شىعىپ، ەل ءىشى - سىرتىنداعى ىندەتتەن ساقتانۋ - تىزگىندەۋ كۇرەسىنىڭ ءبىرىنشى شەبىندە ەرلىكپەن اتوي سالىپ، جۇڭگونىڭ ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە قول جەتكىزۋ، ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىن قامتاماسىز ەتۋ جولىندا ماڭىزدى ۇلەس قوسىپ، ءىس جۇزىندىك ارەكەتتەرى ارقىلى ءومىردى قاستەرلەيتىن، اجالعا اراشاشى، جارالىعا مەدەت، ۇلەس قوسۋعا پەيىل بولاتىن، شەكسىز ۇلى سۇيىسپەنشىلىك ارنايتىن اسقاق رۋحتى ايگىلەدى.

  شي جينپيڭ بىلاي دەپ باسا دارىپتەدى: كۇتىمدەۋ قىزمەتى − دەنساۋلىق ساقتاۋ، سالاماتتىق ىستەرىنىڭ ماڭىزدى قۇرامداس بولىگى. ءار دارەجەلى پارتكوم مەن ۇكىمەت قالىڭ سەسترالارعا كوڭىل ءبولىپ، قامقورلىق جاساپ، سەسترالار قوسىنى قۇرىلىسىن كۇشەيتۋدى دەنساۋلىق ساقتاۋ، سالاماتتىق ىستەرىن دامىتۋدىڭ ماڭىزدى نەگىزگى قىزمەتى رەتىندە يگەرىپ، شابىتتاندىرۋ مەحانيزمىن كەمەلدەندىرىپ، ۇزدىك تيپتەردى ۇگىتتەپ، تاڭداۋلى سەسترالاردىڭ ۇزاق ۋاقىت كۇتىمدەۋ قىزمەتىمەن اينالىسۋىنا قولداۋ كورسەتۋ كەرەك. بۇكىل قوعام سەسترالاردى ءتۇسىنۋى جانە قولداۋى قاجەت. قالىڭ سەسترالاردىڭ تاڭداۋلى ءداستۇردى جالعاستىرىپ، ادامگەرشىلىك رۋحتى ساۋلەلەندىرىپ، كۇش ۇستىنە كۇش قوسىپ، شىنايى سۇيىسپەنشىلىكپەن ۇلەس قوسىپ، سالاماتتى جۇڭگو قۇرىلىسىنا، دۇنيە ءجۇزىنىڭ الەۋمەتتىك دەنساۋلىق ساقتاۋ حاۋىپسىزدىگىن قورعاۋعا ۇزدىكسىز تىڭ ۇلەس قوسۋلارىن ءۇمىت ەتەمىن.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.