تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

حۋناندىق عىلىم-تەحنيكا قىزمەتكەرى لي حۇڭشىڭ: اقىل ـ پاراسات ارقىلى شينجياڭعا كومەكتەسىپ، تۇرپانداعى اۋىلداستارعا تەحنيكا ۇيرەتتى

حۇڭۋاڭ تورىنىڭ تىلشىلەرى حى چيڭ، جياڭ نان پراكتيكانت ٴتىلشى چىن جيانيڭ چاڭشادان حابارلايدى

لي حۇڭشىڭ

  • عىلىم-تەحنيكا تۇرپانعا نە اكەلەدى؟

  وسى ماسەلەنىڭ جەتەگىندە، 2017-جىلى 2-ايدا، حۋنان ولكەلىك عىلىم-تەحنيكا مەڭگەرمەسى حالىقارالىق جانە ٴوڭىرلىك سەلبەستىك باسقارماسىنىڭ ورىنباسار باستىعى لي حۇڭشىڭ شينجياڭعا كومەكتەسۋ ساپارىنا اتتاندى.

  ٴۇش مىڭ شاقىرىم الىستا، مىڭ كۇننەن استام كۇندىز-ٴتۇن دەمەي قىزمەت ىستەپ، ول وزىنە ٴتان ٴبىرتالاي جاۋاپ تاپسىردى.

  ٴۇش جىل ىشىندە، لي حۇڭشىڭ ” تۇرپان ٴجۇزىمى، قۇمىل قاۋىنى الىس ارالىقتى عىلىم-تەحنيكالىق قىزمەت وتەۋ تەكشەسى قۇرىلىسى“ نىسانىن اتقارىپ، الىس ارالىقتان سەلبەسىپ، حۋنان-شينجياڭ عىلىم ـ تەحنيكالىق قول تەلەفون ەگىنشىلىگى الىس ارالىقتى تەڭ سەلبەسۋA P P ىن اشىپ، كوپ ٴتۇرلى شارانى قاتار قولدانىپ، جاڭالىق اشۋ جاۋابىن تاپسىردى؛

  ٴۇش جىل ىشىندە، ول ٴارقايسى قىستاقتا ”عىلىم-تەحنيكالىق ارناۋلى قىزمەتكەر قىزمەت وتەۋ“ قيمىلىن جالپىلاستىرىپ، بۇكىل قالاداعى 18 كەدەي قىستاققا ” ٴاربىر كەدەي وتباسىنان عىلىم-تەحنيكا ارقىلى بايىعان بىردەن ٴبىلىمدى ادام تاربيەلەۋ، ٴاربىر قىستاققا بىردەن اۋىل شارۋاشىلىعىنداعى وزىق قولدانىلمالى تەحنيكانى جالپىلاستىرۋ“دى ورىستەتىپ، حۋنان ـ شينجياڭ عىلىم-تەحنيكا اشۋ بازاسىن قۇرىپ، ”قوس جاڭالىق اشۋ كلاسى“ ن اشىپ، جەرگىلىكتى ورىننىڭ دامۋىنا ”بويلارىنا قاراي بۇيىرتىپ جاساۋ“داي ەكونوميكالىق جاۋاپ تاپسىردى؛

  ٴۇش جىل ىشىندە، ول بۇكىل شينجياڭداعى تۇڭعىش قىستاق دارەجەلى ورنىقتىلىقتى قورعاۋ شەبىنەن ۇلگى كورسەتۋ ٴتۇيىنىن قۇرىپ، حۋنان-تۇرپان عىلىم ـ تەحنيكا سەلبەستىگى مەن اۋىس-كۇيىس قىزمەت مەحانيزمىن 5ىن قۇرىپ، جەرگىلىكتى بۇقارامەن بىرگە تاماقتانىپ، بىرگە جاتىپ، بىرگە ەڭبەك ەتىپ، حۋنان-شينجياڭ بەرەكەلى شاڭىراعىنىڭ حالىق تۇرمىسى جاۋابىن تاپسىردى.

  لي حۇڭشىڭ «تۇرپان ٴجۇزىمى، قۇمىل قاۋىنى الىس ارالىقتتى عىلىم-تەحنيكالىق قىزمەت ەتۋ تەكشەسى قۇرىلىسى» نىسانىن كورسەتۋدە.

جاڭالىق اشۋعا ۇمتىلۋ

  تۇرپانعا العاش كەلگەندەگى لي حۇڭشىڭنىڭ تۇڭعىش شەشىمى عىلىم-تەحنيكالىق قاجەتسىنۋدى تەكسەرۋ-زەرتتەۋ گرۋپپاسىن قۇرۋ بولدى.

  ”تەكسەرۋ جۇرگىزىلمەسە سويلەۋ ۇقىعى بولمايدى“، لي حۇڭشىڭ ٴبىر رايون، ەكى اۋدانداعى 30 نەشە عىلىم-تەحنيكالىق كاسىپورىن مەن عىلىم-تەحنيكادا جاڭالىق اشۋ تۇلعالارىن ارالاپ، جەرگىلىكتى ورىننىڭ ەرەكشە، كۇشتى كاسىپتەرى مەن قۇرىلعى اۋىل شارۋاشىلىعىنىڭ دامۋىن، عىلىم-تەحنيكادا ۇلگى كورسەتۋ باقشا رايونىن قۇرۋدى، اۋىل شارۋاشىلىق كاسىپ قۇرىلىمىن رەتتەۋدى، كاسىپورىنداردىڭ عىلىم-تەحنيكادا جاڭالىق اشۋ قابىلەتى قۇرىلىسىن جانە نىسان قاجەتىن ەگجەي-تەگجەيلى ۇعىستى.

  تەكسەرۋ-زەرتتەۋ بارىسىندا ول عىلىم-تەحنيكا ارقىلى ورنىقتىلىقتى قورعاۋدى، عىلىم-تەحنيكا ارقىلى حالىقتى اۋقاتتاندىرۋدى، عىلىم-تەحنيكا ارقىلى حالىققا تيىمدىلىك جاساۋ تەڭ سەلبەستىك قۇرىلىسىن ٴتۇيىن ەتكەن شينجياڭعا كومەكتەسۋ وي جەلىسىن بەلگىلەپ، عىلىم-تەحنيكا ارقىلى شينجياڭعا كومەكتەسۋدەگى ٴبىر توپ ۇلگى نىساندارى مەن بازالاردى قۇرىپ، حۋناننىڭ عىلىم-تەحنيكا ارقىلى شينجياڭعا كومەكتەسۋ ىقپالىن كەڭەيتتى.

  ٴجۇزىم – شينجياڭداعى تەگىننەن اتى ايگىلى ساپالى جەمىس، ٴجۇزىم كاسىبىن قالاي دامىتىپ زورايتۋدا لي حۇڭشىڭ ەكى جاقتان كۇش سالۋدى تاڭدادى.

  ٴبىر جاعىنان، ”تۇرپان مەيىز مانەرلەۋ بازاسى قۇرىلىسى“ وبيەكتىن قولداپ، ٴجۇزىمنىڭ ۇستەمە قۇنىن ارتتىرۋدى نىسانا ەتىپ، كەدەي وتباسىلارىنىڭ ٴونىمىن، كىرىسىن ارتتىردى. ەندى ٴبىر جاعىنان، «تۇرپان جۇزىمى، قۇمىل قاۋىنى الىس ارالىقتى عىلىم-تەحنيكالىق قىزمەت ەتۋ تەكشەسى قۇرىلىسى» نىسانىن اتقارىپ، حۋنان-شينجياڭ عىلىم-تەحنيكالىق قول تەلەفون ەگىنشىلىك جۇمىسىن الىس ارالىقتان تەڭ سەلبەسۋ APPىن اشىپ، اۋىل شارۋاشىلىعىن زەردەلىلەندىرىپ باسقارۋ ينفورماتسياسىن باسقارۋ جانە قىزمەت وتەۋ جۇيەسىن قۇرىپ، ەگىمشىلىك بازاسىنىڭ ٴتۇرلى تەحنيكالىق كورسەتكىشتەرىن دەر كەزىندە باقىلادى جانە الدى.

  قازىر شينجياڭ اۋىل شارۋاشىلىق عىلىم اكادەمياسى تۇرپان اۋىل شارۋاشىلىق عىلمي زەرتتەۋ ورنىنا بارعانىڭىزدا، ادامدى وزىنە ەڭ باۋرايتىنى ”تۇرپان ٴجۇزىمى، قۇمىل قاۋىنى الىس ارالىقتى قىزمەت وتەۋ تەكشەسى“. الىپ ەلەكتروندى ەكراننان تۇرپان قالاسىنداعى ٴبىر رايون، ەكى اۋدانداعى ٴجۇزىم، قۇمىل قاۋىنى19 ەگىمشىلىك بازاسىنىڭ ناقتى كورىنىسىن كورۋگە بولادى.

  سونىمەن بىرگە، لي حۇڭشىڭ وتكەن-كەتكەن تاجىريبەلەرى جانە جەرگىلىكتى ورىننىڭ ٴىس جۇزىندىك جاعدايىمەن ۇشتاستىرىپ، «تۇرپان قالاسىنىڭ عىلىم-تەحنيكالىق ورتا، شاعىن كاسىپورىنداردى تۇراقتاندىرۋ ٴادىسى»، «حۋنان ولكەسىنىڭ عىلىم-تەحنيكا ارقىلى شينجياڭعا كومەكتەسۋدە ۇلگى كورسەتۋ بازاسىن باسقارۋ ٴادىسى (سىناق رەتىندە اتقارىلادى)» سياقتىلاردى باستاماشىلدىقپەن دايىنداپ، كاسىپورىن مەن جاڭالىق اشۋ، شارۋاشىلىق قۇرۋ تۇلعالارىنىڭ اقاۋسىز دامۋىنا شارت-جاعداي ازىرلەدى. ول باس بولىپ دايىنداعان «تۇرپان قالاسىنىڭ ٴجۇزىم شارۋاشىلىعىن دامىتۋ ۇسىنىسى» جونىندەگى تەكسەرۋ-زەرتتەۋ مالىمەتى جەرگىلىكتىڭ ٴجۇزىم شارۋاشىلىعىنىڭ دامۋىنا تاۋسىلماس قوزعاۋشى كۇش قوستى.

شينجياڭنىڭ 4-كەزەكتى جاڭالىق اشۋ، شارۋاشىلىق قۇرۋ جارىسى.

  بۇدان سىرت، 2017 ـ، 2018-جىلدارى لي حۇڭشىڭ بۇكىل قالا بويىنشا قاتىستى كاسىپورىندار مەن جاڭالىق اشۋ ۇيىمدارىن جەكە-جەكە شينجياڭنىڭ 4-، 5-كەزەكتى جاڭالىق اشۋ، شارۋاشىلىق قۇرۋ جارىسىنا قاتىناسۋعا ۇيىمداستىردى. تاڭداپ جىبەرىلگەن كاسىپورىندار بۇكىل شينجياڭداعى كاسىپ سالاسى جارىسى بويىنشا جەكە-جەكە 2 ـ، 3-دارەجەلى سيلىعىن جانە جالپى شەشۋشى جارىستىڭ 2-دارەجەلى سيلىعىن ەنشىلەدى. مۇنىڭ ىشىندە ٴبىر كاسىپورىن مەملەكەتتىك جاڭالىق اشۋ، شارۋاشىلىق قۇرۋ جارىسىنىڭ تاڭداۋلى كاسىپورىن سيلىعىنا يە بولىپ، تۇرپاننىڭ كوپ جىلداردان بەرى جاڭالىق اشۋ، شارۋاشىلىق قۇرۋ جارىسىندا ناتيجەلى بولماۋ تاريحىن وزگەرتتى.

لي حۇڭشىڭ شارۋالاردىڭ ەگىن سالۋىنا جەتەكشىلىك ەتۋدە.

دامۋدى جەدەلدەتۋ

  ”تۇرپان ەلىمىزدەگى ەڭ قاپىرىق ىستىق، قاعىر جەر، ٴارى كوپتەگەن ونەركاسىپ ونىمدەرىنە وسى ارادا ىستىققا توزىمدىلىك سىناعىن جۇرگىزەتىن تاماشا ٴوڭىر“. عىلىم-تەحنيكا ەكونوميكانىڭ دامۋىن قالاي جەبەيدى، لي حۇڭشىڭ نازارىن تۇرپاننىڭ ”ىستىق ەكونوميكاسى“نا اۋداردى.

  ول ايتقانىن ورىندادى، «شينجياڭ ونەركاسىپ ونىمدەرىنىڭ ورتاعا ۇيلەسكىشتىگى ٴتۇيىندى تاجىريبەحاناسى» لي حۇڭشىڭنىڭ جەبەۋىندە، اۆتونوميالى رايوندىق عىلىم-تەحنيكا مەڭگەرمەسىندە نىسانعا ەنگىزىلدى. سونىمەن بىرگە ، «قۇمىل قاۋىنى وسى زامانعى سۋىق كۇيدە زات جەتكىزۋ جۇيەسى قۇرىلىسى مەن ۇلگى كورسەتۋ» نىسانى باستالىپ، كەدەي قىستاقتاردا زاكاز اۋىل شارۋاشىلىعىن ورىستەتىپ، قاۋىن-قاربىز ەگەتىن شارۋالار ٴۇشىن” ٴوندىرۋ، قامداۋ، ساتۋ“ قىزمەتىن وتەدى.

  ”قۇيما رادياتور ستاتيكالىق قىسىم ٴوندىرىس جۇيەسىن زەرتتەۋ جانە قولدانۋدان ۇلگى كورسەتۋ“ نىسانى ماڭايىنداعى 70 نەشە كەدەي وتباسىن جاڭادان جۇمىسقا قابىلدادى.

  كوپ ٴتۇرلى شارانىڭ ارقاسىندا ەكونوميكا اناعۇرلىم ”قىزا ٴتۇستى“. ”شينجياڭعا كومەكتەسۋ قىزمەتىندە شارا بولۋ، ٴبىر كىلتپەن ٴبىر قۇلىپ اشۋ كەرەك. دۇرىس ٴادىس- ماسەلەنى شەشۋدىڭ تەتىگى“. نىسان بولعان ەكەن، ونى ونان ارى ويداعىداي دامىتۋ ٴۇشىن، كاسىپتىك دارىندىلاردى جەتىستىرۋ كەرەك.

  عىلىم -تەحنيكا ارناۋلى قىزمەتكەرلەرى تۇرپانداعى اتىز باسىندا بوي كورسەتە باستادى. ” ٴبىز بۇكىل قالاداعى 18 كەدەي قىستاقتى ٴتۇيىن ەتە وتىرىپ، عىلىم-تەحنيكا ارناۋلى قىزمەتكەرلەرىنىڭ كەدەيلەردى دالمە-ٴدال سۇيەمەلدەۋ، جاڭالىق اشۋ، شارۋاشىلىق قۇرۋ ’ ٴۇش ٴبىر‘ قيمىلىن ورىستەتىپ، ٴاربىر كەدەي وتباسىندا عىلىم-تەحنيكا ارقىلى بايىعان بىردەن ٴبىلىمدى ادام تاربيەلەۋ، ٴاربىر قىستاقتا بىردەن اۋىل شارۋاشىلىعى وزىق قولدانىلمالى تەحنيكاسىن جالپىلاستىرۋ، ٴاربىر قىستاقتا كەمىندە بىردەن عىلىم-تەحنيكا ارناۋلى قىزمەتكەرى قىزمەت وتەۋى جۇزەگە اسىردىق “.

  سونىمەن بىرگە، حۋناننىڭ اۋىل شارۋاشىلىق ماماندارى مەن شينجياڭنىڭ جەرگىلىكتى اۋىل شارۋاشىلىق ماماندارى بىرلەسىپ قۇرعان اۋىل شارۋاشىلىق تەحنيكالىق قىزمەت وتەۋ ماماندار ۇيىمىنىڭ 14 ادامى اۋىل شارۋاشىلىق عىلىم -تەحنيكالىق قىزمەت وتەۋ بايلىق قاينارى مەن جەتىستىكتەرىن بىرىكتىرىپ، اۋىل شارۋاشىلىق كاسىبى ينفورماتسياسىن جان-جاقتىلى ايگىلەدى، قىزمەت وتەدى جانە تاربيەلەدى.

  كاسىپ سالاسىنىڭ دامۋ قاجەتىمەن ۇشتاستىرىپ، لي حۇڭشىڭ حۋنان-شينجياڭ عىلىم-تەحنيكالىق جاڭالىق اشۋ بازاسى قۇرىلىسىن دانەكەر ەتىپ، كاسىپورىنداردى جەتىلدىرۋ جانە ”قوس شارۋاشىلىق قۇرۋ “ كۋرسىن اشۋعا كومەكتەسىپ، تۇڭعىش رەت كەشكى مەكتەپ فورماسىنداعى” شەبەرلىك كلاسى“، ” سۇيىسپەنشىلىك كلاسى“ سياقتىلاردى اشىپ، 20 نەشە رەت كۋرس وتكىزىپ، 2000 نان استام ادام-رەت تاربيەلەدى.

لي حۇڭشىڭ تۋىستارىمەن بىرگە.

جۇرت كوڭىلىن ورنىقتىرۋ

  تۇرپانداعى تۋىسى عوپۇر نەيىمنىڭ ۇيىنە تۇڭعىش رەت قونعان جاعدايدى ەسكە العاندا، لي حۇڭشىڭعا تاياۋدا بولعانداي سەزىلەدى.

  ”جاتۋ بارىسىندا اۋىلداستاردىڭ مەنى’كادر‘، ’جىگىت‘، ’ازامات‘ دەپ شاقىراتىنىن ۇنەمى ەستيمىن. ولار: ’كاد‘ ۇيگە كەلگەننەن كەيىن، ونىڭ بىزبەن وتاسا الۋ-الماۋىن، ونىڭ وزدەرى سياقتى ساكىدە وتىرۋىنا، ۇنەمى شارۋا تۋرالى كەڭەس قۇرا الاتىن-المايتىنىنا قارايمىز، دەپ قالجىڭدايتىن“ .

  حۋناننان كەلگەن وسى”كادر“دا ەشقانداي ”ەسەپتەسۋ“ جوق ەكەنىن ويلاماعان ەكەنمىن. ول ساكىگە وتىرىپ، شارۋا جۇمىستارىن ايتىپ، تاعى اۋىلىنداعى حيكايالاردى دا شەرتىپ بەرەدى. شينجياڭعا كەلگەننەن كەيىن، لي حۇڭشىڭ ىلگەرىندى-كەيىندى عوپۇر نەيىم، ساتتار امەت، حاليحان ٴمۇتالىپ، حالچىحان رەحىپ، بەكرى داۋىت، ٴامدوللا روزى قاتارلى وتباسىلارىمەن تۋىس بولدى.

  ”ولاردىڭ بارلىعى مەنىڭ وتباسىمداعىلار“. ٴۇش جىل ىشىندە لي حۇڭشىڭ بەلگىلى مەرزىمدە ولارعا امانداسا بارىپ، ولاردىڭ ۇيرەنۋ، قىزمەت جانە تۇرمىس جاعدايىن ۇعىسىپ، بۇكىل وتباسىنداعىلارمەن بىرگە تاماقتانىپ، بىرگە جاتىپ، بىرگە ۇيرەنىپ، بىرگە ەڭبەك ەتىپ، بىرگە كوڭىل كوتەرىپ، وتباسىنىڭ جاعدايى مەن يدەيالىق احۋالىن انىق ٴبىلىپ، يدەيالىق جاقتاعى كۇدىك ـ كۇمان مەن قيىن ماسەلەلەردى شەشۋگە كومەكتەسىپ، ٴوزارا ۇلتتىق سۇيىسپەنشىلىكتى تەرەڭدەتتى.

  حۋنانعا قايتىپ كەلگەن كۇندەردە، كەي كەزدەرى لي حۇڭشىڭنىڭ ويى سوناۋ قيىردى شارلاپ، ول اراداعى اۋىلداستاردى، ٴدامى ٴتىل ۇيىرەتىن جەمىس-جيدەكتەردى، كورىكتى دە جاراسىمدى كوشەلەردى… تاعى شينجياڭنىڭ ٴتىپتى دە كوركەم بولۋى ٴۇشىن كۇرەس جاساپ جاتقان سانسىز بەينەلەردى ساعىنا ەسكە الدى.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.