شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل عوپۇر
ساپالى ەمدەۋ بايلىعىن نەگىزگى ساتىعا جەتكىزۋدى، نەگىزگى ساتىداعى ەمدەۋ دارىندىلارىن باۋلۋعا نازار اۋدارۋدى ىلگەرىلەتتى... ءبىر جىلدان بەرى، مەملەكەتتىك حالىق قۇرىلتايىنىڭ ۋاكىلى، شينجياڭ مەديتسينا داشۋەسى پارتكومىنىڭ ورىنباسار شۋجيى، مەكتەپ باستىعى قايسار ابدۇكەرىمنىڭ اياق ىزدەرى تيانشاننىڭ وڭتۇستىگى مەن سولتۇستىگىندە قالدى.
”قازىر نەگىزگى ساتىنىڭ دەنساۋلىق ساقتاۋ نەگىزدىك قۇرىلعىلار قۇرىلىسى بارعان سايىن كەمەلدەنىپ، بۇقارانىڭ اۋرۋ كورسەتۋى ءتىپتى دە قولايلى بولدى، ءبىراق ءىشىنارا نەگىزگى ساتىداعى ەمدەۋ قۇرىلعىلارى ساراپتاۋ، تەكسەرۋ جۇرگىزۋدە جۇمىس اتقارۋى ولشەمدى بولماعاندىقتان، دياگنوز قويۋ جانە ەمدەۋ جۇرگىزۋگە ىقپال جەتكىزەتىن ماسەلەلەر بەلەڭ بەردى. ءتۇبىن قۋعاندا ساپالى ەمدەۋ بايلىقتارى ءالى دە نەگىزگى ساتىعا تولىق جەتكىزىلە قويعانى جوق“، - دەدى قايسار ابدۇكەرىم.
قايسار ابدۇكەرىمنىڭ قاراۋىنشا، نەگىزگى ساتىنىڭ دياگنوز قويۋ - ەمدەۋ قۋاتىن جوعارىلاتۋدا، شينجياڭ مەديتسينا داشۋەسى اناعۇرلىم كوپ قوعامدىق جاۋاپكەرشىلىك ارقالاۋى ءتيىس.
ساپالى ەمدەۋ بايلىعىن نەگىزگى ساتىعا تولىق جەتكىزۋدى جەبەۋ ءۇشىن، 2019 - جىلى 2 - ايدىڭ 21 - كۇنى شينجياڭ مەديتسينا داشۋەسى مەن مارالباسى اۋداندىق حالىق شيپاحاناسى ستراتەگيالىق كومەكتەسۋ - سۇيەمەلدەۋ كەلىسىمىنە قول قويىپ، مارالباسىدا ”شينجياڭ مەديتسينا داشۋەسى ايگىلى شيپاگەرلەر قىزمەت كەڭسەسىن“ قۇردى؛ سول جىلى 5 - ايدىڭ 2 - كۇنى ”شينجياڭ مەديتسينا داشۋەسىنىڭ پراكتيكا شيپاحاناسى“ مارالباسى اۋداندىق حالىق شيپاحاناسىندا رەسمي ماڭدايشالىق استى. بىلتىر 10 - ايدىڭ 14 - كۇنى شينجياڭ مەديتسينا داشۋەسى مەن شونجى اۋداندىق حالىق ۇكىمەتى ەمدەۋ سەلبەستىگىن كۇشەيتۋ جۇلگەلىك كەلىسىمىنە قول قويىپ، قۇرمەتتى شيپاحانا باستىعى، قۇرمەتتى ءبولىم مەڭگەرۋشىسى سياقتىلاردى شونجىعا بارىپ قولما - قول تەحنيكا ۇيرەتۋگە جىبەردى.
”ءبىز ىشكەرىلەي كومەكتەسۋ - سۇيەمەلدەۋ قىزمەتىن ورىستەتۋ ارقىلى نەگىزگى ساتىداعى شيپاحانالاردىڭ ارناۋلى بولىمدەرىنىڭ دامۋى، شيپاحانا باسقارۋ، ەمدەۋ قىزمەتكەرلەرىنىڭ كاسىپتىك قابىلەتى سياقتىلاردىڭ ۇزدىكسىز جوعارىلاۋىن بەلسەندى ىلگەرىلەتتىك. ’ۇستازدىڭ شاكىرتتى جەتەكتەۋى‘ ۇلگىسى ارقىلى نەگىزگى ساتىداعى ەمدەۋ قىزمەتكەرلەرىنىڭ دياگنوز قويۋ - ەمدەۋ ورەسىن جوعارىلاتتىق“. قايسار ابدۇكەرىم تانىستىرىپ بىلاي دەدى: ”مۇنداي ۇلگى كەزەكتە وڭتۇستىك، سولتۇستىك شينجياڭدا جالپىلاستىرىلۋدا، تاياۋدا ءبىز تاعى قاعىلىق اۋداندىق حالىق شيپاحاناسىمەن دە ستراتەگيالىق جۇلگەلىك كەلىسىمىنە قول قويىستىق، ’شينجياڭ مەديتسينا داشۋەسىنىڭ پراكتيكا شيپاحاناسى‘ بۇل شيپاحانادا ماڭدايشالىعىن اساتىن بولادى“.
قايسار ابدۇكەرىمنىڭ قاراۋىنشا، بۇلتتىق ەسەپتەۋ، زات اينالىمى ينتەرنەتى، جىلجىمالى ينتەرنەت تەحنيكاسىنىڭ كەڭىنەن قولدانىلۋىنا ىلەسە، شينجياڭدا ”ينتەرنەت + ەمدەۋ - سالاماتتىق“ ۇلگىسى جالپىلاستىرىلىپ، ناۋقاستارعا بارىنشا قولايلىلىق جاراتىلادى.
”نەگىزگى ساتىداعى بۇقاراعا قاشىقتان ەمدەۋ جۇرگىزۋدە ’بۇلت‘ ورناتۋ ءۇشىن، ءبىر تۇتاس وڭىرلىك الىس ارالىقتا دياگنوز قويۋ - ەمدەۋ تۇعىرىن ورناتىپ، وڭىرلىك ەمدەۋ قۇرىلىمدارى اراسىنداعى ساراپتاۋ، تەكسەرۋ ينفورماتسيالارىن ءوزارا تۇتاستىرۋدى، بىرگە يگىلىكتەنۋدى جۇزەگە اسىرىپ، ساپالى ەمدەۋ بايلىعىن نەگىزگى ساتىعا تولىق جەتكىزۋدى جەبەپ، نەگىزگى ساتىداعى بۇقارانىڭ ساراپتاتۋ، تەكسەرىلۋ، دياگنوز قويۋداعى وزىندىك قۇنىن تومەندەتۋ كەرەك“. قايسار ابدۇكەرىم تىلشىگە قاشىقتان ەمدەۋدىڭ جىلدام، اقاۋسىز دامۋىن ىلگەرىلەتۋ سياقتى ماسەلەلەردى ارقاۋ ەتە وتىرىپ، بىلتىر جىل باسىنان بەرى،ءوزىنىڭ ۇجىمدى باستاپ زور مولشەردە تەكسەرۋ - زەرتتەۋ جۇرگىزگەندىگىن ايتتى.
”ينتەرنەت تەحنيكاسىنىڭ تەز قارقىنمەن دامۋىنا، سونداي - اق زەردەلى قول تەلەفوننىڭ جالپىلاسۋىنا جانە شەت - شالعايداعى كەدەي وڭىرلەردە جۇمساق - قاتتى بولشەك قۇرىلعىلارىنىڭ قۇرىلۋىنا ىلەسە، قاشىقتان ەمدەۋ كاسىبى بۇرىن بولماعان دامۋ ورايىنا يە بولدى. ءبىز ورايدى مىقتى يگەرۋىمىز، ءار ۇلت بۇقاراسىنىڭ ۇيلەرىنىڭ ماڭىندا ساپالى ەمدەۋ قىزمەت وتەۋىنەن يگىلىكتەندىرۋىمىز كەرەك“، - دەدى قايسار ابدۇكەرىم.
