شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 5 - ايدىڭ 12 - كۇنى ۇرىمجىدەن حابارلايدى. 5 - ايدىڭ 11 - كۇنى مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسىنىڭ قۇرلىق جولى شەكارا وتكەلدەرىندە جاڭا تيپتى ايدارشا ۆيرۋس وكپە قابىنۋ ىندەتىنىڭ سىرتتان كىرۋىنەن ساقتانۋ - تىزگىندەۋ قىزمەتىنە جەتەكشىلىك ەتۋ، اڭىس ءبىلدىرۋ ءماجىلىسى ۇرىمجىدە اشىلدى. مەملەكەتتىك كەڭەستىڭ جاڭا تيپتى ايدارشا ۆيرۋس وكپە قابىنۋ ىندەتىنە توتەپ بەرۋ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى قىزمەتكە جەتەكشىلىك ەتۋ گرۋپپاسىنىڭ باستىعى حاۋ ياڭ ماجىلىسكە قاتىناستى ءارى اڭىس ءبىلدىردى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتىنە جەتەكشىلىك ەتۋ گرۋپپاسىنىڭ ورىنباسار باستىعى لي پىڭشين ءماجىلىستى باسقاردى ءارى پوزيتسيا ءبىلدىرىپ ءسوز سويلەدى.
5 - ايدىڭ 2 - كۇنىنەن 11 - كۇنىنە دەيىن جەتەكشىلىك ەتۋ گرۋپپاسىنداعىلار قاشقار ايماعىنداعى، قىزىلسۋ قىرعىز اۆتونوميالى وبلىسىنداعى، ىلە قازاق اۆتونوميالى وبلىسىنداعى، تارباعاتاي ايماعىنداعى، بۇراتالا موڭعۇل اۆتونوميالى وبلىسىنداعى، سانجى حۇيزۋ اۆتونوميالى وبلىسىنداعى كەيبىر شەكارا وتكەلدەرىن ارالاپ، ىندەتتى باقىلاۋ - تەكسەرۋ، كارانتيندەۋ - تەكسەرۋ، جابىق كۇيدە تاسىمالداۋ، شوعىرلى جيناپ، ەمدەۋ، ىندەتتى باسقارۋ، مەڭگەرۋ، ساقتانۋ - تىزگىندەۋ زاتتىق ماتەريالدارى زاپاس قورىن قامتاماسىز ەتۋ سياقتى قىزمەتتەردى ۇستىندە تەكسەرىپ، رايونىمىزدىڭ قۇرلىق جولى شەكارا وتكەلدەرىندە ىندەتتىڭ سىرتتان كىرۋىنەن ساقتانۋ - تىزگىندەۋ قىزمەتىن ورىستەتۋىنە جەتەكشىلىك ەتتى.
حاۋ ياڭ مىنالاردى اتاپ كورسەتتى: اۆتونوميالى رايوندىق پارتكوم مەن ۇكىمەت پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن جان - جاقتى تياناقتاندىرىپ، جاڭا جاعدايدا ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن تيتتەي دە بوساڭسىماي ويداعىداي يگەرىپ، سىرتتان كىرۋدەن ساقتانۋ، ىشتە قايتالاۋدان ساقتانۋ، شەكارا وتكەلدەرىن باسقارۋدى جانە دەنساۋلىق ساقتاۋدى، جۇقپالى اۋرۋدان ساقتانۋدى كۇشەيتىپ، شەكارادان كىرگەندەردى جالپى بارىستا جابىق باسقارۋ، ساقتانۋ - تىزگىندەۋ ونىمدىلىگىن ۇزدىكسىز بەكەمدەدى، كەڭەيتتى. ءارقايسى شەكارا وتكەلدەرى ىندەتتىڭ سىرتتان كىرۋىنەن ساقتانۋ - تىزگىندەۋ تالابىن قاتاڭ تياناقتاندىرىپ، تەكسەرۋ قابىلەتىن ءوسىرۋ، تارالمالى اۋرۋلار ءىلىمى تەكسەرۋىن ورىستەتۋ، نەگىزگى ساتىدا ساقتانۋ - تىزگىندەۋ تورىن بەرىك توقۋ سياقتى جاقتارداعى شارالاردى تىڭعىلىقتى اتقارىپ، اسا ءونىمدى بولىپ، دەر كەزىندە بايقاۋدىڭ، جەدەل ءبىر جايلى ەتۋدىڭ، دالمە - ءدال باسقارۋ - مەڭگەرۋدىڭ، ءونىمدى قۇتقارۋ - ەمدەۋدىڭ ۇدايىلانعان ساقتانۋ - تىزگىندەۋ مەحانيزمىن قالىپتاستىرىپ، قۇرلىق جولى شەكارا وتكەلدەرىندە ىندەتتىڭ سىرتتان كىرۋىنەن ءونىمدى ساقتانۋ ءۇشىن نەگىز قالادى. قازىر شەكارا سىرتىندا ىندەت ۇزدىكسىز تارالۋدا، قۇرلىق جولى شەكارا وتكەلدەرىندە ءتۇرلى شۇعىل جاعدايعا توتەپ بەرۋ جانە ساقتانۋ - تىزگىندەۋ جوباسىن اناعۇرلىم اشالاپ، نۋكلەين قىشقىلىن تەكسەرۋ، ولشەۋ، تارالمالى اۋرۋلار ءىلىمى تەكسەرۋ قابىلەتىن اناعۇرلىم ءوسىرىپ، ناقتى شايقاس جاتتىعۋىن ۇزدىكسىز كۇشەيتىپ، شەكارا سىرتىنداعى ىندەتتىڭ كىرۋىنەن ساقتانۋداعى ءبىرىنشى وتكەل قورعانىس شەبىن باتىلدىقپەن ويداعىداي قورعاۋىمىز كەرەك.
لي پىڭشين مىنالاردى ءبىلدىردى: ءبىز باس شۋجي شي جينپيڭنىڭ ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ رۋحىن اناعۇرلىم ىشكەرىلەي ۇيرەنىپ، دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، “ەكىنى قورعاۋدى“ ورىنداپ، شەكارا سىرتىنداعى ىندەتتىڭ كىرۋىنەن قاتاڭ ساقتانىپ، جەتەكشىلىك ەتۋ گرۋپپاسى اڭىس ەتكەن پىكىرلەردى رەتتەۋ - تۇزەتۋدى، تياناقتاندىرۋدى ويداعىداي يگەرەمىز. شايقاس مەزگىلى مەحانيزمىن اناعۇرلىم كۇشەيتىپ، رەتتەۋ - تۇزەتۋ جاۋاپكەرشىلىگىن قاتايتىپ، ىندەتتەن ساقتانۋ - تىزگىندەۋدى ۇدايىلاندىرۋدى مىقتاپ، ناقتاپ، ەگجەي - تەگجەيلى يگەرۋ، سىرتتان كىرۋدەن ساقتانۋدىڭ، ىشتە قايتالاۋدان ساقتانۋدىڭ ءتۇرلى شارالارىن ۋاقىتقا، جاعدايعا قاراي كەمەلدەندىرىپ، شەكارا وتكەلدەرىندە جانە ءتۇيىندى ورىنداردا، ءتۇيىندى ادام شوعىرلارىنان دالمە - ءدال ساقتانۋ - تىزگىندەۋدى كۇشەيتىپ، ءار ۇلت بۇقاراسىن قاجەتتى ساقتانۋ، قورعانۋدى ويداعىداي ىستەۋگە بەلسەنە جەتەكشىلىك ىستەپ، ساقتانۋ - تىزگىندەۋ جەمىستەرىن ۇزدىكسىز بەكەمدەيمىز. رەتتەۋ - تۇزەتۋدى، تياناقتاندىرۋدى كۇشەيتىپ، اشىق ەسەپ ورناتىپ، ونىمدىلىگىن ءجىتى سۇراستىرىپ، ەسەپكە سالىستىرىپ، تىزىمنەن ءوشىرىپ، ۇستىنەن وڭاۋ مەن تۇبىرىنەن وڭاۋدى بىردەي جۇرگىزىپ، بىرەۋى ارقىلى وزگەسىن تۇسپالداپ، شەكارا وتكەلدەرىن باسقارۋ، كارانتيدەۋ - تەكسەرۋ، تارالمالى اۋرۋلار ءىلىمى تەكسەرۋى، جابىق كۇيدە تاسىمالداۋ، اۋاشالاپ دياگنوز قويۋ، ەمدەۋ، شيپاحانادا جۇعىمدالۋدان ساقتانۋ - تىزگىندەۋ، الەۋمەتتىك اۋماقتا ساقتانۋ - تىزگىندەۋ سياقتى ءتۇيىندى قىزمەتتەردى ۇزدىكسىز ويداعىداي ىستەپ، كورنەكتى ماسەلەلەردى دەر كەزىندە اقىلداسىپ، شەشىپ، ”شەكارا سىرتىنان“ ”مەملەكەت قاقپاسىنا“ دەيىنگى، ودان ”وتباسىلارىنا“ دەيىنگى تۇتاس تىزبەكتى جابىق باسقارۋدى ۇزدىكسىز كەمەلدەندىرىپ، شەكارا وتكەلدەرىنىڭ مۇلدە حاۋىپسىزدىگىنە شىنايى كەپىلدىك ەتەمىز.
مەملەكەتتىك كەڭەستىڭ بىرلەسىپ ساقتانۋ، بىرلەسىپ تىزگىندەۋ مەحانيزمى جالپىلىق گرۋپپاسى قىزمەتكە جەتەكشىلىك ەتۋ گرۋپپاسىنىڭ مۇشەلەرى ماجىلىسكە قاتىناستى.
اۆتونوميالى رايوننىڭ باسشىلارىنان تيان ۋىن، جاۋ چۇڭجيۋ، ماڭلىك سەيىت ماجىلىسكە قاتىناستى.
