پارتيا ورتالىق كوميتەتىنىڭ شەشىمدەرىن، ورنالاستىرۋلارىن بۇلجىماستان دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن مىقتى، ناقتى يگەرۋ كەرەك
چىن چۋانگو ءماجىلىستى باسقاردى
شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 5 - ايدىڭ 12 - كۇنى ۇرىمجىدەن حابارلايدى. 5 - ايدىڭ 12 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ پارتيا سىرتىنداعى قايراتكەرلەردىڭ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن، بۇكىل ەلدەگى قالىڭ سەسترالارعا جولداعان مەرەكەلىك قۇتتىقتاۋى جانە شىنايى حال سۇراۋىنىڭ رۋحىن جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.ءماجىلىس مىنالاردى اتاپ كورسەتتى: باس شۋجي شي جينپيڭ پارتيا سىرتىنداعى قايراتكەرلەردىڭ اڭگىمە ءماجىلىسىن باسقارىپ ءارى ماڭىزدى ءسوز سويلەپ، ىندەتكە قارسى اتتانۋدىڭ اسا جاپالى بارىسىن جان - جاقتى ەسكە ءتۇسىرىپ، ىندەتتەن ساقتانۋ - تىزگىندەۋ كۇرەسىنىڭ امالياتتىق تاجىريبەسىن تەرەڭدەي قورىتىندىلاپ، ىندەتتەن ساقتانۋ - تىزگىندەۋ قىزمەتىن اناعۇرلىم ويداعىداي ىستەۋ جونىندە ورنالاستىرۋ جاساپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاپ ىلگەرىلەتۋگە عىلمي جەتەكشىلىك، قۋاتتى قوزعاۋشى كۇش ازىرلەدى. ءبىز يدەيا مەن ارەكەتتى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىنايى بىرلىككە كەلتىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن ىشكەرىلەي دايەكتىلەندىرىپ، تياناقتاندىرىپ، ىرىقتىلىقپەن ىسكەرلىك كورسەتىپ، شىنايى يگەرىپ، ناقتى ىستەپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتتەرىن ءبىر تۇتاس جوسپارلاۋدى اناعۇرلىم مىقتى، ناقتى، ويداعىداي يگەرۋىمىز كەرەك.
ءبىرىنشى، ساياسي دەڭگەيدى شىنايى جوعارىلاتۋ كەرەك. ىندەتتەن ساقتانۋ - تىزگىندەۋ توسقاۋىل شايقاسىنىڭ ەلەۋلى ستراتەگيالىق تابىسقا جەتۋىندەگى، ىندەتتەن ساقتانۋ - تىزگىندەۋدىڭ جانە جۇمىستى، ءوندىرىستى قالپىنا كەلتىرۋدىڭ پارمەندى ىلگەرىلەۋىندەگى ءتۇبىرلى سەبەپ − پارتيانىڭ باسشىلىعى مەن ەلىمىزدىڭ سوتسياليستىك ءتۇزىم ابزالدىلىعى تەڭدەسسىز ماڭىزدى رول اتقارعاندىعىن جەتە تانۋ كەرەك، ىندەتتەن ساقتانۋ - تىزگىندەۋ كۇرەسىنىڭ امالياتى جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ، ەلىمىزدىڭ مەملەكەتتى جونگە سالۋ جۇيەسىنىڭ قۋاتتى ومىرشەڭدىك كۇشكە جانە ايقىن ابزالدىلىققا يە ەكەندىگىن تاعى ءبىر رەت دالەلدەدى. ”ءتورت تانىمدى“ اناعۇرلىم كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ىندەتتەن ساقتانۋ - تىزگىندەۋ كۇرەسىندە ايگىلەنگەن رۋح پەن كۇش - قۋاتتى شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدىڭ قۋاتتى قوزعاۋشى كۇشىنە اينالدىرۋ كەرەك.
ەكىنشى، ىندەتتەن ساقتانۋ - تىزگىندەۋدى ۇدايىلاندىرۋعا تاباندى بولۋ كەرەك. سىرتتان كىرۋدەن ساقتانۋعا، ىشتە قايتا بەلەڭ بەرۋدەن ساقتانۋعا اۋىتقىماي تاباندى بولىپ، شەكارا وتكەلدەردى باسقارۋ - مەڭگەرۋدىڭ، ءتۇيىندى ورىندار مەن ءتۇيىندى ادامدار شوعىرىن باسقارۋدىڭ قىزمەت وتەۋدىڭ ونىمدىلىگىن، باعىتتامالىلىعىن اناعۇرلىم كۇشەيتىپ، ءار ۇلت بۇقاراسىن ءوزىن قورعاۋ جانە باسقارۋ تانىمىن كۇشەيتۋگە تاربيەلەپ، جەتەكتەپ، ىندەتتەن ساقتانۋ - تىزگىندەۋدە وڭاي - وسپاق قولعا كەلمەگەن جەتىستىكتەردى باتىل بەكەمدەۋ كەرەك.
ءۇشىنشى، الەۋمەتتىك دەنساۋلىق ساقتاۋدى جونگە سالۋ قابىلەتىن ۇزدىكسىز جوعارىلاتۋ كەرەك. بەيبىت كەزدەگى مەن شايقاس كەزىندەگىنى ۇشتاستىرۋعا تاباندى بولىپ، ەلەۋلى ىندەتتەن ساقتانۋ - تىزگىندەۋ ءتۇزىلىس، مەحانيزمىن جانە الەۋمەتتىك دەنساۋلىق ساقتاۋ بويىنشا شۇعىل جاعدايعا توتەپ بەرۋ باسقارۋ جۇيەسىن جەدەل كەمەلدەندىرىپ، وتانشىلدىق تازالىق قيمىلىن ىشكەرىلەي ورىستەتىپ، توسىن ەلەۋلى الەۋمەتتىك دەنساۋلىق ساقتاۋ وقيعالارىنا توتەپ بەرۋ قابىلەتى مەن دەڭگەيىن شىن مانىندە جوعارىلاتۋ كەرەك.
ءتورتىنشى، قالىڭ ەمدەۋ قىزمەتكەرلەرىنە كوڭىل ءبولۋ، قامقورلىق جاساۋ كەرەك. قوسىن قۇرىلىسىن كۇشەيتىپ، شابىتتاندىرۋ مەحانيزمىن كەمەلدەندىرىپ، ولاردى تاڭداۋلى ءداستۇردى جالعاستىرىپ، ءومىردى قاستەرلەيتىن، اجالعا اراشاشى، جارالىعا مەدەت، ۇلەس قوسۋعا پەيىل بولاتىن، شەكسىز ۇلى سۇيىسپەنشىلىك ارنايتىن اسقاق رۋحتى ايگىلەپ، دەنساۋلىق ساقتاۋ، سالاماتتىق ىستەرىنىڭ دامۋىنا تىڭ ۇلەس قوسۋعا جەتەكتەۋ كەرەك.
بەسىنشى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋ كەرەك. جاڭا دامۋ ۇستانىمىن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، ەكونوميكانىڭ جوعارى ساپالى دامۋىن بۇلجىماستان ىلگەرىلەتىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە بار كۇشپەن قول جەتكىزىپ، قوعامدىق كەلەلى جاعدايدىڭ جاراسىمدىلىعىن، ورنىقتىلىعىن بۇلجىماي ساقتاپ، ەكونوميكالىق دامۋ مەن قوعام ورنىقتىلىعى كەلەلى جاعدايىن باتىل قورعاپ، كەدەيلىكتەن ارىلتۋدان قامال الۋدىڭ شەشۋشى شايقاسىنىڭ شەشۋشى جەڭىسىنە قول جەتكىزۋدەگى نىسانالاردى، مىندەتتەردى ورىنداۋعا، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.
التىنشى، تۇرلىشە جاقتاردىڭ قۋاتتى بىرىككەن كۇشىن ۇيىستىرۋ كەرەك. ءار دارەجەلى پارتكومدار جۇڭگو كوممۋنيستىك پارتياسىنىڭ باسشىلىعىنداعى كوپ پارتيا سەلبەستىگى مەن ساياسي كەڭەس تۇزىمىنە بۇلجىماستان تاباندى بولىپ جانە ونى كەمەلدەندىرىپ، دەموكراتيالىق پارتيا - توپتارمەن سەلبەسىپ جۇمىس ىستەۋدى كۇشەيتىپ، دەموكراتيالىق پارتيا - توپتاردىڭ قىزمەت فۋنكتسياسىن ويداعىداي اتقارۋىنا، ارتىقشىلىقتارىن ساۋلەلەندىرۋىنە، كەڭەس بەرىپ كۇش قوسۋىنا قولداۋ كورسەتىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتۋگە قۋاتتى بىرىككەن كۇش ۇيىستىرۋ كەرەك.ءماجىلىس باسقا دا ىستەردى اقىلداستى.
شوكىرات زاكىر، نۇرلان ءابىلماجىن، ۋاڭ جۇنجىڭ، لي پىڭشين، شۇي حايرۇڭ، ەركىن تۇنياز، تيان ۋىن، لي يفەي، سارقىت اقان، جاڭ چۇنلين قاتارلىلار ماجىلىسكە قاتىناستى.
