تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

شارۋالار شاتتىعى ساياجايىن اشىپ، اۋقاتتانۋ جولىنا ءتۇستى

  مۇقامەتتىڭ وتباسى تابيعي وسكەن اققايىڭ ورمان بەلدەۋىنە ورنالاسقان، كۇن ساۋلەسى اعاشتار اراسىنان سىعالايدى، ”بيىلعى جىلدىق كىرىسىم از بولىپ قالاما دەپ ەدىم، 4-ايدىڭ وزىندە 7000 يۋاننىڭ ۇستىندە كىرىس كىرگىزەتىنىمدى ويلاماپپىن“. وسى بىرنەشە كۇندە، مۇقامەت كيىز ءۇيدىڭ ماڭايىن اعاش راشەتكامەن قورشاۋمەن ابىگەر بولدى.

مۇقامەت كيىز ءۇيىن اعاش راشەتكامەن قورشاۋدا.

  مۇقامەتتىڭ وتباسى التاي ايماعى قابا اۋدانى كولباي قالاشىعى اقارال اۋماعىندا تۇرادى. اۋداننان 20 كيلومەتر قاشىقتىقتا، جولدىڭ ەكى جاعالاۋىندا زەڭگىر كوكپەن بوي تالاسقان ادەمى اققايىڭ، قىستاققا كىرەتىن وسى يرەلەڭدەگەن جول ءتۇزۋ بولعاندا مۇقامەتتىڭ ۇيىنە جەتىپ باراسىز، قابىرعا دا ”ساياجان شارۋالار شاتتىعى ساياجايى“ دەگەن ماڭدايشالىق ءىلىنىپ تۇر، ەسىك الدىندا بۇلاق سىلدىراپ اعىپ، ماڭايىن اققايىڭ ورمانى قورشاپ جاتادى.

اۋرۋ سەبەبىنەن كەدەيلەردى سۇيەمەلدەۋ ساياساتىنىڭ ارقاسىندا كەدەيلىكتەن ارىلدى

  وسى بىرنەشە جىلدا مۇقامەتتىڭ وتباسى ءساتتى ”كەرى شابۋىلعا ءوتتى“، 2014-جىلى ارحيۆ تۇرعىزىلىپ كارتچكالانعان كەدەي وتباسىنان، 2016-جىلى كەدەيلىكتەن ارىلعان وتباسىنا دەيىن، 2018-جىلدان باستاپ شارۋالار شاتتىعى ساياجايىن اشتى، قازىر مۇقامەت قىستاقتىڭ دامۋىنا جەتەكشىلىك ەتەتىن باستاماشىعا اينالدى. ”باعىمشىلىقپەن شۇعىلداناتىن بولسا ‹كەدەيلەردى سۇيەمەلدەۋ قويى› بار، ‹شارۋالار شاتتىعى ساياجايى› تيجاراتىن جۇرگىزسە تولىقتاما قاراجات بار، مەنىڭ بۇگىنگى كۇنگە جەتۋىم تۇگەلدەي پارتيا مەن ۇكىمەتتىڭ جاقسى ساياساتىنىڭ ارقاسى“،-دەدى مۇقامەت، پارتيانىڭ ساياساتىنا سۇيەنىپ كەدەيلىكتەن ارىلدى، ءبىراق، ءومىر بويى ساياساتقا سۇيەنۋگە بولمايدى، دامۋدا ءوز كۇشىنە سۇيەنۋ كەرەك.

  ”2014-جىلدان بۇرىن، مەن جەردى كوتەرەگە الىپ جۇمىس ىستەيتىن شارۋا ەدىم، كىرىسىم دە جامان ەمەس، كەيىن ناۋقاستانىپ قالدىم، اياعىمنىڭ بۇلشىق ەتى سولدى، دەنە ەڭبەگىمەن شۇعىلدانا المايتىن بولدىم، ەكى قىزىم داشۋە وقيدى، وسىلايشا كەدەي وتباسى بولىپ قالدىم“. 2016-جىلى ءبىرسىپىرا كەدەيلەردى سۇيەمەلدەۋ ساياساتىنىڭ كومەگىندە، مۇقامەت وتباسى كەدەيلىكتەن ارىلدى.

شارۋالار شاتتىعى ساياجاتىن قۇرىپ، ساياحاتشى قابىلدادى

  جۋىق جىلداردان بەرى، اق قايىڭ ورمانىنا بارىپ سەيىلدەيتىن سۋرەتكە تۇسەتىن، شىعارماشىلىقپەن شۇعىلداناتىن ساياحاتشىلار بارعان سايىن كوبەيۋدە، 2018-جىلى، اۋىلدىق، قىستاق ەكى دارەجەلى كارلارمەن قىزمەت اترەتىنىڭ اتتانىسقا كەلتىرۋىندە، مۇقامەت جىگەرىن شىڭاپ، بانكەدەن 150 مىڭ يۋان قارىز الىپ، قىستاقتاعى تۇڭعىش شارۋالار شاتتىعى ساياجايىن اشتى.

  ”ءۇيىم اققايىڭ ورمانىنىڭ ىشىندە، قورشاعان ورتاسى كوركەم، ساياحاتتايتىندار دا كوبەيىپ كەلەدى، ولار مەنى شابىتتاندىرىپ، وسى جەردەن شارۋالار شاتتىعى ساياجايىن اشقاندا سۇرانىسقا يە بولاتىندىعىن ايتتى“. مۇقامەت پەن ايەلى ساۋلە اي بىرنەشە كۇن اقىلداسا كەلىپ ىسكە كىرىستى.

  مۇقامەت بۇرىنعى 50 شارشى مەترلىك تۇرعىن ءۇيىن وزگەرتىپ سالىپ، 140 شارشى مەترلىك شارۋالار شاتتىعى ساياجايىن قۇردى، ءۇش كيىز ءۇي تىگىپ، ءبىر جولدا جۇزگە جۋىق قوناق قابىلداي الدى.

  بولمە ىشىندەگى سىرماق، تۇس كيىز، جاستىق، توسەنىشتىڭ بارلىعىن مۇقامەتتىڭ ايەلى ساۋلە اي تىككەن، التاي ايماعى اتقارعان ”ءۇش قالامشا“ ينجەنەرياسى جانە كورىكتى اۋلا قۇرىلىسىنان پايدالانىپ، اۋلاسىن ءتۇرلى جەمىس-اعاشتارى جانە كوكونىستەرمەن تولتىردى، ءتۇرلى ءۇي قۇستارىن باقتى.

قاجىرلىقپەن اۋقاتتانىپ، باسقا قىستاق تۇرعىندارىنا جەتەكشىلىك ەتتى

  ءبىر جىلدا مۇقامەت وتباسى 40 مىڭ يۋاننان استام كىرىس كىرگىزدى. 2019-جىلى، شارۋالار شاتتىعى ساياجاتىنىڭ كىرىسى ءبىر ەسەلەنىپ، 80 مىڭ يۋانعا جەتتى. ”ساۋدامنىڭ وسىنداي كۇسەت بولارىن ويلاماپپىن، كولەمىن كەڭەيتۋدى جوسپارلاپ وتىرمىن“،-دەدى مۇقامەت. بيىل ىندەت سەبەبىنەن، شارۋالار شاتتىعى ساياجايىنا ەكى اي كىرىس كىرمەدى، 4-ايدىڭ وزىندە 7000 يۋان تابارىن ويلاماعان ەدى.

  ”ەندى ساياحاتتىڭ قاۋىرت مەزگىلى بولادى، ساياحاتشىلاردى قابىلداۋدان سىرت، ماڭىنداعى قىستاق تۇرعىندارى دا كەلەدى، اپتا سوڭىندا ءۇي وتە دۋماندى بولادى“،-دەدى مۇقامەت، بيىلعى كىرىسى تۋرالى ول 110 مىڭ اينالاسىندا بولاتىنىنا سەنىمى كامىل.

  بۇرىن كەدەي وتباسى بولاتىن، قازىر جىلدىق كىرىسى جوعارىلاپ كەلەدى. قىستاق تۇرعىندارى بۇنى كورىپ، ارت-ارتىنان ”ساباق قابىلداۋعا“ كەلدى. قازىر، مۇقامەتتىڭ جەتەكشىلىگىندە، قىستاقتا تاعى 5، 6 شارۋالار شاتتىعى ساياجايى تيجارات باستادى.

  ”كوپشىلىكتىڭ شارۋالار شاتتىعى ساياجايىن اشقانىنا مەن قۋانىشتامىن، شارۋالار شاتتىعى ساياجايى ۇلاسىپ، اناعۇرلىم كوپ ساياحاتشىلاردى باۋرايدى“،-دەدى مۇقامەت. ونىڭ دا توقتاپ قالۋىنا بولمايدى، قازىر ول حالىقتىڭ تۇسەلحانا شارۋاشىلىعىن كەڭەيتۋدە، قوناق بولمەسىن اشەكەيلەپ، كولەمىن كەڭەيتىپ، ونان سوڭ جەرگىلىكتى وزگەشە ونىمدەردى ساتىپ، كوپشىلىكپەن بىرگە اۋقاتتانۋدا.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.