شينحۋا اگەنتتىگىنىڭ 5 - ايدىڭ 13 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 13 - كۇنى كەشتە كورەيانىڭ زۇڭتۇڭى ۋىن زاييىنمەن تەلەفوندا سويلەستى.
شي جينپيڭ بىلاي دەپ باسا دارىپتەدى: قاجىرلىلىقپەن قۇلشىنۋ ارقىلى جۇڭگو - كورەيا ەكى ەلدە جاڭا تيپتى ايدارشا ۆيرۋس وكپە قابىنۋ ىندەتى ءونىمدى تىزگىندەلدى. ىندەتكە بىرگە قارسى اتتانۋ بارىسىندا، جۇڭگو - كورەيا باستان - اياق ءبىر - بىرىنە قارايلاسىپ، قيىن - قىستاۋ جاعدايدى بىرگە وتكەرىپ، ءبىر - ءبىرىن قولداپ، ءوزارا كومەكتەستى. جۇڭگو - كورەيا بىرلەسىپ ساقتانۋ، بىرلەسىپ تىزگىندەۋ سەلبەستىك مەحانيزمىن ەڭ الدىمەن ورناتىپ، ىندەتتىڭ ءبىر - بىرىنە مۇلدە تاراماۋ رەكوردىن جاراتتى. ەكى جاق تاعى ىندەتتەن ساقتانۋ - تىزگىندەۋدى ويداعىداي ىستەۋ العى شارتىندا، ماڭىزدى شۇعىل قاجەتتى ادامدار بارىس - كەلىسىنىڭ ”تەز، قولايلى وتكەلىن“ ەڭ الدىمەن اشىپ، وڭىرلىك كاسىپ سالاسى تىزبەگىنىڭ، قامداۋ تىزبەگىنىڭ، زات اينالىم تىزبەگىنىڭ ىركىلىسسىز اينالىمىن قامتاماسىز ەتتى. جۇڭگو مەن كورەيانىڭ ىندەتكە قارسى اتتانۋ سەلبەستىگى اسا ءونىمدى بولىپ، ەكى ەلدىڭ ءوز الدىنا ىندەتكە قارسى اتتانۋ كەلەلى جاعدايىنا قىزمەت وتەۋمەن بىرگە، ”جاقسى كورشى التىنعا بەرگىسىز“ دەگەن قيسىندى دا ءتۇسىندىردى، سونىمەن قاتار الەمنىڭ ىندەتكە قارسى اتتانۋى ءۇشىن پايدالى تاجىريبە توپتاپ، سەلبەستىك ۇلگىسىن ورناتتى. جۇڭگو جاق كورەيا جاقپەن بىرگە بىرلەسىپ ساقتانۋ، بىرلەسىپ تىزگىندەۋ، ءدارى جانە ۆاكسينا زەرتتەۋ - اشۋ سەلبەستىگىن ۇزدىكسىز كۇشەيتۋدى، دۇنيە جۇزىلىك دەنساۋلىق ساقتاۋ ۇيىمىنىڭ ءتيىستى رولىن ساۋلەلەندىرۋىن قولداۋدى، بىرلەسكەن مەملەكەتتەر ۇيىمى، 20 ەل توبى، شىعىس وڭتۇستىك ازيا ەلدەرى وداعى جانە جۇڭگو - جاپونيا - كورەيا قاتارلى كوپ جاقتى جۇلگەلەردە بايلانىستى جانە سايكەستىكتى كۇشەيتۋدى، ەكى جاقتى جانە حالىقارالىق ىندەتكە قارسى اتتانۋ سەلبەستىگىن ۇزدىكسىز ىلگەرىلەتۋدى قالايدى.
شي جينپيڭ بىلاي دەپ اتاپ كورسەتتى: جۇڭگو - كورەيا مىزعىماس تاتۋ جاقىن كورشى. ەكى ەلدىڭ بىرگە دامۋدى، گۇلدەنۋدى جۇزەگە اسىرۋ، وڭىرلىك بەيبىتشىلىكتى، ورنىقتىلىقتى قورعاۋ، كوپ جاقتىلىقتى جانە ەركىن ساۋدانى قورعاۋ جاقتارىنداعى ورتاق مۇددەسى بارعان سايىن كوبەيدى، ءتۇرلى سالاداعى ناقتى سەلبەستىكتى كەڭەيتۋ، ەكى ەل حالقىنا اناعۇرلىم ويداعىداي باقىت جاراتۋ جاقتارىنداعى كەڭىستىگى بارعان سايىن كەڭەيدى. مەن جۇڭگو - كورەيا قارىم - قاتىناسىن دامىتۋعا ايرىقشا ءمان بەرەمىن، سىزبەن ستراتەگيالىق بايلانىستى كۇشەيتىپ، جۇڭگو - كورەيا قارىم - قاتىناسىنىڭ اناعۇرلىم جوعارى ورەگە كوتەرىلۋىنە جەتەكشىلىك ەتۋدى قالايمىن.
ۋىن زاييىن مىنالاردى ءبىلدىردى: ءتوراعا شي جينپيڭنىڭ پارمەندى باسشىلىعىندا، جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا كورنەكتى ونىمدىلىككە قول جەتكىزدى، مەن بۇعان جوعارى باعا بەرەمىن، الدا اشىلاتىن جۇڭگونىڭ مەملەكەتتىك ەكى ءماجىلىسىنىڭ تابىستى بولۋىن تىلەيمىن! كورەيا - جۇڭگو ەكى ەلدىڭ ىندەتكە قارسى اتتانۋ ويى مەن شاراسى ۇقساپ كەتەدى، ىندەتكە قارسى اتتانۋ سەلبەستىگى توتەنشە تابىستى بولدى، اسىرەسە، ”تەز، قولايلى وتكەلدى“ ەڭ الدىمەن اشىپ، ەكى ەلدىڭ ىنتىماقتاسا سەلبەستىك جاساسۋىنىڭ كۇشتى سيگنالىن جەتكىزدى، دۇنيە ءجۇزى ءۇشىن دە ۇلگى ورناتتى. كورەيا جاق جۇڭگو جاقپەن ۇزدىكسىز بايلانىس جاساپ، سەلبەسىپ، حالىقارالىق قوعامنىڭ ىنتىماقتاسۋدى، ءوزارا سەنىمدىلىكتى كۇشەيتۋىن، ىندەتتى جەڭۋدى ىلگەرىلەتۋدە ۇزدىكسىز بەلسەندى رول اتقارۋدى قالايدى. كورەيا جاق جۇڭگو جاقپەن قويۋ بايلانىستى ساقتاپ، كورەيا - جۇڭگو قارىم - قاتىناسىنىڭ ۇزدىكسىز دامۋىن ىلگەرىلەتۋدى ءۇمىت ەتەدى.
شينحۋا اگەنتتىگىنىڭ 5 - ايدىڭ 13 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 5 - ايدىڭ 13 - كۇنى كەشتە شريلانكانىڭ زۇڭتۇڭى گوتابايامەن تەلەفوندا سويلەستى.
شي جينپيڭ بىلاي دەپ اتاپ كورسەتتى: جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانعان شەشۋشى ساتتە، شريلانكا قوعامىنداعى ءار سالا جۇڭگو جاققا بەلسەنە قولداۋ كورسەتتى، كوپتەگەن مەيىرىمدىلىك شارالارى ادامدى اسەرلەندىردى. ءسىزدىڭ پارمەندى باسشىلىعىڭىزدا، شىريلانكا ىندەتتىڭ تارالۋىن، ءورشۋىن ءونىمدى تىزگىندەدى. جۇڭگو جاق شريلانكا جاقتىڭ قاجەتىنە قاراي، ۇزدىكسىز تاباندىلىقپەن قولداۋ كورسەتۋدى جانە قولىنان كەلگەنشە كومەكتەسۋدى قالايدى. شريلانكا حالقىنىڭ، ءسوز جوق، ىندەتتى ەرتەرەك جەڭەتىندىگىنە سەنەمىن. شريلانكا ۇكىمەتى مەن حالقىنىڭ ىندەت كەزىندە شريلانكاداعى جۇڭگو ازاماتتارىنا قارايلاسقاندىعىنا العىس ايتامىن. جۇڭگو جاق جۇڭگوداعى شريلانكا ازاماتتارىنىڭ ءومىرىنىڭ حاۋىپسىزدىگى مەن دەنساۋلىعىن ۇزدىكسىز قامتاماسىز ەتەدى. جۇڭگو جاق شريلانكا قاتارلى حالىقارالىق قوعاممەن بىرگە دۇنيە جۇزىلىك دەنساۋلىق ساقتاۋ ۇيىمىنىڭ باسشىلىق رولىن ساۋلەلەندىرۋىن ۇزدىكسىز قولداۋدى، حالىقارالىق بىرلەسىپ ساقتانۋ، بىرلەسىپ تىزگىندەۋ سەلبەستىگىن ىلگەرىلەتۋدى، ءار ەل حالقىنىڭ ءومىرىنىڭ حاۋىپسىزدىگى مەن دەنساۋلىعىنا قاتىستى وسى رەتكى قورعانىس شايقاسىندا قول ۇستاسا جەڭىسكە جەتۋدى قالايدى.
شي جينپيڭ بىلاي دەپ باسا دارىپتەدى: جۇڭگو - شريلانكا شىن نيەتپەن ءوزارا كومەكتەسەتىن، ۇرپاقتار بويى دوس ستراتەگيالىق سەلبەستىك سەرىك. ەكى ەلدىڭ دوستىعى مەن ءوزارا سەنىمدىلىگى تاريحتىڭ سىنىنان وتكەن، وسى رەتكى ىندەتكە بىرگە قارسى اتتانۋ بارىسىندا تاعى دا جوعارى دەڭگەيگە كوتەرىلدى. ەكى جاق ىندەتتەن ساقتانۋ - تىزگىندەۋگە شىنايى كەپىلدىك ەتۋ العى شارتىندا، ءتۇرلى سالاداعى ناقتى سەلبەستىكتى بىرتىندەپ قالپىنا كەلتىرىپ، ءىرى سەلبەستىك نىساندارىن تارتىپپەن ىلگەرىلەتىپ، ”ءبىر بەلدەۋ، ءبىر جولدى“ جوعارى ساپامەن بىرگە قۇرۋدى ىلگەرىلەتۋ كەرەك. بۇل شريلانكا ەكونوميكاسىنىڭ قايتا جاندانۋىنا كۇش ۇستەيدى.
گوتابايا مىنالاردى ءبىلدىردى: ءسىزدىڭ پارمەندى باسشىلىعىڭىزدا، جۇڭگو جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋدا كورنەكتى ونىمدىلىككە قول جەتكىزدى، جۇڭگو حالقى ەلدەن ەرەك اقىل - پاراسات پەن كۇش - قۋاتتى ايگىلەدى. شريلانكا - جۇڭگو دوستىعى ارىدان جالعاسقان، ءتۇرلى سالاداعى سەلبەستىكتەر ءساتتى ورىستەتىلۋدە. ۇزاق ۋاقىتتان بەرى، جۇڭگو جاق شريلانكا ەكونوميكاسىنىڭ، قوعامىنىڭ دامۋىنا قىرۋار قىمباتتى قولداۋ جانە كومەك كورسەتتى، شريلانكا حالقى بۇعان ايرىقشا العىس ايتادى. مەن ءسىز العا قويعان ادامزاتتىڭ تاعدىرلاس ورتاق تۇلعاسى ۇستانىمىن القايمىن، دۇنيە جۇزىلىك دەنساۋلىق ساقتاۋ ۇيىمىنىڭ حالىقارالىق ىندەتكە قارسى اتتانۋ سەلبەستىگىندە باسشىلىق رول اتقارۋىن قولداۋدى قۇپتايمىن. شريلانكا جاق جۇڭگو جاقپەن ەكونوميكا - ساۋدا، ساياحات، نەگىزدىك قۇرىلعىلار سياقتى سالالارداعى اۋىس - كۇيىستى، سەلبەستىكتى كۇشەيتىپ، كولومبو پورت قالاسى سياقتى ”ءبىر بەلدەۋ، ءبىر جولداعى“ كەلەلى سەلبەستىك نىساندارىن ءساتتى ىلگەرىلەتۋدى قالايدى، اناعۇرلىم كوپ جۇڭگو جاق كاسىپورىندارىنىڭ شريلانكاعا كەلىپ قارجى قوسۋىن، سەلبەستىك جاساسۋىن قارسى الادى. شريلانكا جاق جۇڭگو جاقپەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدى قالايدى.
