ىندەتتەن ساقتانۋ - تىزگىندەۋدى ۇدايىلاندىرۋ بارىسىندا ونەگە كورسەتىپ ادام تاربيەلەۋ ءتۇبىرلى مىندەتىن ويداعىداي تياناقتاندىرايىق
شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 5 - ايدىڭ 13 - كۇنى ۇرىمجىدەن حابارلايدى. 5 - ايدىڭ 13 - كۇنى تۇستەن بۇرىن اۆتونوميالى رايوندىق پارتكومنىڭ وقۋ - اعارتۋ قىزمەتى باسشىلىق گرۋپپاسى جالپى ءماجىلىس اشتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوندىق پارتكوم وقۋ - اعارتۋ قىزمەتى باسشىلىق گرۋپپاسىنىڭ باستىعى لي پىڭشين ءماجىلىستى باسقاردى ءارى ءسوز سويلەدى.
ءماجىلىس مىنانى اتاپ كورسەتتى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، “ەكىنى قورعاۋدى“ ورىنداپ، باس شۋجي شي جينپيڭنىڭ وقۋ - اعارتۋ جونىندەگى ماڭىزدى بايىمداۋىن ۇزدىكسىز ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن، اسىرەسە، قوعام ورنىقتىلىعى مەن باياندى تىنىشتىق باس نىساناسىن باتىل دايەكتىلەندىرىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزۋدىڭ، جاپپاي دوڭگەلەك داۋلەتتى قوعام ورناتۋدىڭ نىسانا - مىندەتتەرىنەن كوز جازباي، پارتيانىڭ وقۋ - اعارتۋ قىزمەتىنە جاپپاي باسشىلىعىن بۇلجىماي كۇشەيتىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرىپ، توراڭعى رۋحىمەن ادام تاربيەلەۋ، شينجياڭدى كوركەيتىپ، شەكارانى بەكەمدەۋگە قىزمەت وتەۋگە تاباندى بولىپ، ىندەتتەن ساقتانۋ - تىزگىندەۋدىڭ ۇدايىلانعان بارىسىندا وقۋ - وقىتۋ قىزمەتىن تىڭعىلىقتى، ءتارتىپتى ىلگەرىلەتىپ، احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن سوتسياليزمىنىڭ قۇرىلىسشىلارى مەن ءىزباسارلارىن باۋلىپ، حالىق رازى بولاتىن وقۋ - اعارتۋدى ويداعىداي جۇرگىزۋ كەرەك.
ءماجىلىس مىنالاردى باسا دارىپتەدى: وقۋ - اعارتۋ جۇيەسىندە پارتيانىڭ باسشىلىعى مەن پارتيا قۇرىلىسىن ىشكەرىلەي كۇشەيتىپ، پارتيا ۇيىمىنىڭ باسشىلىعىنداعى مەكتەپ باستىعى جاۋاپتى بولۋ ءتۇزىمىن باتىل تياناقتاندىرىپ، مەكتەپتەردەگى نەگىزگى ساتى پارتيا ۇيىمىنىڭ ساياسي رولىن ۇزدىكسىز كۇشەيتىپ، مەكتەپتەردىڭ باستان - اياق پارتيانىڭ جالپى بەتتىك باسشىلىعىنا تاباندى بولاتىن مىزعىماس شەپكە اينالۋىنا شىنايى كەپىلدىك ەتۋ كەرەك. مەكتەپتەردىڭ يدەيالىق ساياسي قىزمەتىن كۇشەيتىپ جانە جاقسارتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىنىڭ وقۋلىققا، ساباقحاناعا كىرۋىن، وقىتۋشى - وقۋشىلاردىڭ وي - ساناسىنا ۇيالاۋىن ۇزدىكسىز ىشكەرىلەي ىلگەرىلەتىپ، وتانشىلدىق تاربيەنى، ۇلتتار ىنتىماعى تاربيەسىن ۇزدىكسىز ىشكەرىلەي ورىستەتىپ، سوتسياليستىك وزەكتى قۇن كوزقاراسىن امالياتتا ايگىلەۋدى بەلسەنە جەتىلدىرىپ، وقىتۋشىلاردىڭ ءبىلىم بەرۋ، ادام تاربيەلەۋ بورىشىن ءتىپتى دە ويداعىداي امالياتتا ايگىلەۋىن ىلگەرىلەتىپ، وقۋشىلاردىڭ دەنە جانە رۋحاني اقاۋسىزدىعىن، جالپى بەتتىك جەتىلۋىن ىلگەرىلەتۋ كەرەك.
ءماجىلىس مىنالاردى باسا دارىپتەدى: اۆتونوميالى رايوندىق پارتكومنىڭ ورنالاستىرۋلارىن، تالاپتارىن دايەكتىلەندىرىپ، تياناقتاندىرىپ، ىندەتتەن ساقتانۋ - تىزگىندەۋدى ۇدايىلاندىرۋ جانە وقۋ - وقىتۋ قىزمەتىن ءبىر تۇتاس جوسپارلاپ ويداعىداي ىستەۋ كەرەك. ”سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ“ تالابى بويىنشا، وقىتۋشى - وقۋشىلاردىڭ ءومىرىنىڭ حاۋىپسىزدىگى مەن دەنساۋلىعىنا وسكەلەڭ جاۋاپتى بولۋ پوزيتسياسىندا بولا وتىرىپ ىندەتتەن ساقتانۋ - تىزگىندەۋ تۇلعالىق جاۋاپكەرشىلىگىن ويداعىداي وتەپ، ىندەتتەن ساقتانۋ - تىزگىندەۋ شارالارىن باتىل تۇردە ەگجەي - تەگجەيلى، شىنايى، ناقتى تياناقتاندىرىپ، مەكتەپتەردىڭ ىندەتتەن ساقتانۋ - تىزگىندەۋىندە تيتتەي دە اعاتتىق جىبەرمەۋگە شىنايى كەپىلدىك ەتۋ كەرەك. وقۋ - اعارتۋ، وقىتۋ قىزمەتتەرىن عىلمي ءبىر تۇتاس جوسپارلاپ، ۇيلەسىمدى، ءتارتىپتى، ويداعىداي ىستەپ، وقىتۋ جوسپارىن رەتتەپ، ساپالىلاندىرىپ، وقىتۋ ساپاسىنا كەپىلدىك ەتىپ، جوعارى مەكتەپ تاۋىسقان وقۋشىلاردىڭ جۇمىستانۋ قىزمەتىن ءتۇيىندى تۇردە ويداعىداي ىستەپ، جوعارى مەكتەپ ەمتيحانى، ورتالاۋدى ءبىتىرۋ ەمتيحانى جانە جازعى كانيكۋلدىڭ قاتىستى قىزمەتتەرىن الدىن الا جوسپارلاۋدى، ورنالاستىرۋدى ويداعىداي ىستەۋ كەرەك. ءار ۇلت وقىتۋشى - وقۋشىلارىنا قامقورلىق جاساۋدى، كوڭىل ءبولۋدى كۇشەيتىپ، ىندەتتىڭ ىقپالىنا ۇشىراعان وتباسىلارىنداعى ەكونوميكالىق قيىنشىلىعى بار وقۋشىلارعا كومەكتەسۋ، سۇيەمەلدەۋ قىزمەتىن ويداعىداي ىستەۋ كەرەك.
ءماجىلىس مىنانى اتاپ كورسەتتى: ءار دارەجەلى پارتكومداردىڭ وقۋ - اعارتۋ قىزمەتى باسشىلىق گرۋپپالارى قىزمەت مىندەتىن، بورىشىن ءدال يگەرىپ، اقىلداسىپ، سايكەستىرۋ ەرەجەسى مەن ءتۇزىمىن كەمەلدەندىرىپ، باسشىلىق گرۋپپاسىنىڭ ءىس باسقارۋ قۇرىلىمىنىڭ قىزمەت كۇشتەرىن تولىق سەپتەپ، نىعايتىپ، ءوز ءوڭىرىنىڭ وقۋ - اعارتۋىنداعى كەلەلى قىزمەتتەردى زەرتتەپ ورنالاستىرۋدى، ءبىر تۇتاس جوسپارلاپ سايكەستىرۋدى، جالپى بەتتىك ىلگەرىلەتۋدى جانە قۋزاۋ، تياناقتاندىرۋدى شىنايى كۇشەيتىپ، وقۋ - اعارتۋدىڭ ”مەملەكەتتىڭ ۇلى جوسپارى، پارتيانىڭ ۇلى جوسپارى“ بولۋ سىندى ورنى مەن رولىن ناقتاپ تياناقتاندىرۋعا شىنايى كەپىلدىك ەتىپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا وقۋ - اعارتۋ جۇيەسىنىڭ تيەسەلى ۇلەسىن قوسۋى كەرەك.
ءماجىلىس تاعى باسقا دا ىستەردى اقىلداستى.
اۆتونوميالى رايوننىڭ ورىنباسار ءتوراعاسى رىن حۋا ماجىلىسكە قاتىناستى.
