تيانشان تورى   ›   جاڭالىقتار   ›   ساياحات

«19-مامىر جۇڭگو ساياحات كۇنىن» قارسى الۋ ٴۇشىن شينجياڭ 439 ٴتۇرلى مادەنيەت-ساياحات قيمىلىن ورىستەتەدى

  تيانشان تورىنىڭ حابارى ( ٴتىلشى ليۋ مىڭمىڭ، جاڭ شينجۇن، جاۋ چاڭفۋ حابارلايدى) 5-ايدىڭ 19-كۇنى جۇڭگو ساياحات كۇنى. تاياۋدا شينجياڭ 439 ٴتۇرلى مادەنيەت-ساياحات قيمىلىن ورىستەتىپ، 10- كەزەكتى جۇڭگو ساياحات كۇنىن قۇتتىقتايدى.

 ٴۇرىمجى قالاسى شىرىنگۋ حۇڭۋان گۇل القابى كورىنىس ٴوڭىرى ساياحاتشىلاردى قارسى الدى.

  ٴتىلشىنىڭ 5- ايدىڭ 13 - كۇنى اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، ”جۇڭگو ساياحات كۇنىنىڭ“ كەلۋىن قارسى الۋ ٴۇشىن، شينجياڭ ”باۋراعىش شينجياڭ، سالاماتتى جۇڭگونى“ نەگىزگى تاقىرىپ ەتىپ، 14 ايماقتى (وبلىس، قالادا) 439 ٴتۇرلى مادەنيەت - ساياحاتتى ۇگىتتەۋ، كەڭەيتۋ قيمىلىن ۇيىمداستىرۋعا جەتەكشىلىك ەتىپ، كورىنىس رايونىنا قاتىستى ەسىك بەلەتىنە، تۇتىنۋ بەلەتىن تاراتۋعا، ۇيىرمە ۇيىمداستىرۋ قوسىمشا قاراجاتىنا قاتىستى ٴبىر قىدىرۋ ساياساتتىق شارالاردى العا قويىپ، ساياحات تۇتىنۋىن ىلگەرىلەتۋدى، ساياحات بازارىن جانداندىرۋدى ۇتىمدى جەبەيدى ەكەن.

  ۇعىسۋعا قاراعاندا، شينجياڭنىڭ بيىلعى ”5.19“ جۇڭگو ساياحات كۇنىنىڭ باستالۋ سالتى قاشقار ايماعىندا وتكىزىلەدى، ٴارى مەملەكەتتىك4 A دارەجەلى كورىنىس وڭىرلەرى مەن اۆتونوميالى رايوننىڭ اۋىل - قىستاق ساياحاتىنداعى ٴتۇيىندى قىستاقتارعا ماڭدايشالىق اسۋ، قاشقار ”ءوز كولىگىمەن ساياحاتتاۋ لاگەرىنىڭ اشىلۋى“، ”شينجياڭدى ٴسۇيۋ . مەكەندى ساياحاتتاۋ“ كورىكتى اۋىل - قىستاقتى جەكە كولىگىمەن ساياحاتتاۋ سياقتى قيمىلدار ورىستەتىلەدى ەكەن.

  سونىمەن بىرگە، ٴارقايسى بولىمشە قيمىل الاڭدارى دا ”5.19“ جۇڭگو ساياحات كۇنىنىڭ الدى - ارتىندا تومەندەگىدەي الۋان ٴتۇرلى تارتىمدى مادەنيەت - ساياحات قيمىلدارىن وتكىزەدى: تاشقورعان تاجىك اۆتونوميالى اۋدانىنىڭ بولىمشە الاڭى ”ارمانعا قۇلاش سەرمەۋ باتىسقا ساياحات ەستەلىگى . ورىك گۇلىنىڭ قاينارىنا كەزىگۋ“ اتتى تۇڭعىش كەزەكتى مادەنيەت ـ كوركەمونەر مەرەكەسى، ۇستىرتتەگى سالت - سانا فوتو سۋرەت كورمەسى، سالاماتتى ساياحات — مۇز تاۋعا جاياۋ ٴجۇرۋ دالالىق سايىس جارىسى سياقتى قيمىلداردى وتكىزەدى. قاعىلىق اۋدانىنىڭ بولىمشە الاڭى جۇڭگو شينجياڭ - شيزاڭ تاس جول لەنياسىنداعى اۆتوكولىك ـ موتوتسيكل ساپارىنىڭ جوعارى شەك الەۋمەتتىك يگىلىك باسەكە جارىسى ماشينا جونەلتۋ سالتىن، شينجياڭ ـ شيزاڭ تاس جولى لەنياسىنداعى مەملەكەتتىك كورىنىس جولى ساياحاتىن دامىتۋ جوباسىن اقىلداسۋ جيىنى سياقتى 10 نەشە ٴتۇرلى قيمىلدى وتكىزەدى. شينجياڭنىڭ جەر-جەرى جەلىدە، جەلىدەن تىس ٴوزارا ۇشتاستىرۋ ٴتاسىلىن قولدانىپ، ٴتۇرلى باي مازمۇندى مادەنيەت - ساياحات قيمىلدارىن تارتىپپەن ۇيىمداستىرىپ، الۋان ٴتۇرلى ەرەكشەلىككە يە دامۋ بەتالىسى جارىققا شىعادى.

  ٴبىرىنشى وزگەشەلىك: زەردەلى ساياحات كەڭ كولەمدە ىسكە قوسىلدى.

  بيىل جىل باسىنان بەرى، زەردەلى ساياحات كەڭ كولەمدە ىسكە قوسىلىپ، بۇلتتىق ساياحات، بۇلتتىق كورمە، جەلىدەن تىس كارتچكا پايدالانۋ قاتارلىلار شينجياڭنىڭ ساياحات كاسىبىنىڭ قىزعىندى سوزدەرىنە اينالدى .

  بيىلعى جۇڭگو ساياحات كۇنىندە، شينجياڭدا جەلىلەس قيمىلدار وتكىزىلەدى. جول ورنالاستىرۋى ىلە قازاق اۆتونوميالى وبلىسى، سانجى حۇيزۋ اۆتونوميالى وبلىسى، ٴۇرىمجى قالاسى، قاشقار ايماعى، التاي ايماعى سياقتى 6 ايماق، وبلىس، قالاعا سايادى. 5 - ايدىڭ 15 - كۇنىنەن 24 - كۇنىنە دەيىنگى قيمىل كەزىندە، جيىنى 15 مايدان تىكە تاراتۋ بولادى.

  بۇدان سىرت، 2020 - جىلعى قورعاس اۋدانى ينتەرنەتتىك لاۆاندا مەرەكەسى جەلىلەس قيمىلدارى، ساۋاننىڭ ”ٴدامدى تاعام . كوركەم كورىنىس“ اتتى كولەمدى جەلىدە تىكە تاراتۋى سياقتى قيمىلدارىنا ساياحاتتاۋ، فوتو سۋرەت تارتۋ جاعىندا جەلىدە تانىمالى ادامداردى جول ساپارىن جانە ساياحاتتاۋ كەشىرمەلەرىن ورتاقتاسۋعا ۇسىنىس ەتىپ، تىكە تاراتۋ تەكشەلەرىنەن پايدالانىپ، شينجياڭ ساياحاتىن ”بۇلتتىق ارناعادا“ اسپانداتادى.

  4 - ايدىڭ 29 - كۇنى ”ٴبىر قول تەلەفونمەن شينجياڭدى ساياحاتتاۋ“ تەكشەسى جەلىگە شىعارىلىپ، ”1- مامىر“ دەمالىس مەزگىلىندە بۇل تەكشەگە قوسىلعاندار مەن پايدالانعاندار نەشە ٴجۇز مىڭ ادام - رەتكە جەتكەن. اۆتونوميالى رايوندىق مادەنيەت جانە ساياحات مەڭگەرمەسى ساياحاتتى ۇگىتتەۋ، جالپىلاستىرۋ ورتالىعىنىڭ مەڭگەرۋشىسى لي مىڭ بىلاي دەپ تانىستىردى: شينجياڭنىڭ زەردەلى ساياحات جۇيەسىندەگى ساياحات ٴىرى ساندى مالىمەت ورتالىعى مەن زەردەلى ساياحاتتى باسقارۋ تەكشەسى 6 ـ ايدىڭ 30 ـ كۇنى جەلىدە جۇمىس باستاپ، ساياحاتشىلارعا جان - جاقتىلى قىزمەت وتەيدى.

  ەكىنشى وزگەشەلىك: اۋىل - قىستاق ساياحاتى، ونەركاسىپ ساياحاتى جاڭا شارۋاشىلىق قالىبىن جەدەل قالىپتاستىردى.

   بيىل جىل باسىنان بەرى، شينجياڭنىڭ اۋىل - قىستاق ساياحاتى مەن ونەركاسىپ ساياحاتى ۇشقان قۇستاي دامىپ، شارۋالار شاتتىعى ساياجايى، حالىقتىق تۇسەلحانا، سەيىلدەپ تەرۋ باقشاسى، ونەركاسىپ ساياحات ورنى، مادەني جاسامپازدىق شارۋاشىلىق قۇرۋ باقشاسى سياقتى فورماسى الۋان ٴتۇرلى بولدى.

  بيىلعى جۇڭگو ساياحات كۇنى، شينجياڭ توڭىرەككە ساياحاتتاۋ، جەكە كولىكپەن ساياحاتتاۋ سياقتى شينجياڭدىقتاردىڭ شينجياڭدى ساياحاتتاۋ ۇلگىسى ارقىلى ەرەكشەلىگى ايقىن، ۋاكىلدىك سيپاتقا يە اۋىل - قىستاق سەيىل ـ سەرۋەن ساياحاتىنىڭ سارا لەنيالارىن العا قويادى.

 5-ايدىڭ 11-كۇنى ”ٴبىزدىڭ ٴداۋىر ساپارىمىز. موڭعۇلكۇرەدە سەيىلدەۋ“ اتىنداعى ساياحاتتىڭ تانىمالى تاراتۋشىلارىنىڭ شينجياڭ ساياحاتىن ىشكەرىلەي ٴتۇسىنۋ قيمىلى موڭعۇلكۇرەدە باستالدى.

  اۆتونوميالى رايوندىق مادەنيەت جانە ساياحات مەڭگەرمەسى بايلىق قاينارىن اشۋ باسقارماسىنىڭ باستىعى جاڭ چۇنميڭ بىلاي دەدى: 2020 ـ جىلى بۇكىل شينجياڭدا 160 قىستاق اۆتونوميالى رايوننىڭ اۋىل - قىستاق ساياحاتىنداعى ٴتۇيىندى قىستاق قۇرۋىنا ٴوتىنىش بەرىپ، 2803 حالىقتىق تۇسەلحانا سالىپ، 24 مىڭ 333 ادام كاسىپتەندىرىپ، جىلىنا 18 ميلليون 220 مىڭ ادام ـ رەت ساياحاتشى قابىلداپ، ساياحات تۇتىنۋىن 700 ميلليون يۋاننان اسىرۋدى مەجەلەۋدە. اۋىل - قىستاق ساياحاتىنداعى ٴتۇيىندى قىستاقتار شينجياڭنىڭ اۋىل ـ قىستاق ساياحاتى كولەمىنىڭ شوعىرلى دامۋىنىڭ، ۇلتتىق سالت ـ سانا مادەنيەتىن ايگىلەۋدىڭ ماڭىزدى دانەكەرىنە اينالدى.

  بۇدان سىرت، شينجياڭنىڭ ونەركاسىپ ساياحاتىنىڭ دامۋى دا كوپتەگەن ساياحاتتىڭ توعىسپالى دامۋىنىڭ جاڭا كاسىپ قالىبىن قالىپتاستىردى .

   سانجى وبلىستىق مادەنيەت - دەنە تاربيە، راديو - تەلەۆيزيا جانە ساياحات مەكەمەسى جالپىلاستىرۋ ورتالىعىنىڭ مەڭگەرۋشىسى جوۋ جيڭ بىلاي دەپ تانىستىردى: وسى مەكەمە ”تيانشاندى اينالا ساياحاتتاۋ“ تاقىرىپتىق قيمىلىن ورىستەتىپ، تىكە تاراتۋ تەكشەسى ارقىلى شىعىس جۇڭعار اشۋ رايونىنىڭ ونەركاسىپ ساياحاتى مەن ٴشول دالا وزگەشە كورىنىستەرىن تانىستىرۋ ارقىلى، 200 مىڭنان استام توراپتاستاردىڭ نازارىن اۋداردى.

   ٴۇرىمجى نان مادەنيەتى كاسىپ باقشاسى، قارامايلى 1-ٴنومىرلى قۇدىعى، كوكتوعاي 3 ـ ٴنومىرلى كەن جۇلگەسى، اراق دۇكەنى، اراق مادەنيەتى مۇراجايى سياقتىلاردى ۋاكىل ەتكەن ونەركاسىپ، مادەنيەت ساياحاتى دا ساياحاتشىلاردىڭ جەلىدە تاراتۋ تۇيىنىنە اينالدى.

  ٴۇشىنشى ەرەكشەلىك: ساياحاتقا كۇن ىلگەرى كەلىسۋ بىرتىندەپ بەتالىسقا اينالدى.

  سانىن شەكتەۋ، كۇن ىلگەرى كەلىسۋ، قاربالاس كەزگە سوقپاۋ… بيىل جىل باسىنان بەرى، شينجياڭداعى كوپتەگەن كورىنىس وڭىرلەرى كۇن ىلگەرى كەلىسۋ ٴتۇزىمىن ىركەس ـ تىركەس اتقاردى، ”كۇن ىلگەرى كەلىسپەسە ساياحاتتاماۋ“ ٴبىر ٴتۇرلى بەتالىس پەن اۋقىمعا اينالدى.

  اقسۋ مەملەكەتتىك سازدىق باقشاسىنىڭ قاقپاسى الدىندا، ارت - ارتىنان كەلگەن ساياحاتشىلار كەزەككە تۇرىپ زاكاز بەرۋ ٴنومىرى مەن سالاماتتىق كۋالىگىن كورسەتىپ، ەرىكتىلەر مەن قىزمەتكەرلەر تارتىپپەن تەكسەردى، قاقپا الدىندا ادامدار كەپتەلۋ جاعدايى كورىلمەدى.

  ” اقسۋداعى ٴارقايسى كورىنىس رايوندارى جاناسپاۋ فورماسىندا قىزمەت وتەپ، جەلىدە جانە تەلەفوندا ٴوز اتىندا بەلەت ساتىپ الۋ (زاكاز بەرۋ) جانە ەلەكتروندىق بەلەت تەكسەرۋ قىزمەت وتەۋ ٴتاسىلىن اتقارىپ، كورىنىس وڭىرلەرىندەگى بەلەت ساتۋ تەرەزەسى ساياحاتشىلاردىڭ ناق مايداندا بەلەت ساتىپ الۋىن ۋاقىتشا قابىلدامادى. جەلىدە بەلەت ساتىپ الۋ، تەلەفون ارقىلى زاكاز بەرۋ ىسكە اسقاننان كەيىن، ساياحاتشى ٴوزىنىڭ ازاماتتىق كۋالىگى نەمەسە قول تەلەفونى ارقىلى تولەۋ ٴساتتى بولعان ەكىلىك ارقىلى كورىنىس ٴوڭىرىنىڭ بەلەت تەكسەرۋ ەسىگىنەن باقشاعا كىرەدى“، - دەپ تانىستىردى اقسۋ ايماقتىق مادەنيەت - دەنە تاربيە، راديو - تەلەۆيزيا جانە ساياحات مەكەمەسىنىڭ قىزمەتكەرلەرى.

  ءتىلشىنىڭ ۇعىسۋىنا قاراعاندا، قاناس، تيانشان بوعدا كولى سياقتى كورىنىس وڭىرلەرى دە كۇن ىلگەرى كەلىسۋ ٴتۇزىمى سياقتى شارالاردى قولدانعان. مۇنىڭ ىشىندە، قاناس كورىنىس ٴوڭىرى بەلەت ساتىپ الۋدى ”جەلىدە ۋاقىت كەزەڭىنە ٴبولىپ كۇن ىلگەرى كەلىسۋدى“ اتقاردى، بۇندا ساياحات ۇيىرمەسى مەن جالعىز جارىم ساياحاتشىلار ءسوزسىز كورىنىس ٴوڭىرىنىڭ رەسمي ءۇنحات الەۋمەتتىك تەكشەسى ”قاناس كورىنىس رايونى“، باتىس وڭىردە ساياحاتتاۋ تەكشەسى، شيەچىڭ سياقتى ٴتۇرلى OTA تەكشەلەرىندە ٴوز اتىندا ۋاقىت كەزەڭىنە ٴبولىپ كۇن ىلگەرى بەلەتكە زاكاز بەرۋدى، سونداي-اق ساياحاتشىلارعا ۋاقىت كەزەڭىنە ٴبولىپ، كورىنىس وڭىرلەرىنە ارالىق سيپاتتى كىرۋ، بولەك - بولەك ساياحاتتاۋدى جولعا قويدى.

  ” سونىمەن بىرگە، ’ٴبىر قول تەلەفونمەن شينجياڭدى ساياحاتتاۋ‘ دا كۇن ىلگەرى كەلىسىپ زاكاز بەرۋ يقۋاتىن ۇزدىكسىز بايىتىپ، ساياحاتشىلاردىڭ ٴجۇرىس - تۇرىسىنا قولايلىلىق جاراتتى. ٴبىرىنشى كەزەڭدە بۇكىل رايونىمىزداعى بارلىقA دارەجەلى ساياحات كورىنىس وڭىرلەرى جەلىدە ۋاقىت كەزەڭىنە ٴبولىپ، ساياحات سيفرلى جولحاتى قىزمەت وتەۋىن كۇن ىلگەرى كەلىسۋدى ىسكە اسىردى، بۇدان كەيىن توراپتا تولەۋ، سيفردى جايمالاپ ساياحات ورنىنا كىرۋ (نەمەسە بەت پارىقتاندىرۋ ارقىلى ساياحات ورنىنا كىرۋ)، جەلىدە كەزەككە تۇرۋ سياقتى يقۋاتتاردى بىرتىندەپ جۇزەگە اسىرادى“، - دەدى لي مىڭ.

  اۋدارعان: قادىر ماقان

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.