شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ جىيۇن 5 - ايدىڭ 13 - كۇنى ۇرىمجىدەن حابارلايدى. ”كەلەسى قادامدا، تاراۋىمىز اۋىل شارۋاشىلىعى ونىمدەرىنىڭ ساپا ولشەمى حاۋىپسىزدىگىن باقىلاۋ - باسقارۋ قىزمەتىن ونان ارى كۇشەيتىپ، اۋىل - قالاشىقتاردىڭ باقىلاۋ - باسقارۋدان قىزمەت وتەۋ قۇرىلىمدارىنىڭ قۇرىلىسى ولشەمىن شىعارىپ، تۇتاس ەلدەگى اۋىل شارۋاشىلىعى ونىمدەرىنىڭ ساپا حاۋىپسىزدىگى جۇيەسى قوسىنىنداعى قىزمەتكەرلەردى قابىلەت جاعىنان باۋلۋدى ورىستەتىپ، نەگىزگى ساتىنىڭ باقىلاۋ - باسقارۋ قابىلەتىن جوعارىلاتىپ، نەگىزگى ساتىنىڭ باقىلاۋ - باسقارۋ قابىلەتىن السىزدەن قۋاتتىعا قاراي بۇرىلىس جاساۋىن ىسكە اسىرادى“. جاۋ جينلۇڭ قاتارلى مەملەكەتتىك حالىق قۇرىلتايىنىڭ رايونىمىزداعى 9 ۋاكىلى 13 - كەزەكتى مەملەكەتتىك حالىق قۇرىلتايىنىڭ 2 - ماجىلىسىندە اۋىل شارۋاشىلىعى ونىمدەرىنىڭ ساپاسىن جوعارىلاتۋ جونىندەگى ۇسىنىستارىن ورتاعا قويعاننان كەيىن، اۋىل شارۋاشىلىعى، اۋىل - قىستاق مينيسترلىگى قايتارعان جاۋابىندا كوپ ءتۇرلى شەشىم شارالارىن ورتاعا قويدى.
جاۋ جينلۇڭ بىلاي دەدى: تاياۋ جىلداردان بەرى، ەكونوميكانىڭ جەدەل دامۋىنا ىلەسە، ادامداردىڭ سالاماتتىق حاۋىپسىزدىگى تانىمى ۇزدىكسىز ارتتى، ەلىمىزدىڭ اۋىل شارۋاشىلىعى ونىمدەرىنىڭ ساپا حاۋىپسىزدىگىن جوعارىلاتۋ اسا قاجەتتى بولىپ وتىر.
”مەملەكەتتىڭ اۋىل شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - باسقارۋ جۇيەسىن ۇزدىكسىز اقاۋسىزداندىرىپ، كەمەلدەندىرىپ، باياندى باقىلاۋ - باسقارۋ مەحانيزمىن ورناتىپ، اۋىل شارۋاشىلىعى ونىمدەرىنىڭ ساپا حاۋىپسىزدىگىن تەكسەرۋ - ولشەۋ دەڭگەيىن جوعارىلاتۋدى ۇسىنىس ەتەمىن“. جاۋ جينلۇڭ بىلاي دەدى: ەڭ الدىمەن، اۋىل شارۋاشىلىعى ونىمدەرىنىڭ ساپا حاۋىپسىزدىگىن ۇگىتتەۋ جانە باۋلۋ قىزمەتىن كۇشەيتۋ، اۋىل شارۋاشىلىعى وندىرىسشىلەرى مەن اۋىل شارۋاشىلىق ماتەريالدارىن تيجارات ەتۋشىلەردىڭ ءوندىرىس حاۋىپسىزدىگى تانىمىن جانە ساپاسىن جوعارىلاتۋ، تۇتىنۋشىلاردىڭ اۋىل شارۋاشىلىعى ونىمدەرىنىڭ ساپا حاۋىپسىزدىگىن پارىقتاۋ قابىلەتىن جوعارىلاتۋ كەرەك. ونان كەيىن، اۋىل شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - باسقارۋ جۇيەسىن ۇزدىكسىز اقاۋسىزداندىرىپ، كەمەلدەندىرىپ، اۋىل شارۋاشىلىعى ونىمدەرىنىڭ ساپا حاۋىپسىزدىگىن تەكسەرۋ - ولشەۋ دەڭگەيىن جوعارىلاتىپ، دارىندىلاردى باۋلۋ تەبىنىن ارتتىرىپ، شارۋالاردىڭ كاسىپ سالاسىنىڭ جاڭا ارتۋ ءتۇيىنىن يگەرۋىنە جانە بايقاۋىنا كومەكتەسىپ، اۋىل - قىستاقتاردىڭ كاسىپ سالاسى قۇرىلىمىن رەتكە سالۋدى كۇشەيتۋگە تەحنيكالىق تىرەك ازىرلەۋ كەرەك.
اۋىل شارۋاشىلىعى، اۋىل - قىستاق مينيسترلىگى مىنانى ءبىلدىردى: قازىر تۇتاس ەلدەگى بارلىق ولكەدە، اۆتونوميالى رايوندا، قالادا، ％97 اۋىل - قالاشىقتا اۋىل شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - باسقارۋ قۇرىلىمى قۇرىلدى، اۋىل شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - باسقارۋ قابىلەتى كورنەكتى جوعارىلادى. ەلىمىزدىڭ اۋىل شارۋاشىلىعى ونىمدەرىنىڭ ساپا حاۋىپسىزدىگىن تەكسەرۋ - ولشەۋ جۇيەسى باستاپقى قادامدا قالىپتاستى، قۇرىلعىلارمەن جابدىقتالۋ شارت - جاعدايى كورنەكتى جاقساردى، تەكسەرۋ - ولشەۋ قابىلەتى جەدەل جوعارىلادى، اۋىل شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - باسقارۋعا پارمەندى تىرەك ازىرلەدى.
كەلەسى قادامدا، اۋىل شارۋاشىلىعى، اۋىل - قىستاق مينيسترلىگى اۋىل شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - باسقارۋ قابىلەتى قۇرىلىسىن جوبالاۋدى ونان ارى كەمەلدەندىرىپ، قۇرىلىم قوسىنى قۇرىلىسىن كۇشەيتىپ، باۋلۋ ارقىلى قابىلەتىن ءوسىرۋدى ورىستەتەدى. ەكولوگيالىق اينالمالى اۋىل شارۋاشىلىعىنىڭ دامۋىن ۇزدىكسىز ىلگەرىلەتىپ، جاسىل ءوندىرىس ءتاسىلىن جولعا قويىپ، اۋىل شارۋاشىلىعىنىڭ باياندى دامۋىن كۇشەيتەدى. سونىمەن بىرگە جەتەكشى كاسىپورىنداردىڭ تيجاراتىنا، دامۋىنا باعىتتالعان قولداۋ تەبىنىن ارتتىرىپ، قاتىستى تاراۋلاردىڭ قاتىستى قولداۋ ساياساتتارىن ويداعىداي تياناقتاندىرۋىنا سايكەسىپ، جەتەكشى كاسىپورىنداردىڭ دامىپ ۇلعايۋىن ىلگەرىلەتۋدى جەدەلدەتەدى.
