شينجياڭ گازەتىنىڭ جالپىلىق اقپارات قۇرالدارى ءتىلشىسى ما ينيڭ
جەمەنەي، شىڭگىل اۋدانىنا بارىپ، سيىر باعىمشىلىعى سەلبەستىك كووپەراتيۆى، سيىر، قوي ەتىن جىنتىكتەي مانەرلەۋ سياقتى نىساندارعا تەكسەرۋ - زەرتتەۋ جۇرگىزدى، التاي ايماعىندا اۆتوكولىككە پايدالانىلاتىن تابيعي گاز بازارىنىڭ ورنالاسۋ جاعدايىنا تەكسەرۋ - زەرتتەۋ جۇرگىزدى... جاقىنعى ءبىر اپتادا مەملەكەتتىك ساياسي كەڭەستىڭ مۇشەسى، جۇڭگو مۇناي شينجياڭ ساتۋ شەكتى سەرىكتەستىگى پارتكومىنىڭ شۋجيى، باسالقاسى يۋە جۇڭلين دامىل تاپپاي بيىلعى مەملەكەتتىك ساياسي كەڭەس ءماجىلىسىنىڭ ۇسىنىس جوبالارى مەن ۇسىنىستارى جونىندە تەكسەرۋ - زەرتتەۋ جۇرگىزدى.
مەملەكەتتىك ساياسي كەڭەستىڭ مۇشەسى بولىپ سايلانعاننان بەرى، يۋە جۇڭليننىڭ ۇسىنىس جوبالارىنىڭ كوبى كەدەيلىكتەن ارىلتۋدان قامال الۋمەن جانە كەدەيلەردى دالمە - ءدال سۇيەمەلدەۋمەن قاتىستى بولدى، ول تۇرعان كاسىپورىن دا جۇمىستاندىرۋ ارقىلى كەدەيلەردى سۇيەمەلدەۋ مەن تۇتىنۋ ارقىلى كەدەيلەردى سۇيەمەلدەۋدىڭ ءونىمدى جولى جونىندە بارىنشا ىزدەنىس جاسادى.
بىلتىردان بەرى يۋە جۇڭلين جۇڭگو مۇناي شينجياڭ ساتۋ شەكتى سەرىكتەستىگىنە جەتەكشىلىك ەتىپ، توپ سەرىكتەستىكتىڭ ورنالاستىرۋى بويىنشا جۇڭگو مۇنايىنىڭ شينجياڭدا باعىتتامالى سۇيەمەلدەيتىن 6 كەدەي اۋداننىڭ كەدەيلەردى سۇيەمەلدەۋ قىزمەتىن ءبىر تۇتاس باسقاردى، بۇل 6 اۋدان مىنالار: جەمەنەي اۋدانى، شىڭگىل اۋدانى، تولى اۋدانى، شاپشال سىبە اۆتونوميالى اۋدانى، نىلقى اۋدانى، باركول قازاق اۆتونوميالى اۋدانى. سەرىكتەستىك جۇڭگو مۇنايىنىڭ بۇكىل ەلىمىزدەگى 20 مىڭنان استام ماي قۇيۋ پۋنكتى قولايلى دۇكەنىنەن پايدالانىپ، 6 اۋداننىڭ كۇرىش، ۇن، ەت، ماي جانە ساپالى جەرگىلىكتى ونىمدەرىن ساتتى، 2019 - جىلى ساتىلۋ مولشەرى 13 ميلليون يۋانعا جەتتى.
2019 - جىلى يۋە جۇڭلين تۇرعان سەرىكتەستىك تۇتىنۋ جاعىنان كەدەيلەردى سۇيەمەلدەۋ ارقىلى ساتىلۋ جولىن كەڭەيتۋگە، كاسىپ سالاسى جاعىنان كەدەيلەردى سۇيەمەلدەۋ ارقىلى تەبىندى كۇشەيتۋگە، ساياحات جاعىنان كەدەيلەردى سۇيەمەلدەۋ ارقىلى ماڭايداعىلارعا جەتەكشىلىك ەتۋگە كۇش سالىپ، ساتۋ ارناسىن قالىپتاستىرۋ ارقىلى جەمەنەيدىڭ سيىر، قوي ەتى، ۇنى، شاپشالدىڭ ماقسارى مايى سياقتى 180 تۇرلىگە جۋىق اۋىل شارۋاشىلىق قوسىمشا ونىمدەرىنىڭ بۇكىل ەلىمىزدى بەتكە الۋىنا مۇمكىندىك جاسادى؛ سونداي - اق شاپشال، جەمەنەي، شىڭگىل اۋداندارىنداعى قازىرگى بار كەدەيلىكتەن ارىلتۋ كاسىبى نىساندارى نەگىزىندە، 24 ميلليون يۋان قارجى قوسىپ، كەدەيلەردى سۇيەمەلدەۋدىڭ وزىندىك ەرەكشەلىكتەگى كاسىپ سالاسى تىزبەگىن كەڭەيتىپ، كاسىپ سالاسىنىڭ توعىسا دامۋىن ىلگەرىلەتتى.
مەملەكەتتىك ساياسي كەڭەستىڭ مۇشەسى بولىپ سايلانعاننان بەرى، يۋە جۇڭلين مىندەتىن اتقارىپ، جاۋاپكەرشىلىگىن بەلسەنە ادا ەتىپ، حوتان ايماعىنداعى كەدەيلەردەن 660 ادام - رەت جۇمىستاندىرۋعا سايكەستىرىپ، 300دەن استام كەدەي وتباسىنىڭ جىلدىق ورتاشا كىرىسىن 20 مىڭ يۋاننان ارتتىرۋعا كومەكتەستى.
بيىلعى ۇسىنىس جوباعا يۋە جۇڭلين كاسىپ سالاسى ولشەمى ساپاسىن كۋالاندىرۋ جۇيەسى قۇرىلىسى مەن اۆتوكولىككە پايدالانىلاتىن تابيعي گاز كاسىبى سالاسىن باسقارۋ زاڭىن شىعارۋ سياقتى مازمۇنداردى تىڭنان قوستى. جەمەنەي مەن شىڭگىل − جۇڭگو مۇنايىنىڭ كەدەيلەردى سۇيەمەلدەۋىندەگى بەلگىلەنگەن اۋداندار، وسى 2 اۋداننىڭ گاز قۇيۋ پۋنكتى توراپ قۇرىلىسى العاشقى كەزەڭدە بولعاندىقتان ول تەكسەرۋ - زەرتتەۋ جۇرگىزۋ ارقىلى ۇسىنىس جوبانى ونان ارى كەمەلدەندىرمەك بولدى. يۋە جۇڭلين تاعى گاز قۇيۋ پۋنكتى قۇرىلىسىن جەدەل ىلگەرىلەتۋ جونىندە زاڭ شىعارۋ، ەلىمىزدىڭ كاسىپ سالاسى ولشەمىن كۋالاندىرۋ جۇيەسى قۇرىلىسىن جەدەل كەمەلدەندىرۋ سياقتى جاقتاردان اقىل - كەڭەس بەرىپ، مەملەكەتتىك قاتىستى تاراۋلاردىڭ ءمان بەرۋىنە قول جەتكىزىپ، ەلىمىزدىڭ جاڭا ەنەرگيامەن قامداۋ جۇيەسى قۇرىلىسىنىڭ اقاۋسىز دامۋىنا كۇش ۇستەمەك.
”بيىل ءبىز ’شەگە قاعۋ‘ رۋحىمەن ءبىر نىسان، ءبىر نىساننان ۇزدىكسىز ىلگەرىلەتىپ، اۆتونوميالى رايون مەن جۇڭگو مۇنايى ورنالاستىرعان بەلگىلەنگەن ورىن بويىنشا كەدەيلەردى سۇيەمەلدەۋ مىندەتىن تىڭعىلىقتى ورىنداپ، كەدەيلىكتەن ارىلتۋدان قامال الۋ شايقاسىندا باتىل جەڭىسكە جەتەمىز“. يۋە جۇڭلين مىنالاردى ءبىلدىردى: بيىل جۇڭگو مۇنايى كەدەيلەردى سۇيەمەلدەۋدەگى بەلگىلەنگەن 6 اۋدانعا قوسىلاتىن ۇسىنىلىمدى ارتتىرىپ، ءار اۋدانعا 10 ميلليون يۋان قوستى، جۇڭگو مۇناي شينجياڭ ساتۋ شەكتى سەرىكتەستىگى كەدەيلەردى سۇيەمەلدەۋ قارجىسىن ويداعىداي باسقارىپ، ويداعىداي پايدالانىپ، ەگىنشى - مالشىلاردى كەدەيلىكتەن ارىلتىپ، كىرىستەرىن ارتتىرۋعا ”مۇناي كۇشىن“ قوسادى.
