”ساياحاتتايتىن جەر قاشىق، ساياحاتتاۋ ۋاقىتى قىسقا بولۋ“ ماسەلەسىن شەشتى
شينجياڭنىڭ ەرۋجاي نىسانى جوسپارىن جەدەل اتقاردى
شينجياڭ گازەتىنىڭ جالپىلىق اقپارات قۇرالدارى ءتىلشىسى شى شين 5 - ايدىڭ 14 - كۇنى ۇرىمجىدەن حابارلايدى. شينجياڭ ساياحاتقا قارجى قوسۋ توبىنان ۇعىسۋىمىزشا، ”ساياحاتتايتىن جەر قاشىق، ساياحاتتاۋ ۋاقىتى قىسقا بولۋ“ ماسەلەسىن شەشىپ، شينجياڭنىڭ ”سەيىل - سەرۋەن ساياحاتىنان“ ”سەزىنۋ ساياحاتىنا“ قاراي ءوتۋى مەن بۇرىلىس جاساۋىن جۇزەگە اسىرۋ ءۇشىن، شينجياڭ ساياحاتقا قارجى قوسۋ توبى ءبىر ميلليارد 200 ميلليون يۋان قارجى توپتاپ، شينجياڭنىڭ ەرۋجاي نىسانى جوسپارىن اتقاردى.
شينجياڭنىڭ جەرى كەڭ، وڭىرلىك شارت - جاعدايى وزگەشە، تۇرلىشە وڭىرلىك سالت - ساناسى، ساياحات بايلىعى مول بولىپ، ەلىمىزدىڭ ساياحات كاسىبىن دامىتۋداعى ماڭىزدى ستراتەگيالىق رايون سانالادى. الايدا، كەزەكتەگى شينجياڭنىڭ ساياحات كاسىبى ءالى دە كاسىپ سالاسىن دامىتۋدىڭ العاشقى باسقىشىندا تۇر، ％90تەن استام كورىنىس ءوڭىرى ءالى دە سەيىل - سەرۋەن ساياحاتى ۇلگىسىندە جۇمىس جۇرگىزۋدە.
ساياحاتشىلاردىڭ ءار الۋان قاجەتىن قاناعاتتاندىرۋ ءۇشىن، كەزەكتە شينجياڭ ساياحاتقا قارجى قوسۋ توبى شينجياڭنىڭ ەرۋجاي نىسانى جوسپارىن اتقارۋدى ىلگەرىلەتۋدى جەدەلدەتىپ، تيانشاننىڭ وڭتۇستىگى مەن سولتۇستىگىندەگى ءارقايسى كورىنىس وڭىرلەرىندە، كورىنىس تۇيىندەرىندە اۆتوكولىك سپورتىنا ارنالعان ەرۋجاي، ءوز اۆتوكولىگىمەن ساياحاتتاۋعا ارنالعان ەرۋجاي، تۇزدە تۇنەۋگە ارنالعان ەرۋجاي، ۇيشە اۆتوكولىكپەن تۇزدە تۇنەۋگە ارنالعان بازا، قار - مۇز سپورتىنا ارنالعان ەرۋجاي سياقتىلاردى ءبىر تۇلعالاندىرۋدى قامتىعان 60 ەرۋجايلىق تۇلعالىق نىسانىن قۇرادى، ورنالاستىرادى.
شينجياڭنىڭ ەرۋجاي نىسانى جوسپارى مەملەكەتتىك اۆتوكولىكتى ءوزى جۇرگىزۋ سپورتىنا ارنالعان ەرۋجاي سىندى تىڭ كاسىپ سالاسىنىڭ ولشەمىن پارىقتاندىرۋدى نەگىز ەتىپ، ەرۋجايلاردا سپورت، سەيىلدەۋ، كوڭىل اشۋ بولىمشەسىن، جوعارى دارەجەلى تۇتىنۋ، قونالقى بولىمشەسىن، تۇزدە تۇنەۋ بولىمشەسىن جانە ءوز كولىگىمەن ساياحاتتاۋ اۋماعى بولىمشەسىن ورنالاستىردى. جول جەلىسىن شىعىس، وڭتۇستىك، باتىس، سولتۇستىك، ورتا جانە ءۇرىمجى جەلىسى دەپ ءبولدى. مۇندا ءۇرىمجى جەلىسىندە دابانچىڭ ەرۋجايىن، نانشان ەرۋجايىن، شينجياڭ ياندي اۆتوكولىك سپورتى باقشاسىن، ءۇرىمجى سىنتاس ەرۋجايىن قۇرۋ جوسپارلاندى.
”شينجياڭنىڭ تۇتاس شەكاراسىندا كەزەكتەگى ەڭ تاماشا كورىنىس ءوڭىرى ماڭايىن، ماڭىزدى قاتىناس جەلىسى ءتۇيىنىن تاڭداپ، ءوز اۆتوكولىگىمەن ساياحاتتاۋ تۇلعالىق ساياحات ەرۋجايلارىن قارجى قوسىپ قۇرۋ شينجياڭنىڭ ساياحاتتايتىن جولى قاشىق بولۋ ماسەلەسىن، سونداي - اق ءوز اۆتوكولىگىمەن ساياحاتتاۋ بازارىنىڭ ’تالماۋ ءتۇيىنىن‘ شەشۋگە پايدالى بولىپ، شينجياڭنىڭ ساياحات كاسىبىن ءتىپتى دە ۇلكەن كەڭىستىككە قاراي دامىتۋدى جەبەيدى“، - دەدى شينجياڭ ساياحاتقا قارجى قوسۋ توبىنىڭ باس ديرەكتورى ۋاڭ حۇڭجياڭ.
ۇعىسۋىمىزشا، شينجياڭ ساياحاتقا قارجى قوسۋ توبى بىلتىر 12 - ايدىڭ 31 - كۇنى رەسمي ماڭدايشالىق اسىپ قۇرىلعان، اۆتونوميالى رايوندىق مەملەكەت مەنشىگىندەگى مال - مۇلىكتەردى باقىلاۋ - باسقارۋ كوميتەتى جەتەكشىلىك ەتىپ قۇرعان، ساياحاتتى نەگىزگى كاسىپ ەتكەن تۇڭعىش مەملەكەت مەنشىگىندەگى قارجى قوسۋ سەرىكتەستىگى، مەملەكەت قارجىسىمەن ساياحات كاسىبىن قارجىلاندىرۋ مەن قارجى قۇراۋدى، كاسىپ سالاسىن بىرىكتىرۋدى، ينفورماتسيالىق قىزمەت وتەۋدى، جۇمىس جۇرگىزۋ - باسقارۋدى، ساياساتتى ۇلاستىرۋدى ورنالاستىراتىن ماڭىزدى تۇعىر بولىپ، ”ساياحات ارقىلى شينجياڭدى گۇلدەندىرۋ“ ستراتەگياسىن اتقارۋدى ىلگەرىلەتۋ، شينجياڭنىڭ ساياحات بايلىعىنداعى ءىرى رايوننان ساياحات ەكونوميكاسى قۋاتتى رايونىنا بۇرىلىس جاساۋىن جەبەۋ بورىشىن ارقالاپ وتىر.
