تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

جاز باسىندا، باس شۋجيدىڭ ىزىمەن كاسىپ ارقىلى كەدەيلەردى سۇيەمەلدەۋدىڭ تىڭ ىستەرىن قاراستىرۋ

شينحۋا اگەنتتىگىنىڭ تىلشىلەرى

  كۇرەڭكەيدىڭ بازارى قىزدى.

  3 كۇننىڭ الدىندا، باس شۋجي شي جينپيڭ سانشيدىڭ داتۇڭ قالاسى يۇنجوۋ رايونىنداعى ورگانيكالىق كۇرەڭكەيدى ولشەمدەندىرىپ ەگۋ بازاسىندا قىزمەت تەكسەرگەندە، اتىز باسىنا بارىپ كۇرەڭكەيدىڭ ءوسۋ جاعدايىن كوردى.

  ”كۇرەڭكەي كاسىبىن ويداعىداي قورعاپ، جاقسى دامىتىپ، ءىرى كاسىپكە اينالدىرىپ، بۇكىل ەلدەگى ايگىلى ماركا ەتىپ، كۇرەڭكەيدى اۋىلداستاردىڭ ’بايۋ گۇلىنە‘ اينالدىرۋلارىڭىزدى ءۇمىت ەتەمىن“، - دەپ تاپسىردى ول اۋىلداستارعا.

  وتكەن ايدا، باس شۋجي شي جينپيڭ شانشيدىڭ جاشۇيىندە قىزمەت تەكسەرگەن كەزدە، ”كىشكەنتاي ساڭىراۋقۇلاق، ۇلكەن كاسىپ“ دەپ القادى.

  كۇرەڭكەي، اعاش ساڭىراۋقۇلاق سياقتى شاعىن داقىلدارعا ۇلكەن جالپى جوبا قامتىلعان. پارتيا 18 - قۇرىلتايىنان بەرى، باس شۋجي شي جينپيڭ كەدەيلىكتەن ارىلتۋدان قامال الۋعا كوپ رەت تەكسەرۋ، تەكسەرۋ - زەرتتەۋ جۇرگىزىپ، كاسىپ ارقىلى كەدەيلەردى سۇيەمەلدەۋگە، دامىتۋعا ايقىن بەتالىس نۇسقادى.

  جاز باسىندا، ءبىز باس شۋجيدىڭ جۇرگەن ىزىمەن كەدەيلىكتەن ارىلتۋدان قامال الۋدىڭ دۋماندى جۇمىس باسىنا باردىق. ونداعى جەر بەتىن جاپقان كۇرەڭكەي، حوش ءيىسى تارالعان شاي جاپىراعى، تابىن - تابىن قوي مەن سيىرلار اۋىلداستاردىڭ كوڭىلدى جۇزدەرىمەن ۇندەسىپ، ەڭ كوركەم كورىنىس بەدەرلەدى.

كۇرەڭكەي ”اۋقاتتانۋ گۇلىنە“ اينالدى، كەدەيلەردى سۇيەمەلدەۋدە كاسىپتى يگەرۋ كەرەك

  5 - ايدىڭ 12 - كۇنى، داتۇڭ قالاسى يۇنجوۋ رايونى شيپيڭ قالاشىعى تاڭجياباۋ قىستاعىندا تۇتاسىپ كەتكەن كۇرەڭكەي قوڭىر سامالمەن باياۋ تەربەلەدى. 45 جاستاعى ان چۇنشيا كۇرەڭكەيدىڭ اۋىلداستارىنىڭ ”اۋقاتتانۋ گۇلىنە“ اينالعاندىعىنا ءوز كوزىمەن كۋا بولدى.

  ”يانمىنگۋاننىڭ سىرتىندا ءبىر ەل بار، جىبەك قۇرتىن وسىرمەيدى، كەندىر ەكپەيدى“. يانشان - تايحاڭشانداعى شوعىرلانىپ تۇتاسىپ كەتكەن ەرەكشە كەدەي وڭىرلەر سىندى جوقشىلىق جايلاعان جەرلەردە ادامدار جۇگەرى مەن قارا استىققا سۇيەنىپ تىرشىلىك ەتىپ كەلگەن بولاتىن.

  جەرگىلىكتى ورىندا كۇرەڭكەي وسىرەتىن ءداستۇر بولعانىمەن، پىسۋ مەزگىلى 3 جىلعا سوزىلادى، وعان جيناۋدىڭ، جايىپ كەپتىرۋدىڭ، سۋارۋدىڭ قيىن بولۋى قوسىلعاندا، اۋىلداستاردىڭ كولەمدەندىرىپ وسىرۋگە باتىلى بارمايتىن.

  پارتيا 18 - قۇرىلتايىنان بەرى، كەدەيلىكتەن ارىلتۋدان قامال الۋ شايقاسىنىڭ دابىلى بۇكىل ەلدە قاعىلىپ، جەرگىلىكتى ورىن كۇرەڭكەي كاسىبىن جانداندىرۋعا بەكىندى. ان چۇنشيانىڭ كۇيەۋى جاڭ شۇنباۋ قىستاق كادرى بولعاندىقتان، ءسوز جوق، باستاماشىلدىق ەتۋى كەرەك بولدى. كوڭىلىندە ازداپ قوبالجىعانىمەن، ول نار تاۋەكەل دەپ 300 مۋدان استام جەردى اينالىسقا سالدى. وسى ءۇشىن ءۇيى ءبىرتالاي قارىز ارقالادى.

  ەرلى - زايىپتىلار سۇيەمەلدەۋ ساياساتتارىنىڭ ىركەس - تىركەس كەلەرىن ويلاماعان ەدى: ءبىر مۋ جەرگە كۇرەڭكەي ەكسە 500 يۋان جاردەماقى بەرۋ، كۇرەڭكەي قايدا ەگىلسە سۋدى، ەلەكتردى، جولدى سايكەستى سوندا جەتكىزۋ، ۇكىمەت كۇش شىعارىپ بۇكىل ەلدەن كۇرەڭكەي جيناۋشى قابىلداۋ، بۇكىل رايونداعى ورتا، باستاۋىش مەكتەپتەردىڭ الاڭدارىن جانە قاتايتىلعان الاڭى بار ورىنداردى جازدىق دەمالىس كەزىندە كۇرەڭكەيدى جايىپ كەپتىرۋگە بوساتىپ بەرۋ، كۇرەڭكەيگە جاراتىلىستىق اپات جانە باعا ”قوس قامسىزداندىرۋىن“ بەرۋ...

  ”ءۇيىمىزدىڭ كۇرەڭكەيى ماركا الدى، قاقتاپ كەپتىرۋ سەحى، توڭازىتىپ ساقتاۋ قامباسى سياقتى وڭدەۋ سايكەستى قۇرىلعىلارى سالىندى“، - دەدى ان چۇنشيا.

  2010 - جىلدان بۇرىن يۇنجوۋ رايونىنداعى كۇرەڭكەي وسىرىلگەن جەردىڭ اۋدانى 16 مىڭ مۋعا جەتپەيتىن، قازىر سول كەزدىڭ 10 ەسەسىنەن اسىپ، جىلدىق ءونىم قۇنى 700 ميلليون يۋانعا جەتتى. باستاماشى كاسىپورىنداردىڭ، سەلبەستىك كووپەراتيۆتەرىنىڭ باستاماشىلدىعىندا كۇرەڭكەيدىڭ ءونىم مولشەرى مەن ساپاسى ورنىقتى بولدى، ساتۋ ارناسى مەن باعا دا قامتاماسىز ەتىلدى، بىلتىر كەدەي وتباسىلارىنىڭ ورتاشا كىرىسىنىڭ 10 مىڭ يۋاننان اسۋىن جەبەدى.

  ”اۋىلداستار كەدەيلىكتەن ارىلعاننان كەيىن، مەنىڭ ەڭ كوڭىل بولگەنىم كەدەيلىكتەن ارىلۋ ناتيجەسىن قالاي بەكەمدەۋ، قايتا كەدەيلەسۋدەن قالاي ساقتانۋ، اۋىلداستاردىڭ ۇزدىكسىز كىرىستەرىن ارتتىرىپ، اۋقاتتانۋىنا قالاي شىنايى كەپىلدىك ەتۋ بولدى“، - دەدى اتىز باسىندا باس شۋجي شي جينپيڭ اۋىلداستارعا.

  كەدەيلىكتەن ارىلتۋدان قامال الۋ شايقاسىنىڭ جەڭسىنە جەتۋدە، جاقسى جۇرگىزۋدە، كاسىپ ارقىلى كەدەيلەردى سۇيەمەلدەۋ − باس شۋجي شي جينپيڭ ەرەكشە ءمان بەرگەن ءبىر تۇتقا بولدى. 2018 - جىلى 10 - ايدىڭ 23 - كۇنى ول گۋاڭدۇڭ چيڭيۋان قالاسى ليانجياڭكوۋ قالاشىعى ليانجاڭ قىستاعىندا قىزمەت تەكسەرگەن كەزدە بىلاي دەدى: كاسىپ ارقىلى كەدەيلەردى سۇيەمەلدەۋ ەڭ تىكە، ەڭ ءونىمدى ءادىس ءارى كەدەي وڭىرلەردىڭ قان جاساۋ يقۋاتىن كۇشەيتۋدەگى، بۇقارانىڭ ءوز جەرىندە جۇمىستانۋىنا كومەكتەسۋدەگى ۇزاق ۋاقىتتىق جوسپار.

  ءبىر جىلعا جەتپەيتىن ۋاقىتتان كەيىن، 2019 - جىلى 7 - ايدىڭ 15 - كۇنى ىشكى موڭعۇل چىفىڭ قالاسى حىنان ءمالىسى ما - انشان قىستاعىندا باس شۋجي شي جينپيڭ بىلاي دەپ قايتالاي باسا دارىپتەدى: كاسىپ دامۋدىڭ نەگىزى، كاسىپ گۇلدەنسە عانا اۋىلداستاردىڭ كىرىسى ورنىقتى ارتادى.

سويىس سيىر باعىمشىلىعىنىڭ ونىمدىلىگىن كورسەتۋدە جەر جاعدايىنا قاراي ىستەۋ تەتىك

  تاڭ شەتى ەندى عانا سوگىلە بەرە 46 جاستاعى سيىرشى ما جۇنلين مەن ايەلى قاربالاستاي باستادى.

  نيڭشيا گۋيۋان قالاسى جيڭيۋان اۋدانى داۋان اۋىلى ياڭليڭ قىستاعى، 5 - ايدىڭ ورتاسىندا جاز لەبى بىلىنە باستادى، بۇل مالدىڭ تويىنا باستايتىن شاعى.

  ”ءبىر سيىردان ءبىر جىلدا از دەگەندە 5000 يۋان تازا كىرىس كىرەدى. سيىر باقساڭ، تۇرمىسىم ناشار بولار دەپ الاڭدامايسىڭ“. سيىر باعۋداعى وزگەرىستەردى تىلگە العاندا، ما جۇنليننىڭ اڭگىمە تيەگى اعىتىلدى.

  وسىدان بىرنەشە جىل ىلگەرى، ياڭليڭ قىستاعىندا تاۋدان شىعاتىن ءبىر عانا سەمەنت جول بار بولاتىن. قىستاقتاعى باسىم كوپ ساندى كەدەيلەر سياقتى ول دا توپىراق ۇيدە وتىرىپ، بىرنەشە مۋ جەرگە ۋىستاپ استىق ەگىپ، ەگىس جۇمىسىنان قولى بوساعاندا ۋاقىتتىق جۇمىس ىستەپ، تۇرمىسىن ءۇپى - ءتاپى وتكىزىپ كەلگەن ەدى. ”اۋقاتتانۋدىڭ جولىن تاپپاساڭ كەدەيلەسكەنىڭ كەدەيلەسكەن“، - دەدى ول.

  2016 - جىلى 7 - ايدىڭ 18 - كۇنى باس شۋجي شي جينپيڭ جاۋىپ تۇرعان جاڭبىرعا قاراماي ولاردىڭ قىستاعىنا بارىپ قىزمەت تەكسەردى. ”ول كەزدە قىستاقتا سيىر باعاتىندار دا بار، ءبىراق كولەم قالىپتاستىرماعان بولاتىن“، - دەدى ياڭليڭ قىستاعى پارتيا ياچەيكاسىنىڭ شۋجيى جاڭ گۋجيە، - ”باس شۋجي ءبىزدىڭ قىستاققا كەلىپ قىزمەت تەكسەرگەننەن كەيىن، كوپشىلىكتىڭ ءشوپ، مال كاسىبىن دامىتۋ سەنىمى بارىنشا كۇشەيدى“.

  جەرگىلىكتى ورىن شارۋالاردى قوڭىر سيىر بورداقىلاۋعا شابىتتاندىرۋمەن بىرگە انگوس تولدىك سيىرىن ەنگىزدى، مۇنداي سيىردىڭ بۇزاۋىنىڭ باعاسى ادەتتەگى قوڭىر سيىردان 2000 يۋان ارتىق بولادى.

  الدىڭعى ايدا ما جۇنلين باعىمداعى 3 سيىرىن بازارعا سالىپ، 15 مىڭ يۋان تازا كىرىس كىرگىزدى. ”تاعى 12 سيىرىم بار، وسى 2 جىلدا سيىر بازارى ورنىقتى بولدى، قارىز اقشا الىپ سيىر باسىن تولىقتىرۋعا دايىندالىپ وتىرمىن“، - دەدى ول.

  قىستاقتا تەكسەرۋ - زەرتتەۋ جۇرگىزگەن كەزدە باس شۋجي شي جينپيڭ: جەر جاعدايىنا قاراي ىستەپ، كاسىپتى جەتىلدىرۋدى كەدەيلىكتەن ارىلتۋدان قامال الۋدى جەبەۋدىڭ ءتۇبىرلى جولى ەتۋ كەرەك، - دەپ اتاپ كورسەتتى. 4 جىلدان بەرى، ياڭليڭ قىستاعىنىڭ بۇقاراسى كاسىپ جولىن ءدال تاۋىپ ونىمدىلىگىن كوردى، مىنە بۇل باس شۋجيدىڭ نۇسقاۋىن تياناقتاندىرۋدىڭ ناقتى امالياتى ەدى.

  2013 - جىلى 11 - ايدا باس شۋجي شي جينپيڭ حۋنان شياڭشي تۋجيازۋ، مياۋزۋ اۆتونوميالى وبلىسى حۋاحىڭ اۋدانى شىبادۇڭ قىستاعىندا قىزمەت تەكسەرگەن كەزدە بىلاي دەپ اتاپ كورسەتتى: ”كەدەي وڭىرلەر ءىس جۇزىندىكتى شىعار ءتۇيىن ەتىپ، جەر جاعدايىنا قاراي ىستەپ، نەنى ەگۋدى، نەنى باعۋدى، كىرىستى قايدان ارتتىرۋدى ويلاپ جەتۋى كەرەك“.

  اۋىل شارۋاشىلىق ونىمدەرىن مانەرلەۋ، اۋىل - قىستاق ساياحاتىن دامىتۋ سياقتى 2 - ، 3 - كاسىپتەردى جولعا قويۋدا دا جەر جاعدايىنا قاراي ىستەۋ كەرەك. 2017 - جىلى 1 - ايدا باس شۋجي شي جينپيڭ حىبەي جاڭجياكوۋ قالاسى جاڭبەي اۋدانى شياۋارتاي قالاشىعى دىشىڭ قىستاعىندا: ”كەدەيلىكتەن دالمە - ءدال ارىلتۋدىڭ ءونىمدى جولىن جەر جاعدايىنا قاراي ىزدەۋ كەرەك“ دەپ باسا دارىپتەدى؛ 2019 - جىلى 9 - ايدا ول تاعى حىنان شين - ياڭ قالاسى شينشيان اۋدانى تيانپۋ اۋىلى تيانپۋ داۋانىندا ”اۋىل - قىستاق ساياحاتىن دامىتۋدا كولەمدى شاعىپ، كولەمدى قۇرىلىس سالۋعا سالىنباي، جەر جاعدايىنا قاراي ىستەپ، دۇرىس ارناعا ءتۇسىرىپ، ءداستۇرلى قىستاقتاردى جاقسى وزگەرتۋ، جاقسى قورعاۋ كەرەك“ دەپ اتاپ كورسەتتى.

ەكولوگيانى الدىمەن ويلاستىرۋ مول ناتيجە بەردى، جاسىل دامۋ وركەندەۋدە

  فىڭحۋاڭ بايىرعى قالاسىنان شىعىپ، باتىس - وڭتۇستىككە قاراي ءسال جۇرگەندە حۋنان شياڭشي تۋجيازۋ، مياۋزۋ اۆتونوميالى وبلىسى فىڭحۋاڭ اۋدانى لياۋجياچياۋ قالاشىعى چاڭپۋتاڭ قىستاعىنا باراسىز.

  بۇل ارادا تسيترۋس، شاپتول، ماندارين، پونكان، تۇكتى شاپتول سياقتى جەمىس اعاشتارى سامسىپ تۇر، سەمەنت جول تەگىس ءارى تازا، شەتەل ۇلگىسىندە سالىنعان ۇيلەر رەتىمەن ورنالاسقان. تسيترۋس گۇلىنىڭ حوش ءيىسى اڭقىعان باقشادا شاپتول قاپتاپ قاربالاستاپ جۇرگەن ۋاڭ انچۋان بەلىن جازىپ تەرىن سۇرتە تۇرىپ: ”قىستاقتىڭ وسى بىرنەشە جىلداعى وزگەرىسى وتە زور بولدى!“ دەدى.

  چاڭپۋتاڭ قىستاعى تاۋ ەتەگىنە ورنالاسقاندىقتان ەگىستىك جەرى از، تاۋداعى توپىراق قاباتى جۇقا، قىستاق تۇرعىندارى ۇزاق ۋاقىت بويى كۇرىش، جۇگەرىگە سۇيەنىپ ءۇپى - ءتاپى كۇنەلتىپ كەلگەن بولاتىن. جەرگىلىكتى حالىقتا ”قىزىڭ بولسا چاڭپۋتاڭعا ۇزاتپا، قۇدا ۇيىندە توزعان سەبەتتەن باسقا تۇگى جوق“ دەگەن ولەڭ بار.

  ”كەدەيلىك قالپاعىن“ الىپ تاستاۋ ءۇشىن ۋاڭ انچۋان قاتارلىلار باستاماشىلدىقپەن سىرت جەرلەرگە بارىپ جەمىس - جيدەك ەگۋ تەحنيكاسىن ۇيرەنىپ، جەمىس - جيدەك بازارىن تەكسەرىپ، ىلگەرىندى - كەيىندى ماندارين، پونكان، تسيترۋس، تۇكتى شاپتول سياقتى سورتتاردى ەنگىزدى. كوپشىلىك ءتۇرلى - ءتۇرلى قيىنشىلىقتاردى جەڭىپ، ساپالى جەمىس ءوسىرىپ شىقتى، ماشينالارعا تيەلگەن جەمىس - جيدەكتەر سىرتقا تاسىلىپ، قىستاق تۇرعىندارىنىڭ كىرىسى بارعان سايىن مولايدى.

  كەدەيلەردى سۇيەمەلدەۋ، وركەندەتۋدى ”ەكولوگيالىق ورتانى قورعاۋمەن ۇشتاستىرۋ كەرەك“ − باس شۋجي 2013 - جىلى چاڭپۋتاڭ قىستاعىنا بارىپ تەكسەرۋ - زەرتتەۋ جۇرگىزگەندە العا قويعان تالاپتارى قىستاق تۇرعىندارىنىڭ جاسىل ءوندىرىستى دامىتۋىنا ايقىن بەتالىس كورسەتتى. ۋاڭ انچۋان: ”تسيترۋستى قاپتاعاندا ءبىر قاپقا 20 تيىنداي اقشا كەتەدى، سولاي بولعانىمەن بۇل ءادىس ارقىلى جەمىس سىرتىنىڭ تازا، ادەمى بولۋىنا كەپىلدىك ەتۋگە بولادى، اۋىل شارۋاشىلىق دارىلەرى دە از پايدالانىلادى، مۇنداي تسيترۋس ادەتتەگىدەن ءبىر يۋاننان ارتىق قىمبات باعادا ساتىلادى“ دەپ مىسال كەلتىردى.

  بىلتىر جىل سوڭىنا دەيىن، تۇتاس قىستاقتاعى ەرەكشە جەمىس - جيدەكتىڭ ەگىس اۋدانى 4854 مۋعا كەڭەيىپ، جان باسىندىق ورتاشا تازا كىرىس 2013 - جىلعى 6121 يۋاننان 23 مىڭ 419 يۋانعا ارتتى.

  ۋاڭ انچۋان: ”ءبىزدىڭ تۇنىق سۋ، جاسىل تاۋلارىمىز كەدەيلەردى دالمە - ءدال سۇيەمەلدەۋدىڭ ارقاسىندا باعالى بايلىققا اينالدى، مۇنان كەيىن دە ۇزدىكسىز جاقسى قورعاۋىمىز كەرەك“ دەدى تەبىرەنە.

  ەكولوگيالىق ورتانى قورعاۋ دەگەنىمىزدىڭ ءوزى وندىرگىش كۇشتى قورعاۋ دەگەندىك، ەكولوگيالىق ورتانى جاقسارتۋ دەگەنىمىزدىڭ ءوزى وندىرگىش كۇشتى دامىتۋ دەگەندىك. بۇل باس شۋجي شي جينپيڭنىڭ ۇزبەي ۇستانعان يدەياسى.

  2015 - جىلى 2 - ايدىڭ 13 - كۇنى ول شانشي - گانسۋ - نيڭشيا توڭكەرىستىك بايىرعى وڭىرلەرىن كەدەيلىكتەن ارىلتىپ اۋقاتتاندىرۋ اڭگىمە ماجىلىسىندە ”دامىتۋ بارىسىندا ەكولوگيانىڭ قىزىل سىزىعىن باتىل ساقتاپ، اسپاندا اقشا بۇلتى قالىقتاعان، ءشوپ پەن اعاش قاۋلاي وسكەن، قوي مەن سيىر قورا - قورا بولۋدى باستان - اياق سارى توپىراق ءۇستىرتىنىڭ ەرەكشە كورىنىسىنە اينالدىرۋ كەرەك“ دەپ تالاپ ەتتى. وتكەن ايدا ول شانشي چينليڭدە قىزمەت تەكسەرگەن كەزدە ”تۇنىق سۋ، جاسىل تاۋ ءارى جاراتىلىستىق بايلىق، ءارى ەكونوميكالىق بايلىق“ دەپ تاعى اتاپ كورسەتتى.

  اۋىلداستاردىڭ ەكولوگيانى الدىمەن ويلاستىراتىن جاسىل دامۋ جولىمەن مىزعىماي ءجۇرۋىن ءۇمىت ەتەمىن، بۇل باس شۋجي شي جينپيڭنىڭ تاپسىرماسى.

ەلەكتروندىق ساۋدا ارقىلى ساتۋ ارناسىن كەڭەيتىپ، سان سالالى شارۋاشىلىق ارقىلى ”ساتۋدىڭ قيىن بولۋىنان“ ساقتاندى

  سوڭعى ەكى كۇندە جاۋعان جاڭبىردان كەيىن، تاۋدىڭ ءشوبى جايقالا ءوستى. حىنان شينياڭ قالاسى گۋاڭشان اۋدانى ۋىنشۋ اۋىلى دۇڭيۋە قىستاعىنداعى سىفاڭجيڭ وتباسىلىق ەگىس الاڭىندا ەگىس الاڭىنىڭ قوجايىنى ياڭ چاڭتاي ارام شوپتەردى وتاۋعا ادام ورنالاستىردى دا، ءوزى قىستاقتاعى ەلەكتروندىق ساۋدانى اۋىل - قىستاققا جەتكىزىپ قىزمەت وتەۋ پۋنكتىنە بارىپ، جەدەل جەتكىزۋشىمەن زات جونەلتۋ ءىسىن اقىلداسۋعا اسىعىس جونەلدى.

  ”ەرىك - جىگەر، اقىل - پاراسات ارقىلى كەدەيلەردى جاقسى تۇرمىس كەشىرۋگە باستايىق، جوعارى مەن تومەن تىلەكتەس بولىپ، تاماشا جول اشايىق“. ەگىس الاڭىنىڭ كىرەر اۋزىنا جاپسىرىلعان وسى بوساعالىق كوزگە ەرەكشە تۇسەدى.

  2011 - جىلى ياڭ چاڭتاي جول اپاتى سەبەبىنەن جارالانادى، دەنساۋلىعى نەگىزىنەن قالپىنا كەلگەن سوڭ شارۋاشىلىق قۇرعىسى كەلسە دە، تەحنيكادان حابارى بولماعاندىقتان، بارىن سالىپ ەككەن اعاش كوشەتتەرى مەن گۇل مايسالارى تۇگەل قۋراپ قالادى. اقشا تاپقانى بىلاي تۇرسىن، كوپ قارىز ارقالايدى. ”كەدەي وتباسىلار قاتارىنا جاتقىزىلعان كەزىمدە قاتتى قىسىلدىم“، - دەدى ول.

  جەرگىلىكتى ۇكىمەتتىڭ جەتەكتەۋى مەن قولداۋىندا كەدەيلىكتەن ارىلعاننان كەيىن ياڭ چاڭتاي وتباسىلىق ەگىس الاڭىن قۇرىپ، باستىسى، ەكولوگيالىق اۋىل شارۋاشىلىعىمەن جانە اعاش كوشەتتەرىن، گۇل مايسالارىن وسىرۋمەن اينالىستى. 2018 - جىلعا كەلگەندە، قىستاقتا تۇراتىن قىزمەت اترەتىنىڭ كومەگىندە ەلەكتروندىق ساۋدادان حابارسىز ول ينتەرنەت جەلىسىمەن اينالىستى. دۇڭيۋە قىستاعىمەن جۇپ قۇراپ كومەكتەسىپ سۇيەمەلدەۋشى ورىن جۇڭيۋان باسپا ءسوز مەديا توبى بۇلتتىق كىتاپ سايتىن اشتى، ەگىس الاڭى بۇلتتىق كىتاپ سايتى سياقتى ەلەكتروندىق ساۋدا تۇعىرلارىمەن سەلبەستىك ورناتىپ، ياڭ چاڭتاي جارتى جىلدا 300 نەشە مىڭ يۋان كىرىس تاپتى.

  2019 - جىلى 9 - ايدىڭ 17 - كۇنى باس شۋجي شي جينپيڭ دۇڭيۋە قىستاعىندا تەكسەرۋ - زەرتتەۋ جۇرگىزدى. ول اۋىل - قىستاقتىڭ ەلەكتروندىق ساۋدا جانە جەدەل جولداما كاسىبىن بەلسەنە دامىتىپ، اۋىل شارۋاشىلىعى ونىمدەرىنىڭ ساتىلۋ ارناسىن كەڭەيتىپ، شارۋالاردىڭ كىرىسىن ارتتىرۋ كەرەكتىگىن العا قويدى. بۇل ياڭ چاڭتايدىڭ سەنىمىن اناعۇرلىم بەكەمدەپ، جەلىدە ساتۋ سەرپىنىن كۇشەيتتى.

  قىستاقتاعى تاۋىق وسىرەتىن كاسىپتىك وتباسىلارى، بال اراسى باعىمشىلىق وتباسىلارى، ەگىمشىلىك كاسىپتىك وتباسىلارى قاتارلىلار دا ونىڭ ەگىس الاڭىنىڭ ساتۋ جەلىسىنە قوسىلدى، ونىڭ ۇستىنە دۇڭيۋە قىستاعىنىڭ ەلەكتروندىق ساۋدا ارقىلى كەدەيلەردى دالمە - ءدال سۇيەمەلدەۋ قىزمەت وتەۋ ورتالىعىمەن سەلبەسىپ، ”ەگىس الاڭى + كەدەي وتباسى + ەلەكتروندىق ساۋدا“ سىندى ساتۋ ۇلگىسى قالىپتاستى.

  بەيجيڭ، شاڭحاي، جىڭجوۋ... ساتۋ جەلىسى بارعان سايىن كەڭەيىپ، ياڭ چاڭتايدىڭ ارىنى دا ارتا ءتۇستى. ”بۇرىن جولداما جىبەرۋ ءۇشىن اۋدان قالاشىعىنا باراتىن ەدىك، قازىر تەلەفون سوقساق بولدى جەدەل جولداما جەتكىزۋشى جەتىپ كەلەدى. مەن ينتەرنەتتەگى جۇلدىزدى جۇرگىزۋشىلەردى ۇسىنىس ەتىپ دۇڭيۋە قىستاعىن ۇگىتتەتىپ، اۋىلداستاردىڭ كۇرىش، تاۋىق جۇمىرتقاسى، ارا بالى، شاي سياقتى ونىمدەرىن سىرتقا تانىستىرماقشىمىن“، - دەدى ول.

  باس شۋجي شي جينپيڭ بيىل 3 - ايدىڭ 6 - كۇنى كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋ اڭگىمە ماجىلىسىندە، ينتەرنەتتەن پايدالانىپ ساتۋ ارناسىن كەڭەيتىپ، اۋىل شارۋاشىلىعى ونىمدەرىنىڭ ساتىلۋىنىڭ قيىن بولۋ ماسەلەسىن ءتۇرلى ارنالار ارقىلى شەشۋدى ىشكەرىلەي اتاپ كورسەتتى.

  ەلەكتروندىق ساۋدا تۇرعىزعان كوپىرلەر شاعىن شارۋا وتباسىلارى مەن ءىرى بازالاردى تۇتاستىردى، ال، كولەمدى كاسىپ سالاسىنىڭ دامۋى دا باس شۋجي شي جينپيڭنىڭ نازارىنان تىس قالعان جوق. 2016 - جىلى 5 - ايدىڭ 23 - كۇنى ول حيلۇڭجياڭ يچۇن قالاسىندا يوۋحاۋ ورمان شارۋاشىلىعى مەكەمەسىنىڭ 10 مىڭ مۋلىق قاراجيدەك كاسىبى باقشاسىندا قىزمەت تەكسەرگەندە كوپشىلىككە ورمان ءىشى ەكونوميكاسىن دامىتۋدا بازاردى زەرتتەۋگە، ءسوز جوق، كوڭىل ءبولىپ، سان سالالى شارۋاشىلىقتى كورنەكتىلەندىرىپ، دۇرمەكپەن كەتۋدەن، ءوندىرۋ مەن ساتۋ تەپە - تەڭدىگىنىڭ بۇزىلۋىنان ساقتانۋ كەرەكتىگىن تاپسىردى.

اق شۋلان شاي تامىر تارتىپ بۇرشىكتەدى، ورنىقتى اۋقاتتانۋدا دارىندىلارعا سۇيەندى

  5 - ايدىڭ 11 - كۇنى تۇستەن كەيىن گۇيجوۋ پۋ - ان اۋدانى ديگۋا قالاشىعىنىڭ تۇنشاڭ قىستاعىنداعى ”العىس ايتۋ شاي باعىندا“ جىجياڭنىڭ شاي مامانى چيان يرۇڭ شاي باعىنىڭ قىزمەتكەرلەرىنە باعىپ - باپتاۋ تۇيىندەرىن ۇيرەتىپ جاتتى.

  ”ارىق شىعارۋداعى باستى ماقسات − جاڭبىرلى ماۋسىمدا سۋ ىعىستىرۋ، ارىق وتە تەرەڭ بولماۋى، ءبىراق، ەڭىس بولۋى كەرەك“. ول ۇلگى كورسەتە ءجۇرىپ ءتۇسىندىردى. ونىڭ قاسىندا تۇرعان باعىپ قاراۋشى قىزمەتكەرلەر تان حۋا - اي مەن جاڭ مەي زەر سالا كورىپ، مۇقيات تىڭدادى.

  2018 - جىلى 4 - ايدا جىجياڭ انجي حۋاڭدۋ قىستاعىنداعى 20 شارۋا پارتيا مۇشەسى باس شۋجي شي جينپيڭگە حات جازىپ، اق شۋلان شايىن ەگىپ اۋقاتتانۋ جاعدايىنان مالىمەت بەردى، كەدەي وڭىرلەردەگى بۇقارانىڭ كەدەيلىكتەن ارىلۋىنا كومەكتەسۋ ءۇشىن 15 ميلليون ءتۇپ شاي مايساسىن بەرۋگە پەيىل ەكەندىكتەرىن ايتتى. باس شۋجي شي جينپيڭ ولاردىڭ ادىستەرىن تۇراقتاندىرىپ، سۋ ىشكەندە قاينارىن ويلاۋ، پارتيانىڭ شاپاعاتىن ۇمىتپاۋ تانىمىن كۇشەيتىپ، پارتيانىڭ قامىن ويلاۋ، الدىمەن بايىعاندار كەيىنگىلەردىڭ بايۋىنا كومەكتەسۋ رۋحىن ساۋلەلەندىرۋ كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋدە ەرەكشە ماڭىزعا يە ەكەنىن باسا دارىپتەدى.

  سول جىلدىڭ اياعىندا 2000 مۋلىق ”باييە - 1“ ەگىلگەن ”العىس ايتۋ شاي باعى“ پۋ - ان اۋدانى ديگۋا قالاشىعىنىڭ تۇنشاڭ قىستاعىندا جانە بايشا اۋىلىنىڭ چياتاڭ قىستاعىندا تياناق تاۋىپ تامىر تارتىپ، 862 كەدەي وتباسىنداعى 2577 ادامدى قامتىدى. ءبىر جىلدان استام ۋاقىت ءوتتى، شاي مايسالارى ايتارلىقتاي ءوسىپ، بيىل 3 - ايدىڭ 5 - كۇنى العاشقى شىرپۋ، جيناۋ جۇمىسى باستالدى.

  45 جاستاعى تان حۋا - اي − ”العىس ايتۋ شاي باعىندا“ جۇمىس ىستەيتىن كەدەي شارۋا. تان حۋا - اي بىلاي دەدى: ”ءار ايدا 3000 يۋان تۇراقتى ەڭبەكاقى الامىن، تۇراقتى جۇمىسىم بار، ۇيىمە دە قارايلاسا الامىن. وسىنىڭ ءبارى ءۇشىن جىجياڭنىڭ انجيىندەگى جىلۋ اتاۋشىلارعا العىس ايتامىن ءارى پارتيا مەن ۇكىمەتتىڭ شاي باعى قۇرىلىسىنا قارجى قوسقانىنا العىس ايتامىن“.

  بيىل جىل باسىنان بەرى، تۇنشاڭ قىستاعىنداعى ”العىس ايتۋ شاي باعى“ شىرپۋ، جيناۋ، ارام ءشوپ وتاۋ، تىڭايتقىش بەرۋ جۇمىستارىنا 3180 ادام (رەت) ىستەتتى، كەلەر جىلدان باستاپ بىرتىندەپ كولەمدى جيناۋ جۇمىستارى ىستەلەتىندىگى مەجەلەنىپ وتىر.

  قىستاق تۇرعىندار كوميتەتىنىڭ مەڭگەرۋشىسى جياڭ چىڭيۇڭ بىلاي دەدى: ”سۋ ىشكەندە قۇدىق قازۋشىنى ۇمىتپا. ءۇمىت اقتاۋدىڭ ەڭ جاقسى ءتاسىلى − اق شۋلان شايدى جاقسى ءوسىرىپ، ونىمدىلىككە قول جەتكىزىپ، اق شۋلان شاي كاسىبى ارقىلى اۋقاتتانۋ جولىنا ءتۇسۋ“.

  ەرەكشە كاسىپتى دامىتۋ، ۇزاق ۋاقىت ورنىقتى اۋقاتتانۋ دارىندىلاردى قاجەت ەتەدى. كاسىپ سالاسى ارقىلى كەدەيلەردى سۇيەمەلدەۋدەگى دارىندىلار ماسەلەسىنە باس شۋجي شي جينپيڭ ەرەكشە ءمان بەردى. 2018 - جىلى 2 - ايدا ول دالياڭشان قويناۋىنداعى سىچۋان جاۋجۋە اۋدانى سانچاحى اۋىلى سانحى قىستاعىندا تەكسەرۋ - زەرتتەۋ جۇرگىزگەندە كادرلار مەن بۇقاراعا مىناداي تالاپ قويدى: جەرگىلىكتى دارىندىلاردى جەتىلدىرىپ، قالىڭ قىستاق تۇرعىندارىن مادەنيەت ۇيرەنىپ، شەبەرلىك يگەرىپ، قابىلەتتى وسىرۋگە، سونداي - اق ەسكى سالت - سانانى وزگەرتىپ، قاجىرلى ەڭبەك ارقىلى كەدەيلىكتەن ارىلىپ اۋقاتتانۋعا جەتەكتەۋ كەرەك.

  ”كەدەيلىكتەن ارىلىپ، قالپاقتى الىپ تاستاۋ سوڭعى كومبە ەمەس، قايتا تىڭ تۇرمىستىڭ، تىڭ كۇرەستىڭ باستاماسى“. باس شۋجي شي جينپيڭنىڭ ءسوزى اۋىلداستاردى كەدەيلىكتەن ارىلىپ اۋقاتتانۋدىڭ جاڭا ساپارىنا قادام تاستاۋعا جىگەرلەندىرىپ كەلەدى!

(تىلشىلەر دۇڭ جۇن، حۋ لۋ، جوۋ نان، سۇن لياڭچۋان، شيە جيانۋىن، جاڭ حاۋران، جياڭ چىڭ، چاي حايلياڭ، ۋاڭ شۋەتاۋ)

(شينحۋا اگەنتتىگىنىڭ 5 - ايدىڭ 14 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.