تيانشان تورى   ›   جاڭالىقتار   ›   شينجياڭ حابارلارى

”توپتاپ جيناۋ، توپتاپ جونەلتۋ“ جۇڭگو - ەۆروپا كەزەكشى پويەزدارىنىڭ قاتىناۋ ونىمدىلىگىن جوعارىلاتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لۋ فىڭباۋ 5 - ايدىڭ 14 - كۇنى ۇرىمجىدەن حابارلايدى. ”جۇڭگو - ەۆروپا كەزەكشى پويەزدارىنىڭ ’توپتاپ جيناۋ، توپتاپ جونەلتۋ‘ ۇلگىسى بەلگىلى ناتيجەگە قول جەتكىزدى، بۇعان مەن ايرىقشا ريزامىن، سونداي - اق جۇڭگو - ەۆروپا كەزەكشى پويەزدارىنىڭ قاتىناۋ جاعدايىنا ۇزدىكسىز نازار اۋدارامىن“، - دەدى 5 - ايدىڭ 11 - كۇنى مەملەكەتتىك ساياسي كەڭەستىڭ شينجياڭدا تۇراتىن مۇشەسى، شينجياڭ اۋىل شارۋاشىلىعى داشۋەسىنىڭ باستىعى جياڭ پيڭان.

  مەملەكەتتىك ساياسي كەڭەس 13 - كەزەكتى كوميتەتىنىڭ 2 - ماجىلىسىندە جياڭ پيڭان مەملەكەتتىك ساياسي كەڭەستىڭ شينجياڭدا تۇراتىن باسقا دا مۇشەلەرىمەن بىرلەسىپ ۇسىنىس جوبا ۇسىنىپ، جۇڭگو - ەۆروپا كەزەكشى پويەزدارىنىڭ ”توپتاپ جيناۋ، توپتاپ جونەلتۋ“ كاسىبىنە مەملەكەتتىك دەڭگەيدەن قولداۋ كورسەتۋ جانە ونى جالپىلاستىرۋ، جۇڭگو - ەۆروپا كەزەكشى پويەزدارىنىڭ ”توپتاپ جيناۋ، توپتاپ جونەلتۋ“ ۇلگىسىنىڭ كولەمدەنۋىن، ۇدايىلاندىرىلىپ جۇرگىزىلۋىن بەكەمدەۋ جانە ىلگەرىلەتۋ، جۇڭگو - ەۆروپا كەزەكشى پويەزدارىنىڭ رولىن اناعۇرلىم ويداعىداي ساۋلەلەندىرۋ جونىندە ۇندەۋ تاستادى.

  جياڭ پيڭان بىلاي دەيدى: جۇڭگو - ەۆروپا كەزەكشى پويەزدارى قاتىناعاننان بەرى، جىلدام دامۋمەن قاتار، كەزەكشى پويەزداردىڭ قاتىناۋ مەرزىمى تۇراقتى بولماۋ، قاتىناۋ جيىلىگى جوعارى بولماۋ، ۋاقىت ونىمدىلىگىنە كەپىلدىك ەتۋ قيىن بولۋ، قايتار جولداعى جۇك قاينارىن ۇيىمداستىرۋ قىزمەتى پارمەندى بولماۋ، سىقالىپ بارىپ قۇر قايتۋدىڭ سەبەبىنەن وزىندىك قۇن جوعارى بولۋ سياقتى ماسەلەلەر ورىن تەۋىپ، ەلىمىزدىڭ جۇڭگو - ەۆروپا كەزەكشى پويەزدارىنىڭ جالپى تۇلعالىق دامۋىن بەلگىلى دەڭگەيدە تەجەپ وتىر.

  مۇشە جياڭ پيڭان ءۇرىمجى كەدەنى جاڭالىق اشۋ جۇڭگو - ەۆروپا كەزەكشى پويەزدارىنىڭ ”توپتاپ جيناۋ، توپتاپ جونەلتۋ“ ۇلگىسىن ورتاعا قويعانىمەن، سەلبەستىك كولەمى تار بولۋ، قاتىستى دەڭگەيدەگى ءبىر تۇتاس جوسپارلاۋ مەحانيزمى كەمەلدى بولماۋ سياقتى فاكتورلاردىڭ ىقپالىندا ”توپتاپ جيناۋ، توپتاپ جونەلتۋ“ كاسىبىنىڭ ۇدايىلانىپ جۇرگىزىلۋ دەڭگەيىنىڭ جوعارى بولماي وتىرعانىنان حابار تابادى.

  ”’توپتاپ جيناۋ، توپتاپ جونەلتۋ‘ ۇلگىسى − جۇڭگو - ەۆروپا كەزەكشى پويەزدارىنىڭ قاتىناۋىنداعى وسال تۇستاردى شەشۋدىڭ ءونىمدى جوباسى، بۇل ۇلگى − جۇڭگو - ەۆروپا كەزەكشى پويەزدارىنىڭ باياندى دامۋدى جانە كوپ جاقتىڭ تەڭ ۇتۋىن جۇزەگە اسىرۋدىڭ ءونىمدى جولى“، - دەيدى جياڭ پيڭان.

  وسىعان بايلانىستى، جياڭ پيڭان قاتارلى مۇشەلەر مەملەكەتتىڭ قاتىستى تاراۋلارىنا قازىر بار جۇڭگو - ەۆروپا كەزەكشى پويەزدارى بايلىعىن بىرلەستىرىپ، جۇڭگو - ەۆروپا كەزەكشى پويەزدارى ءۇرىمجى توپتاۋ - جيناۋ ورتالىعىن قالىپتاستىرىپ، اناعۇرلىم كوپ قالالاردىڭ ءۇرىمجىنى تاۋار توپتاۋ - جونەلتۋ ورتالىعى ەتۋىنە قولداۋ كورسەتىپ، ”توپتاپ جيناۋ، توپتاپ جونەلتۋ“ كاسىبىن ورىستەتىپ، حالىقارا مەن ەل ىشىندەگى جۇكتەردىڭ ءبىر پويەزبەن تاسىمالدانۋىن جۇزەگە اسىرۋ، سونداي - اق ءۇرىمجى باتىس ۆوكزالىن جۇڭگو - ەۆروپا كەزەكشى پويەزدارىنىڭ تۇراقتى جۇمىس ءتۇيىنى ەتىپ، تۇراقتى كەزەكشى پويەزداردىڭ قاتىناۋ كولەمىنە ەنگىزىپ، ۆاگون قوسۋ، جۇك تولىقتاۋ جۇمىسىن ورىستەتۋدى ۇسىنادى.

  جياڭ پيڭان قاتارلى مۇشەلەردىڭ ۇسىنىس جوباسىن تاپسىرىپ العان سوڭ، جۇڭگو مەملەكەتتىك تەمىر جول توبى شەكتى سەرىكتەستىگى دەرەۋ جاۋاپ قايتارادى، سونداي - اق ”توپتاپ جيناۋ، توپتاپ جونەلتۋ“ كاسىبىنىڭ كولەمىن كەڭەيتۋ جونىندە تەكسەرۋ - زەرتتەۋ جۇرگىزۋگە كىرىسەدى.

  مەملەكەتتىڭ قاتىستى تاراۋلارىنىڭ قولداۋىندا ءۇرىمجى قازىر ىشكى ولكەلەردەگى كەزەكشى پويەز سەرىكتەستىكتەرىمەن سەلبەسىپ، ”توپتاپ جيناۋ، توپتاپ جونەلتۋ“ كەزەكشى پويەزدارىن ىسكە قوسقان، سونداي - اق ”چۇڭچيڭ - شينجياڭ - ەۆروپا“ كەزەكشى پويەزىن سۇيەنىش ەتىپ، ”توپتاپ جيناۋ، توپتاپ جونەلتۋ“ سىناعىن جانە تۇڭعىش توپتاعى ”حاۋىپسىز، زەردەلى ساۋدا جەلىسى“ تاۋارلارىنىڭ ناقتى تاپسىرىستىق سىناعى قىزمەتىن ورىستەتكەن.

  بىلتىر شينجياڭ العاش اشقان جۇڭگو - ەۆروپا كەزەكشى پويەزدارىن ”توپتاپ جيناۋ، توپتاپ جونەلتۋ“ تۇرىندە ۇيىمداستىرۋ ۇلگىسى مەملەكەتتىك كەڭەستىڭ ەركىن ساۋدا سىناق رايوندارىنا قاتىستى 5 - توپتاعى رەفورما سىناق ءتۇيىنى تاجىريبەلەرىنىڭ قاتارىنا ەنگىزىلىپ، بۇكىل ەلدە كوشىرىلىپ جالپىلاستىرىلا باستادى. بيىل 2 - ايدا كەدەن باس مەكەمەسى 10 تارماقتى شارا شىعارىپ، جۇڭگو - ەۆروپا كەزەكشى پويەزدارىنىڭ دامۋىنا دەم بەردى، مۇنىڭ ىشىندە جۇڭگو - ەۆروپا كەزەكشى پويەزدارىنىڭ توراپ بەكەتتەرىن نەمەسە توپتاۋ - جيناۋ ورتالىقتارىن قۇرۋعا قولداۋ كورسەتۋ، كەدەندىك باقىلاۋ - باسقارۋ جۇمىسى الاڭدارىندا (ورىندارى) جۇك قۇراۋ جۇمىسىن جانە ىشكى، سىرتقى ساۋدا تاۋارلارىن ارالاستىرىپ تاسىمالداۋ جۇمىسى سياقتى مازمۇندار ”توپتاپ جيناۋ، توپتاپ جونەلتۋ“ تۇرىندە ۇيىمداستىرۋ ۇلگىسى ارقىلى جۇڭگو - ەۆروپا كەزەكشى پويەزدارىنىڭ تاسىمال قۋاتىن ونان ارى ىسكە قوستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى