شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان
”ءبىزدىڭ بولىمشە مەملەكەت بويىنشا تۇڭعىش توپتاعى ’فىڭچياۋ ۇلگىسىندەگى قوعام حاۋىپسىزدىگى ساقشى بولىمشەلەرىنىڭ‘ ءبىرى بولىپ باعالانىپ، بۇگىن ارناۋ تاقتاسىنىڭ اشىلۋ سالتىن وتكىزدىك“، - دەدى 5 - ايدىڭ 10 - كۇنى مەملەكەتتىك حالىق قۇرىلتايىنىڭ ۋاكىلى، ءۇرىمجى قالالىق قوعام حاۋىپسىزدىگى مەكەمەسى سايباق بولىمشە مەكەمەسى حۇڭمياۋزى ساقشى بولىمشەسى 73 - ورتا مەكتەپ حالىققا قولايلى ساقشى پۋنكتىنىڭ باستىعى جاۋ جينلۇڭ قۋانىشپەن.
قاراستى اۋماقتى ”قوعام اماندىعىندا بىلىققان تۇيىننەن“ بۇقارا رازى بولعان كورىكتى مەكەن ەتىپ قالىپتاستىرۋ − حۇڭمياۋزى ساقشى بولىمشەسىندەگى بارلىق حالىق ساقشىلارىنىڭ، كومەكشى ساقشىلاردىڭ بۇكىل ىنتا - پەيىلىمەن حالىق بۇقاراسى ءۇشىن قىزمەت ىستەۋىنىڭ جەمىسى.
”بىلتىر جىل باسىنان بەرى، مەن قىزمەت ورنىمدا بۇقارانىڭ اماندىعىن ۇزدىكسىز قورعاپ، بۇقارانىڭ قاسىندا تۇرىپ قىزمەت وتەدىم“. جاۋ جينلۇڭ بىلاي دەدى: حۇڭمياۋزى ساقشى بولىمشەسىنە قاراستى اۋماقتاعى كوشەلەردە بىردە - ءبىر دەلونىڭ تۋىلماۋىنىڭ جۇزەگە اسۋىنا ىلەسە، تەلەحابارلاسۋ الدامشىلىعىنىڭ الدىن الۋ تۋرالى ۇگىت - ءناسيحاتتى ويداعىداي ىستەۋ − حالىق ساقشىلارىنىڭ قىزمەت تۇيىندەرىنىڭ ءبىرى بولدى. جاۋ جينلۇڭ مەن ونىڭ جاۋىنگەر سەرىكتەرى قاراستى اۋماقتاعى مەكتەپتەرگە، شيپاحانالارعا جانە شاعىن اۋماقتارعا بارىپ الدامشىلىققا قارسى تۇرۋ بىلىمدەرىن ۇگىتتەدى.
قوعام حاۋىپسىزدىگى جۇمىستارىنا قاتىستى ”تومەنگە بەرۋ، باسقارۋ، قىزمەت وتەۋ“ رەفورماسىنىڭ ۇزدىكسىز تەرەڭدەۋىنە بايلانىستى، حالىققا قولايلى ساقشى پۋنكتى ”بۇقارانى ازىراق سابىلتۋ، ساندى مالىمەتتى كوبىرەك جۇگىرتۋدىڭ“ ءتۇرلى فۋنكتسيالارىن ارقالاپ، بۇقارا ءۇشىن نوپوس، ازاماتتىق كۋالىك، قاتىناس ىستەرىن باسقارۋ سياقتى جۇمىستاردان كەڭەس الۋشىلارعا جاۋاپ بەرىپ، جۇمىس ءتارتىبى بويىنشا جەتەكشىلىك ەتۋدى ويداعىداي ىستەدى. ”ساقشىعا ءار كۇنى نەگىزىنەن بۇقارانىڭ كومەك سۇراۋى تۇرىندەگى جۇمىستار كەلىپ تۇسەتىن بولدى“، - دەيدى جاۋ جينلۇڭ.
”قاراستى اۋماقتا ءبىر باستاۋىش مەكتەپ بار، بىلتىر ءبىز بارعان ەڭ ءبىر تىعىز - تاياڭ ءىس بالاسى مەكتەپتەن قايتاردا توسىپ الۋعا بارعان اتا - انا بالاسىن تابا الماي، ساقشىعا حابارلاسادى“. سول كۇنى جاۋ جينلۇڭ مەن جاۋىنگەر سەرىكتەرى جان - جاقتان ىزدەپ، اقىرى بالانى تاۋىپ الادى، سويتسە، اتا - اناسىن جولىقتىرا الماعان سوڭ، بالاسى ۇيگە قايتاردا كوشە اۆتوبۋزىنا قاتە وتىرىپ الىپتى.
حالىققا قولايلى ساقشى پۋنكتىندە تاعى شاعىن ءورت ءسوندىرۋ پۋنكتى ورنالاستىرىلعان. ”بارلىعىمىز ءورت ءسوندىرۋشىمىز“ دەيدى جاۋ جينلۇڭ، ونىڭ ايتۋىنشا، بىلتىر قاراستى اۋماقتاعى ءبىر شاعىن اۋماقتا ءورت اپاتى تۋىلىپ، حالىق ساقشىلارى دەرەۋ جەتىپ بارىپ ءبىر جاقتى ەتىپ، ءورتتى جەدەل سوندىرگەن.
قايشىلىق، داۋ - شارلاردى شەشۋ جونىندە دە حالىق ساقشىلارى مول تاجىريبە جيناپ ۇلگىردى. ”قاراستى اۋماقتاعى قايشىلىقتار مەن داۋ - شارلاردىڭ كوبى ءۇي - جاي قوجالىق ىستەرىنە قاتىستى داۋ - شارلار، كورشىلەر ارا كيكىلجىڭدەر، بۇلار كولىك توقتاتۋ، ەرمەك حايۋان، شۋىل سياقتى ءار جاقتاعى ماسەلەلەرگە سايادى، ءبىز سابىرمەن تىڭداپ، داۋ - شار، كيكىلجىڭدەردى سۇيىسپەنشىلىكپەن، ءجون - جوسىقپەن جونگە سالىپ، قاراستى اۋماقتاعى جاراسىمدىلىقتى جەبەپ وتىرۋىمىز كەرەك“، - دەيدى جاۋ جينلۇڭ.
بۇقارالىق قىزمەت ىستەۋمەن بىرگە، جاۋ جينلۇڭ بۇقارانىڭ جۇرەك ۇنىنە دە قۇلاق ءتۇرىپ، ۋاكىلدىك جاۋاپكەرشىلىگىن اتقارۋ ءۇشىن نەگىزدىك قىزمەتتەردى ويداعىداي ىستەدى. حالىققا قولايلى ساقشى پۋنكتى قابىلدايتىن بۇقارا از ەمەس، سولاردىڭ اراسىندا كەيبىر بۇقارا جاۋ جينلۇڭدى حالىق ساقشىسى بولعانى ءۇشىن ەمەس، مەملەكەتتىك حالىق قۇرىلتايىنىڭ ۋاكىلى ەكەندىگىن بىلگەندىكتەن ىزدەپ كەلەدى.
ىندەتتەن ساقتانۋ - تىزگىندەۋ قىزمەتى ورىستەتىلگەننەن بەرى، جاۋ جينلۇڭ ەشتەڭەدەن تايسالماي ىندەتپەن شايقاسۋعا ات سالىسىپ، اۋاشالاۋعا ورنالاستىرىلعان قوناق ۇيدە 3 ايدان ارتىق قىزمەت ىستەدى، بۇل ارالىقتا ۇيىنە قايتقان جوق. ”ءبىز اۋاشالانۋعا ءتيىستى ادامداردى تىركەپ، دەنە تەمپەراتۋراسىن ولشەۋ سياقتى جۇمىستار ىستەپ، كوپشىلىكتىڭ كۇندەلىكتى تۇرمىسىنا قارايلاستىق“.
وسى مەزگىلدە جاۋ جينلۇڭ ءار كۇنى كىتاپ وقىپ، حابار كورىپ، ەستەلىك جازىپ، بيىلعى مەملەكەتتىك حالىق قۇرىلتايىنا قاتىناسۋعا دايىندالدى. ”حالىق قۇرىلتايىنىڭ ۋاكىلى رەتىندە، حالىق ساقشىسى رەتىندە، مەن جاۋاپكەرشىلىگىمدى ويداعىداي اتقارىپ، مىندەتىمدى ادا ەتىپ، حالىق بۇقاراسىنىڭ تۇرمىسىنىڭ بارعان سايىن باقىتتى بولۋىنا مۇمكىندىك جاسايمىن“، - دەيدى جاۋ جينلۇڭ.
