تيانشان تورى
تيانشان تورى   ›   جاڭالىقتار   ›   شينجياڭ حابارلارى

چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى

5 - ايدىڭ 15 - كۇنى ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) جۇڭگو چاڭچىڭ (شينجياڭ) دەربەس جاسامپازدىق بازاسىنىڭ ءوندىرىس جەلىسىندە قىزمەتكەرلەر جۇڭگو چاڭچىڭ (شينجياڭ) ”تيانشان جەلىلەس“ كومپيۋتەرىن قۇراستىرۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى زوۋ ي تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى ۋي حۇڭپيڭ 5 - ايدىڭ 15 - كۇنى ۇرىمجىدەن حابارلايدى. 5 - ايدىڭ 15 - كۇنى ءۇرىمجى ەكونوميكالىق - تەحنيكالىق اشۋ رايونىنداعى (توۋتۇنحى رايونى) شينجياڭ بايناۋي زەردەلى تەرمينالدار ەلەكتروندىق كاسىپ باقشاسىندا جۇڭگو چاڭچىڭ (شينجياڭ) ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىعىپ، رايونىمىزدىڭ ەلەكتروندى ينفورماتسيالىق جاساۋ كاسىبىنىڭ جاڭا مارەگە شىققاندىعىن ايگىلەدى.

  بىلتىر 12 - ايدىڭ 30 - كۇنى جۇڭگو ەلەكتروندى ينفورماتسيالىق كاسىپ توبى جۇڭگو چاڭچىڭ عىلىم - تەحنيكا توبى شەكتى جارنا سەرىكتەستىگى ءۇرىمجى قالاسىمەن سەلبەستىك كەلىسىمىنە قول قويىپ، ءۇرىمجى قالاسىندا جۇڭگو چاڭچىڭ (شينجياڭ) دەربەس جاسامپازدىق بازاسى نىسانىن قارجى قوسىپ سالىپ، جىلىنا 300 مىڭ كومپيۋتەر وندىرەتىن ءوندىرىس بازاسىن تۇلعالاۋدى نىسانا ەتىپ، كومپيۋتەر، سەرۆەر جانە قاتىستى ۇساق، كەسەك بولشەكتەردى ءوز جەرىندە زەرتتەپ جاساۋدى جۇزەگە اسىردى.

  بيىل سەرىكتەستىك جاڭا تيپتى ايدارشا ۆيرۋس وكپە قابىنۋ ىندەتىنىڭ ىقپالىن قۇلشىنا جەڭىپ، 5 ايعا جەتپەيتىن ۋاقىتتا وتپەلى وندىرىستىك زاۆود ءۇيىن اشەكەيلەپ جاڭالاۋ مەن ءوندىرىس جەلىسىن قۇراستىرۋدى تامامداپ، ”تيانشان جەلىلەس“ كومپيۋتەرى تۇتاس اپپاراتىنىڭ ءوندىرىس جەلىسىنەن شىعۋىن جۇزەگە اسىرىپ، رايونىمىزدىڭ ەلەكتروندى ينفورماتسيالىق جاساۋ كاسىبىندەگى وسى تۇردەگى اقتاڭداقتى تولتىردى.

  جۇڭگو ەلەكتروندى ينفورماتسيا كاسىپ توبى پارتيا باسشىلىق گرۋپپاسىنىڭ مۇشەسى، ورىنباسار باس ديرەكتورى چىن شيميڭ مىنانى ءبىلدىردى: شينجياڭنىڭ جىبەك جولى ەكونوميكالىق بەلدەۋى وزەكتى رايونىن قۇرۋ ورايىنا سۇيەنىپ، ءۇرىمجى قالاسىندا ”تيانشان جەلىلەس“ كومپيۋتەرى تۇتاس اپپاراتىنىڭ ءوندىرىس جەلىسىن قارجى قوسىپ سالىپ، شينجياڭنىڭ ەل ءىشى - سىرتىنداعى بازارمەن تۇتاسۋ باسىمدىعىن تياناق ەتىپ، ورتا ازيا ەلدەرىن باعىتقا الىپ، ەلەكتروندى ونىمدەردىڭ ۇساق، كەسەك بولشەكتەرى، تۇتاس اپپاراتى سياقتىلاردى ەكسپورت ەتەمىز. سونىمەن بىرگە، جۇڭگو ەلەكتروندى ينفورماتسيا كاسىپ توبى ءۇرىمجى قالاسىمەن زەردەلى جاساۋ، ەمدەۋ - سالاماتتىق، ۇكىمەت ىستەرىن ينفورماتسيالاندىرۋ، ۇلكەن ساندى مالىمەتتىڭ قولدانىلۋى، ونەركاسىپتىك ينتەرنەت، وسى زامانعى سيفرلى قالا قۇرىلىسى سياقتى جاقتاردا اناعۇرلىم تەرەڭ سەلبەستىك ورىستەتىپ، ورتا ازياداعى 5 ەل مەن شىعىس ەۆروپاداعى ەلدەردىڭ بازارىنا ءورىس اشىپ، ”ءبىر بەلدەۋ، ءبىر جول“ جەلىسى بويىنداعى ەلدەرگە اناعۇرلىم ويداعىداي قىزمەت ەتىپ، شينجياڭداعى بازانى جىبەك جولى ەكونوميكالىق بەلدەۋىن شارپيتىن ينفورماتسيا تەحنيكاسىن قولدانۋدا جاڭالىق اشۋ كاسىبىنىڭ جاڭا بيىك دەڭگەيى ەتىپ تۇلعالاۋدى جوسپارلاپ وتىرمىز.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.