تيانشان تورى
تيانشان تورى   ›   جاڭالىقتار   ›   ماڭىزدى حابارلار

مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەنگەن ءسوز

«ىزدەنۋ» جۋرنالى باس شۋجي شي جينپيڭنىڭ ماڭىزدى ماقالاسىن جاريالايدى

مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەنگەن ءسوز

  شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى. 5 - ايدىڭ 16 - كۇنى باسپادان شىعاتىن «ىزدەنۋ» جۋرنالىنىڭ 10 - سانى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ ماڭىزدى ماقالاسى − «مەملەكەتتىك 13 - كەزەكتى حالىق قۇرىلتايىنىڭ 1 - ماجىلىسىندە سويلەنگەن ءسوزدى» جاريالايدى.

  ماقالادا مىنالار باسا دارىپتەلدى: حالىق − تاريحتى جاراتۋشى، حالىق − ناعىز قاھارمان. جۇڭحۋا ۇلتىنىڭ ايبىندى دامۋ تاريحىن جۇڭگو حالقى جازعان! باي مازمۇندى جۇڭحۋا وركەنيەتىن جۇڭحۋا ۇلتى جاراتقان! بارعان سايىن جاڭارا تۇسكەن جۇڭحۋا ۇلتىنىڭ رۋحىن جۇڭگو حالقى جەتىلدىرگەن! جۇڭحۋا ۇلتىنىڭ ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى سەكىرۋىن جۇڭگو حالقى كۇرەس جۇرگىزۋ ارقىلى جۇزەگە اسىرعان!ماقالادا مىنالار اتاپ كورسەتىلدى: جۇڭگو حالقى ۇزاق ۋاقىت كۇرەس جۇرگىزۋ بارىسىندا جەتىلدىرگەن، جالعاستىرعان، دامىتقان ۇلى ۇلت رۋحى جۇڭگونىڭ دامۋىنا جانە ادامزات وركەنيەتىنىڭ العا باسۋىنا قۇدىرەتتى رۋحاني كۇش بەردى. جۇڭگو حالقى ۇلى جاسامپازدىق رۋحقا يە حالىق، ۇلى كۇرەسكەرلىك رۋحقا يە حالىق، ۇلى ىنتىماق رۋحىنا يە حالىق، ۇلى ارمان رۋحىنا يە حالىق. وسىنداي ۇلى حالىقتىڭ، وسىنداي ۇلى ۇلتتىڭ، وسىنداي ۇلى ۇلتتىق رۋحتىڭ بولۋى − ءبىزدىڭ ماقتانىشىمىز، ءبىزدىڭ جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەتى سەنىمىن بەكەمدەۋىمىزدىڭ ءتۇپ نەگىزى، سونداي - اق ءارقانداي كەدەرگىنى بۇزىپ ءوتىپ، اسقاق ارىنمەن العا باسۋىمىزدىڭ ءتۇبىرلى كۇشى!

  ماقالادا مىنالار اتاپ كورسەتىلدى: ەلىمىز − جۇمىسشى تابى باسشىلىعىنداعى، جۇمىسشى - شارۋا وداعىن نەگىز ەتكەن حالىق دەموكراتياسى ديكتاتۋراسىندىق سوتسياليستىك مەملەكەت، مەملەكەتتىڭ بارلىق بيلىگى حالىققا ءتان. ءبىز، ءسوزسىز، باستان - اياق حالىق تۇرعىسىنان جازباي، حالىقتىڭ نەگىزگى تۇلعالىق ورنىنا تاباندى بولىپ، حالىقتان كىشى پەيىلدىكپەن ۇيرەنىپ، حالىقتىڭ ۇنىنە قۇلاق اسىپ، حالىقتىڭ اقىل - پاراساتىن قابىلداپ، حالىقتىڭ قولداۋ - قولداماۋىن، جاقتاۋ - جاقتاماۋىن، قۋانۋ - قۋانباۋىن، قوسىلۋ - قوسىلماۋىن بارلىق قىزمەتتەردىڭ تابىستارى مەن ساتسىزدىكتەرىن ولشەۋدىڭ ءتۇبىرلى ولشەمى ەتىپ، حالىقتىڭ ەڭ كوكەي تەستى، ەڭ تىكە، ەڭ رەال مۇددە ماسەلەلەرىن كۇش سالا شەشىپ، جالپى جۇڭگو حالقى مەن جۇڭحۋا پەرزەنتتەرىن جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ تاريحي ۇردىسىندە باقىت پەن داڭقتان تەڭ يگىلىكتەندىرۋىمىز كەرەك!

  ماقالادا مىنالار اتاپ كورسەتىلدى: حالىقتا سەنىم بولعاندا عانا، مەملەكەتتە بولاشاق بولادى، مەملەكەتتە كۇش - قۋات بولادى. جۇڭگوشا سوتسياليزم جاڭا داۋىرگە ءوتتى، ەڭبەكشىل، ەرجۇرەك جۇڭگو حالقىنىڭ سەنىمى، ار - نامىسى، كۇش - قۋاتى ارتا ءتۇستى. جۇڭگوشا سوتسياليزم جولى، نازارياسى، ءتۇزىمى، مادەنيەتى قاۋلاعان ومىرشەڭدىك كۇشىن جارىققا شىعارىپ، جۇڭحۋانىڭ ۇلان - بايتاق جەرىندە كەرەمەتتەر ۇزدىكسىز تۋىلۋدا. ءبىز بولاشاققا كامىل سەنىمدەمىز. ءبىز ەلىمىز دامۋىنىڭ جاڭا تاريحي ورنىنا ۇيلەسىپ، ەلىمىز قوعامىنداعى باستى قايشىلىقتىڭ وزگەرىسىن مىقتى مەڭگەرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنان جازباي، حالىقتى وزەك ەتۋ سىندى دامۋ يدەياسىنان جازباي، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا ءداۋىر جۇڭگوشا سوتسياليزم ىستەرىنىڭ جاڭا جاعدايىن اشۋ جولىندا كۇش سالا قۇلشىنۋىمىز كەرەك!

  ماقالادا مىنالار اتاپ كورسەتىلدى: ءبىز ءومىر ءسۇرىپ وتىرعان دۇنيە ۇمىتكە تولى، سىن - سايىستارعا دا تولى. جۇڭگو حالقى ەجەلدەن ادىلەتتىلىك سەزىمگە جانە تىلەۋلەستىك سەزىمگە باي، ەجەلدەن ءوزىنىڭ بولاشاعىن، تاعدىرىن ءار ەل حالقىنىڭ بولاشاعىمەن، تاعدىرىمەن تىعىز بايلانىستىرىپ، قاي - قاشان دا ەڭ زور قۇلشىنىس جاساپ، ادامزاتتىڭ بەيبىتشىلىگى مەن دامۋى جولىندا ۇلەس قوسۋعا پەيىل بولىپ كەلەدى. جۇڭگو حالقىنىڭ بۇل ارمانى شىنايى ارمان، جۇڭگو ءوزىنىڭ دامۋى ءۇشىن وزگە ەلدىڭ مۇددەسىن استە بوداۋعا بەرمەيدى، جۇڭگونىڭ دامۋى ءارقانداي ەلگە قاتەر توندىرمەيدى، جۇڭگو ماڭگى زورەكەر بولمايدى، ماڭگى ىرگە كەڭەيتپەيدى. وزگەلەرگە حاۋىپ توندىرۋگە ادەتتەنىپ قالعاندار عانا باسقالاردىڭ ءبارىن قاتەرلى دەپ قارايدى. جۇڭگو حالقىنىڭ ادامزاتتىڭ بەيبىتشىلىگى مەن دامۋىنا ۇلەس قوساتىن شىنايى ارمانى مەن ناقتى ارەكەتىن ەشقانداي ادام جاڭساق تۇسىنبەۋى، ونان دا ماڭىزدىسى، بۇرمالاماۋى كەرەك. بۇل دۇنيەدە ادىلدىكتىڭ بولاتىنى، داۋسىز! جۇڭگو بەيبىتشىلىك، دامۋ، سەلبەستىك، تەڭ يگىلىكتەنۋ تۋىن ۇزدىكسىز بيىك ۇستاپ، بەيبىت دامۋ جولىمەن جۇرۋگە، ءوزارا تيىمدىلىك جەتكىزىپ، تەڭ يگىلىككە كەنەلۋدەي اشىق ستراتەگيانى اتقارۋعا باستان - اياق تاباندى بولىپ، دۇنيە جۇزىنە اناعۇرلىم مول جۇڭگو اقىل - پاراساتىن، جۇڭگو جوباسىن، جۇڭگو كۇش - قۋاتىن تارتۋ ەتىپ، باياندى بەيبىت، جاپپاي حاۋىپسىز، ورتاق گۇلدەنىپ - كوركەيگەن، اشىق تا قامتىمدى، تازا دا كورىكتى دۇنيە قۇرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسى قۇرىلىسىنىڭ شۇعىلاسىمەن دۇنيە ءجۇزىن نۇرلاندىرادى!

  ماقالادا مىنالار اتاپ كورسەتىلدى: جۇڭگو كوممۋنيستىك پارتياسىنىڭ باسشىلىعى − جۇڭگوشا سوتسياليزمنىڭ ەڭ ماندىك ەرەكشەلىگى، جۇڭگو كوممۋنيستىك پارتياسى − مەملەكەتتىڭ ەڭ جوعارى ساياسي باسشى كۇشى، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ ءتۇبىرلى كەپىلى. جۇڭگو كوممۋنيستىك پارتياسى حالىققا باسشىلىق ەتىپ، ۇلى قوعامدىق توڭكەرىستەر جۇرگىزۋ سىندى تاريحي بورىشتى ارقالاپ، وزىنە توڭكەرىس جاساۋعا، ءسوزسىز، باتىل بولىپ، ماركسيزمدىك بيلىك باسىنداعى پارتيانىڭ قاسيەتىن ماڭگى ساقتاپ، ماڭگى ءداۋىردىڭ الدىڭعى لەگىندە ءجۇرىپ، ماڭگى جۇڭگو حالقى مەن جۇڭحۋا ۇلتىنىڭ تىرەگى بولۋ كەرەك!

  ماقالادا مىنالار باسا دارىپتەلدى: جاڭا ءداۋىر ءاربىر ادامعا ءتان، ءاربىر ادام جاڭا ءداۋىردىڭ كۋاگەرى، اشۋشىسى، قۇرىلىسشىسى. ءبىز شىنايى ىنتىماقتاسىپ، بىرگە كۇرەس جۇرگىزەتىن بولساق، جۇڭگو حالقىنىڭ ارماندى جۇزەگە اسىرۋ اياق الىسىنا ەشقانداي كۇش بوگەت بولا المايدى!

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.