تيانشان تورى   ›   جاڭالىقتار   ›   ماڭىزدى حابارلار

جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى ءماجىلىس اشتى

ۇكىمەت قىزمەتىنەن باياندامانى تالقىلادى

جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى

  شينحۋا اگەنتتىگىنىڭ 5 - ايدىڭ 15 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 5 - ايدىڭ 15 - كۇنى ءماجىلىس اشىپ، مەملەكەتتىك كەڭەستىڭ مەملەكەتتىك 13 - كەزەكتى حالىق قۇرىلتايى 3 - ءماجىلىسىنىڭ قاراۋىنا ۇسىناتىن «ۇكىمەت قىزمەتىنەن بايانداما» نۇسقاسىن تالقىلادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى.

  ءماجىلىس بىلاي دەپ قارادى: وتكەن ءبىر جىلدا ەلىمىزدىڭ دامۋى كوپتەگەن قيىنشىلىقتار مەن سىن - سايىستارعا ءدوپ كەلدى، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، قيىندىقتاردان قامال الىپ، تۇتاس جىلداعى باستى نىسانالاردى، مىندەتتەردى ورىنداپ، جاپپاي دوڭگەلەك داۋلەتتى قوعام ورناتۋعا شەشۋشى سيپاتتى نەگىز قالادى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، پارتيا ورتالىق كوميتەتى ىندەتتەن ساقتانۋ - تىزگىندەۋدى ماڭداي الدى ءىرى ءىس رەتىندە يگەردى، باس شۋجي شي جينپيڭ ءوزى قولباسشىلىق ەتىپ، ءوزى ورنالاستىرۋ جاسادى، حالىقتىڭ ءومىرىنىڭ حاۋىپسىزدىگى مەن دەنساۋلىعىن ءبىرىنشى ورىنعا قويۋدان جازباي، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ ىندەتتەن ساقتانۋ - تىزگىندەۋ حالىقتىق شايقاسىن، جالپى تۇلعالىق شايقاسىن، توسقاۋىل شايقاسىن ويداعىداي جۇرگىزۋىنە باسشىلىق ەتتى. ەرەكشە قاجىرلى قۇلشىنىس جاساۋ ارقىلى ۋحاندى قورعاۋ شايقاسىندا، حۋبەيدى قورعاۋ شايقاسىندا شەشۋشى سيپاتتى تابىسقا قول جەتكىزدى، ىندەتتەن ساقتانۋ - تىزگىندەۋ توسقاۋىل شايقاسىندا كەلەلى ستراتەگيالىق تابىسقا قول جەتكىزدى، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋدە بەلسەندى ناتيجەلەرگە قول جەتكىزدى.

  ءماجىلىس مىنانى باسا دارىپتەدى: قازىر الەمدىك ىندەت جانە دۇنيە ءجۇزىنىڭ ەكونوميكالىق جاعدايى ءالى قاتاڭ دا كۇردەلى، ەلىمىزدىڭ دامۋى بۇرىن بولماعان سىن - سايىستارعا ءدوپ كەلدى. بيىلعى ۇكىمەت قىزمەتىن ويداعىداي ىستەۋ ءۇشىن، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ جانە 19 - كەزەكتى ورتالىق كوميتەتى ەكىنشى، ءۇشىنشى، ءتورتىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، پارتيانىڭ نەگىزگى نازارياسىن، نەگىزگى لۋشيانىن، نەگىزگى جالپى جوباسىن باتىل دايەكتىلەندىرىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاپپاي دوڭگەلەك داۋلەتتى قوعام ورناتۋدىڭ نىسانالارىمەن، مىندەتتەرىمەن تىعىز بايلانىستىرىپ، ىندەتتەن ساقتانۋ - تىزگىندەۋ جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋ - تىزگىندەۋدى ۇدايىلاندىرۋ العى شارتىندا، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىنا تاباندى بولىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، رەفورما جاساۋ، ەسىك اشۋدى قوزعاۋشى كۇش ەتە وتىرىپ جوعارى ساپادا دامۋدى ىلگەرىلەتۋگە تاباندى بولىپ، ءۇش ءىرى قامال الۋ شايقاسىن باتىلدىقپەن ويداعىداي جۇرگىزىپ، ”التىنى ورنىقتىرۋ“ قىزمەتىن تىڭعىلىقتى تۇردە ويداعىداي ىستەپ، ”التىنى قامتاماسىزداندىرۋ“ مىندەتىن جاپپاي تياناقتاندىرىپ، ىشكى سۇرانىستى كەڭەيتۋ ستراتەگياسىن تاباندىلىقپەن اتقارىپ، ەكونوميكالىق دامۋ مەن قوعامدىق ورنىقتىلىق كەلەلى جاعدايىن قورعاپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە جەتۋدىڭ نىسانالارىن، مىندەتتەرىن ورىنداپ، جاپپاي دوڭگەلەك داۋلەتتى قوعام ورناتۋعا شىنايى كەپىلدىك ەتۋ كەرەك.

  ءماجىلىس مىنالاردى اتاپ كورسەتتى: بيىلعى جىلدىڭ كەلەرگى كەزەڭىندە ىندەتتەن ساقتانۋ - تىزگىندەۋدى ۇدايىلاندىرۋدى تيتتەي دە بوساڭسىتپاي، ەكونوميكالىق، قوعامدىق دامۋ قىزمەتتەرىن كۇش سالا ويداعىداي ىستەۋ كەرەك. بەلسەندى قازىنا ساياساتىندا اناعۇرلىم بەلسەندى ءىس تىندىرۋ، ورنىقتى دا اقاۋسىز اقشا ساياساتىندا اناعۇرلىم يكەمدى دە ۇيلەسىمدى بولۋ، جۇمىستاندىرۋدى الدىمەن ويلاستىرۋ ساياساتىن جالپى بەتتىك نىعايتۋ كەرەك. ماكرولىق ساياساتتى اتقارۋ تەبىنىن ارتتىرىپ، كاسىپورىنداردىڭ جۇمىستاندىرۋدى قامتاماسىز ەتۋىن كۇش سالا ورنىقتىرۋ كەرەك. رەفورماعا سۇيەنىپ بازاردىڭ تۇلعالىق ومىرشەڭدىك كۇشىن تاسقىنداتىپ، دامۋدىڭ جاڭا قوزعاۋشى قۋاتىن ارتتىرۋ كەرەك. ىشكى سۇرانىستى كەڭەيتۋ ستراتەگياسىن اتقارىپ، ەكونوميكانىڭ دامۋ تاسىلىنە جەدەل بۇرىلىس جاساۋدى ىلگەرىلەتۋ كەرەك. كەدەيلىكتەن ارىلتۋدان قامال الۋ نىساناسىن جۇزەگە اسىرۋعا شىنايى كەپىلدىك ەتىپ، اۋىل شارۋاشىلىعىنان مول ءونىم الىپ، شارۋالاردىڭ كىرىسىن ارتتىرۋدى جەبەۋ كەرەك. اناعۇرلىم جوعارى دەڭگەيدە سىرتقا ەسىك اشۋدى ىلگەرىلەتىپ، سىرتقى ساۋدانىڭ، شەتەل قارجىسىنىڭ نەگىزگى احۋالىن ورنىقتىرۋ كەرەك. حالىق تۇرمىسىن قامتاماسىز ەتۋ مەن جاقسارتۋدى ارقاۋ ەتىپ، قوعامدىق ىستەر رەفورماسىن، دامۋىن ىلگەرىلەتۋ كەرەك. ۇكىمەتتىڭ وزىندىك قۇرىلىسىن كۇشەيتىپ، فورماشىلدىقتى، تورەشىلدىكتى ۇزدىكسىز جونگە سالىپ، شىنايى يگەرىپ، ناقتى ىستەپ، مويىماس قاجىرلىلىق كورسەتىپ، تۇتاس جىلداعى ەكونوميكالىق، قوعامدىق دامۋدىڭ نەگىزگى نىسانالارىن، مىندەتتەرىن ورىنداۋعا قۇلشىنۋ كەرەك.

  ءماجىلىس باسقا دا ىستەردى اقىلداستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.