شينجياڭ گازەتىنىڭ جالپىلىق اقپارات قۇرالدارى ءتىلشىسى ميھىرگۇل ناسىر
ءار كۇنى وتباسىلارىن ارالاپ جاعداي ۇعىسىپ، بۇقارالىق قىزمەتتى جاقسى ىستەپ، بايقالعان ماسەلەلەردى جانە قوعام جاعدايىن، حالىق رايىن ەستەلىككە الىپ، ءتۇرلى ءادىس - امالدارمەن بۇلاردىڭ شەشىم تابۋىنا كومەكتەسىپ، كەدەيلىكتەن ارىلتۋدان قامال الۋدىڭ نەگىزدىك قىزمەتىن ناقتاپ ويداعىداي ىستەدى، مىنە بۇل مەملەكەتتىك ساياسي كەڭەستىڭ شينجياڭدا تۇراتىن مۇشەسى، شينجياڭ كوركەمونەر تەاترحاناسى وپەرا ۇيىرمەسىنىڭ 1 - دارەجەلى ارتيسى يۇكسەك شيجااتتىڭ 2 جىلدان بەرگى ىستەگەن قىزمەتى.
2018 - جىلى يۇكسەك اۋات اۋدانى جاڭاارىق قالاشىعى سۋجايدى قىستاعىنا كەلىپ قىستاقتا تۇرۋ قىزمەتىن باستادى. قىستاقتا تۇرۋ قىزمەتى بارىسىندا قىستاق تۇرعىندارىن كونسەرت دايىنداۋعا ۇيىمداستىرۋ ونىڭ ماڭىزدى ءبىر قىزمەتى بولدى. ”ءار جولعى ۇلكەن مەرەكەلەردە ءبىز ۇنەمى قىستاق تۇرعىندارىن كونسەرت دايىنداۋعا ۇيىمداستىرامىز، كوپشىلىكتىڭ ات سالىسۋ ىنتاسى وتە جوعارى“، - دەدى يۇكسەك قىستاقتا بولعان وزگەرىستەرگە ايرىقشا قۋانا − ”ءار رەت كونسەرت قويعان كەزدە، تۇتاس قىستاقتاعى 1500 نەشە ادام ءبىر ءۇيلى جاندارداي بارلىعى ءبىر اراعا قۋانىشپەن باس قوسىپ كونسەرتتى تاماشالايدى“.
يۇكسەك كەدەيلەردى سۇيەمەلدەۋدە الدىمەن ەرىك - جىگەر، اقىل - پاراسات جاعىنان سۇيەمەلدەۋ كەرەكتىگىن تەرەڭ تانىپ جەتتى. سوندىقتان ول جىل سايىن مەملەكەتتىك ساياسي كەڭەس ماجىلىسىنە قاتىناسىپ قايتىپ كەلگەننەن كەيىن، ءوزى لەكسيا ماقالاسىن جازىپ، مەملەكەتتىك ەكى ءماجىلىستىڭ رۋحىن ارالاپ ءجۇرىپ ۇگىتتەدى.
يۇكسەك اي سايىن ءبىر رەت مامانداردىڭ كوركەمونەرلىك جەتەكشىلىك ەتۋ لەكسياسىن ورىستەتۋگە تاباندى بولىپ، ادەبيەت - كوركەمونەرگە قىزىعاتىن قىستاقتاعى 20 نەشە جاستى كوركەمونەرگە باۋلىدى. ول تاعى بۇقارا قۋانا تىڭداپ، كوڭىلدەنە كورەتىن ادەبيەت - كوركەمونەر ويىندارىن قويۋ تاسىلىنەن پايدالانىپ، ۇلتتار ىنتىماعىن ۇگىتتەپ، سوتسياليستىك وزەكتى قۇن كوزقاراسىن اسقاقتاتىپ، پارتيا 19 - قۇرىلتايىنىڭ رۋحىن جانە حالىققا ءتيىمدى ساياساتتاردى ۇگىتتەپ، قىستاق تۇرعىندارىنىڭ رۋحاني مادەنيەت قاجەتىن قاناعاتتاندىردى.
”باس شۋجي شي جينپيڭ بىلاي دەپ اتاپ كورسەتتى: كوركەمونەر ارقىلى قيالدىڭ قاناتىن سامعاتۋعا بولادى، دەسەدە، ءسوز جوق، بايتاق جەرگە مىقتاپ تابان تىرەۋ كەرەك. ادەبيەت - كوركەمونەر جاسامپازدىعىنىڭ ءجۇز ءتۇرلى، مىڭ ءتۇرلى ءتاسىلى بار، الايدا ەڭ ءتۇبىرلى، ەڭ شەشۋشى، ەڭ سەنىمدى ءتاسىلى حالىققا تامىر تارتۋ، ومىرگە ىشكەرىلەي ارالاسۋ. وسى ءبىر اۋىز ءسوز مەنىڭ ميىمدا تەرەڭ ساقتالىپ قالدى“، - دەدى يۇكسەك − مەن باس شۋجي شي جينپيڭنىڭ تالابى بويىنشا نەگىزگى ساتىدا قىزمەت ىستەپ، تۇرمىس كەشىرگەن ورايدى قاستەرلەپ، دەن قويا، سۇيىسپەنشىلىكپەن حالىقتى جازىپ، حالىقتى جىرلايمىن.
يۇكسەك كەدەيلىكتەن ارىلتۋدان قامال الۋ ىستەرىنە تىكەلەي ات سالىسۋ ومىرىمدەگى ەڭ قۇندى كەشىرمەم دەپ قارايدى. ”مەن پارتيانىڭ حالىققا تيىمدىلىك جاساۋ ساياساتىن ۇزدىكسىز ويداعىداي ۇگىتتەپ، شىن نيەت، شىنايى پەيىلىممەن بۇقاراعا ويداعىداي قىزمەت وتەپ، كەدەيلىكتەن ارىلتۋدان قامال الۋدىڭ ناتيجەلەرىن بەكەمدەپ، قىستاق تۇرعىندارىنىڭ اناعۇرلىم باقىتتى تۇرمىس كەشىرۋىنە مۇمكىندىك جاسايمىن“، - دەدى ول.
