يۋە يانيۇن
اقپارات قۇرالدارىنىڭ حابارىنا قاراعاندا، جۋىقتا ءۇرىمجى قالاسى ميدۇڭ رايونى مىڭ مۋلىق ”تيانشان گۇل تەڭىزى“ نىسانىن اتقارىپ، 3 جىل ۋاقىت جۇمساپ 600 مۋلىق بايشەشەك باقشاسىن، 300 مۋلىق لاۋاندا باقشاسىن جانە 100 مۋلىق جەمىس ءۇزۋ باقشاسىن سالۋدى جوسپارلاعان. ميدۇڭ رايونى ”ەگىنجاي ساياحاتىن“ شالقىتۋعا كۇش سالىپ، اتىزدى گۇل تەڭىزىنە، جەمىس باقشاسىنا اينالدىرىپ، رايونىمىز وسى زامانعى اۋىل شارۋاشىلىعىنىڭ تىڭ تىنىسىن بايقاتىپ، 1 -، 3 - كاسىپتىڭ توعىسا دامۋ بەتالىسىن جارىققا شىعاردى.
ەگىنجايدى تاماشا كورىنىسكە اينالدىرعان وسى زامانعى اۋىل شارۋاشىلىعى مەن ساياحات كاسىبىنىڭ توعىسا دامۋ جولى شارۋالار جونىنەن ايتقاندا ءبىر اتىزدىڭ، كەمىندە، ەكى ءتۇرلى كىرىس اكەلەتىندىگىن اڭعارتتى، ءبىرى، ەگىن شارۋاشىلىعىنان، ورمان شارۋاشىلىعىنان، ەندى ءبىرى، ساياحاتتاۋشىلاردىڭ ەگىنجاي كورىنىس وڭىرىندە تۇنەۋ، تاماقتانۋ سياقتى تۇتىنۋىنان كەلەدى. بۇل شارا اۋىل شارۋاشىلىعى، اۋىل - قىستاق، شارۋالار جاعىنداعى ولقىلىقتاردى تولىقتاپ، اۋىل شارۋاشىلىعىندا ساپانى جوعارىلاتىپ، ءونىمدى ارتتىرۋدى ىلگەرىلەتىپ، شارۋالار كىرىسىن ارتتىرۋدى جەبەۋدىڭ ۇتىمدى جولى.
وسى بىرنەشە جىلدا رايونىمىزداعى كوپتەگەن جەرلەر ”ەگىنجاي ساياحاتىن“ دەن قويا دامىتتى. شاپشال سىبە اۆتونوميالى اۋدانى جەتىسۋمۇل اۋىلى ەگىنجايدى گۇلدى كەزدەمە ەتىپ، مايسانى بوياۋ قارىنداش ەتىپ، كۇرىش اتىزىندا فورماسى الۋان ءتۇرلى سۋرەتتەردى كەستەلەپ، توتەنشە سالتاناتتى كورىنىس قالىپتاستىردى؛ شونجى اۋدانى جانبۇلاق كورىنىس ءوڭىرى 10 مىڭ مۋلىق ءبيداي اتىزىن سالدى، ۇزىننان - ۇزاققا تولقىن اتقان ءبيداي كورگەن جاندى سۇيىندىرەدى. قازىر وسى ەكى ورىنداعى تاماشا كورىنىستىڭ اجەپتاۋىر اتى شىعىپ، ءار جىلى قىرۋار ساياحاتشىنى باۋرادى. اماليات مىنانى دالەلدەدى: جەرگىلىكتى جاعدايعا قاراي ”ەگىنجاي ساياحاتىن“ شالقىتۋ − ”شينجياڭ جاقسى جەر“ ماركاسىنىڭ داڭقىن اسىرۋدىڭ، شارۋالاردىڭ كىرىسىن ارتتىرۋدىڭ ماڭىزدى جولى.
شينجياڭ − اۋىل شارۋاشىلىعىنداعى ءىرى رايون، ءشول اتىز دا، سۋارمالى اتىز دا بار، استىق ەگۋگە قولايلى جەر دە، ورمان وسىرۋگە قولايلى جەر دە بار، ”ەگىنجاي ساياحاتىن“ شالقىتۋدىڭ مۇمكىندىگى زور. ەگىنجايدى كورىنىس وڭىرىنە اينالدىرۋعا كوبىرەك كۇش سالۋ ساياحات ارقىلى شينجياڭدى گۇلدەندىرۋ قوزعاۋشى قۋاتىن ءتىپتى دە كۇشەيتەدى.
(”لەپتى لەبىز“ ماقالا جولداۋ ەلەكتروندىق حات ساندىعى: xjrbplb@126.com)
