تيانشان تورى   ›   جاڭالىقتار   ›   شينجياڭ حابارلارى

تۇڭعىش رەتكى ”گۋاڭدۇڭ - شينجياڭ - ەۆروپا“ جۇڭگو پوچتا ارناۋلى پويەزى شەكارادان ءوتتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى چىن چياڭۋي 5 - ايدىڭ 16 - كۇنى ۇرىمجىدەن حابارلايدى. ءۇرىمجى كەدەنىنەن ۇعىسۋىمىزشا، 5 - ايدىڭ 15 - كۇنى حالىقارالىق پوچتا جولدامالارىن تيەگەن ”گۋاڭدۇڭ - شينجياڭ - ەۆروپا“ جۇڭگو - ەۆروپا كەزەكشى پويەزى جۇڭگو پوچتا ارناۋلى پويەزى قورعاس تەمىر جول شەكارا وتكەلىنەن اتتانعان، 10 كۇننەن كەيىن كوزەۋلى جەر ليتۆانىڭ ۆايدوتاي ۆوكزالىنا جەتەدى. بۇل ”گۋاڭدۇڭ - شينجياڭ - ەۆروپا“ جۇڭگو - ەۆورپا كەزەكشى پويەزىنىڭ تۇڭعىش رەتكى جۇڭگو پوچتا ارناۋلى پويەزى.

  بۇل رەتكى جۇڭگو - ەۆروپا كەزەكشى پويەزى گۋاڭدۇڭ (شىلۇڭ) تەمىر جول حالىقارالىق زات اينالىمى بازاسىنان اتتانىپ، جالپى سالماعى 248.76 توننا كەلەتىن كيىم - كەشەك، اياق كيىم، باس كيىم، ويىنشىق، چەمودان، سومكە، ەلەكتروندىق ونىمدەر سياقتى زاتتار سالىنعان 41 جۇك قوراپتى تيەپ، قورعاس شەكارا وتكەلى ارقىلى شەكارادان وتكەننەن كەيىن قازاقستاندى، رەسەيدى، بەلورۋسسيانى باسىپ ءوتىپ، سوڭىندا ليتۆاعا جەتەدى. وسىدان كەيىن زاتتار تاعى يسپانيا، انگليا، گەرمانيا، يتاليا قاتارلى ەۆروپاداعى 26 مەملەكەتكە جونەلتىلەدى. بۇل رەتكى جۇڭگو - ەۆروپا كەزەكشى پويەزىنىڭ جالپى تاسىمال ارالىعى 10 مىڭ 779 كيلومەتر، كەزەكتە ەلىمىزدىڭ تاسىمال ارالىعى ەڭ ۇزاق پوچتالىق جولداما ارناۋلى پويەزى.

  الەمدىك جاڭا تيپتى ايدارشا ۆيرۋس وكپە قابىنۋ ىندەتى ءورشۋىنىڭ ىقپالىنان كوپ ەل حالىقارالىق كەزەكشى ۇشاقتاردى كۇشىنەن قالدىرعاندىقتان، ەكسپورتقا بەلگىلى دارەجەدە ىقپالى ءتيدى. ”گۋاڭدۇڭ - شينجياڭ - ەۆروپا“ جۇڭگو - ەۆروپا كەزەكشى پويەزى پوچتا ارناۋلى پويەزى تاسىمالداۋ جاڭا ارناسىن اشىپ، ىندەت جاعدايىندا حالىقارالىق زات جەتكىزۋ ارناسىنىڭ كەدەرگىگە ۇشىراۋ، حالىقارالىق پوچتا جولدامالارىنىڭ باسىلىپ قالۋ ماسەلەسىن شەشەدى.

  ىندەت تۋىلعاننان بەرى ”چۇڭچيڭ - شينجياڭ - ەۆروپا“، ”ي - ۋ - شينجياڭ - ەۆروپا“ سىندى جۇڭگو - ەۆروپا كەزەكشى پويەزى ”جۇڭگو پوچتا ءنومىرىنىڭ“ 2 جەلىسىندە جيىنى 7 كەزەك پويەز قورعاس شەكارا وتكەلى ارقىلى ىلگەرىندى - كەيىندى شەكارادان ءوتتى. قازىر قورعاس شەكارا وتكەلى ارقىلى كۇنىنە ورتا ەسەپپەن 11 جۇڭگو - ەۆروپا كەزەكشى پويەزى شەكارادان كىرىپ - شىعادى، ەڭ كوپ بولعاندا جەكە كۇندە 17گە جەتەدى، باستىسى، ەڭلىك بۇيىمدار، دايىن اۆتوكولىك، ءدارى - دارمەك، اۆتوموبيل بولشەكتەرىن يمپورت ەتىلەدى، سونىمەن بىرگە كيىم - كەشەك، كۇندەلىكتى تۇتىنۋ بۇيىمدارى، قۇرىلىس ماتەريالدارى سياقتى ونىمدەردى شەتەلدەرگە تولاسسىز جونەلتەدى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • تيانشان جەڭىس تۋنەلىنىڭ قۇرىلىسى قاۋىرت جۇرگىزىلدى
  • چاڭچىڭ ”تيانشان جەلىلەس“ كومپيۋتەرىنىڭ تۇتاس اپپاراتى ءوندىرىس جەلىسىنەن شىقتى
  • ءۇيدىڭ ءىشى - سىرتى شىت جاڭا تۇسكە ەندى
  • كۇش ۇستىنە كۇش قوسىپ، اياق الىستى جەدەلدەتتى
  • سۇيەمەلدەۋ ساياساتى دامۋعا دەم بەردى